ᒨᓯᓯ ᓯᕗᓪᓖᑦ 22
22
ᐂᑉᕋᕼᐋᒻ ᒎᑎᒧᑦ ᑐᓂᕐᕈᓯᖁᔭᐅᓂᖓ ᐃᕐᖕᓂᒥᓂᒃ ᐂᓴᑭᒥᒃ
1 #
ᐄᑉᕈᐃᓄᑦ 11:17-19. ᑕᒪᒃᑯᐊ ᖄᖏᖅᓯᒪᓕᖅᑎᓪᓗᒋᑦ ᒎᑎᐅᑉ ᐂᑉᕋᕼᐋᒻ ᖃᐅᔨᓴᓚᐅᖅᐹ, ᐅᖃᐅᑎᓪᓗᒍᓗ, “ᐂᑉᕋᕼᐋᒻ!” ᐂᑉᕋᕼᐋᒻᓗ ᑭᐅᕚ, “ᒫᓃᑉᐳᖓ.” 2#ᑯᕉᓂᑲ ᐂᑉᐸᖏᑦ 3:1.ᒎᑎᐅᓪᓗ ᐅᖃᐅᑎᓕᖅᐹ, “ᐃᕐᖕᓂᑐᐊᑦ ᓇᒡᓕᒋᒻᒪᕆᒃᑕᑦ ᐂᓴᑭ ᓇᒃᓴᖅᓗᒍ ᒧᕅᐊᑉ ᓄᓇᖓᓄᓐᖓᐅᒋᑦ, ᐃᕐᖕᓃᑦ ᐂᓴᑭ ᐃᑯᐊᓪᓚᒡᓗᒍ ᑐᓂᕐᕈᓯᐅᑎᔭᖅᑐᕈᒃ ᖃᖅᑲᓂ ᐃᓂᒋᓂᐊᖅᑕᑦᓯᓐᓂᒃ ᑍᑲᓂ ᐅᖃᐅᑎᔪᒫᖅᐸᒋᑦ.” 3ᐅᓪᓛᕌᕐᔪᒃᑯᑦ ᖃᐅᑎᓪᓗᒍ ᐂᑉᕋᕼᐋᒻ ᒪᑭᑉᐳᖅ, ᓯᐅᑎᖅᑯᖅᑐᔪᖁᑎᓂᓗ ᓇᖕᒥᖅᓱᖅᓗᒍ, ᐱᔩᖕᓂᓗ ᒪᕐᕉᒃ, ᐃᕐᖕᓂᓂᓗ ᐂᓴᑭ ᓇᒃᓴᖅᓗᒋᑦ, ᕿᔪᖕᓂᒡᓗ ᓇᑲᑎᕆᓪᓗᓂ ᑐᓂᕐᕈᓯᖅᓗᓂ ᐃᑯᐊᓪᓚᖅᑯᑎᒃᓴᒥᓂᒃ, ᐊᐅᓪᓚᖅᐳᑦ ᒎᑎᐅᑉ ᐅᐸᒃᑕᐅᖁᔭᖓᓄᑦ. 4ᐅᓪᓗᐃᓪᓗ ᐱᖓᔪᒋᓕᖅᑕᖓᓐᓂ ᐂᑉᕋᕼᐋᒻ ᑕᑯᓴᕋᒥ ᓄᓇ ᐅᐸᒃᑕᐅᖁᔭᐅᔪᖅ ᑕᑯᕚ ᐅᖓᓯᒃᑐᒥᑦ. 5ᐱᔩᖕᓂᓗ ᐃᓅᓱᒃᑑᒃ ᐅᖃᐅᑎᕚᒃ, ᓯᐅᑎᖅᑯᖅᑐᔪᖅ ᓇᔪᓚᐅᖅᓯᒃᑯᒃ ᓄᑲᑉᐱᐊᕐᓗ ᐃᑯᓐᖓᐅᓂᐊᕋᓐᓄᒃ ᑐᒃᓯᐊᕆᐊᖅᑐᖅᓗᓄᒃ, ᐱᔭᕇᕈᓐᓄᒃ ᐅᑎᕐᖕᓂᐊᕆᕗᒍᒃ ᐃᓕᑦᓯᖕᓄᑦ. 6ᐂᑉᕋᕼᐋᒻᓗ ᕿᔪᐃᑦ ᑐᓂᕐᕈᓯᖅᓗᑎᒃ ᐃᑯᐊᓪᓚᖅᑯᑎᒃᓴᑦ ᐊᒡᔭᖅᑕᐅᑎᑉᐰᑦ ᐃᕐᖕᓂᕐᖕᒥᓄᑦ ᐂᓴᑭᒧᑦ; ᓇᖕᒥᓂᕐᓕ ᓴᕝᕕᔭᖅᐳᖅ ᐃᑯᒪᔪᒥᒡᓗ ᐊᒡᔭᖅᓯᒋᓪᓗᓂ. ᒪᕐᕈᐃᓐᓇᐅᓕᖅᓗᑎᒃ ᐱᓱᓯᕘᒃ. 7ᐂᓴᑭᓕ ᐅᖃᖅᐳᖅ, ᐊᑖᑕᒥᓄᑦ ᐂᑉᕋᕼᐋᒻᒧᑦ, “ᐊᑖᑕᒃ!” ᑖᑦᓱᒪ ᑭᐅᕚ, “ᓱᕙ ᐃᕐᖕᓃᒃ.” ᐂᓴᑭᓗ ᐅᖃᖅᐳᖅ, “ᑕᑯᒋᑦ, ᐃᑯᒪ ᕿᔪᐃᓪᓗ ᐃᑯᐊᓚᑦᔪᑎᒃᓮᓪᓗ; ᓇᐅᒡᓕ ᑍᒪ ᓄᕐᕋᐅᔭᖅ ᑐᓂᕐᕈᑎᒃᓴᖅ?” 8ᐂᑉᕋᕼᐋᒻᓕ ᑭᐅᕚ, “ᒎᑎᐅᑉ ᑐᓂᕐᕈᑎᒃᓴᖅ ᑐᓂᓂᐊᖅᐹ ᐃᕐᖕᓃᒃ.” ᑕᕝᕙ ᐱᓱᖃᑎᒌᓕᖅᐴᒃ. 9#ᔧᒥᓯ 2:21.ᒎᑎᐅᓪᓗ ᐃᓂᒋᔭᐅᖁᔭᖓ ᑎᑭᓐᓇᒥᒃᑯᒃ, ᐂᑉᕋᕼᐋᒻ ᑐᓂᕐᕈᓯᕐᕕᒃᓴᒥᒃ ᓴᓇᕗᖅ; ᕿᔪᐃᓪᓗ ᖄᖓᓄᑦ ᐋᖅᑭᒃᓱᑦᓯᐊᖅᓗᒋᑦ, ᐃᕐᖕᓂᓂᓗ ᐂᓴᑭ ᕿᓚᒃᓱᖅᐹ, ᕿᔪᐃᓪᓗ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ ᖄᖓᓄᐊᖅᓗᓂᐅᒃ, 10ᑕᕝᕙ ᐂᑉᕋᕼᐋᒻ ᐃᓴᒃᓗᓂ ᓴᕕᒃ ᑎᒍᕚ ᐃᕐᖕᓂᓂ ᑐᖁᓐᓂᐊᓕᕋᒥᐅᒃ. 11ᐊᑕᓂᐅᓪᓕ ᐂᖏᓕᖓᑕ ᕿᓚᖕᒥᑦ ᓂᓪᓕᕐᕕᒋᕚ, ᐅᖃᖅᓗᓂᓗ, “ᐂᑉᕋᕼᐋᒻ, ᐂᑉᕋᕼᐋᒻ!” ᑖᓐᓇᓗ ᑭᐅᕗᖅ, “ᒫᓃᑉᐳᖓ.” 12ᐅᖃᐅᑎᕚᓗ, “ᓄᑲᑉᐱᐊᖅ ᐋᓐᓂᖅᑍᓕᒍᒃ ᖃᓄᐃᓕᑦᑍᓕᓗᒍᓗ; ᒫᓐᓇ ᖃᐅᔨᕗᖓ ᒎᑎ ᓯᕘᕋᒋᒐᕕᐅᒃ, ᐃᕐᖕᓃᓪᓗ ᐊᓐᓂᕆᖏᓐᓇᕕᐅᒃ, ᐃᕐᖕᓂᑐᐊᑦ.” 13ᐂᑉᕋᕼᐋᒻᓗ ᑐᓄᒥᓄᑦ ᑕᑯᓴᕋᒥ ᑕᑯᕗᖅ, ᓰᐱᒥᒃ ᐊᖑᓴᓪᓗᕐᖕᒥᒃ ᐅᖅᐱᒐᕐᖕᓄᑦ ᓇᒡᔪᖕᒥᒍᑦ ᓈᑎᓯᒪᔪᒥᒃ; ᐅᐸᒃᑲᒥᐅᒡᓗ ᑎᒍᕚ ᑐᓂᕐᕈᓯᐅᑎᖔᓕᖅᓗᒍ ᐃᕐᖕᓂᕐᖕᒥᓄᒃ ᐃᓇᖏᐅᑎᑎᓪᓗᒍ. 14ᐂᑉᕋᕼᐋᒻᓗ ᑖᓐᓇ ᓇᔪᖅᑕᓂ ᐊᑦᓯᖅᐹ, ᐊᑕᓂᖅ ᐱᒃᓴᖃᖅᑎᑦᓯᓂᐊᖅᐳᖅ; ᐅᓪᓗᒥᒧᑦ ᑎᑭᓪᓗᒍ ᐅᖃᐅᓯᐅᕙᓕᖅᐳᖅ, “ᐊᑕᓂᐅᑉ ᖃᖅᑲᖁᑎᖓᓂ ᐱᒃᓴᖃᖅᑎᑕᐅᓇᖅᐳᖅ.” 15ᐊᑕᓂᐅᓪᓗ ᐂᖏᓖᖓᑕ ᐂᑉᕋᕼᐋᒻ ᐅᖃᕐᕕᒋᒃᑲᓐᓂᖅᐹ ᕿᓚᖕᒥᑦ; 16#ᐄᑉᕈᐃᓄᑦ 6:13,14.ᐅᖃᖅᓗᓂᓗ, “ᐅᕙᖓᐅᓂᕋ ᐊᑐᖅᓗᒍ ᐅᖃᕕᓚᐅᖅᐳᖓ, ᐊᑕᓂᖅ ᐅᖃᖅᐳᖅ, ᑍᒤᓕᐅᓚᐅᕐᖕᓂᕐᖕᓄᑦ, ᐃᕐᖕᓃᓪᓗ ᐊᓐᓂᕆᓚᐅᖏᓐᓇᕕᐅᒃ, ᐃᕐᖕᓂᑐᐊᑦ, 17#ᐄᑉᕈᐃᓄᑦ 11:12.ᓱᓕᔪᒥᒃ ᓮᒻᒪᖅᑎᑦᓱᒫᖅᐸᒋᑦ, ᑭᖑᕚᒃᓴᑎᑦ ᐅᓄᖅᓯᑎᑦᓱᒫᖅᐸᒃᑲ ᕿᓚᖕᒥ ᐅᓪᓗᕆᐊᑎᑐᑦ ᓯᐅᖅᑲᑎᑐᓪᓗ ᑕᕆᐅᑉ ᓯᓈᓃᑦᑐᑎᑐᑦ ᐅᓄᖅᑎᒋᔪᓂᒃ. ᑭᖑᕚᑎᓪᓗ ᐊᑭᕋᒥ ᐃᑎᖅᑕᕐᕕᖏᓐᓂᒃ ᐱᓯᒪᔪᒫᖅᐳᑦ. 18#ᐋᐴᓯᑕᓖᑦ 3:25.ᑭᖑᕚᒃᑯᓪᓗ ᐃᓅᖃᑎᒌᒡᔪᐊᓕᒫᑦ ᓄᓇᕐᔪᐊᕐᖕᒥ ᓮᒻᒪᖅᑎᑕᐅᔪᒫᖅᐳᑦ, ᓂᐱᒐ ᓈᓚᓚᐅᕋᕕᐅᒃ.” 19ᐂᑉᕋᕼᐋᓗ ᐱᔨᒥᓄᑦ ᐃᓅᓱᒃᑐᓄᑦ ᐅᑎᕐᖕᒪᑦ, ᐊᐅᓪᓚᖅᐳᑦ ᓄᓇᒧᑦ ᐱᐅᕐᓰᐸᒧᑦ; ᑕᕝᕙᓂᓗ ᐂᑉᕋᕼᐋᒻ ᐱᐊᕐᓯᐸᒥ ᓄᓇᑖᓚᐅᖅᐳᖅ.
ᓂᕼᐅᕆᐅᑉ ᑭᖑᕚᒋᑦ
20ᑕᒪᒃᑯᐊ ᑭᖑᓂᖓᑦᑎᒍᑦ ᐂᑉᕋᕼᐋᒻ ᑐᓴᖅᑎᑕᐅᓚᐅᖅᐳᖅ, “ᑕᑯᒋᑦ, ᒥᐅᓪᑲ ᕿᑐᕐᖓᖃᓕᖅᐳᖅ ᓯᑕᒪᐅᔪᖅᑐᓂᒃ ᓄᑲᕐᖕᓂᑦ ᓇᕼᐅᕆᒥᑦ: 21ᐊᖓᔪᒃᓯᖅᐹᖁᑎᖓ ᐊᑎᖃᖅᐳᖅ ᐅᔾᒥᒃ, ᓄᑲᖓᓗ ᐳᔾ, ᑭᒧᐃᓕᓗ ᐊᕌᒥᐅᑉ ᐊᑖᑕᖓ, 22ᓴᓰᑦ, ᕼᐊᔪᑦ, ᐱᐅᓪᑕ, ᔨᓪᓚᐸ, ᐱᑐᐃᓕᓗ, 23ᐱᑐᐃᓕᓗ ᕇᐱᑲᐅᑉ ᐊᑖᑕᒋᓚᐅᖅᐹ. ᒥᐅᓪᑲᐅᓪᓗ ᑖᒃᑯᐊ ᓯᑕᒪᐅᔪᖅᑐᑦ ᕿᑐᕐᖓᖅᑖᕆᓚᐅᖅᐰᑦ ᓇᕼᐅᕆᒥᑦ, ᐂᑉᕋᕼᐋᒻ ᓄᑲᖓᓂᑦ. 24ᓱᓕᓗ ᕆᐅᒪ, ᓂᕼᐅᕆᐅᑉ ᐊᑐᒐᕆᓪᓗᓂᐅᒃ ᓄᓕᐊᖓ, ᕿᑐᕐᖓᖅᑖᓚᐅᕆᕗᖅ ᑏᐸᒥᒃ, ᒐᕼᐋᒥᒥᒡᓗ, ᑕᕼᐋᓴᒥᒡᓗ, ᒫᑲᒥᒡᓗ.”
Currently Selected:
ᒨᓯᓯ ᓯᕗᓪᓖᑦ 22: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
