ᒨᓯᓯ ᓯᕗᓪᓖᑦ 16
16
ᐂᒡᒐᓗ ᐄᓯᒤᓕᓗ
1ᓴᕅᓕ, ᐂᑉᕋᐅᑉ ᓄᓕᐊᖓ ᕿᑐᕐᖏᓱᐃᑦᑑᒐᒥ ᕿᑐᕐᖓᖅᑖᓚᐅᓐᖏᓚᖅ. ᐄᑦᔨᑉᑎᒥᐅᑕᕐᖕᒥᒡᓕ ᐊᕐᖕᓇᒥᒃ ᐱᔨᖃᓚᐅᖅᐳᖅ ᐂᒡᒐᒥᒃ ᐊᑎᓕᖕᒥᒃ; 2ᑍᒤᒻᒪᑦ ᐅᐃᓂ ᐂᑉᕋᒻ ᐅᖃᐅᑎᕚ, “ᑕᑯᓕᕆᑦ, ᐊᑕᓂᐅᑉ ᕿᑐᕐᖓᖅᑖᕈᓐᓇᖅᑎᖏᒻᒪᖓ; ᐱᔨᒐᑐᕐᖑᓇ ᐱᖃᑎᒋᓚᐅᕈᒃ ᐃᒻᒪᖄᓕ ᕿᑐᕐᖓᖅᑖᕈᓐᓇᖅᐳᖅ ᕿᑐᕐᖓᒃᓴᓐᓂᒃ.” ᐂᑉᕋᐅᓪᓗ ᓴᕅᑉ ᐅᖃᐅᓯᖏᑦ ᓈᓚᓚᐅᖅᐰᑦ. 3ᑕᕝᕙ ᐂᑉᕋᒻ ᓄᓇᖃᖅᓯᒪᓕᖅᑎᓪᓗᒍ ᑬᓇᓂᒥ ᐊᕐᕌᒍᓂᒃ ᖁᓕᓂᒃ, ᓴᕅᑉ ᐱᔨᓂ ᐂᒡᒐ ᐄᑦᔨᑉᑎᒥᐅᑕᖅ ᐂᑉᕋᒻᒧᑦ ᑐᓂᕚ ᓄᓕᐊᕆᔭᐅᖁᓪᓗᒍ. 4ᐂᑉᕋᐅᓪᓗ ᐱᖃᑎᒋᖕᒪᒍ ᐂᒡᒐ, ᓄᑕᕋᒃᓴᖃᓕᖅᐳᖅ; ᐂᒡᒐᓗ ᖃᐅᔨᓕᕋᒥ ᓄᑕᕋᒃᓴᖃᓕᕐᖕᓂᕐᖕᒥᓂᒃ, ᐱᐅᔪᕆᓕᖅᐳᖅ ᐊᑭᕋᖅᑐᓕᖅᓗᓂᓗ ᓴᕅᒥᒃ.
5ᑕᕝᕙ ᓴᕅ ᐅᖃᖅᐳᖅ ᐂᑉᕋᒻᒧᑦ, “ᓈᒻᒪᖏᑦᑐᓕᕕᐅᓂᕋ ᐃᕝᕕᑦ ᓵᑕᒃᓴᐅᑦᔪᑎᒃᓴᕆᕙᑦ! ᐱᔨᒐ ᑐᓂᓚᐅᕋᒃᑯ ᐃᓕᖕᓄᑦ, ᑍᒪᓐᖓᓪᓕ ᓄᑕᕋᒃᓴᖃᓕᕐᖕᓂᕐᖕᒥᓂᒃ ᖃᐅᔨᑐᐊᕋᒥ, ᐅᕙᓐᓂᒃ ᐆᒥᓱᓕᖅᐳᖅ. ᐊᑕᓂᕐᓕ ᓇᖕᒥᓂᖅ ᖃᐅᔨᓴᕐᓕ ᓇᓕᖅᐳᒃ ᑕᒻᒪᖅᓯᒪᖕᒪᖔᑦ ᐃᕝᕕᓪᓘᓐᓃᑦ ᐅᕙᖓᓘᓐᓃᑦ!”
6ᐂᑉᕋᐅᓪᓗ ᑭᐅᕚ, “ᐄᓛᒃ, ᑖᓐᓇ ᐃᕝᕕᑦ ᐱᔨᒋᒐᕕᐅᒃ ᓇᖕᒥᓂᕐᓗ ᐱᔪᓐᓇᕐᖕᓂᖃᕐᕕᒋᓪᓗᒍ; ᐃᓱᒪᒋᔭᕐᖕᓂᒃ ᐱᓂᐊᕐᕕᒋᓕᕈᒃ.” ᑕᕝᕙ ᓴᕅᑉ ᐂᒡᒐ ᓂᑲᒋᖃᑦᑕᕈᓐᓃᕐᖕᒪᒍ, ᐂᒡᒐ ᕿᒫᓕᓚᐅᖅᐳᖅ ᑖᑦᓱᒪᓐᖓᑦ.
7ᑕᕝᕙ ᐊᑕᓂᐅᑉ ᐂᖏᓕᖓᑕ ᐂᒡᒐ ᐅᐸᒃᐹ ᐃᒥᖅᑕᕐᕕᖕᒦᑎᓪᓗᒍ ᐊᖅᑯᑎᒥ ᐃᓄᖃᖏᑦᑐᒥ ᓲᕐᒧᐊᕆᐊᒥ. 8ᐅᖃᐅᑎᓪᓗᒍᓗ, “ᐂᒡᒑ, ᓴᕅᑉ ᐱᔨᖓ, ᓇᑭᓐᖔᖅᐱᑦ ᐊᒻᒪ ᓇᒧᓐᖓᐅᕖᑦ?”
ᑖᑦᓱᒪᓗ ᑭᐅᕚ, “ᕿᒫᕗᖓ ᐊᕐᖕᓇᒥᑦ ᐊᖓᔪᖅᑳᓐᓂᑦ ᓴᕅᒥᑦ.”
9ᐊᑕᓂᐅᑉ ᐂᖏᓕᖓᑕ ᐅᖃᐅᑎᕚ, “ᐊᖓᔪᖅᑳᕐᖕᓄᑦ ᐅᑎᓚᐅᕆᑦ ᐃᓕᖕᓂᒡᓗ ᑐᓂᓗᑎᑦ ᑖᑦᓱᒧᖓ.” 10ᐊᑕᓂᐅᓪᓗ ᐂᓐᖏᓕᖓ ᐅᖃᒃᑲᓐᓂᖅᐳᖅ, “ᐅᓄᖅᑐᕐᔪᐊᓂᒃ ᑭᖑᕚᖅᑖᖅᑎᑦᓱᒫᖅᐸᒋᑦ ᑭᓇᒧᓪᓘᓐᓃᑦ ᓈᓴᖅᑕᐅᔪᓐᓇᖏᑦᑐᓂᒃ.” 11ᐊᑕᓂᐅᓪᓗ ᐂᖏᓕᖓᑕ ᐅᖃᐅᑎᕚ: “ᑕᑯᒋᑦ, ᕿᑐᕐᖓᒃᓴᖃᖅᐳᑎᑦ ᐃᕐᖕᓂᖅᑖᓛᖅᐳᑎᓪᓗ; ᑖᓐᓇᓗ ᐊᑦᓯᕈᒫᖅᐸᑦ ᐃᓯᒥᐅᓪᒥᒃ; ᐃᓛᒃ ᐊᑕᓂᐅᑉ ᑐᓴᓚᐅᕐᖕᒪᑎᑦ ᐅᖁᒤᒃᓴᕕᒡᔪᐊᕈᑎᖕᓂᒃ. 12ᐃᕐᖕᓃᓪᓕ ᐃᓅᓯᖃᕈᒫᖅᐳᖅ ᓄᔪᐊᖅᑕᑎᑐᑦ ᓯᐅᑎᖅᑯᖅᑐᔪᑎᑐᑦ, ᑕᒤᓐᓂᒃ ᐊᑭᕋᖃᕈᒫᖅᐳᖅ, ᑕᒤᓐᓄᓪᓗ ᐊᑭᕋᕆᔭᐅᓗᓂ. ᓄᓇᖃᕈᒫᖅᐳᕐᓗ ᐃᓚᒥᓄᑦ ᑲᑎᒪᔭᐅᖏᓪᓗᓂ.”
13ᐂᒡᒐᐅᓪᓗ ᐊᑕᓂᖅ ᐅᖃᕐᕕᒋᔨᓂ ᐊᑎᖃᖅᑎᑉᐹ, “ᒎᑏ ᑕᑯᓐᓇᖅᐳᑎᑦ”; ᐅᖃᓚᐅᕋᒥ, “ᒎᑎᒥᒃ ᑕᑯᓪᓚᕆᒃᐳᖓ ᑐᖁᓇᖓᓗ ᑕᑯᓚᐅᖅᓗᒍ?” 14ᑍᒤᒻᒪᑦ ᑖᓐᓇ ᐃᒥᖅᑕᕐᕕᒃ ᑲᑎᓯᐅᑉ ᐱᕇᓪᓗ ᐊᑯᓐᓂᖓᓃᑦᑐᖅ ᐃᓄᖕᓄᑦ ᑍᔭᐅᕙᓕᖅᐳᖅ “ᐱᐊᕐ-ᓚᕼᐂ-ᕈᐂ.” ᑐᑭᓕᒃ “ᐃᓅᖏᓐᓇᖅᑐᖅ ᐅᕙᓐᓂᒃ ᑕᑯᓐᓇᖅᐳᖅ.”
15 #
ᒐᓔᑎ 4:22. ᐂᒡᒐᓗ ᐂᑉᕋᒻᒥᑦ ᐃᕐᖕᓂᖅᑖᖅᐳᖅ; ᑖᓐᓇᓗ ᐂᑉᕋᐅᑉ ᐊᑦᓯᖅᐹ ᐃᓯᒥᐅᓪᒥᒃ, ᐂᒡᒐᒃᑯᑦ ᐃᕐᖕᓂᖅᑖᕆᔭᓂ. 16ᐂᑉᕋᒻᓗ ᐊᕐᕌᒍᖃᓕᓚᐅᖅᐳᖅ 86ᓂᒃ ᐂᒡᒐᒃᑯᑦ ᐃᕐᖕᓂᖅᑖᕋᒥ ᐃᓯᒥᐅᓪᒥᒃ.
Currently Selected:
ᒨᓯᓯ ᓯᕗᓪᓖᑦ 16: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
