Bhalawi 21
21
Shelia kwa bhapenganyambiku
1Bambo Chapanga akumpwaghi Musa: Ubhapwaghila bhapenganyambiku, bhana bhaka Haluni, “Mpenganyambiku ngaalijeghe uhakau kwa ntundu wa kujojabhela, kwa kukamula ntuhi waka mundu waki joapotile, 2nambu pela ngati ntuhi hoghu nde waka ndongu waki wa pambipi, yani mabhu waki na tati waki, mwana waki au mwali waki, ndongu waki wa chikambaku, 3au ndombu waki jwangakutoghuleka joantegamela kwa kubha ngacheabhi na ndomi waki, kwa ndandi ja bhanihabha aweza kulijeghe uhakau kwa kukamu mituhi jabhu. 4Ngaalijeghe uhakau mweni kubhokana na bhandu bhala ambabhu abhi na ulongu nabhu kwa kutoghulana, kuhenga bhenibhela anakunjeghala uhakau.
5“Bhapenganyambiku ngabhimogha lupanja, wala ngabhimogha munkeghi ja indehu yabhu au kulichanja nembu mu hyegha yabhu. 6Ibhapalika bhakubha bhahuhu kwaka Chapanga wabhu, ngabhalijeghe uhakau lihina laka Chapanga wabhu ng'o. Maghambu bhombi nde bhabhabhoha nyambiku ya kujochakeka kwa moto kwaka Bambo Chapanga, chilebhi chaka Chapanga wabhu, bhela ibhapalika bhakubha bhahuhu. 7Bhapenganyambiku ngabhantogho mbomba nkemi, au joapekiwi baluwa ja kulekana na ndomi waki, maghambu mpenganyambiku nde mhuhu kwaka Chapanga waki. 8Mwabhonaje bhapenganyambiku kubha nde bhahuhu, kwa ndandi nde bhabhabhoha chilebhi chaka Chapanga winu. Nkombukaje kubha nde bhahuhu, kwa ndandi nepani Bambo Chapanga nenungolola mwehapa nde mhuhu. 9Ngati mwali jokapi jola waka mpenganyambiku anaalijeghi uhakau kwa kutenda ukemi, ipalika ajochakika kwa moto mbaka kupotela, maghambu ampoha lihamu tati waki.
10“Mpenganyambiku Nkolongwa, joatama pachilanda ja bhalongu bhaki, joajomwili kujeghaleka mahuta gha kupaka panani ja mmutu waki na joabhekakiki palongi jaka Chapanga nahuli kuhwata ingobhu ya kipenganyambiku, ngaaghaleka majunju ghaki panga kuyekalela, wala ngaikachula ingobhu yaki nahuli kuombuleza. 11Ngayijingila mkati pandu papabhi na ntuhi ng'o. Hata ngati ntuhi hoghu ukubhi waka tati waki au waka mabhu waki, nahuli ngaalijeghe uhakau, 12wala ngayibhoka pandu pahuhu paka Chapanga waki au kupajeghe uhakau, maghambu abhekakiki palongi jaka Chapanga kwa kupakakika mahuta ghaka Chapanga waki. Nepani nde Bambo Chapanga. 13Mpenganyambiku Nkolongwa impalika antoghula kamwali lenda pena. 14Mpenganyambiku ngaantoghola mbomba joaweliwi na ndomi waki, au mbomba joapekiwi baluwa ja kulekana, wala mbomba joalihakihi kwa ukemi, nambu anaantoghula pena kamwali lenda kuhuma pachilanda ja bhandu bhaki. 15Bhela ngaabhajegheli uhakau bhana bhaki pachilanda ja bhandu bhaki. Nepani nde Bambo Chapanga, nenuntenda kubha mhuhu.”
16Bambo Chapanga akumpwaghi Musa, 17“Umpwaghila Haluni anana: ‘Kwa hibheleku yeihika njeta mbelakeka waku joabhi na chilema joanaheghalyaje kubhoha chilebhi chaka Chapanga waki. 18Mundu jokapi joabhi na chilema ngayiheghalela kumokeha nyambiku: Akubhi ngalola, jotengwiki, joayonangiki pamihu, au jwangakubha na ihungu yeijaghanile, 19njeta mundu joatunywiki chigholu au joatunywiki chiwoku, 20au joabhi na chipendi au joayakatalili, au joalwala mihu, au joabhi na chitamu cha ngozi, au joabhi na uhimba ghoubhi na uhila au maputi, au joahekitwi ntondola. 21Njeta chibheleku chaka mpenganyambiku Haluni joabhi na chilema chokapi chela joanaheghalyaje kubhoha nyambiku ja kujochakeka kwa moto kwaka Bambo Chapanga. Ngati anabhi na chilema, ngayihelalela kubhoha chilebhi chaka Chapanga waki ng'o. 22Mundu jonihoju aweza kula chilebhi chihuhu chaka Chapanga waki, hata chilebhi chihuhu nakanopi. 23Nambu kwa ndandi ja chilema chaki, ngayiheghalela pambipi na lipazia wala kuheghalela pandu pa kubhokeha nyambiku ng'o, ngayihika kupahakaha pandu pangu pahuhu. Nepani nde Bambo Chapanga nenuntenda kubha bhahuhu.’ ”
24Bhela, Musa akumpwaghi Haluni lijambu leniheli, na bhana bhaki papamu na bhandu bhokapi bha Izilaeli.
Currently Selected:
Bhalawi 21: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.