ᒨᓯᓯ ᐂᑉᐸᖏᑦ 33
33
ᐊᑕᓂᐅᑉ ᐃᓴᕆᐊᓕᒥᐅᓂᒃ ᐊᐅᓪᓚᖁᔨᓕᕐᓂᖓ ᖃᖅᑲᒥᑦ ᓮᓁᒥᑦ
1 #
ᒨᓯᓯ ᓯᕗᓪᓖᑦ 12:7;
ᒨᓯᓯ ᓯᕗᓪᓖᑦ 26:3;
ᒨᓯᓯ ᓯᕗᓪᓖᑦ 28:13. ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᓄᓇᒥᑦ ᓇᔪᕐᑕᑦᓯᓐᓂᑦ ᐊᐅᓪᓚᓕᕆᑦᓯ ᐃᓄᒐᓴᒃᔪᐊᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᑎ ᐃᓚᒋᓗᖏᑦ, ᓄᓇᒧᑦ ᐂᓕᕐᓗᓯ ᐊᖏᕈᑎᒋᓯᒪᔭᓐᓄᑦ ᑐᓂᔪᒪᓪᓗᒍ ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ ᑭᖑᕚᖏᓐᓄᓪᓗ. 2ᐂᖏᓕᖁᑎᒐᓗ ᑎᓕᓂᐊᕐᐸᕋ ᐃᓕᑦᓯᓐᓂᒃ ᓯᕗᓕᖁᓪᓗᒍ, ᕿᒫᑎᓐᓂᐊᕐᐸᒃᑲᓗ ᑬᓇᓂᒥᐅᑦ, ᐊᒧᕅᑎᒃᑯᓪᓗ, ᕼᐃᑍᑎᒃᑯᓪᓗ, ᐱᕆᔧᑎᒃᑯᓪᓗ, ᕼᐃᕔᑎᓪᓗ, ᔨᐳᓮᑎᓪᓗ. 3ᑕᕝᕗᖓ ᓄᓇᒧᑦ ᐂᔪᒃᓴᐅᕗᓯ ᓂᕿᒃᓴᖃᑦᓯᐊᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ. ᐅᕙᖓᓕ ᓇᖕᒥᓂᖅ ᐃᓚᒋᓂᐊᓐᖏᓚᑦᓯ, ᓯᑎᔪᐊᓘᓂᓯ ᐱᓪᓗᒍ, ᐃᓚᒋᑐᐊᕈᑦᓯ ᓄᖑᑕᐅᑎᑐᐃᓐᓇᕆᐊᖃᕋᑦᓯ ᑕᒫᓂ ᐊᖅᑯᑖᓂ.”
4ᐃᓄᐃᓪᓕ ᑕᒪᑐᒥᖓ ᑐᓴᕋᒥᒃ, ᐊᖏᔪᕐᔪᐊᒥᒃ ᕿᒃᓵᓕᕐᐳᑦ; ᐱᐅᓴᐅᑎᒐᓚᖕᓂᒡᓗ ᐊᑐᕐᑐᖃᕈᓐᓃᕐᓗᑎᒃ. 5ᐊᑕᓂᖅ ᐅᖃᓚᐅᕐᒪᑦ ᒨᓯᓯᒧᑦ ᐅᖃᐅᑦᔨᖁᓪᓗᒍ ᐃᓴᕆᐊᓕᒥᐅᓂᒃ, “ᐃᓕᑦᓯ ᓯᑎᔪᐊᓘᒐᑦᓯ ᐃᓅᖃᑎᒌᑦ, ᐃᓕᑦᓯᓐᓄᑦ ᐃᓚᒋᔭᐅᓂᐊᕋᓗᐊᕈᒪ ᐊᒡᓛᑦ ᐊᑯᓂᐅᖏᑦᑐᒥᒃ, ᐊᑕᖏᑦᓯᐊᕐᓗᓯ ᓄᖑᑕᐅᑎᒍᓐᓇᕐᐸᑦᓯ. ᒫᓐᓇᓕ ᐱᐅᓴᐅᑎᒐᓚᒃᓯ ᐲᔭᓚᐅᕐᓯᐅᒃ, ᑕᕝᕙ ᐃᓱᒪᑖᕐᓂᐊᕐᐳᖓ ᖃᓄᐃᓕᐅᕐᑐᒃᓴᐅᖕᒪᖔᕐᒪ ᐃᓕᑦᓯᓐᓄᑦ.” 6ᑍᒤᒻᒪᑦ ᖃᖅᑲᒥᑦ ᕼᐆᕆᑉᒥᑦ ᐊᐅᓪᓚᓕᕐᑎᓪᓗᒋᑦ, ᐃᓴᕆᐊᓕᒥᐅᑦ ᐃᓄᖏᑦ ᐱᐅᓴᐅᑎᒐᓚᖕᓂᒃ ᐊᑐᕐᑐᖃᓚᐅᕈᓐᓁᕐᐳᑦ.
ᑐᐱᖅ ᐊᑕᓂᐅᑉ ᓇᔪᒐᖓ
7ᐃᓴᕆᐊᓕᒥᐅᓪᓕ ᑕᖕᒫᕐᑎᕌᖓᑕ, ᒨᓯᓯᐅᑉ ᑐᐱᖅ ᐃᑦᔪᕐᓁᑦᑐᖅ ᑕᖕᒫᕐᓯᒪᕕᐅᔪᑦ ᓯᓚᑖᓄᑦ ᓇᑉᐸᖃᑦᑕᓚᐅᕐᐹ, ᑕᖕᒫᕐᓯᒪᕕᐅᔪᑦ ᐅᖓᓯᒋᔭᖓᓄᑦ; ᑍᔭᐅᕙᓚᐅᕐᐳᕐᓗ ᐊᑕᓂᐅᑉ ᓇᔪᒐᖓᓂᒃ, ᓇᓪᓕᐊᓪᓗ ᐊᑕᓂᕐᒧᑦ ᖃᐅᔨᓇᓱᐊᕈᒪᔪᖅ ᑕᕝᕗᓐᖓᖃᑦᑕᓚᐅᕐᐳᑦ ᑐᐱᕐᒧᑦ. 8ᒨᓯᓯᓕ ᑍᒪᓐᖓᑦ ᑐᐱᕐᒧᐊᓕᕌᖓᑦ, ᐃᓄᐃᑦ ᓇᖏᖃᑦᑕᓚᐅᕐᐳᑦ ᑐᐱᖏᑕ ᐹᖓᓂ, ᒨᓯᓯᒥᒃ ᑕᑯᓐᓈᕐᓱᑎᒃ ᐃᑎᓚᐅᖏᓐᓂᓕᒫᖓᓂ ᑐᐱᕐᒧᑦ. 9ᒨᓯᓯᓕ ᐃᑎᕇᕌᖓᑦ ᑐᐱᕐᒧᑦ, ᓄᕗᔭ ᖁᒻᒧᑦ ᐊᒥᑦᑐᑳᒥᒃ ᐊᒻᒧᐊᖃᑦᑕᓚᐅᕐᐳᖅ ᑐᐱᐅᑉ ᐹᖓᓄᑦ, ᑕᕝᕙᓐᖓᓪᓗ ᓄᕗᔭᒥᑦ ᐊᑕᓂᐅᑉ ᒨᓯᓯ ᐅᖃᓪᓚᒡᕕᒋᖃᑦᑕᓚᐅᕐᐹ. 10ᐃᓄᓕᒫᓪᓕ ᓄᕗᔭᒥᒃ ᐊᒥᑦᑐᑳᒥᒃ ᑐᐱᐅᑉ ᐹᖓᓄᑦ ᐊᒻᒧᐊᒃᑐᒥᒃ ᑕᑯᔭᕅᒐᒥᒃ, ᐅᑯᓪᓗᑎᒃ ᑐᒃᓯᐊᓕᖃᑦᑕᓚᐅᕐᐳᑦ, ᐃᓄᓕᒫᑦ ᑐᐱᕐᒥᒃᑕ ᐹᖏᓐᓂ. 11ᐊᑕᓂᐅᓪᓕ ᒨᓯᓯ ᐅᖃᓪᓚᒡᕕᒋᖃᑦᑕᕐᐹ ᑕᑯᓐᓇᖃᑦᑕᐅᑎᔪᑎᑐᑦ ᑮᓇᕐᒥᑦ ᑮᓇᕐᒧᑦ, ᐃᓅᑉ ᐃᓚᓐᓇᕆᔭᒥᓄᑦ ᐅᖃᓪᓚᖕᓂᖓᑎᑐᑦ. ᑭᖑᓂᖓᒍᓪᓕ ᒨᓯᓯ ᐅᑎᖃᑦᑕᓚᐅᕐᐳᖅ ᐃᓄᖕᓄᑦ ᑕᖕᒫᕐᓯᒪᕕᐅᔪᒧᑦ. ᐃᓅᓱᒃᑑᔪᕐᓕ ᒨᓯᓯᐅᑉ ᐃᑲᔪᕐᑎᖓ, ᔮᓱᐊ ᓈᓂᐅᑉ ᐃᕐᓂᖓ, ᑐᐱᕐᒥ ᓅᖃᑦᑕᓚᐅᓐᖏᓚᖅ.
ᐊᑕᓂᐅᑉ ᐃᓄᖁᑎᒥᓂᒃ ᐃᓚᖃᕐᓂᐊᕐᓂᕋᕐᓂᖓ
12ᒨᓯᓯ ᐊᑕᓂᕐᒧᑦ ᐅᖃᕐᐳᖅ, “ᓱᓕᓚᐅᕐᐲᑦ ᐅᕙᓐᓄᑦ ᐅᖃᓚᐅᕋᕕᑦ ᐅᑯᐊ ᐃᓄᐃᑦ ᐅᕙᓐᓄᑦ ᑕᓯᐅᕐᑕᐅᖁᓂᕋᕐᓗᒋᑦ ᐊᕗᖓ ᓄᓇᒧᑦ, ᑭᓯᐊᓂᓕ ᐅᕙᓐᓄᑦ ᐅᖃᓚᐅᕐᓯᒪᖏᑦᑐᑎᑦ ᑭᓇᒥᒃ ᐱᖃᑎᖃᕐᑐᒃᓴᐅᖕᒪᖔᕐᒪ. ᐅᕙᓐᓄᓪᓗ ᐅᖃᕐᓯᒪᔪᑎᑦ ᖃᐅᔨᒪᑦᓯᐊᕐᓂᕋᕐᓗᑎᑦ ᐅᕙᓐᓂᒃ ᖁᕕᐊᒋᔭᖃᕐᓂᕋᕐᓗᑎᓪᓗ. 13ᒫᓐᓇᓕ ᑕᒪᓐᓇ ᓱᓕᒃᐸᑦ, ᐅᕙᓐᓂᒡᓗ ᖁᕕᐊᒋᔭᖃᓪᓚᕆᒃᑯᕕᑦ, ᐃᓱᒪᒋᓯᒪᔭᕐᓂᒃ ᐅᖃᐅᑎᓚᐅᓐᖓ ᐃᓕᖕᓂᒃ ᐱᔨᑦᓯᑦᓯᐊᕈᓐᓇᖁᓪᓗᖓ ᐃᓕᖕᓄᓪᓗ ᖁᕕᐊᒋᔭᐅᖏᓐᓇᖁᓪᓗᖓ. ᐃᖅᑲᐅᒪᓗᑎᑦᑕᐅᖅ ᐅᑯᐊ ᐃᓅᖃᑎᒌᒡᔪᐊᑦ ᓂᕈᐊᕐᓯᒪᒐᕕᒋᑦ ᓇᖕᒥᓂᖅ ᐃᓄᖁᑎᒋᔪᒪᓪᓗᒋᑦ.”
14ᐊᑕᓂᖅ ᐅᖃᕐᐳᖅ, “ᐅᕙᖓ ᐱᖃᑎᒋᓂᐊᕐᐸᒋᑦ, ᓵᓚᖃᕐᑎᓐᓂᐊᕐᐸᒋᓪᓗ.”
15ᒨᓯᓯᐅᓪᓕ ᑭᐅᕚ, “ᐱᖃᑎᒋᓂᐊᖏᒃᑯᑦᑎᒍᑦ, ᐅᕙᓐᖓᑦ ᓇᔪᕐᑕᑦᑎᓐᓂᑦ ᐊᐅᓪᓚᕐᑎᑦᑍᓕᑎᒍᑦ. 16ᖃᓄᕐᓕ ᖃᐅᔨᒪᔭᐅᑦᓯᐊᕈᓐᓇᕋᔭᕐᐲᑦ ᐃᓄᖁᑎᖕᓂᒃ ᖁᕕᐊᓲᑎᖃᕐᓂᕐᓂᒃ ᐅᕙᓐᓂᒡᓗ ᐅᕙᑦᑎᓐᓄᑦ ᐱᖃᑕᐅᓂᐊᖏᓪᓗᑎᑦ? ᐃᓕᖕᓄᑦ ᐃᓚᒋᔭᐅᑐᐊᕈᑦᑕ ᐅᐱᓐᓇᕐᑎᑕᐅᓂᕐᓴᐅᒐᔭᕋᑦᑕ ᓯᓚᕐᔪᐊᕐᒥ ᐃᓄᒋᔭᐅᔪᓕᒫᓂᑦ.”
17ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐅᖃᐅᓯᕆᔭᕐᑐᑦᓯᐊᖅ ᐱᓇᓱᐊᕐᓂᐊᕐᐳᖓ; ᖃᐅᔨᒪᑦᓯᐊᕋᒃᑭᑦ ᖁᕕᐊᒋᑦᓯᐊᕐᓗᑎᓪᓗ ᐊᑏᓪᓗ ᖃᐅᔨᒪᑦᓯᐊᕐᐸᕋ.”
18ᒨᓯᓯᓕ ᐅᖃᕐᐳᖅ, “ᑐᒃᓯᐊᕐᐳᖓ, ᓇᔫᑎᓂᕕᑦ ᖃᐅᒪᓂᕐᔪᐊᖓᓂᒃ ᑕᑯᑎᓚᐅᓐᖓ.”
19 #
ᕉᒪᒥᐅᓄᑦ 9:15. ᐊᑕᓂᐅᑉ ᑭᐅᕚ, “ᑕᑯᒥᓇᕐᓂᕐᔪᐊᕋ ᐊᑕᖏᕐᓗᒍ ᐃᓕᖕᓄᑦ ᐊᖅᑯᓵᕐᑎᓐᓂᐊᕐᐸᕋ, ᐊᑎᕐᒪᓗ ᐃᑦᔪᕐᓁᓐᓂᖓ ᐅᖃᐅᓯᕆᓂᐊᕐᐸᕋ ᐃᓕᖕᓄᑦ. ᐊᑕᓂᐅᒐᒪ, ᐱᑦᓯᐊᕐᕕᒋᔪᒪᔭᓐᓄᑦ ᐱᑦᓯᐊᕐᐸᒃᐳᖓ, ᓂᑲᒋᔪᒪᔭᓐᓄᓪᓗ ᓂᖃᒍᓱᒃᐸᒃᓗᖓ. 20ᑮᓇᕋᓕ ᐃᓕᖕᓄᑦ ᑕᑯᔭᐅᑎᓐᓂᐊᓐᖏᓚᕋ; ᐃᓄᑐᐃᓐᓇᖅ ᐅᕙᓐᓂᒃ ᑕᑯᔪᖅ ᐃᓅᔪᓐᓇᖏᒻᒪᑦ.” 21ᐊᑕᓂᕐᓗ ᐅᖃᕐᐳᖅ, “ᐅᕙᓂᓕ ᓴᓂᑦᑎᐊᓐᓂ ᓇᖏᕈᓐᓇᕐᐳᑎᑦ ᐅᔭᕋᓱᒡᔪᖕᒥ.#33:21 ᐅᔭᕋᓱᒡᔪᒃ ᐅᕝᕙᓗ ᐅᔭᕋᒃ ᐊᖏᔪᖅ ᐅᕝᕙᓗ ᕾᕐᓱᖔᖅ 22ᑕᑯᒥᓇᕐᓂᕐᔪᐊᕋ ᐃᓕᖕᓄᑦ ᐊᖅᑯᓵᕐᑎᓕᕈᒃᑯ, ᐅᔭᕋᓱᒡᔪᐃᑦ ᐊᑯᓂᖓᓅᕐᑎᓐᓂᐊᕐᐸᒋᑦ, ᐊᒡᒐᓐᓄᓪᓗ ᑕᓗᓯᒪᓂᐊᕐᐸᒋᑦ ᐃᓕᖕᓂᑦ ᖄᖏᐅᑎᖅᑳᖏᓐᓂᓐᓂ. 23ᑕᕝᕙ ᐊᒡᒐᒃᑲ ᐃᓕᖕᓂᑦ ᐲᕐᑎᓐᓂᐊᕐᐸᒃᑲ, ᑕᕝᕙ ᑐᓄᓐᓂᒃ ᑕᑯᓂᐊᕐᐳᑎᑦ; ᑮᓇᕋᓕ ᑕᑯᓂᐊᓐᖏᓚᑦ.”
Currently Selected:
ᒨᓯᓯ ᐂᑉᐸᖏᑦ 33: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
