Bhalawi 12
12
Kubhagholola akambomba baada ja kulibhopola bhana
1Bambo Chapanga akumpwaghi Musa, 2“Ubhapwaghilaje bhandu bha Izilaeli: ‘Mbomba ambaju anapata chitumbu na kulibhopo mwana wa chikambaku anakubha mhakau kwa ntetu wa kujojabhela kwa machobha saba, ngati moabhelela mhakau chikahi cha machobha ghaki gha ntetu wa akambomba. 3Mwana wa chikambaku hoju anahekata jandu mu lichobha la nane. 4Bhela mabhu waka mwana hoju anajendalya kubha mhakau kwa machobha selasini na ghatatu. Chikahi hechi, ngaikamu chindu chokapi chela chechibhekakiki palongi jaka Bambo Chapanga, wala kujingila Pandu Pahuhu mbaka lichobha la kugholuleka kwaki palihikaje. 5Ngati anaalibhopwi mwana wa chimbomba, mbomba hoju anaakubha mhakau kwa majuma ghabheli, ngati moabhelela mhakau chikahi cha machobha ghaki gha ntetu wa akambomba. Bhela anaalendalyaje kwa machobha sitini na sita panihapa nde anagholulikaje.
6“ ‘Machobha ghaki gha kugholuleka, ikubhi ampatiki mwana wa chikambaku au kamwali, paghikamilikaje, mbomba hoju andetila mpenganyambiku pundyangu wa Lihema Lihuhu mwanalimbeleli la chaka chimu kwa ndandi ja nyambiku ja kujochakeka na likenda la injebha au ngunda kwa ndandi ja nyambiku ja mahoku. 7Anaibhoha palongi jaka Bambo Chapanga nahuli kutenda ujonganesu kwa ndandi jaki, na kabheti anaakubha wichu kwa ntetu wa kujojabhela kuhuma mu mwahi waki. Aghagha nde malaghalakilu kwa ndandi jaka mbomba joanabhelaka mwana wa chikambaku au wa chimbomba. 8Ngati mbomba hoju ngachebhi na uwezu wa kumpata mwanalimbeleli, anaaleta ngunda au makenda ghabheli gha injebha, jimu kwa ndandi ja nyambiku ja kujochakeka na jengi kwa ndandi ja nyambiku ja mahoku. Kwa indela hajeji, mpenganyambiku anaatenda ujonganesu kwa ndandi jaki, najombi anakubha wicho.’ ”
Currently Selected:
Bhalawi 12: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.