Romanos 10
10
1'Ami ỹaqáỹa', let'ádaic da' leenataxac jañi' ỹiquidiaqte qataxa da' ñitamnaxac ñi'me Dios da' ñitameetapeelégue na' Israel lec'oqtepi, qá'a jaỹim sétaaque da' qonec'alaxatéegue. 2Qá'a jaỹim s'axat da' jen'me ỹátaqta sa lec'óxotolec da' lidiáxa da' d'onataxanot ñi' Dios, qaláxasa dójo' lidiáxa sa chiỹaqaỹi ga' 'eesa naatetonaxanaxac. 3Qá'a jen'me sa ỹaỹáten ga' 'éet'ec ga' lasoxoc ñi'me Dios da' ỹiỹamaxaden ga' siỹaxaua. Na'chidáta da' jen'me ỹipaquétapega da' mai'chi 'éetapeec, da' qaidi ỹiỹamaxaden jiñi'me, qaláxasa sa nañaneuó'o jeda'me lasoxoc 'me lapaxañi ñi' Dios. 4Qá'a so' Cristo na'chiso so' loiquiaqa' jen'me naqátaxacpi 'me chiỹoqo'ot josii'chi so' Moisés, qataxa chiỹoqóchiỹi jeso'me da' ỹima jen'me ỹ'amaqten jeso'me, qana'chi ỹiỹamaxaden ñi'me Dios.
5Dójo' 'éeta da' 'uo ga' ỹiỹamaxaden ñi' Dios da' chiỹoqóchiỹi jen' naqátaxacpi, qaláxasa so' Moisés joca'li ỹidíñi, qaa'le 'enaaco': “Ga' siỹaxaua da' ỹipagaqchíchiỹi ỹima jen' naqátaxacpi, jega'me da' l'óiỹaxac chiỹaqaỹi da' ỹí'et ga' 'enaac jen'me.” 6Qataxa da' 'éeta da' 'uo ga' ỹiỹamaxaden ñi' Dios da' chiỹoxotaỹi da' lip'iỹáxac, qaa'le 'eet'oi: “Sa detaxáaue jañi' 'adiquidiaqte da' 'aueet'oi: ¿Jái'chogamaxa ỹañoxot da' taiỹi di' piỹem, qaidi n'iỹílaxachiñi so' Cristo? 7Qataxa sa 'aueet'oi: ¿Jái'chogamaxa ỹañoxot da' ỹic'áchi'ña ga' l'acháqa' jen' nepaqalpi,” da' qaidi n'iỹílaxadiseguem so' Cristo da' chiỹoxotáaue jen' napa'lpi? 8Naqaida jeda'me 'éetrapega naua' nidii's l'aqtaqa ñi'me Dios, 'me 'eet'oi: “Naua' n'aqtaqa ỹátaqta sa qaỹapiỹi 'am da' 'au'axa't qataxa 'au'amaqte'n.” Naqaida da' n'aqtaxanaxac 'me ỹ'axat da' qoỹ'amaqten ñi'me Dios, jeda'me s'axátaqtac. 9Qá'a da' 'au'axat so' Jesús da' naqaiso so' 'adesaliaxanec, qataxa jañi' 'adiquidiaqte ỹ'amaqten da' ñi'me Dios nec'alaxadiséguem jeso'me, qana'chi 'am qonec'alaxatéegue. 10Qá'a jañi' qadiquidiaqte da' ỹátaqta d'amaqténataxan, qana'chi ñi'me Dios qo'mi ỹiỹamaxade'n, qataxa da' s'axátaqtac so' Jesucristo, qana'chi qo'mi qonec'alaxatréegue.
11Qá'a naua' nidii's l'aqtaqa ñi'me Dios 'eet'oi: “Qaỹa 'te ga' 'oonolec jen'me ỹ'amaqtéetac jiñi'me da' 'uootaxa n'aloxootapeela't.” 12Qá'a qaỹa 'te ga' ỹaqá'a ga' lasoxoc qonec'alaxatéegue na' judiopi qataxa jen'me sa judiopi. Qá'a so' qadesaliaxanec naqaiso so' lasoxola' ỹima jen'me, qataxa jeso'me ỹátaqta sa nalóta ga' ỹanem jega'me netaméetapega jeso'me. 13Qá'a 'enapega't naua' nedétrañi, 'eet'oi: “Ỹima jen'me netaméetapega da' lenaxat so' qadesaliaxanec, jen'me qonec'alaxatéegue qomle.” 14Qaláxasa ¿hua'ague ga' 'éeta ga' lasoxoc da' qonetamena jeso'me, da' 'uootaxa sa qoỹ'amaqten? Qataxa ¿hua'ago' ga' 'éeta da' qoỹ'amaqten jeso'me, da' 'uootaxa da' sa qodemachíỹa da' qoỹ'axátetac? Qataxa ¿hua'ago' ga' 'éeta da' qodemachíỹa jeso'me, da' 'uootaxa qaỹa ga' ỹ'axat jega'me n'aqtaguec? 15Qataxa ¿hua'ago' ga' 'éeta da' 'uootaxa 'uo ga' d'aqtaxan, da' 'uootaxa sa namaxasec? Qá'a jeda'me 'enapega't naua' nidii's l'aqtaqa ñi'me Dios, 'eet'oi: “¡Ỹátaqta sa 'ónaxaicolec da' livídaxac jen'me nedot'a't da' n'aqtaxanaxac 'me ỹí'et da' n'emáxac, qataxa ỹ'axátetac da' 'ónaxaic qadipí'ic!”
16Qaláxasa sa 'ena'a't da' qoỹoqo'cha dójo' n'aqtaxanaxac 'me ỹ'axat da' nec'alaxa. Qana'chi ỹipaquíchiỹi da' l'aqtac so' Isaías joca'li 'eet'oi: “'Am ỹasoxola', ¿jái'chogamaxa ỹañoxot da' ỹ'amaqten da' qad'aqtaxanaxac?” ¡Qaỹa! 17Chan'eesa da' nip'iỹáxac chiỹaqaỹi da' quiáxanaxac, qataxa jeda'me qonaquiáxatapega, naqaida da' n'aqtaguec so' Cristo.
18Qaláxasa jaỹim senataxan, seet'oi: ¿Jen'me séetapega sa demachiỹo' dójo' n'aqtaxanaxac? ¡'Ai', sóxote qodemachítapega! Qá'a naua' nidii's l'aqtaqa ñi'me Dios 'eet'oi:
Naua' l'aqtaqa so' n'aqtáxanaxanecpi ỹima jen'me huetalégue jen' 'aléua da' demachíỹa,
qataxa naua' l'aqtaxanaxaco ỹivid'alo ỹiméda naua' loiquiaqa'te jen' 'aléua.
19Qaláxasa s'iỹílaxalégue da' ỹinataxanaxac, seet'oi: ¿Séetapega jen'me Israel lé'ecpi sa ỹaỹáten dójo' n'aqtaxanaxac? 'Ai', ỹaỹáten. Qá'a so' Moisés 'uáichiiñi da' ỹidíñi joca'lio' da' l'aqtac ñi'me Dios, 'me 'eet'oi:
Jaỹim 'ami sanema qomle da' ỹátaqta 'adiquiỹáxachii jega'me siỹaxadipi 'me sa 'ad'acháqadiaxauaipi,
qataxa ỹátaqta 'ami s'euoxonaqte't ỹasouaxat jega'me siỹaxadipi 'me sa ỹiuen da' 'uo ga' ỹaỹáten.
20Ỹim, qataxa so' Isaías ỹátaqta sa lidiỹalégue joca'li ỹidíñi da' l'aqtac ñi'me Dios 'me 'eet'oi:
Jen'me sa jaỹim nimitáaque, qaláxasa naqáina jen'me jaỹim ỹauana,
qataxa ñaloxóna jen'me sa jaỹim denataxanáaque.
21Qataxa joca'li so' Isaías talégue qa'en so' Israel lé'ecpi da' l'aqtac ñi'me Dios, qaláxasa 'eet'oi: “Ỹátaqta ỹima di' nolo' da' jaỹim seỹáxatapega jen'me siỹaxadipi 'me jaỹim sa ỹalaxaguet qataxa jaỹim nep'agué'ne'.”
Currently Selected:
Romanos 10: PLGNT93
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Romanos 10
10
1'Ami ỹaqáỹa', let'ádaic da' leenataxac jañi' ỹiquidiaqte qataxa da' ñitamnaxac ñi'me Dios da' ñitameetapeelégue na' Israel lec'oqtepi, qá'a jaỹim sétaaque da' qonec'alaxatéegue. 2Qá'a jaỹim s'axat da' jen'me ỹátaqta sa lec'óxotolec da' lidiáxa da' d'onataxanot ñi' Dios, qaláxasa dójo' lidiáxa sa chiỹaqaỹi ga' 'eesa naatetonaxanaxac. 3Qá'a jen'me sa ỹaỹáten ga' 'éet'ec ga' lasoxoc ñi'me Dios da' ỹiỹamaxaden ga' siỹaxaua. Na'chidáta da' jen'me ỹipaquétapega da' mai'chi 'éetapeec, da' qaidi ỹiỹamaxaden jiñi'me, qaláxasa sa nañaneuó'o jeda'me lasoxoc 'me lapaxañi ñi' Dios. 4Qá'a so' Cristo na'chiso so' loiquiaqa' jen'me naqátaxacpi 'me chiỹoqo'ot josii'chi so' Moisés, qataxa chiỹoqóchiỹi jeso'me da' ỹima jen'me ỹ'amaqten jeso'me, qana'chi ỹiỹamaxaden ñi'me Dios.
5Dójo' 'éeta da' 'uo ga' ỹiỹamaxaden ñi' Dios da' chiỹoqóchiỹi jen' naqátaxacpi, qaláxasa so' Moisés joca'li ỹidíñi, qaa'le 'enaaco': “Ga' siỹaxaua da' ỹipagaqchíchiỹi ỹima jen' naqátaxacpi, jega'me da' l'óiỹaxac chiỹaqaỹi da' ỹí'et ga' 'enaac jen'me.” 6Qataxa da' 'éeta da' 'uo ga' ỹiỹamaxaden ñi' Dios da' chiỹoxotaỹi da' lip'iỹáxac, qaa'le 'eet'oi: “Sa detaxáaue jañi' 'adiquidiaqte da' 'aueet'oi: ¿Jái'chogamaxa ỹañoxot da' taiỹi di' piỹem, qaidi n'iỹílaxachiñi so' Cristo? 7Qataxa sa 'aueet'oi: ¿Jái'chogamaxa ỹañoxot da' ỹic'áchi'ña ga' l'acháqa' jen' nepaqalpi,” da' qaidi n'iỹílaxadiseguem so' Cristo da' chiỹoxotáaue jen' napa'lpi? 8Naqaida jeda'me 'éetrapega naua' nidii's l'aqtaqa ñi'me Dios, 'me 'eet'oi: “Naua' n'aqtaqa ỹátaqta sa qaỹapiỹi 'am da' 'au'axa't qataxa 'au'amaqte'n.” Naqaida da' n'aqtaxanaxac 'me ỹ'axat da' qoỹ'amaqten ñi'me Dios, jeda'me s'axátaqtac. 9Qá'a da' 'au'axat so' Jesús da' naqaiso so' 'adesaliaxanec, qataxa jañi' 'adiquidiaqte ỹ'amaqten da' ñi'me Dios nec'alaxadiséguem jeso'me, qana'chi 'am qonec'alaxatéegue. 10Qá'a jañi' qadiquidiaqte da' ỹátaqta d'amaqténataxan, qana'chi ñi'me Dios qo'mi ỹiỹamaxade'n, qataxa da' s'axátaqtac so' Jesucristo, qana'chi qo'mi qonec'alaxatréegue.
11Qá'a naua' nidii's l'aqtaqa ñi'me Dios 'eet'oi: “Qaỹa 'te ga' 'oonolec jen'me ỹ'amaqtéetac jiñi'me da' 'uootaxa n'aloxootapeela't.” 12Qá'a qaỹa 'te ga' ỹaqá'a ga' lasoxoc qonec'alaxatéegue na' judiopi qataxa jen'me sa judiopi. Qá'a so' qadesaliaxanec naqaiso so' lasoxola' ỹima jen'me, qataxa jeso'me ỹátaqta sa nalóta ga' ỹanem jega'me netaméetapega jeso'me. 13Qá'a 'enapega't naua' nedétrañi, 'eet'oi: “Ỹima jen'me netaméetapega da' lenaxat so' qadesaliaxanec, jen'me qonec'alaxatéegue qomle.” 14Qaláxasa ¿hua'ague ga' 'éeta ga' lasoxoc da' qonetamena jeso'me, da' 'uootaxa sa qoỹ'amaqten? Qataxa ¿hua'ago' ga' 'éeta da' qoỹ'amaqten jeso'me, da' 'uootaxa da' sa qodemachíỹa da' qoỹ'axátetac? Qataxa ¿hua'ago' ga' 'éeta da' qodemachíỹa jeso'me, da' 'uootaxa qaỹa ga' ỹ'axat jega'me n'aqtaguec? 15Qataxa ¿hua'ago' ga' 'éeta da' 'uootaxa 'uo ga' d'aqtaxan, da' 'uootaxa sa namaxasec? Qá'a jeda'me 'enapega't naua' nidii's l'aqtaqa ñi'me Dios, 'eet'oi: “¡Ỹátaqta sa 'ónaxaicolec da' livídaxac jen'me nedot'a't da' n'aqtaxanaxac 'me ỹí'et da' n'emáxac, qataxa ỹ'axátetac da' 'ónaxaic qadipí'ic!”
16Qaláxasa sa 'ena'a't da' qoỹoqo'cha dójo' n'aqtaxanaxac 'me ỹ'axat da' nec'alaxa. Qana'chi ỹipaquíchiỹi da' l'aqtac so' Isaías joca'li 'eet'oi: “'Am ỹasoxola', ¿jái'chogamaxa ỹañoxot da' ỹ'amaqten da' qad'aqtaxanaxac?” ¡Qaỹa! 17Chan'eesa da' nip'iỹáxac chiỹaqaỹi da' quiáxanaxac, qataxa jeda'me qonaquiáxatapega, naqaida da' n'aqtaguec so' Cristo.
18Qaláxasa jaỹim senataxan, seet'oi: ¿Jen'me séetapega sa demachiỹo' dójo' n'aqtaxanaxac? ¡'Ai', sóxote qodemachítapega! Qá'a naua' nidii's l'aqtaqa ñi'me Dios 'eet'oi:
Naua' l'aqtaqa so' n'aqtáxanaxanecpi ỹima jen'me huetalégue jen' 'aléua da' demachíỹa,
qataxa naua' l'aqtaxanaxaco ỹivid'alo ỹiméda naua' loiquiaqa'te jen' 'aléua.
19Qaláxasa s'iỹílaxalégue da' ỹinataxanaxac, seet'oi: ¿Séetapega jen'me Israel lé'ecpi sa ỹaỹáten dójo' n'aqtaxanaxac? 'Ai', ỹaỹáten. Qá'a so' Moisés 'uáichiiñi da' ỹidíñi joca'lio' da' l'aqtac ñi'me Dios, 'me 'eet'oi:
Jaỹim 'ami sanema qomle da' ỹátaqta 'adiquiỹáxachii jega'me siỹaxadipi 'me sa 'ad'acháqadiaxauaipi,
qataxa ỹátaqta 'ami s'euoxonaqte't ỹasouaxat jega'me siỹaxadipi 'me sa ỹiuen da' 'uo ga' ỹaỹáten.
20Ỹim, qataxa so' Isaías ỹátaqta sa lidiỹalégue joca'li ỹidíñi da' l'aqtac ñi'me Dios 'me 'eet'oi:
Jen'me sa jaỹim nimitáaque, qaláxasa naqáina jen'me jaỹim ỹauana,
qataxa ñaloxóna jen'me sa jaỹim denataxanáaque.
21Qataxa joca'li so' Isaías talégue qa'en so' Israel lé'ecpi da' l'aqtac ñi'me Dios, qaláxasa 'eet'oi: “Ỹátaqta ỹima di' nolo' da' jaỹim seỹáxatapega jen'me siỹaxadipi 'me jaỹim sa ỹalaxaguet qataxa jaỹim nep'agué'ne'.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.