Luke 19

1ဂုရုယေရှုသည် ယေရိခေါမြို့သို့ ဝင်၍ ဖြတ်ကြွတော်မူ၏။ 2ထိုအရပ်၌ ဇက္ခဲအမည်ရှိသောသူတစ်ယောက်ရှိ၏။ ထိုသူသည် ချမ်းသာကြွယ်ဝသောသူ ဖြစ်၏။ 3ဂုရုယေရှုသည် အဘယ်သို့သော်သူဖြစ်သည်ကို ဇက္ခဲသည်သိမြင်ခြင်းငှာ အလိုရှိ၏။ သို့သော် ထိုသူသည် အရပ်ပုသဖြင့် လုအစုအဝေးကြောင့် ပရ်ဘူဂျီကို မမြင်နိုင်။ 4ထို့ကြောင့် ပရ်ဘူဂျီကြွတော်မူရာ လမ်းရှေ့သို့ပြေးပြီး ပရ်ဘူဂျီကိုတွေ့မြင်စေခြင်းငှာ သဖန်းပင်တစ်ပင်သို့ တက်လေ၏။ 5ဇက္ခဲရှိရာအရပ်သို့ ပရ်ဘူဂျီရောက်တော်မူသောအခါ အထက်သို့ မျှော်ကြည်၍ " ဇက္ခဲအောက်သို့ မြန်မြန်ဆင်းလော့။ ယနေ့ငါသည် သင်၏အိမ်၌ တည်မည်" ဟု မိန့်တော်မူ၏။ 6ထိုအခါ ဇက္ခဲသည်လျှင်မြန်စွာအောက်သို့ဆင်း၍ ဝမ်းမြောက်ပျော်ရွှင်စွာ ပရ်ဘူဂျီကို မိမိအိမ်၌ကြိုဆိုလေ၏။ 7ထိုအကြောင်းအရာကိုမြင်သောသူပေါင်းတို့က " ပရ်ဘူယေရှုသည် အပြစ်ကျူးလွန်သောအပြစ်သား၏အိမ်သို့ ဧည်သည်အဖြစ် သွားလေပြီ " ဟု အချင်းချင်းတီးတို့ပြောဆိုကြ၏။ 8‌ဇက္ခဲသည် မတ်တပ်ရပ်၍ " ပရ်ဘူဂျီကြည်ပါ။ ယခုကျွန်ုပ်ပိုင်ဆိုင်သော ပစ္စည်းဥစ္စာ၏ထက်ဝက်ကို ဆင်းရဲသားတို့အား ပေးလှူပါမည်။ တစ်စုံတစ်ယောက်သောသူ၏ဥစ္စာကို လှည့်စား၍ယူခဲ့မိသည်ရှိသော အကျွန်ုပ်သည်ထိုပမာဏ၏လေးဆပြန်ပေးပါမည် " ဟု လျှောက်လေ၏။ 9ထိုအခါ ပရ်ဘူဂျီသည် ဇက္ခဲအား " ဤသူသည် အာဗြံဟံမျိုးဆက်ဖြစ်သဖြင့်ယနေ့ဤအိမ်ပေါ်သို့ မိုးကခ်ျ ရောက်ရှိလျက်ရှိ၏။ 10လူသားသည်ပျောက်ဆုံးသောသူတို့ကိုရှာရန်နှင့် မူကသီပေးစေခြင်းငှာ ကြွလာသည် " ဟု မိန့်တော်မူ၏။ 11ပရ်ဘူယေရှုသည် ယေရုရှလင်မြို့အနီးတွင် ရှိတော်မူသောကြောင့် လူတို့သည် ပရ်မေဆွာရ်၏နိုင်ငံတော် ပေါ်ထွန်းတော်မည် ဟု ထင်မှတ်ကြ၏။ထို့ကြောင့် ပရ်ဘူဂျီသည် လူအပေါင်းတို့အား ပုံဥပမာကိုဆောင်လျက် မိန်တော်မူသည်ကား၊ 12" ငွေရတတ်သောမိသားစုဝင်လူတစ်ဦးသည် မိမိပြည်၌ဘုရင်အရာကိုခံယူရန်နှင့် မိမိအိမ်သို့ပြန်လာရန် အကြံရှိကား ဝေးကွာလှသော ပြည်သို့သွားလေ၏။ 13သူသည်မသွားမှီ အစေခံဆယ်ယောက်ကိုခေါ်၍ သုံးလလောက်သုံး၍ရသော ငွေကြေးကိုပေးကာ ငါမပြန်လာမှီတိုင်အောင် ဤ‌ငွေကြေးဖြင့် ကုန်သွယ်ခြင်းအလုပ်ကို ပြုလုပ်ကြလော့ " ဟု ပြောလေ၏။ 14သို့သော် ထိုပြည်ရှိပြည်သားအချို့တို့သည် ထိုအမတ်အား မုန်းတီးကြ၏။ ထို့ကြောင့်ထိုအမတ်၏အုပ်ချုပ်မှုကို မလိုလားပါ ဟု ပြောစေခြင်းငှာ ဒူတ်(သ်)အချို့ကို ထိုအမတ်နောက်သို့ စေလွှတ်ကြ၏။ 15ထိုအမတ်သည် ဘုရင်အရာကိုခံယူ၍ ပြန်လာပြီး ငွေပေးခဲ့သော အစေခံတိုအား ထိုငွေဖြင့် မည်မျှအမြတ်ရရှိသနည်း ဟု သိချင်သော် အလိုရှိသောကြောင့် ‌အစေခံတို့ကိုခေါ်ရန် အမိန့်ပေးခဲ့သည်။ 16ပထမလူသည် လာ၍ ' အကျွန်ုပ်သည် အရှင်၏ ငွေဖြင့် ငွေဆယ်ဆအမြတ်ရရှိပါသည် ' ဟု လျှောက်၏။ 17ထိုအခါ ဘုရင်က ' ကောင်းလေစွာ။ ငါငယ်သားအစေခံကောင်း သင်သည် သေးငယ်သောအမှု၌ သင်သစ္စာရှိသည်။ ထို့ကြောင့် ငါသည်သင့်ကို မြို့ဆယ်မြို့အုပ်ချုပ်ရမည့် အခွင့်ပေးမည် ' ဟု မိန့်တော်မူ၏။ 18ဒုတိယလူသည် လာ၍ ' အကျွန်ုပ်သည် အရှင်မင်းကြီး၏ ငွေကြေးဖြင့် ငွေကြေးငါးဆကိုသာ အမြတ်ရရှိပါသည် ' ဟု လျှောက်သော်၊ 19ထိုသူ၏ အရှင်က " ငါသည် သင့်ကို မြို့ငါးမြို့၏ အုပ်ချုပ်ရသောသူအဖြစ် ခန့်အပ်ထားမည် "ဟု မိန့်တော်မူ၏။ 20ထို့နောက် အခြားသောအစေခံတစ်ယောက်သည် လာ၍ ' အကျွန်ုပ်သည် အဝတ်တစ်ထည်၏ပုဝါ၌ ဝှက်ထားသော သခင်၏ငွေအကုန် အကျွန်ပ်၌ ရှိပါ၏။ 21အရှင်သည် ခက်ထန်သောသူဖြစ်ပါ၏။ အရှင်သည် မသိုးလောင်သောဥစ္စာကို သိမ်းယူတတ်ပြီး၊ မစိုက်ပျိုးသောနေရာ၌ရိတ်သိမ်းတတ်သောကြောင့် အကျွန်ုပ်သည် သခင်ကို အလွန်ကြောက်လှပါ၏ ' ဟုလျှောက်သော်၊ 22သခင်က " အချင်း၊ ဆိုးသွမ်းသောအစေခံ ငါသည် သင်၏စကားအတိုင်း သင်ကိုအပြစ်စီရင်မည်။ ငါသည် ခက်ထန်သောသူဖြစ်သည့် သင်သိသည် မဟုတ်သလော့။ ငါသည် မသိုးလောင်သောအရာကို သိမ်းယူတတ်ပြီး။ ငါသည် မစိုက်ပျိုးသောနေရာတွင် ရိတ်သိမ်းတတ်သည်ကို သင်သည်သိသည် မဟုတ်သလော။ 23သို့ဖြစ်၍ ငါပြန်လာသောအခါ အတိုးနှင့်တကွသိမ်းယူနိုင်ရန် သင်သည် ငါ၏ငွေကိုဘဏ်၌ အဘယ်ကြောင့်မအပ်သနည်း " ဟု မေးလေ၏။ 24ထိုအခါ အနီးနားတွင် ရပ်လျက်ရှိသော အခြံရံတို့အား ' ဤသူ၏ငွေကိုသိမ်းယူ၍ ငွေဆယ်ဆရှိသောသူအား ပေးကြလော့ ' ဟု မိန့်တော်မူ၏။ 25ထိုအခြံအရံတို့က ' အရှင်၊ ထိုသူ၌ငွေဆယ်ဆအထက်ပင် ရှိ၏ ' ဟုလျှောက်ကြသော်- 26အရှင်က " ငါဆိုသည်ကား ၊ငွေရတတ်၍ ကြွယ်ဝသောသူအား ထပ်၍ ပေးဦးမည်။ သို့သော် ဆင်းရဲ၍ မည်သည့်ဥစ္စာမျှ မရှိသောသူမူကား ရှိသမျှကိုပင် နှုတ်ယူသိမ်လိမ့်မည်။ 27ငါ့အား ရှင်ဘုရင်ဖြစ်စေခြင်းငှာ အလိုမရှိသော ငါ၏ရန်သူတို့ကို ခေါ်၍ ငါ့အရှေ့မှာ သတ်ခြင်းငှာ စီရင်ကြလော့ ဟု မိန့်လေ၏ " ဟု မိန့်တော်မူ၏။ 28ပရ်ဘူဂျီ ထိုသို့မိန့်တော်မူပြီးနောက် ယေရှုဂျီသည် ယေရုရှလင်မြို့သို့ ကြွခြင်းငှာ အလိုရှိ၍ ခရီးဆက်တော်မူ၏။ 29ဗက်ဖာဂေရွာ နှင့် ဗေသနိရွာ အနီးသို့ရောက်တော်မူ၏။ ထိုအရပ်ရှိတောင်ကို သံလွင်တောင် ဟု ခေါ်၏။ ဂုရုယေရှုဂျီသည် စစ်စရောနှစ်ယောက်ကို စေလွှတ်၍၊ 30ယေရှုဂျီက " သင်တို့၏အရှေ့၌ရှိသော ရွာသို့ သွားလော့။ ထိုရွာသို့ရောက်လျှင် အဘယ်သူမျှ တစ်ကြိမ်မျှ မစီးဖူးသော မြည်းကလေးတစ်ကောင်ကို ကြိုးဖြင့်ချည်ထားလျက်ရှိသည်ကို တွေ့ကြလိမ့်မည်။ ကြိုးကိုဖြည်၍ ယခုနေရာသို့ ဆောင်ယူခဲ့ကြလော့။ 31တစ်စုံတစ်ယောက်သောသူက သင်တို့အား ဤမြည်းကို အဘယ်ကြောင့်ဖြည်နေကြသနည်း ဟု မေးလျှင်၊ သင်တို့က ဤမြည်းကို ပရ်ဘူဂျီ အလိုရှိသည် ဟု ပြောကြလော့ " ဟု မိန့်မှာတော်မူ၏။ 32စေလွှတ်လိုက်သောသူတို့သည် ရှေ့သို့ဆက်သွားလျှင် မြည်းကလေးကို ရှာတွေ့ကြ၏။ထိုမြည်းကလေးသည် ယေရှုဂျီ မိန့်မှာတော်မူသည့်အတိုင်း ရှိနေ၏။ 33မြည်းကလေအားဖြည်သည်ကို မြည်းပိုင်ရှင်တွေ့လျှင် ပိုင်ရှင်က " ဤမြည်းကလေးကို အဘယ်ကြောင့်ကြိုးဖြည်နေကြသနည်း " ဟု မေး၏။ 34ထိုသူတို့ကလည်း " ဤမြည်းကလေးကို ပရ်ဘူဂျီအလိုရှိပါ၏ " ဟု ‌ဖြေကြ၏။ 35ထိုနောက် စစ်စရောတို့သည် မြည်းကလေးကို ပရ်ဘူဂျီအထံတော်သို့ ဆောင်ခဲ့ကြ၍ မိမိတို့၏အဝတ်ကိုမြည်းကလေး၏ကျောပေါ်သို့တင်ပြီး ယေရှုဂျီအား ထိုမြည်းကလေးကို စီးစေကြ၏။ 36ပရ်ဘူဂျီ ထိုမြည်းကလေးကိုစီး၍ ကြွတော်မူစဉ်တွင် လူတို့သည်မိမိ၏အဝတ်များကို လမ်းပေါ်သို့ ဖြန့်ခင်းကြ၏။ 37ပရ်ဘူယေရှုသည် သံလွင်တောင်မှအောက်သို့ဆင်းရာ လမ်းရှိသောအရပ်သို့ရောက်တော်မူသောအခါ ထိုအရပ်၌ လူအပေါင်းတို့သည် သူတို့မြင်ခဲ့သော အံ့ဖွယ်အမှုအလုံးစုံတို့ကိုထောက်၍ ပရ်မေဆွာရ်၏ ဂုဏ်တော်ကို ဝမ်းမြောက်ရွှင်လန်းသော စိတ်ဖြင့်ကျယ်လောင်သောအသံဖြင့် ချီးမွမ်းကြ၏။ 38လူတို့က " ပရ်မေဆွာရ်၏နာမတော်အားဖြင့် ကြွလာသော ရှင်ဘုရင်သည် မင်္ဂလာရှိစေသတည်း။ ဆွာရ်(ဂ်)၌ ငြိမ်သက်ခြင်းနှင့် အမြင့်မြတ်ဆုံးသောဘုန်းအသရေရှိစေသတည်း " ဟု ကြွေးကြော်ကြ၏။ 39လူစုအဝေး၌ရှိသော ဖာရိရှဲအချို့တို့သည် ပရ်ဘူယေရှုအား " ဂုရုဂျီ၊ ဤသို့ပြောခြင်းမှ ရပ်တန်းစေခြင်းငှာ စစ်စရောတို့အား ဆုံးမတော်မူပါ " ဟုလျှောက်လျှင်၊ 40ပရ်ဘူဂျီက " ငါဆိုသည်ကား ဤသူတို့သည် တိတ်ဆိတ်စွာနေကြသည်ရှိသော် ကျောက်ခဲတို့သည် အော်ဟစ်ကြလိမ်မည် " ဟု မိန်တော်မူ၏။ 41ပရ်ဘူဂျီသည် ယေရုရှလင်မြို့သို့ ရောက်တော်မူသောအခါ ထိုမြို့ကိုကြည့်တော်မူလျက် ငိုကြွေးတော်မူ၍၊ 42ပရ်ဘူဂျီသည် " အချင်းမြို့၊ သင်သည်ငြိမ်သက်ခြင်းရရှိရာလမ်းကို သိစေခြင်းငှာ ငါအလိုရှိ၏။ယခုမူကား၊ ထိုအရာတို့ကို သင်၏မျက်စိရှေ့မှ ထင်ရှားစေခြင်းငှာ ကွယ်ဝှက်ထားလျက်ရှိ၏။ 43သင်တို့၏ရန်သူသည် လာ၍ သင်တို့မျက်စိရှေ့တွင် ရွံ့မြေကဲ့သို့သော စစ်တပ်နံရံတည်ပြီး အဘက်ဘက်မှ ပိတ်ဆို့၍ ညှင်းဆဲသောအချိန်နေ့ရက်ကာလ ရောက်ရှိလာလိမ့်မည်။ 44ပရ်မေဆွာရ်သည် သင်တို့ရှိရာသို့ကြွလာတော်မူသောအချိန်ကာလကို သင်တို့ကြည့်ရှုသတိမပြုကြသောကြောင့်သင်တို့၏ ရန်သူသည် သင်တို့ကို မြေကြီးပေါ်သို့ပစ်ချလျက် သူတို့သည် သင်နှင့်သင်၏မြို့နံရံတွင်းရှိ လူအားလုံးကိုဖျက်ဆီးကြလိမ့်မည်။ ကျောက်တစ်လုံးပေါ်၌ ကျောက်တစ်လုံးမရှိသည့်တိုင်အောင် ချန်ထားကြလိမ့်မည်မဟုတ် " ဟု မိန့်တော်မူ၏။ 45ထို့နောက် ပရ်ဘူယေရှုသည် မန်နန်ဒီရ်သို့ကြွတော်မူ၍ ထိုအရပ်၌ရောင်းဝယ်သောသူတို့ကို နှင်ထုတ်လျက်၊ 46ပရ်ဘူဂျီက " ငါ၏အိမ်သည် လူများတို့ဆုတောင်းရာ အိမ်ဖြစ်သည်ဟု ကျမ်းစာ၌ရေးထား၏။ (‌ဟေရှာယ ၅၆း၇) သို့သော် သင်တို့သည် ငါအိမ်ကို ဓားမြတွင်းဖြစ်အောင် ပြုလုပ်ကြ၏။ (ယေရမိ ၇း၁၁) 47ပရ်ဘူဂျီသည် နေ့တိုင်းမန်နန်ဒီရ်၌ ဆုံးမဩဝါဒ ပေးတော်မူ၏။ သို့ရာတွင် ယဇ်ပုရောဟိတ်အကြီးအကဲများ၊ ကျမ်းပြုဂုရုများနှင့် လူတို့၏ အကြီးအကဲခေါင်းဆောင်တို့သည် ပရ်ဘူဂျီကို သတ်ရန်ရှာကြံကြ၏။ 48သို့သော် လူအပေါင်းတို့သည် ပရ်ဘူယေရှု၏ စကားတော်ကို ဂရုတစိုက်နားထောင်ကြသော်ကြောင့် ပရ်ဘူဂျီကို အဘယ်သို့သတ်အံခြင်းငှာ နည်းလမ်းရှာမတွေ့ကြ။

Currently Selected:

Luke 19: HNT

Highlight

Copy

Compare