Utumbulilu 28
28
1Bhela Isaka akundohiki Yakobo, akumpengalili, na kundaghalakila, akapwaghaje, “Ngawitoghola mbomba wa ku Kanaani. 2Ubhokaje manyata, na ujenda ku Padani Alamu, kunyumba jaka hokolu waku Besueli, ukuntoghula jumu wa akakamwali waka nijaja waku Labani. 3Chapanga Mweni Makili akupengalyaje, na kukujonjukela lubheleku lwaku nakanope, nahuli uwezaje kubha na lipogha likolongwa la bhandu bha mataifa! 4Chapanga akupengalyaje wehapa papamu na lubheleku lwaku ngati moakumpengalile Ibulahimu, nahuli uwezaje kutawala mu inchi jeutama sajenu ngati ungene, inchi ambaju Chapanga akumpeki Ibulahimu!” 5Bhela, Isaka akuntumiki Yakobo, najombi akapiti ku Padani Alamu kwaka Labani, mwana waka Besueli, wa likabila la Bhaalamu, mbeli waka Lebeka, mabhu waka Yakobo na Esau.
Esau atoghola mbomba jongi
6Henu Esau akamanyi kubha Isaka ampengalili Yakobo na kuntuma kujenda ku Padani Alamu nahuli akatoghula mbomba konihoko, na kubha chikahi paakumpengalile akundaghalaki, akapwaghaje, “Ngawitoghola mbomba kuhuma kwa Bhakanaani,” 7bhelabhela akamanyi kubha Yakobo akabhajowanili tati waki na mabhu waki, na kujenda ku Padani Alamu. 8Bhela, Esau akamanyi kubha Isaka atati waki ngacheabhapaliki akambomba bha Bhakanaani. 9Bhela Esau akapiti kwaka Ishimaeli na kuntoghola Mahalasi, joakabhi mwali waka Ishimaeli mwana waka Ibulahimu, ndombu waka Nebayosi, kubha nhwanu waki jongi papamu na akabhahanu bhaki bhangi bhaakabhi nabhu.
Kulota kwaka Yakobo ku Beseli
10Yakobo akabhokiki ku Beeli Sheba, na kujenda ku Halani. 11Paakahiki pandu pangi, akaghonili panihapa maghambu lyobha lakabhi lijibhile. Akatoliki liganga limu la pandu panipala, na kulibheka pahi ja mmutu waki, na kughonela lughonu pala pala. 12Chikahi paakabhi aghonile akalotiki ndoto, na mu ndoto jeniheji, akaweni ngazi jejijemakiki panani ja inchi, na incha jaki jakahikiki mbaka kunani kumahunde. Kabhete, bhatumika bha kunani kwaka Chapanga bhakabhi bhakwela na kuhelela mu ngazi jeniheje. 13Panani ja ngazi jeniheji akajemiki Bambo Chapanga, akapwaghaje, “Nepani nde Bambo Chapanga, Chapanga waka Ibulahimu tati waku, na Chapanga waka Isaka. Inchi jenjenu jeughonili panani jaki, ananukupekya wehapa na lubheleku lwako. 14Lubheleku lwaku analukubha ngati luhombi lwa ndema, nanau anaujaghanyaje ku upambala wa Kolijibhi lyobha, na Kolipita lyobha, na Kungonde na Kunkache. Na kupetela wehapa na ibheleku yaku, bhandu bha mataifa ghokapi gha pundema anabhapengalikaje. 15Lingalyaje, nepani mi papamu na wehapa, ananukulendaje kila kowijendaje na ananukukelabhuhaje kabhete mu inchi jenjeno. Maghambu nganakuleki mbaka panibya nukuhengile ghanukupwaghi hagha.”
16Chikahi Yakobo paakajumwiki kuhuma mu lughono, akapwaghike, “Chakaka Bambo Chapanga abhi pandu pambane, wala nepani ngachenamanye.” 17Bhela Yakobo akajowipi na kupwagha, “Pandu pambani pajoghoha ngati kyani! Pangi pambani nde pajibhi Nyumba jaka Chapanga, na ndyangu ukolongwa wa kunani kumahunde.”
18Yakobo akajumwiki lukela pachibhombu, akatoliki liganga lela lelakabhi abhekiki pahi ja mmutu waki, na kulihimika ngati nguzo, na kujeghela mahuta panani jaki. 19Akapalohiki pandu panihapa Beseli, Beseli ndandi jaki nde Nyumba jaka Chapanga, nambu lihina la muchi ghonihoghu pakutumbula hapa ukalowakiki Luzu. 20Bhela Yakobo akalapiki, akapwaghaje, “Ngati Chapanga anaubhi papamu na nepani, na kunenda mu mwanja wangu, na kumbekeha chilebhi ngulaje, na ingobhu nhwataje, 21na anaungelawihi lukwali kunyumba jaka tati wangu, panihapa nde Bambo Chapanga anaukubha Chapanga wango. 22Na liganga lendenu lenhimiki pambani ngati nguzo analikubha Nyumba jaka Chapanga, na mu ghokapi ghawimbekyaje, chakaka ananukubhokiha wehapa pandu pamu pa komi.”
Currently Selected:
Utumbulilu 28: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.
