Romanos 13
13
1Ỹima qomle na' siỹaxadipi ỹiuen da' ỹalaxaguet da' l'onataxanaxac jen' net'alpi. Qá'a qaỹa 'te ga' net'a da' sa chiỹaqaỹi ñi'me Dios. Chan'eesa jen'me net'alpi 'me d'onataxáatac naỹi, jen'me chiỹaqaỹi ñi'me Dios. 2Chan'eesa jega'me ne'pagué'ne' jen'me net'alpi, qana'chi jega'me nep'agué'ne' da'me lasoxoc 'me lapaxañi ñi' Dios. Chan'eesa jen'me na'chi 'éet'ec dójo', qana'chi jen'me mai'chi nasouaxatela't da' qoỹa'uo ga' ne'uaxánaguec. 3Qá'a jen'me net'alpi sa 'te da' 'uootaxa ỹoqolanaqtet jega'me ỹ'étetac ga' ỹiỹamqáchiiñi, na'chigáta jega'me ỹ'étetac ga' sa ỹiỹamaxañi. ¿Sétaaco' jodamaxa sa 'am ỹoqolanaqtet na' net'alpi? Qama'chi táxa ỹa 'an'ónaxatela't qomle, qaidi na' net'alpi 'am ỹiỹamaxaden. 4Qá'a jen'me d'onataxáatapecot ñi' Dios, qaidi 'am qaỹa 'te 'uo. Qaláxasa da' 'uootaxa sa ỹiỹamaxañi da' 'adasoxoc, qana'chi 'am 'uo da' 'adoqolánaxa. Qá'a sa 'chi daỹáquitac na' net'alpi da' 'uo da' l'añaxac da' 'uo ga' ỹa'uo ga' ne'uaxánaguec. Qá'a jen'me d'onataxáatapecot ñi' Dios, qaidi ỹa'uo ga' táchiỹi ne'uaxánaguec jega'me 'uo ga' ỹí'et sa ỹiỹamaxañi. 5Chan'eesa n'óota da' ỹátaqta qoỹalaxaguet na' net'alpi. Sa na'chidáta da' ỹivitétaaque ga' ne'uaxánaguec ga' siỹaxaua, qá'a na'chi lasoxoc, qaidi máchiỹi lauel ga' siỹaxaua. 6Qataxa ỹasouaxat nataq'en dójo', qana'chi 'ami 'ausiichíñii qomle ga' net'a. Qá'a jen'me net'alpi, jen'me d'onataxáatapecot ñi'me Dios, qataxa ỹátaqta nañanguet da' ỹ'étetac jen' l'onatacpi.
7Chan'eesa ỹiuen ñi' 'oonolec siỹaxaua da' qoỹanem jega'me ỹiuen da' qoỹanem. Jega'me net'ot jaga' navíỹaxasete jen'me ỹodapecachi 'me qoỹiseetéetacpi, qaa'le n'óota da' qoỹ'iỹílaxatot jega'me lalémaxaset. Qataxa jega'me ỹiuen da' 'uo da' 'enec qoỹin, naqaida da' qoỹ'étec. Qataxa jega'me ỹiuen da' qoỹi'ỹoxoden, naqaida da' qoỹ'étec.
8'Ena'to' qomle da' 'uo ga' net'ot jaga' 'adavíỹaxasichii, na'chidato' da' lauochidíỹaxac ñi' 'oonolec ga' laqáỹa. Qá'a ga' ỹauotec ga' laqáỹa, qana'chi jega'me ỹátaqta ỹipaquíchiỹi jen' laqátaxacpi ñi'me Dios. 9Qá'a jen' namaxasóxonaxacpi 'eet'oi: “Sa 'te qomle da' 'ancachítapegue' jaga' sa 'adoua, sa 'aualaataxan, qataxa sa 'aucachi, qataxa sa 'aucachí'ỹa da' 'uo ga' 'auasaxalégue gamachaqaiga, qataxa sa 'apitá'a ga' ỹaqá'a.” Qaláxasa dójo' qataxa ỹima jen' laỹi namaxasóxonaxacpi ỹimatet'a't da' n'aqtac 'me 'eet'oi: “'Auauotec ga' 'adaqáỹa, 'auenét'em 'auen da' mai'chi 'anauotela't.” 10Qá'a jega'me 'uo da' lesóxodic, jega'me sa n'áxat ga' laqáỹa, chan'eesa dójo' nesóxodic, naqaida da' ỹipaquíchiỹi ỹima jen' laqátaxacpi ñi'me Dios.
11Ỹima dójo' séetapega da' 'ami ỹiuen da' 'auloi'ỹalo nauójo' noloqo'te 'me souqátaavlo, qataxa 'auaỹáchiñii da' ma'le ỹivíta di' lalóqo' da' ñiloxoi'isop da' qad'ochaxa. Qá'a jeda'me qadec'alaxa ma'le ỹátaqta sa qaỹáaque, sa 'ená'am joca'li ỹímta da' s'amaqténaq da' n'aqtac. 12Naỹi sega'me ma'le soqoỹoqot'egue so' pí'ỹaq, ma'le sa qaỹáaque ga' nolo'. Chan'eesa ỹiuen da' qo'mi saxanaxañi jen'me qoỹ'étetacpi 'me huáaue jen' l'álaxa. Ỹim, qana'chi sanaxadíñi gaua' qad'euóxonaqa'te, senqát'em ga' huataxanaq lé'ec da' ỹiuoxóotac di' nolo'. 13Chan'eesa ỹátaqta ñiỹamaxataqáta qomle, sadénaxataqchiỹi da' qouétaaue di' nolo'. Sa 'te da' qo'mi taxáiqa. Qataxa sa s'étaq ga' let'ádaic qadiqui'ỹáxac qataxa da' nequeséeguetaxa, na' ỹodapecachi namanaxanaxa, na' cotaxacpi, na' quiỹaxanaqtáqaic. 14Na'chidáta da' 'auañíiñi da' lasoxoc so' qadesaliaxanec Jesucristo, 'aviñíit'em ga' 'ad'euóxonaxachii. Sa 'auqochíỹa jega'me sa nó'in 'éetapeec jen'me ỹ'oqóchiỹi 'adapáchiỹaxaquii.
Currently Selected:
Romanos 13: PLGNT93
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Romanos 13
13
1Ỹima qomle na' siỹaxadipi ỹiuen da' ỹalaxaguet da' l'onataxanaxac jen' net'alpi. Qá'a qaỹa 'te ga' net'a da' sa chiỹaqaỹi ñi'me Dios. Chan'eesa jen'me net'alpi 'me d'onataxáatac naỹi, jen'me chiỹaqaỹi ñi'me Dios. 2Chan'eesa jega'me ne'pagué'ne' jen'me net'alpi, qana'chi jega'me nep'agué'ne' da'me lasoxoc 'me lapaxañi ñi' Dios. Chan'eesa jen'me na'chi 'éet'ec dójo', qana'chi jen'me mai'chi nasouaxatela't da' qoỹa'uo ga' ne'uaxánaguec. 3Qá'a jen'me net'alpi sa 'te da' 'uootaxa ỹoqolanaqtet jega'me ỹ'étetac ga' ỹiỹamqáchiiñi, na'chigáta jega'me ỹ'étetac ga' sa ỹiỹamaxañi. ¿Sétaaco' jodamaxa sa 'am ỹoqolanaqtet na' net'alpi? Qama'chi táxa ỹa 'an'ónaxatela't qomle, qaidi na' net'alpi 'am ỹiỹamaxaden. 4Qá'a jen'me d'onataxáatapecot ñi' Dios, qaidi 'am qaỹa 'te 'uo. Qaláxasa da' 'uootaxa sa ỹiỹamaxañi da' 'adasoxoc, qana'chi 'am 'uo da' 'adoqolánaxa. Qá'a sa 'chi daỹáquitac na' net'alpi da' 'uo da' l'añaxac da' 'uo ga' ỹa'uo ga' ne'uaxánaguec. Qá'a jen'me d'onataxáatapecot ñi' Dios, qaidi ỹa'uo ga' táchiỹi ne'uaxánaguec jega'me 'uo ga' ỹí'et sa ỹiỹamaxañi. 5Chan'eesa n'óota da' ỹátaqta qoỹalaxaguet na' net'alpi. Sa na'chidáta da' ỹivitétaaque ga' ne'uaxánaguec ga' siỹaxaua, qá'a na'chi lasoxoc, qaidi máchiỹi lauel ga' siỹaxaua. 6Qataxa ỹasouaxat nataq'en dójo', qana'chi 'ami 'ausiichíñii qomle ga' net'a. Qá'a jen'me net'alpi, jen'me d'onataxáatapecot ñi'me Dios, qataxa ỹátaqta nañanguet da' ỹ'étetac jen' l'onatacpi.
7Chan'eesa ỹiuen ñi' 'oonolec siỹaxaua da' qoỹanem jega'me ỹiuen da' qoỹanem. Jega'me net'ot jaga' navíỹaxasete jen'me ỹodapecachi 'me qoỹiseetéetacpi, qaa'le n'óota da' qoỹ'iỹílaxatot jega'me lalémaxaset. Qataxa jega'me ỹiuen da' 'uo da' 'enec qoỹin, naqaida da' qoỹ'étec. Qataxa jega'me ỹiuen da' qoỹi'ỹoxoden, naqaida da' qoỹ'étec.
8'Ena'to' qomle da' 'uo ga' net'ot jaga' 'adavíỹaxasichii, na'chidato' da' lauochidíỹaxac ñi' 'oonolec ga' laqáỹa. Qá'a ga' ỹauotec ga' laqáỹa, qana'chi jega'me ỹátaqta ỹipaquíchiỹi jen' laqátaxacpi ñi'me Dios. 9Qá'a jen' namaxasóxonaxacpi 'eet'oi: “Sa 'te qomle da' 'ancachítapegue' jaga' sa 'adoua, sa 'aualaataxan, qataxa sa 'aucachi, qataxa sa 'aucachí'ỹa da' 'uo ga' 'auasaxalégue gamachaqaiga, qataxa sa 'apitá'a ga' ỹaqá'a.” Qaláxasa dójo' qataxa ỹima jen' laỹi namaxasóxonaxacpi ỹimatet'a't da' n'aqtac 'me 'eet'oi: “'Auauotec ga' 'adaqáỹa, 'auenét'em 'auen da' mai'chi 'anauotela't.” 10Qá'a jega'me 'uo da' lesóxodic, jega'me sa n'áxat ga' laqáỹa, chan'eesa dójo' nesóxodic, naqaida da' ỹipaquíchiỹi ỹima jen' laqátaxacpi ñi'me Dios.
11Ỹima dójo' séetapega da' 'ami ỹiuen da' 'auloi'ỹalo nauójo' noloqo'te 'me souqátaavlo, qataxa 'auaỹáchiñii da' ma'le ỹivíta di' lalóqo' da' ñiloxoi'isop da' qad'ochaxa. Qá'a jeda'me qadec'alaxa ma'le ỹátaqta sa qaỹáaque, sa 'ená'am joca'li ỹímta da' s'amaqténaq da' n'aqtac. 12Naỹi sega'me ma'le soqoỹoqot'egue so' pí'ỹaq, ma'le sa qaỹáaque ga' nolo'. Chan'eesa ỹiuen da' qo'mi saxanaxañi jen'me qoỹ'étetacpi 'me huáaue jen' l'álaxa. Ỹim, qana'chi sanaxadíñi gaua' qad'euóxonaqa'te, senqát'em ga' huataxanaq lé'ec da' ỹiuoxóotac di' nolo'. 13Chan'eesa ỹátaqta ñiỹamaxataqáta qomle, sadénaxataqchiỹi da' qouétaaue di' nolo'. Sa 'te da' qo'mi taxáiqa. Qataxa sa s'étaq ga' let'ádaic qadiqui'ỹáxac qataxa da' nequeséeguetaxa, na' ỹodapecachi namanaxanaxa, na' cotaxacpi, na' quiỹaxanaqtáqaic. 14Na'chidáta da' 'auañíiñi da' lasoxoc so' qadesaliaxanec Jesucristo, 'aviñíit'em ga' 'ad'euóxonaxachii. Sa 'auqochíỹa jega'me sa nó'in 'éetapeec jen'me ỹ'oqóchiỹi 'adapáchiỹaxaquii.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.