Romanos 12
12
Da' naq'áita da' n'óiỹaxac da' qoỹanot ñi'me Dios
1Chan'eesa 'ami ỹaqai'ỹolqa, ỹasouaxat da' sa nalóta lichoxodénataxanaxac ñi'me Dios, chan'eesa 'ami ñachoxodeetoovlo da' ỹátaqta ỹimo'ot qomle da' 'ad'óiỹaxaquii da' 'auañiiỹot ñi'me Dios. 'Oñíit'em 'aviñii jaga' nachítaqtaxanaqte 'me ỹátaqta nec'alétaiỹi, qaidi 'ami leuótete' da' 'au'onataxañiỹot ñi'me Dios, qataxa da' 'ami ỹiỹamaxadéete' jiñi'me. Naqaida qomle da' 'éeta da' li'ỹoxodenataxanaxac jañi' 'adiquidiaqchii. 2Qaláxasa sa 'oquíỹiỹi qomle da' ladic jen' n'onataguecpi 'me l'achaqa'éna. Na'chidáta da' 'anadálaxachii' qomle naua' 'adeenataxacódii', qaidi qonadálaxat ỹima da' 'ad'óiỹaxaquii, qataxa qaidi ỹátaqta 'auaỹáchiñii ga' 'éetapeec ñi'me Dios: 'me ỹiỹamqáchiiñi, qataxa ga' ỹiỹamaxadéeta jiñi'me, qataxa jega'me nalóchiiñi.
3Qá'a ñi'me Dios jaỹim ỹichoxoden da' jaỹim ỹanem dójo' ỹ'onataxanaxac. Chan'eesa 'ami senapegalo da' 'ademíỹa da' 'oñíita 'ena't qomle da' 'uo ga' ỹi'ỹoxodéetac ga' leenataxac da' nelotapeela't. Na'chidáta qomle da' ñi' 'oonolec ỹátaqta nelóteegue da' hueenatétac, qataxa ỹilot'eguet jega'me nalóta'uo da' lip'iỹáxac, 'me ỹanem ñi'me Dios. 4Qá'a dójo' 'éeta da' qad'óiỹaxac da' ỹátaqta jalcote jen' loxosetpi, qaláxasa sa ỹima jen'me da' 'oonolec ga' l'onataxanaxac. 5Qana'chi naq'áita nataq'en qo'mi, temaqaidi da' ỹátaqta qo'mi jalcote, qaláxasa 'oonolec da' qadó'oquiaxac da' soqotaqáta'uo so' Cristo. Qataxa ñi' 'oonolec da' qo'mi ỹátaqta nasélt'ai' ga' laqáỹa, 'ená'am taa'le 'oonolec ga' nó'oquiaxac.
6Qá'a ñi'me Dios mai'chi chiỹoqóchiỹi da' qo'mi ỹanema jen' ỹodapecachi lesetaxanaxatpi. Chan'eesa ỹátaqta sepagaqtenaqáchiỹi da' 'éeta ga' qo'mi ỹanema. Da' ñi'me Dios qo'mi ỹanema da' s'axáta' naua' l'aqtaqa, qana'chi s'éta', qaláxasa jega'me nalóta'uo da' qadip'iỹáxac. 7Da' 'uo ga' qoỹanem da' neuálaxai'ne' ga' laỹi 'amaqténataxanaxaicpi, qana'chi ỹí'et. Qataxa ga' táte'uo da' dapaxaguenataxan qoỹin, qana'chi naqaiga huelégue da' ỹí'et. 8Jega'me táte'uo ga' ỹaỹáten da' ỹ'añaqtet ga' laqáỹa, qana'chi huelégue da' ỹí'et. Ga' d'ágaxanataxan, 'ena't qomle da' 'uo ga' 'chi naquitétaaque. Ga' táte'uo ga' nasoxola', ỹátaqta ỹilot'egue qomle da' l'onataxanaxac. Ga' táte'uo da' lecochiỹa da' louénaxanaxa ga' laqáỹa, qaláxasa na'chidáta qomle da' lamaic.
Da' l'onataxanaxac jen' 'amaqténataxanaxaicpi
9Ỹátaqta 'eesa qomle da' 'adesóxodiquii ñi' 'oonolec da' ỹauotec ga' laqáỹa. Qataxa ỹátaqta sa 'aueuochíñiỹet qomle ga' sa nó'in, qataxa 'oquiit'egue ga' ỹiỹamqáchiiñi. 10Ñi' 'oonolec ỹátaqta ỹauotec ga' laqáỹa, 'ená'am qa'en da' lauotaxadic ga' mai'chi laqaỹasa. Qataxa ỹátaqta ỹipacapéga ga' laqáỹa, qataxa ñi' 'oonolec 'ena't da' qaỹa 'te nesáaque qa'en ga' laqáỹa.
11Qataxa ỹátaqta 'an'añaxachii, sa 'ami huálaiqa. Qataxa da' 'au'onataxañiitapecot so' qadesaliaxanec, qaláxasa ỹátaqta ỹimo'ot jan' 'adiquidiaqchii.
12Qataxa ỹátaqta 'ami madet'ape ỹasouaxat jeda'me 'anaquitaxaquii. Qataxa ỹátaqta 'auauóỹaaque da' 'anpogoxóinaxaquii da' 'uo ga' 'an'queténaxaquii. Qataxa 'ena't da' 'axañíiñi da' 'antamnaxaquii.
13Qataxa 'alcochíiỹa ga' 'ad'amaqténataxanaxauai da' 'uo da' louénaxanaxa, qataxa ỹátaqta 'auloiỹet ga' 'ami desapchiỹalo.
14Qataxa ỹátaqta 'avichoxodíñii jega'me sa 'ami ỹodiáquen'ape. 'Aviỹaxañiỹot ñi'me Dios, da' qaidi ỹanem ga' 'ónaxaic ladíquiaxac jen'me, sa naqaiga ga' sa ỹiỹamaxañi.
15Qataxa 'anamañíitapegue' jega'me mátac, qataxa 'annoinaxauai jega'me noỹíitac.
16Qataxa qaỹa ga' niỹoqótai'ỹa da' 'ami. Qataxa sa 'ami ỹ'oxodénaxaiqa. Na'chidáta da' 'auadénaxachi jega'me qaỹa 'te l'amaqchic. Qataxa sa 'oñíỹapeela't 'ami ỹátenaxanaxaiqa.
17Qataxa 'ena't da' 'uo ga' 'av'iỹílaxachi'ỹaguet ga' sa ỹiỹamaxañi, na'chidáta da' 'anpogoxóiñiỹapegue' ga' 'ónaxaic, qaidi ỹima 'ami qoỹiỹamaxadéete'. 18Ỹasouaxat da' sétaaque da' qaỹa 'te 'uo 'aviñii ỹima na' siỹaxadipi, chan'eesa 'an'añaxachii qomle, ỹátaqta ga'me táchii'ña ga' 'auañoxochii. 19'Ami ỹaqai'ỹolqa, 'ena'to' qomle 'ami da' mai'chi 'apaláitaaque ga' 'adivídi. Na'chidato' qomle da' 'amachíit'a da' naqaiñi ñi' Dios 'me ỹí'et ga' ne'uaxánaguec ga' siỹaxaua. Qá'a naua' nidii's l'aqtaqa jiñi'me 'eet'oi: “Jaỹim 'me na'chaỹim sé'et ga' ne'uaxánaguec ga' siỹaxaua, na'chaỹim 'me seseeténataxan, naqaida da' 'enaac jen'me 'adesaliaxanquii.” 20Qataxa nataq'en 'eet'oi: “Ga' 'am ỹip'aguéetac, da' 'uootaxa ỹoqouat, qaláxasa 'auqui'ỹáxan. Qataxa da' ỹiliinquip, qaláxasa 'anỹómaxan. Qá'a da' na'chi qoỹíit'ec dójo', qana'chi jega'me sega'me nep'éegue jen' latáxasoxoc ỹasouaxat da' l'alóxo.” 21'Ena't qomle da' 'amachít'a da' 'am loxonec ga' sa ỹiỹamaxañi. Na'chidáta da' 'ad'oxonec ga' sa ỹiỹamaxañi, qaláxasa 'audolégue ga' ỹiỹamqáchiiñi.
Currently Selected:
Romanos 12: PLGNT93
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Romanos 12
12
Da' naq'áita da' n'óiỹaxac da' qoỹanot ñi'me Dios
1Chan'eesa 'ami ỹaqai'ỹolqa, ỹasouaxat da' sa nalóta lichoxodénataxanaxac ñi'me Dios, chan'eesa 'ami ñachoxodeetoovlo da' ỹátaqta ỹimo'ot qomle da' 'ad'óiỹaxaquii da' 'auañiiỹot ñi'me Dios. 'Oñíit'em 'aviñii jaga' nachítaqtaxanaqte 'me ỹátaqta nec'alétaiỹi, qaidi 'ami leuótete' da' 'au'onataxañiỹot ñi'me Dios, qataxa da' 'ami ỹiỹamaxadéete' jiñi'me. Naqaida qomle da' 'éeta da' li'ỹoxodenataxanaxac jañi' 'adiquidiaqchii. 2Qaláxasa sa 'oquíỹiỹi qomle da' ladic jen' n'onataguecpi 'me l'achaqa'éna. Na'chidáta da' 'anadálaxachii' qomle naua' 'adeenataxacódii', qaidi qonadálaxat ỹima da' 'ad'óiỹaxaquii, qataxa qaidi ỹátaqta 'auaỹáchiñii ga' 'éetapeec ñi'me Dios: 'me ỹiỹamqáchiiñi, qataxa ga' ỹiỹamaxadéeta jiñi'me, qataxa jega'me nalóchiiñi.
3Qá'a ñi'me Dios jaỹim ỹichoxoden da' jaỹim ỹanem dójo' ỹ'onataxanaxac. Chan'eesa 'ami senapegalo da' 'ademíỹa da' 'oñíita 'ena't qomle da' 'uo ga' ỹi'ỹoxodéetac ga' leenataxac da' nelotapeela't. Na'chidáta qomle da' ñi' 'oonolec ỹátaqta nelóteegue da' hueenatétac, qataxa ỹilot'eguet jega'me nalóta'uo da' lip'iỹáxac, 'me ỹanem ñi'me Dios. 4Qá'a dójo' 'éeta da' qad'óiỹaxac da' ỹátaqta jalcote jen' loxosetpi, qaláxasa sa ỹima jen'me da' 'oonolec ga' l'onataxanaxac. 5Qana'chi naq'áita nataq'en qo'mi, temaqaidi da' ỹátaqta qo'mi jalcote, qaláxasa 'oonolec da' qadó'oquiaxac da' soqotaqáta'uo so' Cristo. Qataxa ñi' 'oonolec da' qo'mi ỹátaqta nasélt'ai' ga' laqáỹa, 'ená'am taa'le 'oonolec ga' nó'oquiaxac.
6Qá'a ñi'me Dios mai'chi chiỹoqóchiỹi da' qo'mi ỹanema jen' ỹodapecachi lesetaxanaxatpi. Chan'eesa ỹátaqta sepagaqtenaqáchiỹi da' 'éeta ga' qo'mi ỹanema. Da' ñi'me Dios qo'mi ỹanema da' s'axáta' naua' l'aqtaqa, qana'chi s'éta', qaláxasa jega'me nalóta'uo da' qadip'iỹáxac. 7Da' 'uo ga' qoỹanem da' neuálaxai'ne' ga' laỹi 'amaqténataxanaxaicpi, qana'chi ỹí'et. Qataxa ga' táte'uo da' dapaxaguenataxan qoỹin, qana'chi naqaiga huelégue da' ỹí'et. 8Jega'me táte'uo ga' ỹaỹáten da' ỹ'añaqtet ga' laqáỹa, qana'chi huelégue da' ỹí'et. Ga' d'ágaxanataxan, 'ena't qomle da' 'uo ga' 'chi naquitétaaque. Ga' táte'uo ga' nasoxola', ỹátaqta ỹilot'egue qomle da' l'onataxanaxac. Ga' táte'uo da' lecochiỹa da' louénaxanaxa ga' laqáỹa, qaláxasa na'chidáta qomle da' lamaic.
Da' l'onataxanaxac jen' 'amaqténataxanaxaicpi
9Ỹátaqta 'eesa qomle da' 'adesóxodiquii ñi' 'oonolec da' ỹauotec ga' laqáỹa. Qataxa ỹátaqta sa 'aueuochíñiỹet qomle ga' sa nó'in, qataxa 'oquiit'egue ga' ỹiỹamqáchiiñi. 10Ñi' 'oonolec ỹátaqta ỹauotec ga' laqáỹa, 'ená'am qa'en da' lauotaxadic ga' mai'chi laqaỹasa. Qataxa ỹátaqta ỹipacapéga ga' laqáỹa, qataxa ñi' 'oonolec 'ena't da' qaỹa 'te nesáaque qa'en ga' laqáỹa.
11Qataxa ỹátaqta 'an'añaxachii, sa 'ami huálaiqa. Qataxa da' 'au'onataxañiitapecot so' qadesaliaxanec, qaláxasa ỹátaqta ỹimo'ot jan' 'adiquidiaqchii.
12Qataxa ỹátaqta 'ami madet'ape ỹasouaxat jeda'me 'anaquitaxaquii. Qataxa ỹátaqta 'auauóỹaaque da' 'anpogoxóinaxaquii da' 'uo ga' 'an'queténaxaquii. Qataxa 'ena't da' 'axañíiñi da' 'antamnaxaquii.
13Qataxa 'alcochíiỹa ga' 'ad'amaqténataxanaxauai da' 'uo da' louénaxanaxa, qataxa ỹátaqta 'auloiỹet ga' 'ami desapchiỹalo.
14Qataxa ỹátaqta 'avichoxodíñii jega'me sa 'ami ỹodiáquen'ape. 'Aviỹaxañiỹot ñi'me Dios, da' qaidi ỹanem ga' 'ónaxaic ladíquiaxac jen'me, sa naqaiga ga' sa ỹiỹamaxañi.
15Qataxa 'anamañíitapegue' jega'me mátac, qataxa 'annoinaxauai jega'me noỹíitac.
16Qataxa qaỹa ga' niỹoqótai'ỹa da' 'ami. Qataxa sa 'ami ỹ'oxodénaxaiqa. Na'chidáta da' 'auadénaxachi jega'me qaỹa 'te l'amaqchic. Qataxa sa 'oñíỹapeela't 'ami ỹátenaxanaxaiqa.
17Qataxa 'ena't da' 'uo ga' 'av'iỹílaxachi'ỹaguet ga' sa ỹiỹamaxañi, na'chidáta da' 'anpogoxóiñiỹapegue' ga' 'ónaxaic, qaidi ỹima 'ami qoỹiỹamaxadéete'. 18Ỹasouaxat da' sétaaque da' qaỹa 'te 'uo 'aviñii ỹima na' siỹaxadipi, chan'eesa 'an'añaxachii qomle, ỹátaqta ga'me táchii'ña ga' 'auañoxochii. 19'Ami ỹaqai'ỹolqa, 'ena'to' qomle 'ami da' mai'chi 'apaláitaaque ga' 'adivídi. Na'chidato' qomle da' 'amachíit'a da' naqaiñi ñi' Dios 'me ỹí'et ga' ne'uaxánaguec ga' siỹaxaua. Qá'a naua' nidii's l'aqtaqa jiñi'me 'eet'oi: “Jaỹim 'me na'chaỹim sé'et ga' ne'uaxánaguec ga' siỹaxaua, na'chaỹim 'me seseeténataxan, naqaida da' 'enaac jen'me 'adesaliaxanquii.” 20Qataxa nataq'en 'eet'oi: “Ga' 'am ỹip'aguéetac, da' 'uootaxa ỹoqouat, qaláxasa 'auqui'ỹáxan. Qataxa da' ỹiliinquip, qaláxasa 'anỹómaxan. Qá'a da' na'chi qoỹíit'ec dójo', qana'chi jega'me sega'me nep'éegue jen' latáxasoxoc ỹasouaxat da' l'alóxo.” 21'Ena't qomle da' 'amachít'a da' 'am loxonec ga' sa ỹiỹamaxañi. Na'chidáta da' 'ad'oxonec ga' sa ỹiỹamaxañi, qaláxasa 'audolégue ga' ỹiỹamqáchiiñi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.