Luke 15
15
1အခွန်ကောက်ခံသောသူများနှင့် မကောင်းမှုပြုသောသူအပေါင်းတို့သည် ပရ်ဘူယေရှု၏ ဆုံးမဩဝါဒကို နားထောင်ခြင်းငှာ စုရုံးလျက်ရှိကြ၏။ 2သို့သော် ဖာရိရှဲများနှင့် ကျမ်းတက်ဂုရုများတို့က " ဤသူသည် မကောင်းမှုပြုသောသူနှင့်အခွန်ကောက်ခံသောသူတို့နှင့်အတူ စားသည် " ဟု အချင်းချင်းကဲ့ရဲ့ပြစ်တင်ပြောဆိုကြ၏။ 3ထိုအခါ ဂုရုယေရှုသည် ပုံဥပမာကိုဆောင်လျက် မိန်တော်မူသည်ကား၊ 4" သင်တို့တွင် သိုးအကောင်ရေ တစ်ရာရှိပြီး။ထိုသိုးအနက်ထဲမှ တစ်ကောင်ပျောက်သွားသည် ဟု ဆိုပါစို့ အခြားသောသိုးကိုးဆယ်ကိုးကောင်ကို တောတွင်း၌ထားခဲ့ပြီး ပျောက်သောသိုးတစ်ကောင်ကို ရှာမတွေ့မချင်းမည့်တိုင်အောင် မရှာဘဲနေကြလိမ်မည် မဟုတ်သလော။ 5ထိုသိုးတကောင်ကိုတွေ့လျှင် ဝမ်းမြောက်စွာ ပခုံးပေါ်ထမ်းဆောင်၍၊ 6အိမ်သို့သွား၍ မိမိ၏မိတ်ဆွေများနှင့်အိမ်နီးချင်းများကိုခေါ်၍ ငါနှင့်အတူဝမ်းမြောက်ရွှင်လန်းကြလော့။ ပျောက်သွားသောငါ၏သိုး ပြန်တွေ့ပြီ ဟုလည်းပြောဆိုတက်သည်မဟုတ်သလော့။ 7ငါဆိုသည်ကား ဆွာရ်(ဂ်)၌ ထိုနည်းတူဖြစ်လိမ့်မည်။ အပြစ်သားတစ်ယောက်သည်မိမိအပြစ်မှ နောင်တရသောအခါ ကြီးစွာသောဝမ်းမြောက်ခြင်းရှိလိမ့်မည်။ ဤသည်မှာ မှန်ပေ၏။ မိမိအပြစ်မှ နောင်တရရန် မလိုအပ်သော ဖြောင့်မတ်ခြင်းဘုန်းအသရေနှင့် ပြည့်စုံသောသူတို့ ဝမ်းမြောက်ခြင်းထက် သာ၍ဝမ်းမြောက်ခြင်းရှိလိမ့်မည်။ 8သို့မဟုတ် အမျိုးသမီးတစ်ယောက်၌ ငွေဒင်္ဂါးဆယ်ပြားရှိပြီး တစ်ပြားပျောက်သွားသည့်ရှိသော် ဆီမီးထွန်း၍ တစ်အိမ်လုံးတံမြတ်စည်းလှည်း၍ ရှာမတွေ့သည့်တိုင်အောင် သေသေချာချာရှာဖွေမည်မဟုတ်သလော။ 9ရှာတွေ့လျှင် မိမိ၏မိတ်ဆွေနှင့် မိမိ၏အိမ်နီးချင်းများကို ခေါ်၍ ငါနှင့်အတူဝမ်းမြောက်ခြင်းရှိကြလော့။ ငါသည်ပျောက်သွားသောငွေကို ပြန်တွေ့ပြီး ဟု ဆိုတတ်ကြသည်မဟုတ်သလော့။" 10ငါဆိုသည်ကား ဆွာရ်(ဂ်)၌ ထိုနည်းတူပင် အပြစ်သားတစ်ယောက်သည် မိမိအပြစ်မှ နောင်တရသည်ရှိသော် အပြစ်သားတစ်ယောက်အတွက် ဆွာရ်(ဂ်)၌ ဝမ်းမြောက်ရွှင်လန်းခြင်းရှိသည် " ဟု မိန်တော်မူသည်။ 11တစ်ဖန် ပရ်ဘူယေရှုတော်မူသည်ကား " တစုံတစ်ယောက်သောသူ၌သားနှစ်ယောက်ရှိ၏။ 12သားအငယ်သည် သူ၏အဖေအား ' အဖေ ၊အကျွန်ုပ်ရထိုက်သော မိသားစုပိုင်အမွေဥစ္စာကို ပေးပါ ' ဟု တောင်းလေ၏။ အဖသည်လည်း သားနှစ်ဦးလုံးကိုအမွေခွဲဝေ ပေးလေ၏။ 13ထို့နောက် မကြာမီ သားငယ်သည် မိမိအမွေဥစ္စာကို စုသိမ်းပြီး ဝေးကွာလှသောပြည်သို့ သွားလေ၏။ ထိုပြည်၌ မိမိအမွေဥစ္စာများကို အပျော်အပါး၊ ကာမဂုဏ်အတွက် ဖြုန်းတီးလိုက်လေ၏။ 14သူ၌အမွေဥစ္စာရှိသမျှ အားလုံးကုန်သောအခါ ထိုပြည်၌ အစာခေါင်းပါးမှုဖြစ်ပေါ်၍ သူသည်အလွန်ဆင်းရဲခြင်းသို့ရောက်လေ၏။ 15ထိုကြောင့် သူသည် ထိုပြည်သားတစ်ယောက်ထံ၌သွား၍ အစေခံလေ၏။ ထိုသူကိုသူ၏သခင်က ဝက်များအား အစာကျွေးစေခြင်းငှာ လယ်တောသို့ စေလွှတ်လေ၏။ 16သူသည် ဝက်များစားသော ဝက်စာများဖြင့် သူ့၏ဗိုက်ကို ဖြည်ချင်စိတ်ပေါက်လာ၏။ အကြောင်းမူကား အဘယ်သူမျှ သူ့ကို စားစရာတစ်စုံတစ်ခုမျှမပေးသောကြောင့်ဖြစ်၏။ 17ထို့နောက် သူသည် ရှင်းရှင်းလင်းလင်းပြန်တွေးကြည့်သောအခါ ငါ၏အဝေးအိမ်၌ရှိသော မည်သည်လုပ်သားများပင် လုံလောက်စွာစားရပြီး ငါမူကား ယခုသေအောင် အငတ်ခံလျက်ရှိ၏။ 18ငါသည် ထ၍ ငါ၏အဖေအိမ်သို့သွား၍ ' အဖေ၊ အကျွန်ပ်သည် ဆွာရ်(ဂ်)ကို ဆန့်ကျင်၍ပြစ်မှားမိပါ၏။အကျွန်ုပ်သည် အဖေကိုလည်း ပြစ်မှားမိပါ၏။ 19ကျွန်ုပ်သည် အဖေ့သားအဖြစ် အခေါ်ခံမထိုက်တော့ပါ၊ ကျွန်ုပ်ကို ဤအိမ်၌အစေခံအဖြစ် ခန်အပ်ပါ ' ဟု ပြောဆိုကြောင်းစဉ်းစားတွေးတောလေ၏။ 20ထို့နောက် သူသည် သူ၏အဖေရှိရာသို့ ထ၍ သွားလေ၏။ သွား၍ အိမ်၏ မနီးမဝေးသို့ရောက်သောအခါ အဖေသည် သူ့ကိုမြင်လျှင် သူ့သားအပေါ် သနားညှာတာသော ချစ်ခြင်းမေတ္တာနှင့် ပြည့်လျက်ပြေး၍ သားကိုဖက်၍ နမ်းလေ၏။ 21ထိုအခါ သားကလည်း 'အဖေ့၊အကျွန်ုပ်သည် ပရ်မေဆွာရ်၏ ဆွာရ်(ဂ်)နှင့် အဖေ့ကိုပြစ်မှားမိပါ၏။ ယခု အကျွန်ုပ်သည် အဖေ၏သားအဖြစ် မခေါ်ထိုက်ပါ' ဟုပြောလေ၏။ 22သို့သော် အဖေသည်သူ၏အစေခံများကို မြန်မြန်သွားပြီး အကောင်းဆုံးသောအဝတ်ကို ယူလာခဲ့၍ သူ့ကိုဝတ်စေပြီး ၊သူ၏လက်ကို လက်စွပ်တန်ဆာများဖြစ်ဆင်စေ၍ ခြေ၌လည်း ဖိနပ်တရံကိုယူ၍ ခြေ၌စီးစေကြလော။ 23ဆူအောင် ကျွေးထားသောနွားကလေးကို ယူ၍သတ်ပြီးမှ ကြီးစွာသောစားပွဲကျင်းပ၍ ပျော်မွှေကြကုန်အံ့။ 24ငါ့သားသည် ယခင်ကသေ၏။ သို့သော် ယခု အသက်ပြန်ရှင်လာ၏။ ငါ့သားသည်ယခင်က ပျောက်ဆုံးသွားခဲ့၏။ ယခုပြန်လည်တွေ့ပြီဟုဆို၏။ထို့နောက် သူတို့သည် ပျော်ပွဲဆင်နွှဲကြလေ၏။ 25သားကြီးသည် တောင်ယာမှပြန်လာ၍ အိမ်အနီးနားသို့ ရောက်သောအခါ တီးမှုတ်၍ကခုန်သံကိုကြားလျှင်၊ 26သူသည်အစေခံတစ်ယောက်ကိုခေါ်၍ ' အိမ်အတွင်း၌ ဤတီးမှုတ်၍ ကခုန်ခြင်းကအဘယ်သို့နည်း 'ဟု မေးလေ၏။ 27အစေခံက 'သင်၏ညီငယ်သည် အိမ်သို့ရောက်ရှိလျက်ရှိ၏။ သခင်၏အဖေသည် ဆူအောင်ကျွေးမွေးထားသော နွားကလေးကို သတ်ခဲ့၏။ ဤပြုရခြင်းမှာ သခင်၏ညီငယ်သည် ဘေးနှင့်ကင်းလွတ်၍ ရောက်ရှိလာသောကြောင့်ဖြစ်၏ ' ဟုဆို၏။ 28ထိုအခါသားကြီးသည် အလွန်အမျက်ထွက်၍ အိမ်ထဲသို့ ဝင်ရန်ငြင်းဆိုလေ၏။ထို့ကြောင့် သူ၏အဖေသည် အပြင်ထွက်လာ၍ သားကြီးကိုချော့မော့၍ တောင်းပန်လေ၏။ 29သို့သော် သားကြီးက ' ကြည့်ရှုလော့။ အကျွန်ပ်သည် အဖေ့အတွက် ကျွန်တစ်ယောက်ကဲ့သို့ နှစ်ကာလကြာရှည်စွာ အလုပ်လုပ်ခဲ့ပါ၏။ အကျွန်ုပ်သည်အဖေ၏အလိုကိုလည်း လိုက်နာဆောင်ရွက်လျက်ရှိပါ၏။ သို့သော် အဖေသည်အကျွန်ုပ်အား မိတ်ဆွေသူငယ်ချင်းများနှင့်အတူ ပျော်မွေ့စေခြင်းငှာ ဆိတ်သူငယ်တစ်ကောင်ကို မပေးခဲ့ဘူးချေ။ ' 30' အဖေ၏သားငယ်သည် အဖေ၏ဥစ္စာများကို ပြည်တန်ဆာမိန်းမများအပေါ်ဖြုန်းတီးပြီးအိမ်သို့ရောက်လာသောအခါ ၊အဖေသည် ဆူအောင်ကျွေးထားသောနွားသူငယ်ကိုသတ်လေပြီး ' ဟု ဆို၏။ 31အဖေကလည်း ' ငါ့သား ၊သင်သည်ငါနှင့်အတူ အမြဲရှိ၏။ ငါ၌ရှိသမျှသောဥစ္စာသည်သင်၏ဥစ္စာ ဖြစ်၏။ ' 32သို့သော် သင်၏ညီငယ်သည် ယခင်သေ၏။ယခုမူကား၊ အသက်ပြန်ရှင်၏။ ယခင်က ပျောက်ဆုံးသွားခဲ့၏။ ယခုမူကား ပြန်လှည်ရှာတွေ့ခဲ့ပြီ။ ထိုကြောင့် ပျော်မွေ့ခြင်းကို ဝမ်းမြောက်စွာ ဆင်နွဲရမည်အကြောင်းရှိ၏ " ဟု မိန့်တော်မူ၏။
Currently Selected:
Luke 15: HNT
Highlight
Copy
Compare
Share
Want to have your highlights saved across all your devices? Sign up or sign in
