Luke 20
20
1တစ်နေ့တွင် ဂုရုယေရှုသည် မန်နန်ဒီရ်တွင် လူများတို့ကို ဆုံးမသြဝါဒ သွန်သင်ပေးတော်မူလျက်၊ သတင်းကောင်းကို ဟော်ပြောတော်မူ၏။ ထိုအခါ ဖာရိရှဲအကြီးအကဲများ၊ ကျမ်းတက်ဂုရုများနှင့် လူအကြီးအကဲများနှင့်အတူ ပရ်ဘူဂျီထံသို့ လာ၍၊ 2သူတို့က "ဂုရုဂျီ၊ ဤအမှုတို့ကို အဘယ်အခွင့်အာဏာနှင့်ပြုသနည်း။ အဘယ်သူက ဤအခွင့်အာဏာကို ပေးသနည်း။ အကျွန်ပ်တို့အား ပြောပြတော်မူပါ " ဟု လျှောက်တင်ကြ၏။ 3ဂုရုယေရှုက " ငါသည် သင်တို့ကို မေးခွန်းတစ်ုမေးမည် " 4ယောဟန်သည် ဂျော်လ်ဒီကချာကို ဆွာရ်(ဂ်)တွင်ရှိသော ပရ်မေဆွာရ်၏အခွင့်အာဏာဖြင့် ပေးသလော့။ (သို့မဟုတ်) လူတို့၏ အခွင့်အာဏာဖြင့် ပေးသလော့။ သင်တို့ဖြေကြလော့။ " ဟု မိန်တော်မူ၏။ 5ထိုမေးခွန်း၏ အကြောင်းကို သူတို့ ချက်ချင်း ဆွေးနွေးကြသည်ကား၊ ' ငါတို့သည် ပရ်မေဆွာရ်အခွင့်အာဏာပေးသည် ဟု ဖြေကြလျှင် သင်တို့သည် အဘယ်ကြောင့် ယောဟန်ကို မယုံကြည်ကြသနည်း။ ဟု မေးလိမ်မည်။ 6အကယ်၍ ငါတို့သည် ယောဟန်က လူတို့၏ အခွင့်အာဏာဖြင့် ဂျော်လ်ဒီကချာပေးသည်ဟု ဖြေခဲ့လျှင် ယောဟန်အား ပရ်မေဆွာရ်၏ ဒူတ်(သ်) ဖြစ်သည် ဟု ယုံကြည်သော သူတို့သည် ငါတို့အား ကျောက်ခဲများဖြင့် ပစ်ကြလိမ်မည် ဟု အချင်းချင်းဆွေးနွေးကြပြီး။ ' 7ထိုသူတို့က " ယောဟန်သည် မည်သူ၏အခွင့်ဖြင့် ဂျော်လ်ဒီကချာပေးသည်ကို အကျွန်ုပ်တို့ မသိကြပါ "ဟု ဖြေကြ၏။ 8ယေရှုဂျီက " ငါသည်လည်း ထိုနည်းတူ သင်တို့အား ဤအမှုများကို မည်သူ၏အခွင့်အာဏာဖြင့် ပြုသည်ကို ငါမပြော " ဟု မိန်တော်မူ၏။ 9ထိုနောက် ဂုရုယေရှုသည် လူအပေါင်းတို့အား ပုံဥပမာကို ဆောင်လျက် မိန်တော်မူသည်ကား၊ " လူတစ်ဦးသည် စပျစ်ဥယျာဥ်ကို စိုက်ပြီးမှ အချို့သော ဥယျာဥ်သမားတို့ကို ငှားလေ၏။ ထိုနောက် အချိန်ကြာမြင့်စွာ အခြားပြည်သို့ သွား၍ နေလေ၏။ 10စပျစ်ခူးသိမ်းရာ အချိန်တန်လျှင် ဥယျာဥ်ပိုင်ရှင်က အစေခံတစ်ယောက်ကို ဥယျာဥ်ငှားထံသို့ စေလွှတ်၍ ဥယျာဥ်ငှားတို့ထံမှ စပျစ်သီး အချို့တို့ကို ပေးကြရန် မှာကြားလိုက်လေသည်။ သို့သော် ဥယျာဥ်ငှားတို့က ထိုအစေခံကို ရိုက်နှက်၍ လက်ဗလာနှင့် လွှတ်လိုက်ကြ၏။ 11ထိုကြောင့် ဥယျာဥ်ပိုင်ရှင်က အခြားသောအစေခံတစ်ယောက်ကို တစ်ဖန်စေလွှတ်ပြန်လျှင် ထိုအစေခံကိုလည်း ရိုက်နှက်၍ အရှက်ခွဲပြီးနောက် လက်ဗလာနှင့် ပြန်လွှတ်လိုက်ကြပြန်လေ၏။ 12ဥယျာဥ်ပိုင်ရှင်သည် တတိယအစေခံကို စေလွှတ်သော်လည်း ဥယျာဥ်ငှားတို့သည် ဒဏ်ရာများပေးကာ အပြင်သို့နှင်ထုတ်ကြ၏။ 13ထိုနောက် ဥယျာဥ်ပိုင်ရှင်က " ငါအဘယ်သို့ ပြုအပ်သနည်း။ ငါအလွန်ချစ်သော သားတစ်ယောက်ရှိ၏။ငါ၏သားကို မြင်လျှင် ဥယျာဥ်ငှားတို့သည် ငါသားအား လေးစားကောင်းလေးစားကြလိမ်မည်။ " 14သို့သော် ဥယျာဥ်ပိုင်ရှင်၏သားကို ဥယျာဥ်ငှားတို့မြင်ကြလျှင်၊ " ဤသူသည် ပိုင်ရှင်၏အမွေကို တစ်နေ့၌ အမွေဆက်ခံမည်သူဖြစ်၏။ သူအမွေကို ငါတို့ရစေခြင်းငှာ လာကြ။ သူကို သတ်ကြကုန်အံ့" ဟု ဆွေးနွေးကြပြီး၊ 15ဥယျာဥ်ပိုင်ရှင်၏သားကို အပြင်သို့ နှင်ထုတ်၍ သတ်ပစ်ကြ၏။ ဤသို့ ဖြစ်လျှင် ဥယျာဥ် ပိုင်ရှင်သည် ဥယျာဥ်ငှားတို့အား အဘယ်သို့ ပြုမည်နည်း။ 16ဥယျာဥ်ပိုင်ရှင်သည် လာ၍ ထိုဥယျာဥ်ငှားတို့ကို သတ်ပြီးနောက် အခြားသောသူတို့အား ဥယျာဥ်ကိုငှားလိမ်မည်" ဟု မိန်တော်မူ၏။ ထိုသို့ မိန်တော်မူသောစကားကို ကြားသူတို့သည် " ဤသို့ မဖြစ်ပါစေနှင့် ဟု အကျွန်ုပ်တို့မျှော်လင်ကြပါသည် " ဟု လျှောက်ကြသော်၊ 17ပရ်ဘူယေရှုသည် ထိုသူတို့ကို ကြည်ရှု၍ " ဤအမှုတွင် ငါသည်သင်တို့အား နားလည်စေရန်အလိုရှိ၍ ရှင်းပြသောစကားဟူမူကား၊ ဆောက်လုပ်ရေးသမားများ ပယ်ထားခဲ့သော ကျောက်သည် ကျောက်များအနက် အရေးကြီးဆုံးကျောက်ဖြစ်လာမည် " ဟု ရေးထား၏။ (ဆာလံ ၁၁၈း၂၂) 18"အကြင်သူသည် ထိုကျောက်အပေါ်သို့ကျလျှင် ထိုသူသည် အပိုင်းပိုင်းကျိုးလိမ်မည်။ အကြင်သူအပေါ် ထိုကျောက်ကျလျှင် ညက်ညက်ကြေလိမ်မည် " ဟု မိန်တော်မူ၏။ 19ထိုအခါ ဖာရိရှဲအကြီးအကဲနှင့် ကျမ်းတက်ဂုရုတို့က " ပရ်ဘူယေရှုက သူတို့ကို ရည်စူး၍ ထိုဥပမာကို မိန်တော်မူသည်ဟု သိကြသော်ကြောင့် ထိုအချိန်၌ ပရ်ဘူယေရှုကို ဖမ်းဆီးစေခြင်းငှာ ရှာကြံကြ၏။ သို့သော် လူအပေါင်းတို့ကို ကြောက်နေကြရ၏။ 20ဖာရိရှဲများသည် ပရ်ဘူဂျီကို အနီးကပ်စောင့်ကြည်ရန် သူလျှိုများကို စေလွှတ်ခဲ၏။ ထိုသူလျှိုများသည် ဂုရုဂျီမိန်တော်မူသော် စကားများမှ အမှားရှာ၍ အပြစ်တင်ကား မြို့ဝင်ဘုရင်ထံ အပ်နှံစေခြင်းငှာ သူတော်ကောင်းယောင်ဆောင်လျက် အနီးကပ်ကြည်ကြ၏။ 21သူလျှိုတို့က ပရ်ဘူယေရှုအား " ဂုရုဂျီ၊ ဂုရုဂျီက ဟော်ပြောသွန်သင်သမျှအကုန်အစင် မှန်ကန်ကြောင်းအကျွန်ုပ်တို့ သိကြပါ၏။ ပရ်ဘူဂျီသည် လူတို့၏မျက်နှာကို မထောက်၊ ပရ်မေဆွာရ်၏တရားလမ်းစဥ်ကို သစ္စာရှိရှိနှင့်မှန်ကန်စွာ ဟော်ပြောသွန်သင်ကြောင်းလည်း အကျွန်ုပ်တို့ သိကြပါ၏။ 22အကျွန်ပ်တို့သည် ကဲသာဘုရင်အား အခွန်ကို ပေးသင့်သလော့။ မပေးသင့်သလော့ " ဟု လျှောက်တင်ကြ၏။ 23ပရ်ဘူယေရှုသည် ထိုသူတို့က ပရိယာယ်သုံး၍ လှည်ဖြားရန် ကြိုးစားနေကြသည်ကို သိမြင်တော်မူလျှင်၊ 24ပရ်ဘူယေရှုက " ငါအား ငွေဒင်္ဂါးပြား တစ်ပြားပြပါ။ ထိုဒင်္ဂါး၌ အဘယ်သူ၏ပုံနှင့်အဘယ်သူ၏ အမည်ကဗ္ဗည်စာပါသနည်း " ဟု မေးတော်မူ၏။ 25ထိုသူတို့က " ကဲသာဘုရင်၏ ပုံပါရှိပါသည် " ဟု လျှောက်ကြသော်၊ ပရ်ဘူဂျီက" ကဲသာဘုရင်နှင့် စပ်ဆိုင်သောဥစ္စာကို ကဲသာဘုရင်အားပေးကြလော့။ ပရ်မေဆွာရ်နှင့်စပ်ဆိုင်သောအရာကို ပရ်မေဆွာရ်အားပေးကြလော့။ " ဟု မိန်တော်မူ၏။ 26ပရ်ဘူယေရှုသည် လူအပေါင်းတို့ရှေ့တွင် ဖြေကြားလိုက်သော စကားတော်၌ အမှားရှာမတွေ့ကြသဖြင့် ထိုသူတို့က အံသြခြင်းရှိလျက် နှုတ်ဆိတ်၍ တိတ်ဆိတ်စွာနေကြ၏။ 27ဇဒ္ဒုကဲများသည် လူတို့က သေခြင်းမှ ထမြောက်ခြင်းမရှိဟု ယုံကြည်သောလူတစ်ချို့တို့သည်လည်း ဂုရုယေရှုအထံတော်သို့ ချဥ်းကပ်လာ၍၊ 28ထိုသူတို့က " တစ်စုံတစ်ယောက်သောသူသည် သားသမီးမရဘဲ သေဆုံးသွား၏။ ထိုသူ၌ ကျန်သောမယားကို သူ၏ညီက ထိမ်းမြားရမည်ဟု မောရှေသည် အကျွန်ပ်တို့အတွက် စီရင်ရေးသားခဲ့ပါသည်။ သို့မှသာ အစ်ကို၏မျိုးဆက်ကို သူ၏ညီက ကိုယ်စား သားသမီးထွန်းကားလာလိမ်မည်။ 29ညီအစ်ကို ခုနှစ်ယောက်ရှိ၏။ ပထမအစ်ကိုတစ်ဦးသည် မိန်းမတစ်ဦးကို လက်ထက်လိုက်၍ သားသမီးမထွန်းကားဘဲ သေဆုံးသွားလေ၏။ 30ဒုတိယညီသည် သူ၏အစ်ကိုမယားကို ထိမ်းမြားလေ၏။ သို့သော် သားသမီးမထွန်းကားဘဲ သေဆုံးလေ၏။ 31ထိုနောက် တတိယညီသည်လည်း သူ၏ မရီးကို ထိမ်းမြားပြန်လေ၏။ ထိုသို့ဖြင့် တစ်ယောက်ပြီးတစ်ယောက်ထိုအမျိုးသမီးကို ထိမ်းမြားကြ၏။ သို့သော် ညီအစ်ကို ခုနှစ်ယောက်တွင် မည်သူနှင့်မျှ သားသမီးမထွန်းကာဘဲ အားလုံးသေဆုံးကြ၏။ 32နောက်ဆုံး၌ ထိုအမျိုးသမီးသည်လည်း သေဆုံးလေ၏။ 33သို့ဖြစ်၍ ထိုအမျိုးသမီးသည် ညီအစ်ကို ခုနှစ်ယောက်လုံးဖြင့် ထိမ်းမြားခဲ့ဘူးသော်ကြောင့် နောက်ဆုံးရှင်ပြန်ထမြောက်ရာကာလ၌ ရှင်ပြန်ထမြောက်ခဲ့သည်ရှိသော် အဘယ်သူ၏ မယားဖြစ်မည်နည်း " ဟု လျှောက်တင်ကြ၏။ 34ဂုရုယေရှုက " ယခု ကမ္ဘာလောကတွင် လူတို့သည် ထိမ်းမြားခြင်းရှိကြ၏။ ထိုသူတို့၏ မိဘများသည်လည်း ထိမ်းမြားခြင်းဆောင်ရွက်ပေးကြ၏။ 35သို့သော် သေလွန်ရာမှ ရှင်ပြန်ထမြောက်ရာကာလ၌ ထိုသို့ဖြစ်လိမ်မည်မဟုတ်။ သေခြင်းမှ ထမြောက်ခြင်းကို ခံထိုက်သောသူဟု မှတ်တော်မူခြင်းခံရသော သူတို့၌ ထိမ်းမြားစုံဘက်ခြင်းရှိလိမ်မည်မဟုတ်။ ထိုသူတို့၏ မိဘများသည်လည်း ထိမ်းမြားပေးစားခြင်းကို ဆောင်ရွက်ပေးလိမ်မည်မဟုတ်။ 36ထိုသူတို့သည် သေခြင်းမှ အစဥ်မပျက်ကင်းလွတ်လိမ်မည်။ သူတို့သည် ဆွာရ်(ဂ်)ဒူတ်(သ်)များကဲ့သို့ဖြစ်ကြပြီး၊ ပရ်မေဆွာရ်၏ သားသမီးများလည်းဖြစ်ကြ၏။ သေလွန်သောသူသည် ရှင်ပြန်ထမြောက်သောအခါ အသက်တာ ပုံစံအသစ်ကို ရရှိကြလိမ်မည်။ 37မောရှေနှင့် ချုံပုတ်ပုံပြင်ကို သတိရ အောက်မေ့ကြလော့၊ ထိုထဲ၌ ပရ်မေဆွာရ်သည် မောရှေအားမိန်တော်မူသည်ကား၊ ငါသည် အာဗြံဟံ၏ပရ်မေဆွာရ်၊ ဣဇာတ်၏ပရ်မေဆွာရ်၊ ယာကုပ်၏ ပရ်မေဆွာရ်လည်းဖြစ်၏။ထိုအပြင်သေလွန်သောသူတို့သည် သေခြင်းမှ ရှင်ပြန်ထသည်ကိုလည်း မောရှေဖော်ပြထား၏။ (ထွက်မြောက်ရာ ၃း၆) 38ပရ်ဘူဂျီသည် သေနေ့သောသူတို့၏ ပရ်မေဆွာရ်မဟုတ်။ အသက်ရှင်သောသူတို့၏ ပရ်မေဆွာရ် ဖြစ်တော်မူ၏။ အကြောင်းမူကား ထိုသူတို့အပေါင်းတို့သည် ပရ်မေဆွာရ်၌ အသက်ရှင်ကြ၏ " ဟု မိန်တော်မူ၏။ 39ကျမ်းပြုဂုရုအချို့တို့က " ပရ်ဘူဂျီ၊ ပြောသောစကားတော်သည် လျောက်ပတ်ပါသည် " ဟု လျှောက်တင်ကြ၏။ 40နောက်တစ်ဖန် ဂုရုယေရှုအား အလျင်းမေးခြင်း မလျှောက်ဝံ့ကြ။ 41ယေရှုဂျီက ထိုသူတို့အား " လူတို့က မူကသီဒါသာသည် ဒါဝိဒ်၏ သားတော်ဟု အဘယ်ကြောင့် ဆိုကြသနည်း။" 42ဒါဝိဒ်သည် မိမိကိုယ်တိုင်ရေးထားသော ဆာလံကျမ်းတွင် ဆိုထားသည်ကား၊ အာနန်းသ် ပရ်ဘူဂျီက၊ 43ငါသည် သင်၏ရန်သူတို့ကို သင်၏လက်သို့မအပ်မှီတိုင်အောင် ငါလက်ယာတစ်ဘက်၌ထိုင်လော့ " ဟု ငါ၏ ပရ်ဘူအား မိန်တော်မူ၏။ 44ဒါဝိဒ်သည် မူကသီဒါသာအား " ပရ်ဘူ " ဆို၏။ ထိုကြောင့် မူကသီဒါသာ သည် ဒါဝိဒ်၏သားတော် အဘယ်သို့ဖြစ်နိုင်သနည်း။ 45လူအပေါင်းတို့သည် ယေရှုဂျီ၏စကားတော်ကို နားထောင်နေကြစဥ်တွင်၊ ပရ်ဘူဂျီက စစ်စရောတို့အား မိန်တော်မူသည်ကား၊ 46သင်တို့သည် ကျမ်းတက်ဂုရုတို့ကို ရှောင်ကြဥ်ကြလော့။ သူတို့သည် ရှည်လျားသောအင်္ကျီကို ဝတ်၍ လည်ပတ်ခြင်းငှာ၎င်း၊ သူတို့သည် ဈေးများတွင် လူတို့၏ နှုတ်ဆက်ခြင်းကို၎င်း ၊မန်နန်ဒီရ်၌ မြင့်မြတ်သောနေရာတွင် ထိုင်ရသည်ကို၎င်း၊ ပွဲလမ်းသဘင်များနှင့် ညစာစားပွဲများတွင်အရေးကြီးသောနေရာရခြင်းကို၎င်း နှစ်သက်ကြ၏။ 47သူတို့သည် မုဆိုးမများ၏ အိမ်ကို လုယူသိမ်းကြ၍ သူတို့သည် ဟန်ဆောင်လျက် ရှည်လျားသောဆုတောင်းပဌာနစကားများကို ရွက်ဆိုကြ၏။ ပရ်ဘူဂျီသည် ထိုသူကို အလွန်ကြီးစွာသောဒဏ်ကို ခတ်လိမ်မည် " ဟု မိန်တော်မူ၏။
Currently Selected:
Luke 20: HNT
Highlight
Copy
Compare
Share
Want to have your highlights saved across all your devices? Sign up or sign in
