Romanos 11
11
Jen'me Israel lec'oqtepi 'uo jen' qonec'alaxatéegue
1Chan'eesa naỹi jaỹim senataxan, seet'oi: ¿Ñi' Dios séetapega ỹamaxáiỹi jen' Israel lec'oqtepi 'me mai'chi lalémaxasetpi? ¡'Ai', sa naq'áita! Qá'a jaỹim nataq'en jaỹim Israel lé'ec, jaỹim l'acháqa' lé'ec so' Abraham, qataxa sachíỹaqaaue jen' lec'oqtepi so' laual Benjamín. 2Qá'a chi'ena joca'li ñi' Dios da' liquiỹac jen' Israel lé'ecpi da' ỹa'uo lalémaxasetpi. Chan'eesa naỹi sa ỹamaxáiỹi. Ỹátaqta da' 'ami ma'le 'auaỹáchiñii jeda'me 'enapega't naua' nidii's l'aqtaqa ñi' Dios joca'li ỹ'axat so' l'aqtáxanaxanec Elías joca'li jeso'me netameetapecot jiñi'me, qana'chi ỹa'uo da' ỹasaxalégue na' Israel lé'ecpi, 'eet'oi: 3“'Am ỹasoxola', ỹima so' 'ad'aqtáxanaxanecpi qoỹalaat, qataxa qonoláxachiñi jen'me huápi'ñapi da' 'am qonetamenot, na'chaỹimetolec da' saqpiỹáñi, nataq'en sétaaque da' jaỹim qoỹalaat.” 4Qaláxasa jiñi'me Dios 'enaaco': “Jaỹim seỹotái'ỹa di' siete mil siỹaxadipi 'me sa ỹisocoto naua' liliictel jen'me netameetapecotpi jiñi'me niquí'i lenaxat Baal.” 5Naqaida da' 'éeta naỹi da' 'uo jen' qapiỹáñi jen'me da' chiỹaqaỹi da' lichoxodénataxanaxac ñi'me Dios da' liquiỹacpi. 6Chan'eesa da' 'uootaxa naqaida da' lichoxodénataxanaxac ñi'me Dios da' chiỹoxotaỹi jen'me, qana'chi sa naqaida ñi' 'oonolec da' mai'chi chiỹoxotaỹi jega'me l'onataxanaxac. Qá'a da' 'uootaxa naq'áita dójo', qana'chi da' lichoxodénataxanaxac ñi'me Dios, sa nichoxodénataxanaxac.
7¿Jái'chogamaxa hua'ague ga' 'éeta? Qá'a jen'me Israel lé'ecpi sa ỹauana jega'me nimitétaaque, qaláxasa jen'me liquiỹacpi ñi'me Dios qaa'le ỹañoxot da' ỹauana. Jega'me laỹi, qaa'le n'on'aguet da' ỹátaqta ta nedámchiỹi. 8Qana'chi ỹipaquichiilo da' 'enapega't naua' nidii's n'aqtaqa 'eet'oi: “Ñi' Dios ỹí'et jen'me da' ỹátaqta qaỹa 'te ga' nomeguet, qá'a ỹanem da' sa nauáañi, qataxa sa demachíỹaac. Naqaida da' 'éeta jen'me, cha ỹivíde'ta naỹi.” 9So' net'a David nataq'en 'eet'oi:
'Ónaxaic toqo' qomle da' let'ádaic liqui'ỹáxac jen'me da' ỹi'quemáxam, 'ená'am jaga' néna qataxa ga' 'uáanaxanaxat,
da' qaidi chiỹaqsee'mot qataxa qoỹa'uo ga' ne'uaxánaguec.
10Qataxa 'ónaxaic toqo' qomle da' qoỹin qana'mi naua' l'ai'te, qaidi sa nauáañi,
qataxa 'ónaxaic toqo' qomle da' na'chi 'eeta't jen' lecap da' sa ỹañoxot da' ỹachimaxañi.
Da' 'éeta da' lec'alaxa jen'me sa judiopi
11Chan'eesa 'uo da' ỹinataxanaxac, seet'oi: ¿Séetapega naỹi da' sega'me polégaxan na' judiopi, qana'chi ỹátaqta ỹima da' daqat? ¡'Ai', sa naq'áita! Qá'a dójo' 'éeta da' sa ỹalaq na' judiopi, naqaida da' ỹí'et da' tadeeto' 'uo da' lec'alaxa jen'me sa judiopi, qaidi jen'me Israel lé'ecpi n'añaxatéta da' ỹilolégue jen'me. 12Chan'eesa dójo' lasouaxac na' judiopi da' ỹ'éte'uo da' nichoxodenataguec ỹima jen' siỹaxadipi 'me huetalégue jen' 'aléua, qataxa da' qosíỹaaỹi da' 'uootaxa ỹ'éte'uo da' nichoxodenataguec jen'me sa judiopi, qana'chi ¡táalia'chi toqo' da' sa ỹágueegue ga' nichoxodenataguec jen'me, qomle ỹivíta ga' nolo' da' ỹitaxa ỹinoxoneuo!
13Qaláxasa jaỹim 'uo da' ỹ'aqtac 'ami tachiilo 'me sa 'ami judío lase'. Qá'a ñi'me Dios jaỹim ỹamaxalégue jen'me sa judiopi, chan'eesa jaỹim ỹátaqta si'ỹoxoden da' ỹ'onataxanaxac. 14Qá'a jaỹim sétaaque da' qaidi na' mai'chi ỹalémaxaset ỹaỹi da' 'uo ga' lidiáxa da' 'ami dasolóo'te, qaidi jen'me qonec'alaxatéegue. 15Qá'a dójo' 'éeta na' judiopi da' qoỹamaxáiỹi, qana'chi chiỹoqóchiỹi da' ỹima jen'me siỹaxadipi 'me huetalégue jen' 'aléua ỹañoxot da' nemá'ne' ñi'me Dios, ¿táalia'chi toqo' da' sa ỹágueegue qomle ỹivíta da' qoỹaconguet jen'me judiopi? Ỹátaqta 'ená'am ga' sóxote ỹileu, qalqaiga qonec'alaxadiséguem. 16Qá'a jaga' 'uáichiiñi pan 'me chiỹaqaỹi ga' nonáñiisec da' ma'le sóxote da' qoỹanot ñi'me Dios, qana'chi nataq'en ỹima jega'me nonáñiisec lalémaxaset jiñi'me. Qataxa jega'me lepata' jaga' 'epaq, da' ma'le sóxote da' qoỹanot ñi'me Dios, qana'chi nataq'en ỹima jan' lepeepi ỹima da' lalémaxasete jiñi'me.
17'Uo jen'me judiopi 'me lepee jaso'me nañiise lenaxat 'olívo 'me qoỹiquesoxóiỹi. So'me chiỹoqóchii'ña, qana'chi noleleuó'o qoỹin 'am 'me 'auená'am jaga' lepee jaga' 'olívo 'me 'chi nasee'mdi. Huá'a, qana'chi 'am 'aneuána'uo so' lepata' qataxa da' lec'alaxa jaso'me 'olívo 'me nañiise. 18Qaláxasa 'am sa 'anapacapeelégue qomle jan'me ỹátaqta lepeepi 'me qoỹiquesoxóiỹi. Qá'a da' 'auéetapecogamaxa da' 'am ỹ'oxodaq, qaláxasa 'aueenatét'a qomle da' sa na'chi'am 'me 'au'añaqtet so' lepata', qá'a so' lepata' 'me naqaiso so' 'am ỹ'añaqtet.
19'Uootaxa da' 'aueet'oi: “Já'a, qaláxasa jan'me lepeepi qoỹiquesoxóiỹi, qaidi jaỹim noleleuó'o qoỹin jaso' nañiise 'olívo.” 20Jeda'me ỹiỹamqáchiiñi. Qaláxasa jen'me judiopi qoỹiquesoxóiỹi, qá'a qaỹa 'te ga' lip'iỹáxac. Qana'chi 'am 'uo di' 'adedáqa', qá'a ỹasouaxat da' 'uo da' 'adip'iỹáxac. Chan'eesa sa 'an'amaqten qomle. Na'chidáta da' ỹátaqta 'anteláñi. 21Qá'a ñi'me Dios da' ỹátaqta sa ỹichoxodenalégue joca'lio' da' naqat jaso'me lepee jaso' 'epaq, nataq'en 'am sa 'am ỹichoxodenalégue. 22Ỹa 'aulá'a da' ỹátaqta choxodénataxanaxaic ñi'me Dios, qaláxasa nataq'en ỹátaqta qaỹa 'te lamaic. Jiñi'me ỹátaqta sa ỹichoxodenalégue jen'me 'uo joca'li ga' huasoilégue, qaláxasa 'am qaa'le jiñi'me ỹátaqta 'am ỹichoxoden. Qaláxasa ỹiuen da' 'am na'chi 'eeta't da' 'oquetelégue dójo' lichoxodénataxanaxac. Qá'a qomle sa 'aué'et, qana'chi nataq'en 'am qoỹiquesoxóiỹi. 23Qana'chi naq'áita nataq'en na' judiopi da' 'uootaxa v'iỹílaxalégue da' d'amaqténataxan, qana'chi jen'me ỹitaxa noleleuó'o qoỹin. Qá'a ñi'me Dios sa ỹaqalánaac da' ỹ'iỹílaxateuo da' noleleuó'o qa'en. 24Qá'a 'am 'me sa 'am 'te judío lé'ec, 'auená'am jaga' qoỹiquesoxóiỹi lepee jaga' 'olívo 'me 'chi nasee'mdi, qana'chi 'am noleleuó'o qoỹin jaso' 'olívo 'me nañiise, qalqaiga ¡táalia'chi toqo' da' sa naq'áita qomle na' judiopi da' qoỹ'iỹílaxate'uo jaso'me chiỹoqóte'uo nañiise 'olívo! Qá'a jen'me mai'chi lepee joca'li jaso'me.
Da' 'éeta da' lec'alaxa jen' Israel lé'ecpi
25Chan'eesa 'ami ỹaqáỹa', jaỹim sétaaque da' 'auaỹáchiñii dójo' sa di'ỹoq lasoxoc 'me 'éetapeec ñi'me Dios, qaidi 'ami sa 'aviñíitapega da' 'ami ỹátenaxanaxaiqa. Qá'a 'uo jen'me Israel lec'oqtepi 'me ỹátaqta sa nedámchiỹi, qaláxasa dito qomle ỹivíta ga' lalóqo' da' nalot'a't jen' sa Israel lé'ecpi da' ỹinoxoneuo. 26Qomle sóxote ỹim, qana'chi ỹima jen'me Israel lec'oqtepi qonec'alaxatéegue, qá'a naua' nidii's l'aqtaqa ñi'me Dios 'enaaco':
Chiỹoqóchii'ña qomle di' noic Sión jega'me ỹañoxot da' nesola't qa'en jen'me lec'oqtepi so' Jacob,
qataxa naqat qomle da' l'aláỹaxac.
27Naqaida qomle da' lasoxoc jeda'me ñiỹamaxataxac 'me sanem jen'me,
qomle ỹivíta da' ñaqat jen' loicpi.
28Qá'a na'me judiopi sa ỹaconguet joca'li da' n'aqtaxanaxac 'me chiỹaqaỹi da' nec'alaxa, chan'eesa 'ená'am qoỹin da' nep'agué'ne' ñi'me Dios, da' qaidi 'uo di' 'adedáqadii 'ami. Qaláxasa ñi'me Dios taqadíta da' ỹauotec jen'me, qá'a liquiỹac jeso'me huá'au let'alpi. 29Qá'a ga'me ma'le ỹan ñi' Dios, qaláxasa sa dootáxanec, qataxa sa n'iỹílaxatela't da' liỹáxanaxac. 30Qá'a 'ami joca'li sa 'aualaqaiỹet ñi'me Dios, qaláxasa naỹi jen' judiopi da' sa ỹalaq, qana'chi ñi'me Dios 'uo da' lichoxodénataxanaxac da' 'oñíita. 31Qana'chi 'ená'am da' naq'áita naỹi jen'me da' sa ỹalaq, qana'chi ñi'me Dios da' ỹitaxa 'uo da' lichoxodénataxanaxac jen'me, da' 'ená'am qa'en da' 'éeta naỹi da' 'oñíita. 32Qá'a ñi'me Dios ỹ'étec da' lecointáisecpi ỹima jen' siỹaxadipi da' loic, da' qaidi jiñi'me ỹimata da' 'uo da' lichoxodénataxanaxac ỹima jen'me.
33¡Ỹátaqta sa dalaỹá'a da' lichoxodénataxanaxac ñi'me Dios, qataxa da' laỹátenaxanaxac, qataxa da' laatetonaxanaxac! Ỹátaqta sa saỹátenaq da' s'axátaxaguelo naua' 'éetapeeque qataxa naua' ladíco. 34Qá'a “¿jái'chogamaxa ỹañoxot da' ỹaỹáte'n naua' leenataxaco ñi' qadasoxola' Dios? Qataxa ¿jái'chogamaxa ỹañoxot da' ỹapaxaguen jiñi'me? 35Qataxa ¿jái'chogamaxa ỹañoxot da' 'uáiñi da' ỹa'uo ga' ỹanem ñi' qadasoxola', qaidi jiñi'me ỹañoxot da' ỹ'iỹílaxateguet jega'me da' ỹa'uo ga' ỹanem?” 36Qá'a ỹima jen'me huetalquéna chiỹoqo'ot ñi'me Dios, ỹima l'onatacpi jiñi'me, qataxa mai'chi lalémaxasetpi. Chan'eesa ¡na'chi 'eeta't da' si'ỹoxodénaqtac jiñi'me Dios! Já'a, na'chi naq'áita dójo'.
Currently Selected:
Romanos 11: PLGNT93
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Romanos 11
11
Jen'me Israel lec'oqtepi 'uo jen' qonec'alaxatéegue
1Chan'eesa naỹi jaỹim senataxan, seet'oi: ¿Ñi' Dios séetapega ỹamaxáiỹi jen' Israel lec'oqtepi 'me mai'chi lalémaxasetpi? ¡'Ai', sa naq'áita! Qá'a jaỹim nataq'en jaỹim Israel lé'ec, jaỹim l'acháqa' lé'ec so' Abraham, qataxa sachíỹaqaaue jen' lec'oqtepi so' laual Benjamín. 2Qá'a chi'ena joca'li ñi' Dios da' liquiỹac jen' Israel lé'ecpi da' ỹa'uo lalémaxasetpi. Chan'eesa naỹi sa ỹamaxáiỹi. Ỹátaqta da' 'ami ma'le 'auaỹáchiñii jeda'me 'enapega't naua' nidii's l'aqtaqa ñi' Dios joca'li ỹ'axat so' l'aqtáxanaxanec Elías joca'li jeso'me netameetapecot jiñi'me, qana'chi ỹa'uo da' ỹasaxalégue na' Israel lé'ecpi, 'eet'oi: 3“'Am ỹasoxola', ỹima so' 'ad'aqtáxanaxanecpi qoỹalaat, qataxa qonoláxachiñi jen'me huápi'ñapi da' 'am qonetamenot, na'chaỹimetolec da' saqpiỹáñi, nataq'en sétaaque da' jaỹim qoỹalaat.” 4Qaláxasa jiñi'me Dios 'enaaco': “Jaỹim seỹotái'ỹa di' siete mil siỹaxadipi 'me sa ỹisocoto naua' liliictel jen'me netameetapecotpi jiñi'me niquí'i lenaxat Baal.” 5Naqaida da' 'éeta naỹi da' 'uo jen' qapiỹáñi jen'me da' chiỹaqaỹi da' lichoxodénataxanaxac ñi'me Dios da' liquiỹacpi. 6Chan'eesa da' 'uootaxa naqaida da' lichoxodénataxanaxac ñi'me Dios da' chiỹoxotaỹi jen'me, qana'chi sa naqaida ñi' 'oonolec da' mai'chi chiỹoxotaỹi jega'me l'onataxanaxac. Qá'a da' 'uootaxa naq'áita dójo', qana'chi da' lichoxodénataxanaxac ñi'me Dios, sa nichoxodénataxanaxac.
7¿Jái'chogamaxa hua'ague ga' 'éeta? Qá'a jen'me Israel lé'ecpi sa ỹauana jega'me nimitétaaque, qaláxasa jen'me liquiỹacpi ñi'me Dios qaa'le ỹañoxot da' ỹauana. Jega'me laỹi, qaa'le n'on'aguet da' ỹátaqta ta nedámchiỹi. 8Qana'chi ỹipaquichiilo da' 'enapega't naua' nidii's n'aqtaqa 'eet'oi: “Ñi' Dios ỹí'et jen'me da' ỹátaqta qaỹa 'te ga' nomeguet, qá'a ỹanem da' sa nauáañi, qataxa sa demachíỹaac. Naqaida da' 'éeta jen'me, cha ỹivíde'ta naỹi.” 9So' net'a David nataq'en 'eet'oi:
'Ónaxaic toqo' qomle da' let'ádaic liqui'ỹáxac jen'me da' ỹi'quemáxam, 'ená'am jaga' néna qataxa ga' 'uáanaxanaxat,
da' qaidi chiỹaqsee'mot qataxa qoỹa'uo ga' ne'uaxánaguec.
10Qataxa 'ónaxaic toqo' qomle da' qoỹin qana'mi naua' l'ai'te, qaidi sa nauáañi,
qataxa 'ónaxaic toqo' qomle da' na'chi 'eeta't jen' lecap da' sa ỹañoxot da' ỹachimaxañi.
Da' 'éeta da' lec'alaxa jen'me sa judiopi
11Chan'eesa 'uo da' ỹinataxanaxac, seet'oi: ¿Séetapega naỹi da' sega'me polégaxan na' judiopi, qana'chi ỹátaqta ỹima da' daqat? ¡'Ai', sa naq'áita! Qá'a dójo' 'éeta da' sa ỹalaq na' judiopi, naqaida da' ỹí'et da' tadeeto' 'uo da' lec'alaxa jen'me sa judiopi, qaidi jen'me Israel lé'ecpi n'añaxatéta da' ỹilolégue jen'me. 12Chan'eesa dójo' lasouaxac na' judiopi da' ỹ'éte'uo da' nichoxodenataguec ỹima jen' siỹaxadipi 'me huetalégue jen' 'aléua, qataxa da' qosíỹaaỹi da' 'uootaxa ỹ'éte'uo da' nichoxodenataguec jen'me sa judiopi, qana'chi ¡táalia'chi toqo' da' sa ỹágueegue ga' nichoxodenataguec jen'me, qomle ỹivíta ga' nolo' da' ỹitaxa ỹinoxoneuo!
13Qaláxasa jaỹim 'uo da' ỹ'aqtac 'ami tachiilo 'me sa 'ami judío lase'. Qá'a ñi'me Dios jaỹim ỹamaxalégue jen'me sa judiopi, chan'eesa jaỹim ỹátaqta si'ỹoxoden da' ỹ'onataxanaxac. 14Qá'a jaỹim sétaaque da' qaidi na' mai'chi ỹalémaxaset ỹaỹi da' 'uo ga' lidiáxa da' 'ami dasolóo'te, qaidi jen'me qonec'alaxatéegue. 15Qá'a dójo' 'éeta na' judiopi da' qoỹamaxáiỹi, qana'chi chiỹoqóchiỹi da' ỹima jen'me siỹaxadipi 'me huetalégue jen' 'aléua ỹañoxot da' nemá'ne' ñi'me Dios, ¿táalia'chi toqo' da' sa ỹágueegue qomle ỹivíta da' qoỹaconguet jen'me judiopi? Ỹátaqta 'ená'am ga' sóxote ỹileu, qalqaiga qonec'alaxadiséguem. 16Qá'a jaga' 'uáichiiñi pan 'me chiỹaqaỹi ga' nonáñiisec da' ma'le sóxote da' qoỹanot ñi'me Dios, qana'chi nataq'en ỹima jega'me nonáñiisec lalémaxaset jiñi'me. Qataxa jega'me lepata' jaga' 'epaq, da' ma'le sóxote da' qoỹanot ñi'me Dios, qana'chi nataq'en ỹima jan' lepeepi ỹima da' lalémaxasete jiñi'me.
17'Uo jen'me judiopi 'me lepee jaso'me nañiise lenaxat 'olívo 'me qoỹiquesoxóiỹi. So'me chiỹoqóchii'ña, qana'chi noleleuó'o qoỹin 'am 'me 'auená'am jaga' lepee jaga' 'olívo 'me 'chi nasee'mdi. Huá'a, qana'chi 'am 'aneuána'uo so' lepata' qataxa da' lec'alaxa jaso'me 'olívo 'me nañiise. 18Qaláxasa 'am sa 'anapacapeelégue qomle jan'me ỹátaqta lepeepi 'me qoỹiquesoxóiỹi. Qá'a da' 'auéetapecogamaxa da' 'am ỹ'oxodaq, qaláxasa 'aueenatét'a qomle da' sa na'chi'am 'me 'au'añaqtet so' lepata', qá'a so' lepata' 'me naqaiso so' 'am ỹ'añaqtet.
19'Uootaxa da' 'aueet'oi: “Já'a, qaláxasa jan'me lepeepi qoỹiquesoxóiỹi, qaidi jaỹim noleleuó'o qoỹin jaso' nañiise 'olívo.” 20Jeda'me ỹiỹamqáchiiñi. Qaláxasa jen'me judiopi qoỹiquesoxóiỹi, qá'a qaỹa 'te ga' lip'iỹáxac. Qana'chi 'am 'uo di' 'adedáqa', qá'a ỹasouaxat da' 'uo da' 'adip'iỹáxac. Chan'eesa sa 'an'amaqten qomle. Na'chidáta da' ỹátaqta 'anteláñi. 21Qá'a ñi'me Dios da' ỹátaqta sa ỹichoxodenalégue joca'lio' da' naqat jaso'me lepee jaso' 'epaq, nataq'en 'am sa 'am ỹichoxodenalégue. 22Ỹa 'aulá'a da' ỹátaqta choxodénataxanaxaic ñi'me Dios, qaláxasa nataq'en ỹátaqta qaỹa 'te lamaic. Jiñi'me ỹátaqta sa ỹichoxodenalégue jen'me 'uo joca'li ga' huasoilégue, qaláxasa 'am qaa'le jiñi'me ỹátaqta 'am ỹichoxoden. Qaláxasa ỹiuen da' 'am na'chi 'eeta't da' 'oquetelégue dójo' lichoxodénataxanaxac. Qá'a qomle sa 'aué'et, qana'chi nataq'en 'am qoỹiquesoxóiỹi. 23Qana'chi naq'áita nataq'en na' judiopi da' 'uootaxa v'iỹílaxalégue da' d'amaqténataxan, qana'chi jen'me ỹitaxa noleleuó'o qoỹin. Qá'a ñi'me Dios sa ỹaqalánaac da' ỹ'iỹílaxateuo da' noleleuó'o qa'en. 24Qá'a 'am 'me sa 'am 'te judío lé'ec, 'auená'am jaga' qoỹiquesoxóiỹi lepee jaga' 'olívo 'me 'chi nasee'mdi, qana'chi 'am noleleuó'o qoỹin jaso' 'olívo 'me nañiise, qalqaiga ¡táalia'chi toqo' da' sa naq'áita qomle na' judiopi da' qoỹ'iỹílaxate'uo jaso'me chiỹoqóte'uo nañiise 'olívo! Qá'a jen'me mai'chi lepee joca'li jaso'me.
Da' 'éeta da' lec'alaxa jen' Israel lé'ecpi
25Chan'eesa 'ami ỹaqáỹa', jaỹim sétaaque da' 'auaỹáchiñii dójo' sa di'ỹoq lasoxoc 'me 'éetapeec ñi'me Dios, qaidi 'ami sa 'aviñíitapega da' 'ami ỹátenaxanaxaiqa. Qá'a 'uo jen'me Israel lec'oqtepi 'me ỹátaqta sa nedámchiỹi, qaláxasa dito qomle ỹivíta ga' lalóqo' da' nalot'a't jen' sa Israel lé'ecpi da' ỹinoxoneuo. 26Qomle sóxote ỹim, qana'chi ỹima jen'me Israel lec'oqtepi qonec'alaxatéegue, qá'a naua' nidii's l'aqtaqa ñi'me Dios 'enaaco':
Chiỹoqóchii'ña qomle di' noic Sión jega'me ỹañoxot da' nesola't qa'en jen'me lec'oqtepi so' Jacob,
qataxa naqat qomle da' l'aláỹaxac.
27Naqaida qomle da' lasoxoc jeda'me ñiỹamaxataxac 'me sanem jen'me,
qomle ỹivíta da' ñaqat jen' loicpi.
28Qá'a na'me judiopi sa ỹaconguet joca'li da' n'aqtaxanaxac 'me chiỹaqaỹi da' nec'alaxa, chan'eesa 'ená'am qoỹin da' nep'agué'ne' ñi'me Dios, da' qaidi 'uo di' 'adedáqadii 'ami. Qaláxasa ñi'me Dios taqadíta da' ỹauotec jen'me, qá'a liquiỹac jeso'me huá'au let'alpi. 29Qá'a ga'me ma'le ỹan ñi' Dios, qaláxasa sa dootáxanec, qataxa sa n'iỹílaxatela't da' liỹáxanaxac. 30Qá'a 'ami joca'li sa 'aualaqaiỹet ñi'me Dios, qaláxasa naỹi jen' judiopi da' sa ỹalaq, qana'chi ñi'me Dios 'uo da' lichoxodénataxanaxac da' 'oñíita. 31Qana'chi 'ená'am da' naq'áita naỹi jen'me da' sa ỹalaq, qana'chi ñi'me Dios da' ỹitaxa 'uo da' lichoxodénataxanaxac jen'me, da' 'ená'am qa'en da' 'éeta naỹi da' 'oñíita. 32Qá'a ñi'me Dios ỹ'étec da' lecointáisecpi ỹima jen' siỹaxadipi da' loic, da' qaidi jiñi'me ỹimata da' 'uo da' lichoxodénataxanaxac ỹima jen'me.
33¡Ỹátaqta sa dalaỹá'a da' lichoxodénataxanaxac ñi'me Dios, qataxa da' laỹátenaxanaxac, qataxa da' laatetonaxanaxac! Ỹátaqta sa saỹátenaq da' s'axátaxaguelo naua' 'éetapeeque qataxa naua' ladíco. 34Qá'a “¿jái'chogamaxa ỹañoxot da' ỹaỹáte'n naua' leenataxaco ñi' qadasoxola' Dios? Qataxa ¿jái'chogamaxa ỹañoxot da' ỹapaxaguen jiñi'me? 35Qataxa ¿jái'chogamaxa ỹañoxot da' 'uáiñi da' ỹa'uo ga' ỹanem ñi' qadasoxola', qaidi jiñi'me ỹañoxot da' ỹ'iỹílaxateguet jega'me da' ỹa'uo ga' ỹanem?” 36Qá'a ỹima jen'me huetalquéna chiỹoqo'ot ñi'me Dios, ỹima l'onatacpi jiñi'me, qataxa mai'chi lalémaxasetpi. Chan'eesa ¡na'chi 'eeta't da' si'ỹoxodénaqtac jiñi'me Dios! Já'a, na'chi naq'áita dójo'.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.