Ta Kəla gír yá̰a̰ gə̄ 36

Esau ndi dɔ nang kə́ Edom tə́

1-2Ngán Esau gə̄ n toó: Esau ń rīn na i Edom ní taā dəyá̰ gə̄ i dan ngáń kə́ dəyá̰ kə́ Kanaan gə̄ tə́. Kógə̄ḿ i Ada ngōn̄ Elon ń i Het ní ō, kə́ noō i Oholibama ngōn̄ Ana kə́ ngōn̄ Sibeon ń i Hibi ní ō. 3Ni taā Basmat ngōn̄ Ismael ō. Basmat i ngōkó̰o̰ Nebayot kə́ dəyá̰. 4Ada ojə Elipaj adə̄ Esau. Basmat ojə Rewel. 5Oholibama ojə Yeus ō, Yalam ō, Kora ō. Ngán Esau gə̄ ń ojədə́ dɔ nang kə́ Kanaan tə́ ní n noó.

6Esau ɔy nə̄yá̰n gə̄ ō, ngánən kə́ dəngam gə̄ ō, ngánən kə́ dəyá̰ gə̄ ō, ngé kəla yān gə̄ malang ō, yá̰a̰ kul̄ yān gə̄ ō, dā̰ yān gə̄ malang ō, yá̰a̰ gə̄ ń ənge dɔ nang kə́ Kanaan tə́ ní malang ō, ba aw̄ dɔ nang kə́ rang tə́, sa̰y kɔ̄ɔ́ rɔ̄ ngōkó̰o̰n Jakob tə́. 7Tɔdɔ̄ yá̰a̰ kənge yādə́ i ngá̰ý al̄ naā, adə̄ asə kadə̄ ndinə̄ń naā tə́ aĺ ō, loo ń nin̄ i mbā tū tə́ ní asə tām̄ yādə́ tə́ to̰ aĺ ō, najə̄ yá̰a̰ kul̄ yādə́ gə̄ tə́. 8I tām̄ ń noō tə́ n Esau ń rīn kə́rēý na i Edom ní aw̄ ndiń ɓē dɔ mbal̄ kə́ Seir tə́ ní.

Ngán Esau gə̄ ō, ngán kaan gə̄ ō

9Esau, kaa de kə́ Edom gə̄ ń ndin̄ ɓē dɔ mbal̄ kə́ Seir tə́ ní, ngánən gə̄ ō, ngán kaan gə̄ ō n toó: 10Rī ngánən gə̄ n toó: Elipaj ngōn̄ Ada kə́ nə̄yá̰ Esau ō, Rewel ngōn̄ Basmat kə́ nə̄yá̰ Esau ō.

11Ngán Elipaj gə̄ i Teman ō, Omar ō, Sepo ō, Gatam ō, Kenas ō. 12Timna də̄yá̰ gidə ndogə̄ yā Elipaj kə́ nge ko̰ jōó ojə Amalek adə̄ Elipaj. Ngán kaa Esau nin̄ kə nə̄yá̰n Adaá n noó.

13Ngán Rewel gə̄ n toó: Nahat ō, Jera ō, Sama ō, Mija ō. Ngán kaa Esau nin̄ kə nə̄yá̰n Basmat n noó. 14Ngán Oholibama nə̄yá̰ Esau n toó: Oholibama ojə Yeus ō, Yalam ō, Kora ō, kə Esauú. Oholibama i ngōn̄ Ana kə́ dəyá̰, ba Ana tá i ngōn̄ Sibeon kə́ dəyá̰.

15-16Ngār gə̄ kə́ dɔ gír kojə yā Esau tə́ n toó: Teman ō, Omar ō, Sepo ō, Kenas ō, Kora ō, Gatam ō, Amalek ō. I nin̄ n i ngār gə̄ kə́ dɔ nang kə́ Edom tə́ ní. Nin̄ i ngán Elipaj hágə Esau nin̄ kə nə̄yá̰n Adaá.

17Nahat ō, Jera ō, Sama ō, Mija ō ń i ngār gə̄ kə́ dɔ nang kə́ Edom tə́ ní, nin̄ i ngán Rewel kə́ ngōn̄ Basmat nə̄yá̰ Esau.

18Yeus ō, Yalam ō, Kora ō ń i ngār gə̄ ní, nin̄ i ngán Esau nin̄ kə nə̄yá̰n Oholibama kə́ ngōn̄ Ana.

19Ngār kə́ Edom tə́ gə̄ kə́ ngán kaa Esau gə̄ n noó.

20-21De gə̄ ń ndin̄ dɔ nang kə́ Edom tə́ kété ní i ngán Seir gə̄ ō, ngán kaan gə̄ ō. Seir i Hori. Ngār yā Hori gə̄ i Lotan ō, Sobal ō, Sibeon ō, Ana ō, Dison ō, Eser ō, Disan ō. Nin̄ i ngán Seir gə̄. 22Ngán Lotan gə̄ i Hori ō, Hemam ō. 23Rī ngōkó̰o̰ Lotan kə́ dəyá̰ na i Timna. Ngán Sobal gə̄ n toó: Alban ō, Manahat ō, Ebal ō, Sepo ō, Onam ō. 24Ngán Sibeon gə̄ n toó: Aya ō, Ana ō. I Ana ngeé ń toō n teē dɔ kəɓa man̄ kə́ təngā gə̄ tə́ dan ń a ulə̄ń kərō yā bɔbə̄n Sibeon gə̄ kem dəla loo tə́ ní. 25Ngán Ana gə̄ i jōó: Kə́ dəngam i Dison ō, kə́ dəyá̰ i Oholibama ō. 26Ngán Dison gə̄ n toó: Hemdan ō, Esəban ō, Itəran ō, Keran ō. 27Ngán Eser gə̄ n toó: Bilehan ō, Jaban ō, Akan ō. 28Ngán Disan gə̄ n toó: Us ō, Aran ō.

29Ngār yā Hori gə̄ n toó: Lotan ō, Sobal ō, Sibeon ō, Ana ō, 30Disan ō, Eser ō, Dison ō. Ngār yā Hori gə̄ kə́ dɔ nang kə́ Seir tə́ n noó.

31Mban̄g gə̄ ń o̰o̰n̄ ɓē dɔ nang kə́ Edom tə́ kété tá kadə̄ mban̄g kógə̄ḿ o̰o̰ ɓē dɔ ngán *Israel gə̄ tə́ ní n toó: 32Bela ngōn̄ Beor o̰o̰ ɓē dɔ nang kə́ Edom tə́ ba rī ɓē yān na i Dinaba. 33Bela oy anī Yobab ngōn̄ Jera kə́ Bosra o̰o̰ ɓē gotən tə́. 34Yobab oy anī Husam kə́ ɓē yā Teman gə̄ tə́ o̰o̰ ɓē gotən tə́. 35Husam oy anī Hadad ngōn̄ Bedad o̰o̰ ɓē gotən tə́. I ni n tetə Madian gə̄ rɔ̄ɔ̄ dɔ nang kə́ Moab tə́ ní. Rī ɓē yān na i Abit. 36Hadad oy anī Samla kə́ Masəreka o̰o̰ ɓē gotən tə́. 37Samla oy anī Saul kə́ Rehobot dɔ gɔ́sə bā tə́ o̰o̰ ɓē gotən tə́. 38Saul oy anī Baal Hanan ngōn̄ Akbor o̰o̰ ɓē gotən tə́. 39Baal Hanan ngōn̄ Akbor oy anī Hadar o̰o̰ ɓē gotən tə́. Rī ɓē yān na i Paw. Rī nə̄yá̰n na i Mehetabel ngōn̄ Matəred ń i ngōn̄ Mejahab kə́ dəyá̰ ní.

40Rī ngār kə́ Edom gə̄ ń teēn̄ gír yā Esau tə́ ní n toó kə gō gír kaa yādə́ gēé ō, kə gō gír ɓē yādə́ gēé ō: Timna ō, Alba ō, Yetet ō, 41Oholibama ō, Ela ō, Pinon ō, 42Kenas ō, Teman ō, Mibəsar ō, 43Magədiel ō, Iram ō. Ngār kə́ Edom gə̄ n noó kə gō gír ɓē yādə́ gēé. Esau i kaa de kə́ Edom gə̄.

Currently Selected:

Ta Kəla gír yá̰a̰ gə̄ 36: BS

Highlight

Copy