Romanos 9
9
Jen' lec'oqtepi so' Israel liquiỹacpi ñi' Dios
1Ỹátaqta 'eesa dójo' s'axátetac, qá'a jaỹim s'amaqten so' Cristo, sa naqaida taa'le 'chi soqovínaxaatac. Qá'a da' ỹiviliỹáxac chiỹoqóchiỹi so' Espíritu Santo da' jaỹim ỹ'axátem da' ỹátaqta jaỹim 'eesa. 2Qataxa jaỹim ỹátaqta saquico qataxa jañi' ỹiquidiaqte sega'me 'chi táteegue da' laỹaliaxa. 3Qá'a jaỹim ma'le sevíd'a da' sétaaque da' jaỹim ỹamaxáiỹi ñi'me Dios da' qaidi jaỹim qoỹiỹotá'a so' Cristo, ỹasouaxat jen' ỹaỹi 'me mai'chi ỹalémaxaset ỹ'acháqa' lé'ecpi, da' 'uootaxa jeda'me ỹañoxot da' náỹi ga' 'ónaxaic laỹamaqa' jen'me. 4Qá'a jen'me mai'chi lec'oqtepi so' Israel, qataxa ñi'me Dios ỹaconguet jen'me da' 'ená'am qa'en da' lec'oqtepi. Ñi'me Dios ỹátaqta huet'aguet joca'li qa'en jen'me da' li'ỹoxodic qataxa da' chiỹoqot'ague jeso'me ỹanem ñi' 'oonolec da' niỹamaxataxac, qataxa ỹanem so' naqátaxacpi 'me chiỹoqo'ot qa'en so' Moisés, qataxa jeda'me lasoxoc da' qoỹi'ỹoxoden jiñi'me da' huáaue so' ni'ỹoxodénataxanaxaqui, qataxa ỹanem jen'me ỹaloxóotacpi. 5Jen'me mai'chi lec'oqtepi jeso'me huá'au qadet'alpi. Da' ỹ'oqóchiỹi lapáchiỹaxac jen'me chiỹoqóchiỹi so' Cristo 'me qoỹanaỹi da' qadet'a Dios da' ỹilo'ogue ỹimata'a'téna, da' qaidi na'chi 'eeta't da' qoỹi'ỹoxodéetac. Já'a, naq'áita dójo'.
6Sa naqaida da' 'uootaxa sa ỹipaguelégue jen'me ỹaloxónapecotpi ñi'me Dios so' Israel, qaláxasa jen'me lec'oqtepi so' Israel sa ỹima da' ỹátaqta lalémaxasetpi ñi' Dios. 7Qá'a na' lec'oqtepi so' Abraham sa ỹima da' jen'me da' lec'oqtepi ñi' Dios. Na'chidáta da' ñi'me Dios 'eet'oi: “Chiỹaqaỹi qomle ñi' Isaac ga' 'ac'oqtepi.” 8Naqaida da' tadeeto' qo'mi saỹátenaq da' qaỹa ga' ỹañoxot da' lec'óxot ñi'me Dios, ỹasouaxat da' mai'chi n'acháqa' lé'ec. Qá'a na'chigáta jega'me chiỹoqóchiỹi da' ỹaloxóotac joca'li ñi' Dios, naqaiga jega'me ỹátaqta 'eesa da' qoỹimatá'ac da' lec'oqtepi ñi' Dios. 9Qá'a da'me ỹaloxónapecot joca'li ñi' Dios so' Abraham 'eet'oi: “Qomle ỹivíta ga' ỹaloqtenec, qana'chi jaỹim ñanac qomle, qana'chi jañi' Sara 'uo qomle ga' lec'óxot.”
10Qaláxasa jeda'me sa na'chidáta, qá'a nataq'en saua' dos lec'óqo'te jaso' Rebeca, jesaa'me 'oonolec so' let'a', jeso'me huá'au qadet'a Isaac. 11-13Qá'a jesaa'me joca'li maliaxa da' sona'li niỹídiñi, qataxa maliaxa da' 'uootaxa 'uo ga' ỹ'e't ga' 'ónaxaic 'uootaxa ga' sa nó'in, qaláxasa ñi'me Dios 'enapego' jaso' Rebeca, 'eet'oi: “Jidi'me ỹ'axaic diaua' 'ac'oqo'te, naqaidi qomle di' lamaxasec jidi'me n'asolec.” Jeda'me nateet'eguet da' 'enaac naua' nidii's l'aqtaqa ñi' Dios 'me 'eet'oi: “Ỹauotaxat so' Jacob, qaláxasa so' Esaú, qaamaxa 'ena't.” Huá'a, qana'chi ỹátaqtec da' 'éet'ec ñi'me Dios da' mai'chi liquiỹac jega'me táchiỹi lauel da' ỹiỹáxana, qana'chi sa ỹiloỹi ga' ỹ'étetac.
14Chan'eesa ¿jái'chogamaxa hua'ague ga' 'éeta ga' qad'aqtac? ¿Séetapega ñi'me Dios da' ỹí'et ga' sa nó'in? ¡'Ai', sa naq'áita! 15Qá'a joca'li 'enapéga so' Moisés, qaa'le 'enaaco': “Sechoxoden jega'me sétaaque da' sechoxoden, qataxa ñoq'oỹá'ac ga' sétaaque da' ñoq'oỹá'ac.” 16Chan'eesa sa chiỹaqaỹi ga' mai'chi 'éetapeec 'uootaxa ga' l'añaxac ga' siỹaxaua, qá'a na'chigáta jega'me mai'chi chiỹaqaỹi da' noq'oỹá'ac ñi'me Dios. 17Qá'a naua' nidii's l'aqtaqa ñi' Dios 'me nedétrañi joca'li jiñi'me 'enapego' so' net'a 'me ỹilotalégue di' Egipto, 'eet'oi: “'Am sanaỹi da' 'am net'a, qá'a sétaaque da' 'am sachiỹoxotaỹi da' saloxon da' ỹ'añaxac, qataxa qaidi ỹaateton da' ỹenaxat ỹima jen'me huetalégue jen' 'aléua.” 18Naqaida da' 'éeta ñi' Dios da' ỹichoxoden jega'me tatelégue qa'en da' ỹichoxoden qataxa sa nedámchiỹi qa'en jañi' liquidiaqte jega'me tatelégue da' sa nedámchiỹi qa'en.
19Qaláxasa 'am séetapega da' jaỹim 'auenapéga da' 'auéetojo': “Da' 'uootaxa na'chi naq'áita dójo', qana'chi ¿tóoqo'chi ñi'me Dios da' ỹa'uo ga' lasouaxac ga' siỹaxaua? Qá'a ¿jái'chogamaxa ỹañoxot da' dasoỹa'aguet ga' mai'chi 'éetapeec?” 20Qaláxasa 'am, ¿jái'chi 'am da' sétaaque da' 'ancotá'ỹi' ñi'me Dios? ¿Séetapega ỹañoxoto' jaga' n'oxona 'aléua da' 'enapéga jega'me ỹ'oxóotac, da' 'eet'oi: “¿Tóoqo'chi da' jaỹim 'au'étec dójo'?” 21Qá'a jega'me ỹ'oxonaac jen' 'aléua 'uo da' 'enec da' mai'chi ỹoiquíitac ga' 'éet'ec ga' ỹí'et jega'me 'aléua. Jega'me ỹañoxot da' ỹachiỹoxotaỹi jega'me 'aléua da' ỹí'et jaga' jáco'na 'me taiỹet da' ni'ỹoxodic qataxa jaga'me laqáỹa 'me taiỹet gamachaqaiga qoỹíit'ec.
22Chan'eesa ¿hua'ague jogamaxa qoỹíit'ec ga' n'aqtac, da' 'uootaxa ñi' Dios sétaaque da' ỹaloxon da' 'éeta da' 'uo ga' ỹa'uo ga' ne'uaxánaguec qataxa da' l'añaxac, qana'chi 'uo da' nouénaxac da' n'añaxateguet jen'me taỹá'a da' qoỹa'uo ga' ne'uaxánaguec qataxa taỹá'a da' qonoláxachiñi? 23Qá'a jiñi'me ỹí'et dójo', qá'a sétaaque da' qo'mi ỹaatetonaxanaxanque da' let'ádaic li'ỹoxodic, qo'mi 'me qo'mi ỹichoxode'n, qataxa qo'mi ỹaqataxata'salo joca'li da' sétaaque da' ñiuánaqa'uo da' li'ỹoxodic jiñi'me. 24Qá'a ñi'me Dios da' qo'mi ỹiỹaxanalo, qaa'le 'uo na' chiỹoxotáaue na' judiopi qataxa jen' laỹi 'uo na' chiỹoxotáaue na' sa judío lé'ec. 25Qana'chi ỹipaquíchiỹi da' 'enaac naua' l'aqtaqa ñi' Dios 'me ỹidídiñi josii'chi so' Oseas, joca'li 'eet'oi:
Jen'me sa ỹalémaxasetpi, qaa'le seỹáxana da' ỹalémaxasetpi,
qataxa jen'me sa sauotec, qaa'le seỹáxana da' ỹauotaxatpi.
26Qataxa jidi'me huá'ña joca'li da' qoỹinapéga jen'me da' qoỹiit'oi: “'Ami sa ỹalémaxase'te,”
qana'chidi di' huá'ña da' qoỹiỹáxana jen'me da' lec'oqtepi jiñi'me Dios 'me nec'alétaiỹi.
27Qaláxasa jen'me Israel lec'oqtepi, qaa'le so' Isaías joca'li detaqa, qaa'le 'eet'oi: “Temaqaidi da' ỹátaqta sa lec'óxotolec jen' lec'oqtepi so' Israel da' 'ená'am jen' pogaxanaxa 'me huo'ot na' loxogue jaso' huaxai, qaláxasa na'chigáta jega'me sa 'amaqtaq 'me qapiỹáñi, na'chiga jega'me nec'aléegue. 28Qá'a ñi' qadasoxola' Dios ỹátaqta ỹipaquichiilo naua' l'aqtaqa 'me ỹa'n ỹima jen' 'aléua, qataxa ỹátaqta sa huaỹáloq qa'en.” 29Ỹipaquíchiỹi nataq'en joca'li da' 'enaac so' Isaías, joca'li 'eet'oi:
Jiñi'me Dios 'me lasoxola' ỹima jen' piỹem lé'ecpi, da' 'uootaxa sa ỹa'uo ga' ỹaqapiaqtenáñi jen'me qochalqapi,
qana'chi sóxote táxa da' sevídaq'a da' senqa'ama saua' noiqa Sodoma qataxa so' Gomorra da' qonoláxachidiñi.
Da' 'ónaxaic qadipí'ic nataq'en taỹá'a na' judío lé'ecpi
30Chan'eesa ¿jái'chogamaxa 'éeta ga' qad'aqtac? Qá'a jen' sa judiopi 'me sa nimitétaaque da' ỹiỹamaxaden ñi' Dios, qaláxasa na'chína jen'me ỹiỹamaxaden ñi' Dios, chiỹoqóchiỹi da' lip'iỹáxac. 31Qaamaxa jen'me Israel lé'ecpi 'me quet'egue jen'me naqátaxacpi 'me ỹañoxot táxa da' ỹiỹamaxaden qa'en ñi' Dios, qaláxasa jen'me sa ỹañoxot da' ỹipaquetelégue jen'me naqátaxacpi. 32Qalqaiga ¿tóoqo'chi? Ỹasouaxat jen'me da' sa nepogoxóinapegue' da' chiỹoxotáaue da' lip'iỹáxac da' ỹiỹamaxaden ñi' Dios, na'chidáta da' ỹipaquétapega jen'me mai'chi l'onataxanaxacpi. Chan'eesa jen'me chiỹaqsee'mot so' Cristo 'me 'ená'am ga' qa' 'me naqchiláxanaxala', 33'me ỹ'axa't naua' nidii's l'aqtaqa ñi'me Dios, 'me 'eet'oi:
Jaỹim sanánỹi qomle na' laiñi di' Sión jega'me 'ená'am ga' qa' 'me qochiỹaqsee'mot, qataxa 'ená'am ga' qa' 'me naqchiláxanaxala',
ga' siỹaxaua 'me ỹ'amaqten jega'me, qana'chi sa n'aloxola't.
Currently Selected:
Romanos 9: PLGNT93
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Romanos 9
9
Jen' lec'oqtepi so' Israel liquiỹacpi ñi' Dios
1Ỹátaqta 'eesa dójo' s'axátetac, qá'a jaỹim s'amaqten so' Cristo, sa naqaida taa'le 'chi soqovínaxaatac. Qá'a da' ỹiviliỹáxac chiỹoqóchiỹi so' Espíritu Santo da' jaỹim ỹ'axátem da' ỹátaqta jaỹim 'eesa. 2Qataxa jaỹim ỹátaqta saquico qataxa jañi' ỹiquidiaqte sega'me 'chi táteegue da' laỹaliaxa. 3Qá'a jaỹim ma'le sevíd'a da' sétaaque da' jaỹim ỹamaxáiỹi ñi'me Dios da' qaidi jaỹim qoỹiỹotá'a so' Cristo, ỹasouaxat jen' ỹaỹi 'me mai'chi ỹalémaxaset ỹ'acháqa' lé'ecpi, da' 'uootaxa jeda'me ỹañoxot da' náỹi ga' 'ónaxaic laỹamaqa' jen'me. 4Qá'a jen'me mai'chi lec'oqtepi so' Israel, qataxa ñi'me Dios ỹaconguet jen'me da' 'ená'am qa'en da' lec'oqtepi. Ñi'me Dios ỹátaqta huet'aguet joca'li qa'en jen'me da' li'ỹoxodic qataxa da' chiỹoqot'ague jeso'me ỹanem ñi' 'oonolec da' niỹamaxataxac, qataxa ỹanem so' naqátaxacpi 'me chiỹoqo'ot qa'en so' Moisés, qataxa jeda'me lasoxoc da' qoỹi'ỹoxoden jiñi'me da' huáaue so' ni'ỹoxodénataxanaxaqui, qataxa ỹanem jen'me ỹaloxóotacpi. 5Jen'me mai'chi lec'oqtepi jeso'me huá'au qadet'alpi. Da' ỹ'oqóchiỹi lapáchiỹaxac jen'me chiỹoqóchiỹi so' Cristo 'me qoỹanaỹi da' qadet'a Dios da' ỹilo'ogue ỹimata'a'téna, da' qaidi na'chi 'eeta't da' qoỹi'ỹoxodéetac. Já'a, naq'áita dójo'.
6Sa naqaida da' 'uootaxa sa ỹipaguelégue jen'me ỹaloxónapecotpi ñi'me Dios so' Israel, qaláxasa jen'me lec'oqtepi so' Israel sa ỹima da' ỹátaqta lalémaxasetpi ñi' Dios. 7Qá'a na' lec'oqtepi so' Abraham sa ỹima da' jen'me da' lec'oqtepi ñi' Dios. Na'chidáta da' ñi'me Dios 'eet'oi: “Chiỹaqaỹi qomle ñi' Isaac ga' 'ac'oqtepi.” 8Naqaida da' tadeeto' qo'mi saỹátenaq da' qaỹa ga' ỹañoxot da' lec'óxot ñi'me Dios, ỹasouaxat da' mai'chi n'acháqa' lé'ec. Qá'a na'chigáta jega'me chiỹoqóchiỹi da' ỹaloxóotac joca'li ñi' Dios, naqaiga jega'me ỹátaqta 'eesa da' qoỹimatá'ac da' lec'oqtepi ñi' Dios. 9Qá'a da'me ỹaloxónapecot joca'li ñi' Dios so' Abraham 'eet'oi: “Qomle ỹivíta ga' ỹaloqtenec, qana'chi jaỹim ñanac qomle, qana'chi jañi' Sara 'uo qomle ga' lec'óxot.”
10Qaláxasa jeda'me sa na'chidáta, qá'a nataq'en saua' dos lec'óqo'te jaso' Rebeca, jesaa'me 'oonolec so' let'a', jeso'me huá'au qadet'a Isaac. 11-13Qá'a jesaa'me joca'li maliaxa da' sona'li niỹídiñi, qataxa maliaxa da' 'uootaxa 'uo ga' ỹ'e't ga' 'ónaxaic 'uootaxa ga' sa nó'in, qaláxasa ñi'me Dios 'enapego' jaso' Rebeca, 'eet'oi: “Jidi'me ỹ'axaic diaua' 'ac'oqo'te, naqaidi qomle di' lamaxasec jidi'me n'asolec.” Jeda'me nateet'eguet da' 'enaac naua' nidii's l'aqtaqa ñi' Dios 'me 'eet'oi: “Ỹauotaxat so' Jacob, qaláxasa so' Esaú, qaamaxa 'ena't.” Huá'a, qana'chi ỹátaqtec da' 'éet'ec ñi'me Dios da' mai'chi liquiỹac jega'me táchiỹi lauel da' ỹiỹáxana, qana'chi sa ỹiloỹi ga' ỹ'étetac.
14Chan'eesa ¿jái'chogamaxa hua'ague ga' 'éeta ga' qad'aqtac? ¿Séetapega ñi'me Dios da' ỹí'et ga' sa nó'in? ¡'Ai', sa naq'áita! 15Qá'a joca'li 'enapéga so' Moisés, qaa'le 'enaaco': “Sechoxoden jega'me sétaaque da' sechoxoden, qataxa ñoq'oỹá'ac ga' sétaaque da' ñoq'oỹá'ac.” 16Chan'eesa sa chiỹaqaỹi ga' mai'chi 'éetapeec 'uootaxa ga' l'añaxac ga' siỹaxaua, qá'a na'chigáta jega'me mai'chi chiỹaqaỹi da' noq'oỹá'ac ñi'me Dios. 17Qá'a naua' nidii's l'aqtaqa ñi' Dios 'me nedétrañi joca'li jiñi'me 'enapego' so' net'a 'me ỹilotalégue di' Egipto, 'eet'oi: “'Am sanaỹi da' 'am net'a, qá'a sétaaque da' 'am sachiỹoxotaỹi da' saloxon da' ỹ'añaxac, qataxa qaidi ỹaateton da' ỹenaxat ỹima jen'me huetalégue jen' 'aléua.” 18Naqaida da' 'éeta ñi' Dios da' ỹichoxoden jega'me tatelégue qa'en da' ỹichoxoden qataxa sa nedámchiỹi qa'en jañi' liquidiaqte jega'me tatelégue da' sa nedámchiỹi qa'en.
19Qaláxasa 'am séetapega da' jaỹim 'auenapéga da' 'auéetojo': “Da' 'uootaxa na'chi naq'áita dójo', qana'chi ¿tóoqo'chi ñi'me Dios da' ỹa'uo ga' lasouaxac ga' siỹaxaua? Qá'a ¿jái'chogamaxa ỹañoxot da' dasoỹa'aguet ga' mai'chi 'éetapeec?” 20Qaláxasa 'am, ¿jái'chi 'am da' sétaaque da' 'ancotá'ỹi' ñi'me Dios? ¿Séetapega ỹañoxoto' jaga' n'oxona 'aléua da' 'enapéga jega'me ỹ'oxóotac, da' 'eet'oi: “¿Tóoqo'chi da' jaỹim 'au'étec dójo'?” 21Qá'a jega'me ỹ'oxonaac jen' 'aléua 'uo da' 'enec da' mai'chi ỹoiquíitac ga' 'éet'ec ga' ỹí'et jega'me 'aléua. Jega'me ỹañoxot da' ỹachiỹoxotaỹi jega'me 'aléua da' ỹí'et jaga' jáco'na 'me taiỹet da' ni'ỹoxodic qataxa jaga'me laqáỹa 'me taiỹet gamachaqaiga qoỹíit'ec.
22Chan'eesa ¿hua'ague jogamaxa qoỹíit'ec ga' n'aqtac, da' 'uootaxa ñi' Dios sétaaque da' ỹaloxon da' 'éeta da' 'uo ga' ỹa'uo ga' ne'uaxánaguec qataxa da' l'añaxac, qana'chi 'uo da' nouénaxac da' n'añaxateguet jen'me taỹá'a da' qoỹa'uo ga' ne'uaxánaguec qataxa taỹá'a da' qonoláxachiñi? 23Qá'a jiñi'me ỹí'et dójo', qá'a sétaaque da' qo'mi ỹaatetonaxanaxanque da' let'ádaic li'ỹoxodic, qo'mi 'me qo'mi ỹichoxode'n, qataxa qo'mi ỹaqataxata'salo joca'li da' sétaaque da' ñiuánaqa'uo da' li'ỹoxodic jiñi'me. 24Qá'a ñi'me Dios da' qo'mi ỹiỹaxanalo, qaa'le 'uo na' chiỹoxotáaue na' judiopi qataxa jen' laỹi 'uo na' chiỹoxotáaue na' sa judío lé'ec. 25Qana'chi ỹipaquíchiỹi da' 'enaac naua' l'aqtaqa ñi' Dios 'me ỹidídiñi josii'chi so' Oseas, joca'li 'eet'oi:
Jen'me sa ỹalémaxasetpi, qaa'le seỹáxana da' ỹalémaxasetpi,
qataxa jen'me sa sauotec, qaa'le seỹáxana da' ỹauotaxatpi.
26Qataxa jidi'me huá'ña joca'li da' qoỹinapéga jen'me da' qoỹiit'oi: “'Ami sa ỹalémaxase'te,”
qana'chidi di' huá'ña da' qoỹiỹáxana jen'me da' lec'oqtepi jiñi'me Dios 'me nec'alétaiỹi.
27Qaláxasa jen'me Israel lec'oqtepi, qaa'le so' Isaías joca'li detaqa, qaa'le 'eet'oi: “Temaqaidi da' ỹátaqta sa lec'óxotolec jen' lec'oqtepi so' Israel da' 'ená'am jen' pogaxanaxa 'me huo'ot na' loxogue jaso' huaxai, qaláxasa na'chigáta jega'me sa 'amaqtaq 'me qapiỹáñi, na'chiga jega'me nec'aléegue. 28Qá'a ñi' qadasoxola' Dios ỹátaqta ỹipaquichiilo naua' l'aqtaqa 'me ỹa'n ỹima jen' 'aléua, qataxa ỹátaqta sa huaỹáloq qa'en.” 29Ỹipaquíchiỹi nataq'en joca'li da' 'enaac so' Isaías, joca'li 'eet'oi:
Jiñi'me Dios 'me lasoxola' ỹima jen' piỹem lé'ecpi, da' 'uootaxa sa ỹa'uo ga' ỹaqapiaqtenáñi jen'me qochalqapi,
qana'chi sóxote táxa da' sevídaq'a da' senqa'ama saua' noiqa Sodoma qataxa so' Gomorra da' qonoláxachidiñi.
Da' 'ónaxaic qadipí'ic nataq'en taỹá'a na' judío lé'ecpi
30Chan'eesa ¿jái'chogamaxa 'éeta ga' qad'aqtac? Qá'a jen' sa judiopi 'me sa nimitétaaque da' ỹiỹamaxaden ñi' Dios, qaláxasa na'chína jen'me ỹiỹamaxaden ñi' Dios, chiỹoqóchiỹi da' lip'iỹáxac. 31Qaamaxa jen'me Israel lé'ecpi 'me quet'egue jen'me naqátaxacpi 'me ỹañoxot táxa da' ỹiỹamaxaden qa'en ñi' Dios, qaláxasa jen'me sa ỹañoxot da' ỹipaquetelégue jen'me naqátaxacpi. 32Qalqaiga ¿tóoqo'chi? Ỹasouaxat jen'me da' sa nepogoxóinapegue' da' chiỹoxotáaue da' lip'iỹáxac da' ỹiỹamaxaden ñi' Dios, na'chidáta da' ỹipaquétapega jen'me mai'chi l'onataxanaxacpi. Chan'eesa jen'me chiỹaqsee'mot so' Cristo 'me 'ená'am ga' qa' 'me naqchiláxanaxala', 33'me ỹ'axa't naua' nidii's l'aqtaqa ñi'me Dios, 'me 'eet'oi:
Jaỹim sanánỹi qomle na' laiñi di' Sión jega'me 'ená'am ga' qa' 'me qochiỹaqsee'mot, qataxa 'ená'am ga' qa' 'me naqchiláxanaxala',
ga' siỹaxaua 'me ỹ'amaqten jega'me, qana'chi sa n'aloxola't.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.