Bhalawi 15
15
Hindu yeyumpita mundu na kuntenda kubha mhakau
1Bambo Chapanga akabhapwaghi Musa na Haluni, 2Mwapwaghilaje Bhaizilaeli anana: Mwanalomi jokapi jola anapitikwi na uhila, uhila hoghu anauntenda kubha mhakau. 3Na aghagha nde malaghalakilu kubhokana na uhakau hoghu. Chikahi chokapi paapitwa na uhila au uhila paukubha uhibhalakiwi mkati jaki, mundu hoju nde mhakau.
4Chitanda chokapi chela cheanaghonila mundu joapitwa na uhila anachikubha chihakau, na chokapi cheanatamilaje anachikubha chihakau. 5Mundu jokapi joanagusa chitanda chaka mundu hoju impalika achapa ingobhu yaki, na ajogha machi, najombi anaakubha mhakau mbaka pakamihe. 6Mundu jokapi joanatamila chindu chokapi cheatamili mundu joapitwa na uhila hoju, impalika achapa ingobhu yaki na ajogha machi, na anakubha mhakau mbaka pakamihe.
7“ ‘Mundu jokapi joanaangusa mundu joapitwa na uhila, impalika achapa ingobhu yaki na kujogha machi, najombi anaakubha mhakau mbaka pakamihe.
8“ ‘Anakubhi mundu joapitwa na uhila anaanhuni imata mundu jokapi joabhi wichu, mundu joahuniwi imata hoju impalika achapa ingobhu yaki na kujogha machi, najombi anaakubha mhakau mbaka pakamihe. 9Kila chindu cha kutamila ambachu mundu hoju anaachikanyataje chikahi cha kutama panani ja chinyama anachikubha chihakau. 10Mundu jokapi joanaagusa chindu chokapi cheatami mundu jonihoju, anaakubha mhakau mbaka pakamihe. Mundu jokapi joanatotulaje chindu chokapi chechakabhi chaka mundu hoju impalika achapa ingobhu yaki, na kujogha machi, najombi anaakubha mhakau mbaka pakamihe.
11“ ‘Ngati mundu jokapi joanaangusa mundu joapitwa na uhila panga kugholola mabhoku ghaki kwa machi, impalika achapa ingobhu yaki na kujogha machi, najombi anaakubha mhakau mbaka pakamihe.
12“ ‘Chombu chokapi cha lutopi cheanakamula mundu hoju ipalika chikajuliwaje, na kila chombu cha nkongu anachigholuliwa kwa machi.
13“ ‘Mwanalomi jokapi joanapitwa na uhila anaalamiswi chitamu chaki, impalika mundu hoju alendilaje machobha saba mangani ja kugholuleka kwaki. Impalika ajogha machi na kuchapa ingobhu yaki kwa machi gha munkoka, najombi anaagholulikaje. 14Lichobha la nane, impalika aletaje ngunda ibheli au mabhunda ghabheli gha injebha, palongi jaka Bambo Chapanga pundyangu wa Lihema Lihuhu na kumpekeha mpenganyambiku. 15Mpenganyambiku anaibhoha nyambiku, jimu heji kwa ndandi ja nyambiku ja kubhoha mahoku na jengi kwa ndandi ja nyambiku ja kujochakeka. Kwa indela ajeji anaatenda ujonganesu palongi jaka Bambo Chapanga kwa ndandi jaka mundu hoju kwa kupitwa kwaki uhila.
16“ ‘Ngati mwanalomi anapitwiki na imbeju ya chikambaku, impalika ajogha machi hyegha jokapi, na anakubha mhakau mbaka pakamihe. 17Ingobhu jokapi jejiholuliwi na imbeju ya chikambaku au ngozi jokapi jejiholuliwi na imbeju heyi ipalika jigholulika kwa machi, nayombi anaikubha ihakau mbaka pakamihe. 18Ngati mwanalomi anaghonili na mbomba, anapitikwi na imbeju ya chikambaku, bhela ipalika bhokapi bhabheli bhajogha machi, nabhombi anabhakubha bhahakau mbaka pakamihe.
19“ ‘Mbomba jokapi jola paanakubha kumwehi, anaakubha mhakau kwa machobha saba. Mundu jokapi joanaangusa mbomba jonihoju anaakubha mhakau mbaka pakamihe.
20“ ‘Na chindu chokapi cheanaghonalya mu chikahi chaki cha kumwehi anachikubha chihakau, na chokapi cheanatamilaje anachikubha chihakau. 21Mundu jokapi joanaangusa chitanda chaka mbomba hoju impalika achapa ingobhu yaki na kujogha machi, najombi anakubha mhakau mbaka pakamihe. 22Mundu jokapi joanakamula chindu chokapi cheatamili mbomba hoju impalika achapa ingobhu yaki na kujogha machi, najombi anakubha mhakau mbaka pakamihe. 23Mwanalomi jokapi joanakamula chindu chokapi cheaghonalili au kutamila mbomba hoju, anaakubha mhakau mbaka pakamihe.
24“ ‘Ngati mwanalomi anaghonili na mbomba hoju na mwahi waka mbomba hoju anaunholulili mwanalomi hoju, bhela, mwanalomi hoju anaakubha mhakau kwa machobha saba. Chitanda chokapi chela cheanaghonalya mwanalomi hoju anachikubha chihakau.
25“ ‘Ngati mbomba anapitwa na mwahi kwa chikahi cha machobha ghamaheli kuliku moubhelili ntetu au apitwa na mwahi chikahi nga cha kupitwa mwahi, bhela anajendalyaje kubha mhakau chikahi chokapi mwahi paumpita. 26Kila chitanda cheanaghonalya mbomba hoju mu machobha ghokapi gha kupitwa mwahi anachikubha ngati mokubheli kutengwa kwaki, na kila chindu cheanaghonalya anachikubha chihakau, ngati uhakau wa kutengwa kwaki. 27Mundu jokapi joanaagusa hindu heyi, anaakubha mhakau na impalika achapa ingobhu yaki na kujogha machi, najombi anaakubha mhakau mbaka pakamihe.
28“ ‘Mbomba hoju anaujomiki mwahi waki anaalendalyaje mbaka lichobha la saba nahuli kubha wichu, na anaghajomwiki machobha ghanihagha anaakubha wichu. 29Lichobha la nane impalika atola ngunda ibheli au mabhunda ghabheli gha injebha na kughaleta kwaka mpenganyambiku pundyangu wa kujingalila mu Lihema Lihuhu. 30Mpenganyambiku anabhoha jimu kwa ndandi ja nyambiku ja kubhoha mahoku na jengi kwa ndandi ja nyambiku ja kujochakeka. Bhela mpenganyambiku anaantendilaje mbomba hoju ujonganesu palongi jaka Bambo Chapanga na kumbokeha uhakau waki wa kupitwa mwahi.
31“ ‘Ipalika mubhalakalya Bhaizilaeli kubhokana na hindu ambayu ibhatenda kubha bhahakau, nahuli ngabhipotela mu uhakau wabhu kwa kulihakaa Lihema langu, ambalu libhi pachilanda jabhu.’ ”
32Aghagha nde malaghalakilu kwaka mwanalomi joapitwa na uhila na joapitwa na imbeju chikambaku na kubha mhakau, 33kwa ndandi jaka mbomba joapitwa na mwahi na kubha mhakau. Shelia heyi nde kwa ndandi jaka mwanalomi au mbomba jokapi jola joapitwa na chokapi chela, na kabheti kwa ndandi jaka mwanalomi joaghonela na mbomba ambaju nde mhakau kwa kawaida ja kujojabhela.
Currently Selected:
Bhalawi 15: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.