ᒨᓯᓯ ᓯᕗᓪᓖᑦ 15
15
ᒎᑎᐅᑉ ᐂᑉᕋᒻᒧᑦ ᐊᖏᖃᑎᒌᒍᑎᓕᐅᕐᖕᓂᖓ
1ᑕᒪᑐᒪᓗ ᑭᖑᓂᖓᒎᓕᖅᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᖅᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᖕᒪ; ᐊᑭᓕᖅᑕᐅᓃᑦ ᐊᖏᔪᕐᔪᐊᖑᔪᒫᖅᐳᖅ.”
2ᐂᑉᕋᒻᓗ ᐅᖃᖅᐳᖅ, “ᐊᑕᓃᖅ ᒎᑏ, ᓱᓇᒥᒃ ᑐᓂᔭᒃᓴᖃᕋᕕᑦ ᐅᕙᓐᓄᑦ, ᓱᓕ ᕿᑐᕐᖓᖃᖏᓐᓇᒪ, ᐅᕙᓐᓂᑦ ᑭᖑᕐᖑᑦᔨᔪᒃᓴᑐᐊᖑᖕᒪᑦ ᐃᓔᓯᕆ ᑕᒫᓯᑰᓯᒥᐅᑕᖅ.” 3ᐂᑉᕋᒻ ᐅᖃᖅᐳᖅ, “ᑕᑯᒋᑦ ᕿᑐᕐᖓᖅᑖᑎᓚᐅᖏᓐᓇᕕᖓ; ᐱᔨᒪ ᐃᓚᖓᑦ ᐅᕙᑦᑎᓐᓂ ᐃᓅᓚᐅᖅᑐᖅ ᐱᖁᑎᓐᓂᒃ ᑭᖑᕐᖑᔨᔪᒃᓴᑑᖕᒪᑦ.”
4ᑕᑯᒋᓪᓗ, ᐊᑕᓂᖅ ᐅᖃᓕᕆᕗᖅ ᑖᑦᓱᒧᖓ, “ᑖᓐᓇ ᐊᖑᑦ ᑭᖑᕐᖑᑦᔨᔨᒃᓴᕆᓂᐊᓐᖏᓚᑦ; ᓇᖕᒥᓂᕐᓕ ᐃᕐᖕᓂᕐᖕᓂᒃ ᑭᖑᕐᖑᑦᔨᔨᒃᓴᖃᕐᖕᓂᐊᖅᐳᑎᑦ.” 5#ᕉᒪᒥᐅᓄᑦ 4:18; ᐄᑉᕈᐃᓄᑦ 11:12.ᐊᓂᑎᓪᓗᓂᐅᒃ ᓯᓚᒧᑦ ᐅᖃᐅᑎᕚ, “ᐸᐅᖓ ᕿᓚᖕᒧᑦ ᑕᑯᓴᕆᑦ, ᐅᓪᓗᕆᐊᑦ ᓈᓴᒃᑭᑦ, ᓈᓴᕈᓐᓇᕈᕕᒋᑦ.” ᐅᖃᐅᑎᒃᑲᓐᓂᖅᓗᒍᓗ, “ᑍᒫᒃ ᐅᓄᖅᑐᑎᒋᔪᓂᒃ ᑭᖑᕚᖃᕈᒫᖅᐳᑎᑦ.”
6 #
ᕉᒪᒥᐅᓄᑦ 4:3; ᒐᓔᑎ 3:6; ᔧᒥᓯ 2:23. ᐂᑉᕋᐅᓪᓗ ᐊᑕᓂᖅ ᐅᒃᐱᕆᕚ; ᑕᒪᑐᒧᖓᓗ ᐊᑕᓂᐅᑉ ᐃᓱᐊᖅᓯᑎᑕᐅᓂᕋᓚᐅᖅᐹ.
7ᐅᖃᐅᑎᓪᓗᒍᓗ, “ᐅᕙᖓᐅᕗᖓ ᐊᑕᓂᖅ, ᓄᓇᒥᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ ᐊᐅᓪᓚᖅᑎᓚᐅᖅᐸᒋᑦ, ᑕᒪᓐᓇ ᓄᓇ ᑐᓂᔪᒪᓪᓗᒍ ᐃᓕᖕᓄᑦ ᓄᓇᑖᕆᔭᐅᖁᓪᓗᒍ.”
8ᐂᑉᕋᐅᓪᓕ ᐊᐱᕆᕚ, “ᐊᑕᓃᖅ ᒎᑏ, ᖃᓄᕐᓕ ᖃᐅᔨᓂᐊᖅᐳᖓ ᓄᓇᑖᕆᓂᐊᕐᖕᒪᖔᒃᑯ?”
9ᐊᑕᓂᐅᑉ ᑭᐅᕚ, “ᐃᒻᒧᒃᓯᐅᒐᕐᖕᒥᒃ ᕾᑦᓯᓚᐅᕆᑦ, ᐱᖓᓱᓂᒃ ᐊᕐᕌᒍᓕᖕᒥᒃ, ᒎᑦᓯᒥᒡᓗ ᐊᕐᖕᓇᓪᓗᖕᒥᒃ ᐱᖓᓱᓂᒃ ᐊᕐᕌᒍᓕᖕᒥᒃ, ᓰᐱᒥᒡᓗ ᐊᖑᓴᓪᓗᕐᖕᒥᒃ ᐱᖓᓱᓂᒃ ᐊᕐᕌᒍᓕᖕᒥᒃ, ᑑᕕᒥᒡᓗ ᐊᕿᒡᒋᐅᔮᖅᑐᒥᒡᓗ ᐱᐊᕋᕕᓂᕐᖕᒥᒃ.” 10ᑕᕝᕙ ᑖᒃᑯᓂᖓ ᐆᒪᔪᓂᒃ ᐋᑦᓯᕗᖅ, ᖁᐱᓪᓗᒋᓪᓗ ᐊᕕᒃᐰᑦ ᒪᕐᕉᓕᓪᓗᒋᑦ, ᐃᓕᐅᕋᖅᐰᑦ ᐊᑭᓕᕇᒃᑕᖅᑎᓪᓗᒋᑦ ᒪᕐᕈᐃᖑᓕᖅᑎᑉᐰᑦ; ᑎᖕᒥᐊᒡᓕ ᐊᕕᓐᖏᓛᒃ. 11ᑎᖕᒥᐊᓪᓗ ᓂᕿᑐᓲᑦ ᐆᒪᔪᕕᓂᕐᖕᓄᑦ ᐅᓂᓪᓗᑎᒃ ᒥᑦᓴᖅᑐᖅᐳᑦ, ᐂᑉᕋᐅᓪᓕ ᕿᒪᒃᓯᑎᑉᐰᑦ.
12 #
ᔫᐱ 4:13,14. ᓯᕿᓂᕐᓕ ᐊᒃᐸᓕᕐᖕᒪᑦ, ᐂᑉᕋᒻ ᐃᑎᔪᒥᒃ ᓯᓂᓕᖅᐳᖅ; ᑕᑯᒋᓪᓗ, ᑲᑉᐱᐊᓇᖅᑐᒥ#15:12 ᑲᑉᐱᐊᓇᖅᑐᖅ ᐃᒻᒪᖄ ᐅᖁᒪᖏᕐᖕᓂᖅ ᑖᖅᑐᐊᓗᖕᒦᓕᖅᐳᖅ. 13#ᒨᓯᓯ ᐂᑉᐸᖏᑦ 1:1-14; ᐋᐴᓯᑕᓖᑦ 7:6.ᑕᕝᕙ ᐊᑕᓂᐅᑉ ᐂᑉᕋᒻ ᐅᖃᐅᑎᕚ, “ᓱᓕᔪᒥᒃ ᖃᐅᔨᑦᓯᐊᕆᑦ ᑭᖑᕚᑎᑦ ᓂᐅᕐᕈᐊᖑᔪᒫᖅᐳᑦ ᓄᓇᒥ ᓄᓇᒋᓐᖏᑕᒥᖕᓂ; ᑕᕝᕙᓂᓗ ᓄᓇᒥ ᓯᐊᓛᕆᔭᐅᔪᒫᖅᐳᑦ,#15:13 ᓯᐊᓛᖅ ᐅᕝᕙᓗ ᑭᐸᓗᒃ ᐅᖁᒤᒃᓴᖅᑎᑕᐅᔪᒫᖅᓗᑎᒡᓗ ᐊᕐᕌᒍᓂᒃ 400ᓂᒃ; 14#ᒨᓯᓯ ᐂᑉᐸᖏᑦ 12:40,41; ᐋᐴᓯᑕᓖᑦ 7:7.ᑖᒃᑯᐊᓕ ᓱᒋᐊᕈᒫᖅᐸᒃᑲ ᐃᓅᖃᑎᒌᒡᔪᐊᑦ ᑖᒃᑯᓂᖓ ᓯᐊᓛᖃᖅᑐᑦ,#15:14 ᓯᐊᓛᖅ ᐅᕝᕙᓗ ᑭᐸᓗᒃ ᑕᕝᕙᓐᖓᓪᓗ ᓄᓇᒥᑦ ᓄᓇᒋᓐᖏᑕᒥᖕᓂᑦ ᐊᐅᓪᓚᓕᕈᑎᒃ, ᐊᔪᖅᓴᖏᑦᔪᑎᕐᔪᐊᓂᒃ ᓇᒃᓴᕈᒫᖅᐳᑦ. 15ᐃᕝᕕᓪᓕ ᓯᕗᓕᕐᖕᓄᑦ ᐂᔪᒫᖅᐳᑎᑦ ᓮᒪᓗᑎᑦ; ᐃᓗᕕᖅᑕᐅᔪᒫᖅᐳᑎᓪᓗ ᐃᓄᑐᖃᒻᒪᕆᐅᓕᖅᓗᑎᑦ. 16ᑭᖑᕚᑎᓪᓕ ᐃᕐᖕᓂᕇᑦ ᓯᑕᒪᖏᑦ ᑭᓯᐊᓂ ᐊᓂᒍᖅᐸᑕ ᑕᒪᐅᖓ ᓄᓇᒧᑦ ᐅᑎᕈᒫᕆᕗᑦ, ᐊᒧᕅᑎᑦ ᐊᔪᖅᑐᓕᓂᖏᑦ ᓱᒋᐊᖅᑕᐅᓚᐅᖏᒻᒪᑕ ᓱᓕ.”
17ᓯᕿᓂᕐᓕ ᓂᐱᓯᒪᓕᖅᑎᓪᓗᒍ ᑖᖅᓯᖕᒪᑦ, ᑕᑯᒋᑦ, ᐃᑯᒪᔪᒥᒃ ᐳᔫᖅᑐᒥᒡᓗ ᐃᑯᐊᓚᔪᒥᒃ ᓇᓂᕈᐊᕐᖕᒥᒃ ᓴᖅᑭᑦᑐᖃᖅᐳᖅ ᐆᒪᔪᕕᓃᓪᓗ ᐊᒡᒍᖅᓯᒪᔪᑦ ᖁᓛᑦᑎᒎᖅᓗᓂ. 18#ᐋᐴᓯᑕᓖᑦ 7:5.ᑕᕝᕙ ᐊᑕᓂᖅ ᐅᓪᓗᒥ ᑕᕝᕙᓂ ᐂᑉᕋᒻᒥᒃ ᐊᖏᖃᑎᒌᒍᑎᓕᐅᖅᐳᖅ. ᐅᖃᖅᓗᓂ, “ᑭᖑᕚᕐᖕᓄᑦ ᑕᒪᓐᓇ ᓄᓇ ᑐᓂᕙᕋ, ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᖅᓗᒍ ᑰᒡᔪᐊᕌᓗᒃ, ᐃᕗᕅᑎᐅᑉ ᑰᖓ ᑎᑭᓪᓗᒍ, 19ᐅᑯᓄᖓ ᓄᓇᒋᔭᐅᔪᑦ ᑭᓁᑎᓄᑦ, ᑭᓂᔧᑎᓄᓪᓗ, ᑲᑦᒧᓁᑎᓄᓪᓗ, 20ᕼᐃᑍᑎᓄᑦ, ᐱᕆᔧᑎᓄᑦ, ᕆᐰᒻᓄᓪᓗ, 21ᐊᒧᕅᑎᓄᓪᓗ, ᑬᓇᓂᒥᐅᓄᓪᓗ, ᒋᕐᒐᓮᑎᓄᓪᓗ, ᔨᐳᓮᑎᓄᓪᓗᑦᑕᐅᖅ.”
Currently Selected:
ᒨᓯᓯ ᓯᕗᓪᓖᑦ 15: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
