Luke 16
16
1ဂုရုယေရှုသည် သူ၏စစ်စရောတို့အား မိန့်တော်မူသည်ကား၊ " သူဌေးတစ်ယောက်၌ မန်နေဂျာတစ်ဦးရှိ၏။ ထိုသူသည် သူဌေး၏ပစ္စည်းဥစ္စာများကို ဖြုန်းတီးလျက်ရှိသည် ဟု တိုင်တန်းခြင်းကို ခံရလေ၏။ 2ထို့ကြောင့် သူဌေးသည် ထိုမန်နေဂျာကိုခေါ်၍ သူဌေးက ' သင်၏အကြောင်းကို ငါကြားရသည်မှာ အဘယ်သို့နည်း။ ငါပိုင်ဆိုင်သမျှဥစ္စာကို မည်ကဲ့သို့ကိုင်တွယ်သနည်း။ စာရင်းအတိအကျ တင်လော့။ သင်သည် ငါ၏ မန်နေဂျာ အဖြစ်လုပ်ရတော့မည်မဟုတ် ' ဟုဆို၏။ 3ထိုအခါ မန်နေဂျာက ' မိမိကိုယ်၌ တွေးတော်စဉ်းစားသည်ကား၊ ငါသည်အဘယ်သို့ပြုရမည်နည်း။ သူဌေးသည် ငါ့ကိုအလုပ်မှ ဖြုတ်တော့မည်။ ငါသည်မြေ လယ်လုပ်နိုင်ရန်ခွန်အား အလုံလောက်မရှိ။ ငါသည်တောင်းစားရန်လည်း အလွန်ရှက်၏။ 4ငါသည် အဘယ်သို့ပြုရမည်ကို သိပြီး၊ ငါသည် အလုပ်မှဖြုတ်ခြင်း ခံရသောအခါလူတို့သည် ငါ့ကိုမိမိအိမ်၌ ကြိုဆိုစေခြင်းငှာ ပြုရမည်။ ' 5ထို့နောက် မန်နေဂျာသည် သူဌေး၏ အကြွေးတင်သောသူအပေါင်းတို့ကိုခေါ်၍ မန်နေဂျာက ပထမတစ်ယောက်ကို ' ငါ၏သူဌေးအား အကြွေးဆပ်ရန် မည်မျှရှိသနည်း ' ဟု မေးလေ၏။ 6ထိုသူက 'အကျွန်ုပ်သည် သူဌေးအား သံလွင်ဆီလီတာသုံးထောင်အကြွေးတင်နေ၏ ' ဟု ပြော၏။ထိုအခါ မန်နေဂျာက ' သင်၏စာရင်းကို ယူလော့။အမြန်ထိုင်ပြီး တစ်သောင်းငါးထောင် ဟု ရေးလော့ ' ဟု ပြော၏ ။ 7ထို့နောက် တစ်ခြားတစ်ယောက်ကိုခေါ်၍ ' သင်၌ မည်မျှအကြွေးဆပ်ရန် ရှိသနည်းဟု မေးလျှင် ထိုသူက အကျွန်ုပ်သည် သူဌေးအား ဂျုံအတင်းပေါင်း သုံးသောင်းငါးထောင် ပေးရန်ရှိသည် ' ဟု ပြော၏။ ထိုအခါ မန်နေဂျာက ' သင်၏ စာရင်းကို ယူ၍ နှစ်သောင်းရှစ်ထောင်အဖြစ် ပြင်၍ ရေးလော့ ' ဟု ပြော၏။ 8သူဌေးသည် မန်နေဂျာကို အလုပ်ဖြုတ်သော်လည်း မန်နေဂျာ၏ ဤကဲ့သို့ လိမ္မာပါးနပ်စွာပြုသည်ကိုသိ၍ ချီးကျူးလေ၏။ ထိုသို့သော သူတို့သည် မိမိကဲ့သို့သော လူတို့တွင်အမှုဆောင်ရွက်ရာတွင် လိမ္မာပါးနပ်ကြပြီ ။ ထိုသူတို့သည် ပရ်မေဆွာရ်၏လူတို့ထက်လည်း သာ၍လိမ္မာပါးနပ်ကြ၏။ 9ငါ့ဆိုသည်ကား သူတစ်ပါးတို့ကို ကူညီရန် ဤလောက၏စည်းစိမ်ကို အသုံးပြု၍ သင်တို့အတွက်မိတ်ဆွေများဖြစ်စေကြလော့။ ထို့နောက် သင်၏စည်းစိမ်ဥစ္စာများကုန်ဆုံးသွားသောအခါ သင်ကို ဆွာရ်(ဂ်)၏အာနန်းသ်အိမ်မှကြိုဆိုလက်ခံကြလိမ့်မည်။ 10အကယ်၍ သင်တို့သည် သေးငယ်သောအမှုတို့တွင် သစ္စာရှိကြလျှင် ကြီးစွာသောအမှုတို့တွင်လည်း သစ္စာရှိကြလိမ့်မည် ဟု ယုံကြည်နိုင်၏။ သို့သော် သေးငယ်သောအမှုတို့တွင် သစ္စာမရှိလျှင် ကြီးစွာသောအမှုတို့တွင်လည်း သစ္စာရှိလိမ့်မည်မဟုတ်။ 11လောကီစည်းစိမ်ဥစ္စာကို ထိန်းသိမ်းရာတွင် သင်တို့သည် သစ္စာမရှိလျှင် အဘယ်သူသည် သင်တို့ကို စစ်မှန်သောစည်းစိမ်ထိန်းသိမ်းရန်အတွက် အပ်မည်နည်း။ 12အကယ်၍ သင်တို့သည် သူတစ်ပါးပိုင်သည့် ဥစ္စာပစ္စည်းများကို ထိန်းသိမ်းရာအမှုတွင် သစ္စာမရှိလျှင် သင်တို့ကို အဘယ်သူသည် သူ၏စည်းစိမ်ဥစ္စာကို သင်တို့အားပေးမည်နည်း။ 13အဘယ်သို့သော် အစေခံသည် တစ်ချိန်တည်းတွင် သခင်နှစ်ဦးကို အစေခံကိုမပြုနိုင်။ သူသည် သခင်တစ်ဦးကို မုန်းပြီး သခင်တစ်ဦးကို ချစ်လိမ့်မည်။ တစ်ဦးအပေါ်သစ္စာရှိ၍ တစ်ဦးကို မလေးမခန့်ပြုလိမ့်မည်။ တစ်ချိန်တည်းတွင် ပရ်မေဆွာရ် နှင့် လောကီစည်းစိမ်တို့ကို အစေခံမပြုနိုင် " ဟု မိန့်တော်မူ၏။ 14ငွေကိုနှစ်သက်တပ်မက်သော ဖာရိရှဲတို့သည် ပရ်ဘူယေရှု၏ စကားတော်ကိုကြားလျှင် ကဲ့ရဲ့လှောင်ပြောင်ကြ၏။ 15ဂုရုယေရှုက " သင်တို့သည် သူတစ်ပါးရှေ့၌ မိမိကိုယ်ကို သူတော်ကောင်းဖြစ်သည်ဟု ထင်မြင်စေခြင်းငှာ ပြုကြ၏။ သို့သော် သင်တို့၏ စိတ်နှလုံးကို ပရ်မေဆွာရ် သိတော်မူ၏။ လူတို့ကြားအလွန်တန်ဖိုးရှိသောအရာသည် ပရ်မေဆွာရ်၏ရှေ့တော်၌ စက်ဆုပ်ရွံရှာဖွယ်ဖြစ်၏။ 16ယောဟန်မရောက်မှီတိုင်အောင် ပညတ္တိကျမ်းနှင့် ပရ်ဘက်သာများမှ ရေးခဲ့သောကျမ်းများကို သင်ကြားခဲ့ကြ၏။ ထိုအချိန်မှစ၍ ပရ်မေဆွာရ်၏နိုင်ငံတော်နှင့်ယှဉ်သော ဧဝံဂေလိ သတင်းကောင်းတို့ကိုသင်ကြားလျက်ရှိ၏။လူအပေါင်းတို့သည်လည်းပရ်မေဆွာရ်၏ နိုင်ငံတော်ထဲသို့အနိုင်အထက်ဝင်ကြ၏။ 17ပညတ္တိကျမ်း၌ အသေးငယ်ဆုံးသောစာလုံးတစ်လုံး ပျောက်ကွယ်ပျက်စီးသွားသည်ထက် ကောင်းကင်နှင့်မြေကြီးပျက်စီးသွားသည် သာ၍ လွယ်၏။ 18အကြင်သူသည် မိမိမယားဖြင့် ကွာရှင်း၍ အခြားအမျိုးသမီးတစ်ယောက်ဖြင့်အိမ်ထောင်ပြုသော သူသည်မိမိမယားကိုပြစ်မှား၏။ ထိုနည်းတူ ကွာရှင်းထားသောအမျိုးသမီးနှင့်ထိမ်းမြားသော သူသည်လည်း သူ့မယားကိုပြစ်မှား၏ " ဟု မိန့်တော်မူ၏။ 19တစ်ခါတုံ၌ သူဌေးတစ်ယောက်ရှိ၏။ ထိုသူဌေးသည် ခရမ်းရောင်အထည်များကိုဝတ်ဆင်တက်၍ စည်းစိမ်ခံစားပြီး၊ သက်သက်သာသာနေထိုင်လျက်နေ၏။ 20လာဇရုအမည်ရှိသော ဆင်းရဲသားတစ်ယောက်သည် သူ၏အိမ်ရှေ့တံခါးဝရှေ့တွင်တုံးလုံးလှဲနေ၏။ သူ၏တစ်ကိုယ်လုံး၌ အနာစိမ်းများပေါက်လျက်ရှိ၏။ 21ခွေးများပင် လာ၍ သူ၏အနာများကိုလျက်ကြ၏။ သူသည် သူဌေး၏စားပွဲမှကျသော စားနုပ်စားပေါက်များကို စားရန် တောင်းတလျက်နေ၏။ 22ထို့နောက် ဆင်းရဲသားသေသော အချိန်ရောက်လာ၏။ထိုအခါ ဆွာရ်(ဂ်)ဒူ(သ်)များသည် အာဗြဟံထံသို ပို့ဆောင်ကြ၏။ သူဌေးသည်လည်း သေလွန်၍ သင်္ဂြိုလ်ခြင်းကိုခံရလေ၏။ 23ငရဲပြည်မှ သူဌေးသည် များစွာဆင်းရဲဒုက္ခခံရလျက် ကောင်ကင်းသို့မျှော်ကြည်သောအခါ အာဗြံဟံ၏အနားတွင် လာဇရုထိုင်နေသည်ကို အဝေးကမြင်လေ၏။ 24ထိုအခါ သူဌေးက "အိုအဖ အကျွန်ုပ်ကို ကယ်မသနားတော်မူပါ။ကျွန်ုပ်သည် ဤမီး၌ ပြင်းစွာဒုက္ခဝေဒနာခံစားလျက်ရှိပါ၏။ ထို့ကြောင့်ကျွန်ုပ်ရှိရာသို့ လာဇရုကိုလွှတ်၍ သူ၏လက်ချောင်းထိပ်ကို ရေနှစ်၍ အကျွန်ုပ်၏ လျှာကို အေးစေခြင်းငှာ စေလွှတ်ပါ " ဟု ပြောဆိုလေ၏။ 25ထိုအခါ အာဗြံဟံက ' ငါ့သား ၊သင်သည် အသက်ရှင်စဉ်တွင် ချမ်းသာစွာနေခဲ့ရသည်ကိုသူဌေးသည်၎င်း၊လာဇရုသည် ဆင်းရဲဒုက္ခခံခဲ့ရသည်ကို၎င်း သတိရအောက်မေ့လော့။ ယခုမူကား လာဇရုသည် အနားယူလျက်ရှိ၏။ သင်မူကားဆင်းရဲဒုက္ခခံစားရလေ၏။ ' 26' ထို့အပြင် သင်နှင့် ငါတို့စပ်ကြားတွင် အလွန်နက်၍ဝေးကွာလှသောချောက်ကြီးတစ်ခုဖန်ဆင်းထားလျက်ရှိ၏။ ထို့ကြောင့် ဤအရပ်မှသင်ရှိရာသို့ ဘယ်သူမျှမသွားနိုင်။ သင်ရှိရာ အရပ်မှလည်း ငါတို့ထံသို့ အဘယ်သူမျှမလာနိုင်။ ' 27သူဌေးကလည်း ' အိုအဖ ၊လာဇရုကို ကျွန်ုပ်၏မိသားစုရှိရာသို့ စေလွှတ်တော်မူပါ။ 28အကျွန်ုပ်၌ ညီငါးယောက်ရှိပါ၏။ သူတို့ကို လာဇာရုသတိပေးလျှင် ဤကဲ့သို့ ဒုက္ခဝေဒနာခံစားရသောအရပ်သို့ ရောက်လာမည်မဟုတ် ' ဟု ပြောလေ၏။ 29ထိုအခါ အာဗြံဟံကလည်း ' သင်၏ညီတို့၌ မောရှေ၏သွန်သင်ချက်နှင့်ပရ်ဘက်သာများ၏ ကျမ်းများရှိပါ၏။ ထို ပရ်ဘက်သာများ၏ ကျမ်းစကားကို နားထောင်စေလော့ ' ဟု ဆို၏။ 30သူဌေးကလည်း ' မဟုတ်ပါ၊ အဖ အာဗြံဟံ၊ သေခြင်းမှထမြောက်သောသူသည်သူတို့ရှိရာသို့ သွားလျှင် သူတို့သည်မိမိအပြစ်များမှနောင်တရကြလိမ့်မည် ' ဟု ပြော၏။ 31" ထိုအခါ အာဗြံဟံက " မောရှေနှင့် ပရ်မေဆွာရ်၏ပရ်ဘက်သာများ၏ ကျမ်းစကားကို နားမထောင်ကြလျှင် တစ်စုံတစ်ယောက်သောသူသည် သေခြင်းမှရှင်ပြန်ထမြောက်သော သူ၏စကားကို နားထောင်ကြလိမ့်မည် မဟုတ် "ဟု မိန့်တော်မူ၏ ။
Currently Selected:
Luke 16: HNT
Highlight
Copy
Compare
Share
Want to have your highlights saved across all your devices? Sign up or sign in
