ᒨᓯᓯ ᓯᕗᓪᓖᑦ 27
27
ᐂᓴᑭᐅᑉ ᓮᒻᒪᖅᑎᑦᓯᓂᖓ ᔧᑯᒥᒃ
1ᐂᓴᑭᓗ ᐃᑦᑐᐊᓘᓕᖅᑎᓪᓗᒍ ᑕᒃᐲᓕᓚᐅᖅᐳᖅ ᑕᐅᑐᒍᓐᓃᓕᖅᓗᓂᓗ, ᐃᕐᖕᓂᓂᓗ ᐊᖓᔪᒃᓕᖅ ᐄᓴ ᕾᖁᔭᐅᒃᑲᖅᓗᓂᐅᒃ ᐅᖃᐅᑎᕚ, “ᐃᕐᖕᓃᒃ!”
ᐃᕐᖕᓂᖓᓗ ᑭᐅᕗᖅ, “ᑕᒫᓃᑉᐳᖓ.”
2ᐂᓴᑭᓗ ᐅᖃᖅᐳᖅ, “ᑕᑯᒋᑦ ᐃᑦᑐᐊᓘᓕᕋᒪ; ᑐᖁᕕᒃᓴᕋᓗ ᖃᐅᔨᒪᓇᒍ, 3ᒫᓐᓇᓕ ᐊᖑᓇᓲᑎᑎᑦ ᑎᒍᓗᒋᑦ, ᐱᑎᒃᓰᑦ ᖃᕐᔪᑎᓪᓗ, ᐊᐅᓪᓚᓚᐅᕆᑦ ᐆᒪᔪᖅᓯᐅᕈᑎᓗᖓ. 4ᓂᕿᓕᐅᕈᑎᓗᖓᓗ ᒪᒪᕆᔭᓐᓂᒃ, ᕾᒃᑯᕕᒋᑦ, ᓂᕆᓂᐊᕋᒃᑭᑦ; ᓂᕆᔭᕇᕈᒪ ᓮᒻᒪᖅᑎᑦᓱᒪᒐᒃᑭᑦ ᑐᖁᓚᐅᖏᓐᓂᓐᓂ.”
5ᕇᐱᑲᓗ ᑐᓵᕗᖅ ᐂᓴᑭ ᐃᕐᖕᓂᕐᖕᒥᓄᑦ ᐄᓴᒧᑦ ᐅᖃᓪᓚᒃᑎᓪᓗᒍ, ᐄᓴ ᐆᒪᔪᖅᓯᐅᕆᐊᖅᓗᓂ ᐊᐅᓪᓚᕐᖕᒪᑦ, 6ᕇᐱᑲ ᐃᕐᖕᓂᕐᖕᒥᓄᑦ ᔧᑯᒧᑦ ᐅᖃᖅᐳᖅ, “ᑐᓵᒐᒪ ᐊᑖᑍᑦ ᐅᖃᓪᓚᒃᑎᓪᓗᒍ ᐊᖓᔪᖕᓄᑦ ᐄᓴᒧᑦ, ᐃᒫᒃ, 7‘ᐆᒪᔪᖅᓯᐅᕆᐊᓚᐅᕆᑦ ᓂᕿᓕᐅᕈᑎᓗᖓ ᒪᒪᕆᔭᓐᓂᒃ ᓂᕆᓂᐊᕋᒪ, ᓂᕆᔭᕇᕈᒪ ᓮᒻᒪᖅᑎᓐᓂᐊᕋᒃᑭᑦ ᐊᑕᓂᐅᑉ ᓵᖓᓂ ᑐᖁᓚᐅᖏᓐᓂᓐᓂ.’ 8ᑍᒤᒻᒪᑦ, ᐃᕐᖕᓃᒃ ᐅᖃᐅᓯᒃᑲ ᒪᓕᑦᓯᐊᒃᑭᑦ, 9ᓰᐱᓄᐊᖅᓗᑎᑦ, ᒎᑦᓯᑦ ᓄᕐᕋᖏᖕᓂᒃ ᒪᑦᕉᖕᓂᒃ ᐂᒃᓯᕆᑦ, ᓂᕿᓕᐅᕐᖕᓂᕋᒪ ᒪᒪᖅᑐᒥᒃ ᐊᑖᑕᕕᑦ ᒪᒪᕆᔭᖓᓂᒃ; 10ᑐᓂᓯᕕᒋᓂᐊᕋᕕᐅᒃ ᐊᑖᑍᑦ ᓂᕆᖁᓗᒍ, ᓮᒻᒪᖅᑎᓐᓂᐊᕐᖕᒪᑎᑦ ᑐᖁᓚᐅᖏᓂᕐᖕᒥᓂ.”
11ᔧᑯᓕ ᐊᓈᓇᒥᓄᑦ ᕇᐱᑲᒧᑦ ᐅᖃᖅᐳᖅ, “ᑕᑯᒋᑦ, ᐊᖓᔪᒐ ᐄᓴ ᒥᖅᑯᖃᖅᐳᖅ, ᐅᕙᖓᓕ ᒥᖅᑯᖃᓐᖏᓚᖓ. 12ᐊᑖᑕᒪ ᐊᒃᑐᕈᓂᖓ ᖃᐅᔨᒐᔭᖅᐳᖅ, ᐅᐃᕕᕐᕆᒃᓯᓂᓐᓂᒃ ᑖᑦᓱᒥᖓ, ᑕᕝᕙ ᐅᖃᕐᖕᓂᖅᓗᒡᕕᒋᓂᐊᐹᖓ ᓮᒻᒪᖅᑎᑦᓱᓐᓃᖅᓗᖓ.”
13ᐊᓈᓇᖓᑕᓗ ᐅᖃᐅᑎᕚ, “ᐃᕐᖕᓃᒃ ᐅᕙᖓᖔᖅ ᐅᖃᕐᖕᓂᖅᓗᒡᕕᐅᓂᕐᖕᓄᑦ ᑐᕌᖅᑕᐅᓂᐊᖅᐳᖓ; ᐅᖃᐅᓯᕋ ᓈᓚᓕᕈᒃ, ᑍᒃᑯᖕᓂᖓᑦ ᐂᒃᓯᑐᐃᓐᓇᓕᕆᑦ ᐅᕙᓐᓄᐊᕈᑎᓗᒋᒃ.” 14ᑕᕝᕙ ᐂᒃᓯᖅᐳᖅ ᐊᓈᓇᒥᓄᓪᓗ ᑐᓂᓪᓗᒋᒃ; ᐊᓈᓇᖓᓗ ᓂᕿᓕᐅᖅᐳᖅ ᒪᒪᖅᑐᓂᒃ, ᐊᑖᑕᖓᑕ ᒪᒪᕆᕙᒃᑕᖓᓂᒃ. 15ᕇᐱᑲᐅᓪᓗ ᐄᓴᐅᑉ ᐊᓐᓄᕌᖏᑦ ᐱᐅᓂᖅᐹᑦ ᐃᒡᓗᒥᖕᓃᑦᑐᑦ ᑎᒍᓪᓗᒋᑦ, ᔧᑯᒧᑦ ᐃᕐᖕᓂᒥᓄᑦ ᓄᑲᖅᓯᕐᖕᒧᑦ ᐊᑎᔭᐅᑎᑉᐰᑦ. 16ᒎᑦᓰᓪᓗ ᓄᕐᕋᖏᑕ ᐊᒥᖏᓐᓂᒃ ᑕᓕᖏᒃ ᐃᓪᓕᕆᓪᓗᒋᒃ ᖁᖓᓯᖓᑕᓗ ᒥᖅᑯᖃᖏᓐᓂᖓᓄᑦ ᐃᓕᓯᒋᕗᖅ. 17ᓂᕿᓕᐊᕆᔭᓂᓗ ᒪᒪᖅᑐᑦ ᓂᐊᖂᔭᓪᓗ ᐃᒐᕋᑖᖅᑕᓂ ᑐᓂᕔᑦ ᐃᕐᖕᓂᕐᖕᒥᓄᑦ ᔧᑯᒧᑦ.
18ᔧᑯᓗ ᐊᑖᑕᒥᓄᑦ ᐃᑎᕋᒥ ᐅᖃᐅᑎᕚ, “ᐊᑖᑖᒃ.”
ᑖᑦᓱᒪ ᑭᐅᕙ, “ᒫᓃᑉᐳᖓ; ᓇᓪᓕᐊᖑᕖᑦ ᐃᕐᖕᓃᒃ?” 19ᔧᑯᓗ ᐅᖃᖅᐳᖅ ᐊᑖᑕᒥᓄᑦ, “ᐄᓴᐅᕗᖓ, ᐃᕐᖕᓃᑦ ᐊᖓᔪᒃᓕᖅ, ᐱᔭᕇᕋᒪ ᐅᖃᐅᑎᖅᑲᐅᒐᕕᖓ; ᐃᖏᓪᓗᑎᑦ ᓂᕆᓚᐅᕆᑦ, ᐆᒪᔪᖅᑕᓐᓂᒃ ᓮᒻᒪᖅᑎᓐᓂᐊᕋᕕᖓ.”
20ᐂᓴᑭᓗ ᐃᕐᖕᓂᕐᖕᒥᓄᑦ ᐅᖃᖅᐳᖅ, “ᐃᕐᖕᓃᒃ ᖃᓄᕐᓕ ᐊᑯᓂᐅᖏᑦᑐᖅ ᓇᓂᓯᑲᐅᖅᑐᖅᐲᑦ?”
ᑖᑦᓱᒪ ᑭᐅᕚ, “ᐊᑕᓂᐅᑉ ᒎᑎᕕᑦ ᑐᓂᓯᕕᒋᓪᓗᖓ ᐱᔪᓐᓇᖅᑎᒻᒪᖓ.”
21ᐂᓴᑭᓗ ᔧᑯᒧᑦ ᐅᖃᖅᐳᖅ, “ᐃᕐᖕᓃᒃ ᕾᓚᐅᕆᑦ ᒪᐅᖓ, ᑕᑦᓯᒃᑐᕐᖕᓂᐊᕋᒃᑭᑦ, ᖃᐅᔨᓂᐊᕋᒪ ᐄᓴᐅᖕᒪᖔᖅᐱᑦ ᑖᓐᓇᐅᖏᒻᒪᖔᖅᐱᓪᓘᓐᓃᑦ?” 22ᔧᑯᓗ ᐊᑖᑕᒥᓄᑦ ᐂᓴᑭᒧᑦ ᖃᒡᓕᒃᑲᓐᓂᕐᖕᒪᑦ, ᑖᑦᓱᒪ ᑕᑦᓯᒃᑐᖅᓗᒍ ᐅᖃᖅᐳᖅ, “ᔧᑰᑉ ᓂᐱᖓᓂᒃ ᓂᐱᖃᕋᕕᑦ, ᐊᒡᒐᑎᓪᓕ ᐄᓴᐅᑉ ᐊᒡᒐᒋᕔᑦ.” 23ᔧᑰᓂᖓᓂᒡᓕ ᐃᓕᑕᕆᓐᖏᓛ, ᐊᒡᒐᖏᑦ ᒥᖅᑯᖃᕐᖕᒪᑎᒃ ᐊᖓᔪᒥᑐᑦ ᐄᓴᑐᑦ; ᑕᕝᕙ ᓮᒻᒪᖅᑎᑉᐹ, 24ᐊᐱᕆᕚᓗ, “ᐄᓴᓪᓚᕆᐅᒐᓗᐊᖅᐲᑦ?”
ᑖᑦᓱᒪ ᑭᐅᕚ, “ᑖᓐᓇᐅᕗᖓ.”
25ᑕᕝᕙ ᐅᖃᓕᖅᐳᖅ, “ᓂᕆᓂᐊᖅᑕᕋ ᕾᓚᐅᕈᒃ, ᐃᕐᖕᓂᕐᖕᒪ ᐆᒪᔪᖅᑕᕕᓂᖓᓂᒃ ᓂᕆᓂᐊᕋᒪ ᓮᒻᒪᖅᑎᓪᓗᑎᓪᓗ.” ᑕᕝᕙ ᓂᕆᓂᐊᖅᑕᖓᓂᒃ ᑐᓂᕚ, ᓂᕆᓪᓗᓂᓗ; ᕔᓂᒥᒡᓗ ᑐᓂᒋᕚ, ᐃᒥᖅᓗᓂᓗ. 26ᑕᕝᕙ ᐊᑖᑕᖓᑕ ᐂᓴᑭᐅᑉ ᐅᖃᐅᑎᕚ, “ᕾᓗᑎᑦ ᐃᕐᖕᓃᒃ ᑯᓂᓚᐅᓐᖓ.” 27#ᐄᑉᕈᐃᓄᑦ 11:20.ᐅᐸᒃᓗᒍ ᐊᑖᑕᓂ ᑯᓂᒃᐹ; ᑕᕝᕙ ᐊᓐᓄᕌᖏᑕ ᑎᐱᖏᑦ ᓁᕔᑦ, ᓮᒻᒪᖅᑎᓪᓗᒍᓗ ᐅᖃᖅᐳᖅ, “ᐃᕐᖕᓂᕐᖕᒪ ᑎᐱᑦᓯᐊᕆᖕᓂᖓ ᓁᓪᓗᒍ ᓄᓇᐅᑉ ᓇᑎᕐᖕᓇᐅᑉ; ᐊᑕᓂᐅᑉ ᓮᒻᒪᖅᑎᓯᒪᔭᖓᑐᑦ ᑍᒤᑉᐳᖅ. 28ᒎᑎᐅᑉ ᑐᓂᓯᕕᒋᓕᑎᑦ ᕿᓚᐅᑉ ᖃᐅᓯᖅᑎᑦᓯᓂᖓᓂᒃ, ᓄᓇᒥᒡᓗ ᐊᔪᖅᓴᕐᖕᓇᖏᑦᑐᒥᒃ, ᐊᒥᒐᖏᑦᑐᓂᒡᓗ ᓂᐊᖂᔭᒃᓴᓂᒃ ᕔᓂᒃᓴᓂᒡᓗ, 29#ᒨᓯᓯ ᓯᕗᓪᓖᑦ 12:3.ᐃᓅᖃᑎᒌᒡᔪᐊᑦ ᐊᓯᑦᓯᓐᓃᑦᑐᑦ ᐱᔨᑦᓯᖅᓕᑎᑦ, ᐃᓅᖃᑎᒌᒡᔪᐊᓪᓗ ᓇᓂᑐᐃᓐᓇᖅ ᐹᒻᒪᒃᑎᕐᕕᒋᓕᑎᑦ; ᐊᖓᔪᖅᑳᖑᓕᕆᑦ ᖃᑕᓐᖑᑎᖕᓄᑦ, ᐊᓈᓇᕕᓪᓗ ᑭᖑᕚᖏᑕ ᐹᒻᒪᒃᑎᕐᕕᒋᔭᒃᓴᕆᕚᑎᑦ, ᓇᕐᕈᓇᖅᓯᓕᑦ ᐃᓕᖕᓂᒃ ᓇᕐᕈᔪᑦ, ᓮᒻᒪᖅᑎᑕᐅᓕᓪᓗ ᐃᓕᖕᓂᒃ ᓮᒻᒪᖅᑎᑦᓯᔪᑦ.”
ᐄᓴᐅᑉ ᐊᑖᑕᒥᓄᑦ ᓮᒻᒪᖅᑎᑕᐅᔪᒪᓂᖓ
30ᐂᓴᑭᐅᑉ ᔧᑯ ᓮᒻᒪᖅᑎᑦᓴᕇᑐᐊᕐᖕᒪᒍ, ᔧᑯ ᐊᑯᓂᐅᖏᑦᑐᖅ ᐊᓂᓯᒪᓕᖅᑎᓪᓗᒍ ᐊᑖᑕᒥ ᓇᔪᖅᑕᖓᓂᑦ, ᐊᖓᔪᐊ ᐄᓴ ᑎᑭᑉᐳᖅ ᐆᒪᔪᖅᓯᐅᖅᑐᕕᓂᐅᓪᓗᓂ. 31ᓂᕿᓕᐅᕆᕗᖅᑕᐅᖅ ᒪᒪᖅᑐᒥᒃ, ᐊᑖᑕᒥᓄᓪᓗ ᐅᖃᖅᐳᖅ, “ᐊᑖᑕᒐ ᒪᑭᓚᐅᕆᑦ, ᐃᕐᖕᓂᖅᐱᑦ ᐆᒪᔪᖅᑕᖓᓂᒃ ᓂᕆᓂᐊᕋᕕᑦ, ᓮᒻᒪᖅᑎᓐᓂᐊᕋᕕᖓ.”
32ᐊᑖᑕᖓᑕᓗ ᐂᓴᑭᐅᑉ ᐊᐱᕆᕚ, “ᑭᓇᐅᒐᕖᑦ?”
ᑖᑦᓱᒪ ᑭᐅᕚ, “ᐃᕐᖕᓂᕆᕙᕐᖕᒪ, ᐊᖓᔪᒃᓯᖁᑏᑦ ᐄᓴ.”
33ᐂᓴᑭᓗ ᓴᔪᓕᖅᐳᖅ ᖁᐊᖅᓵᖓᓂᕐᖕᒧᑦ, ᐊᐱᕆᓪᓗᓂᓗ, “ᑭᓇᓖᓐᓇ ᐆᒪᔪᖅᓯᐅᓚᐅᖅᓗᓂ ᕾᑦᓯᖅᑲᐅᕚ, ᕾᑕᖓᓗ ᓂᕆᖅᑲᐅᕙᕋ ᓄᖑᓪᓗᒍ ᑎᑭᓚᐅᖅᑎᓐᓇᒃ, ᓮᒻᒪᖅᑎᖅᑲᐅᕙᕋ ᓮᒻᒪᖅᑎᑕᐅᓂᖓᓗ ᓱᖁᓯᕐᖕᓂᐊᕈᓐᓃᖅᓗᓂ.”
34ᐄᓴᓗ ᐊᑖᑕᖓᑕ ᐅᖃᐅᓯᖏᓐᓂᒃ ᑐᓴᕋᒥ, ᐃᓗᐃᓪᓕᖅᓗᓂ ᕿᐊᔪᐊᓘᓕᖅᐳᖅ, ᐊᑖᑕᒥᓄᓪᓗ ᐅᖃᖅᓗᓂ, “ᓮᒻᒪᖅᑎᓚᐅᓐᖓᑦᑕᐅᖅ ᐊᑖᑖᒃ!”
35ᑭᐅᕙᓗ, “ᓄᑬᑦ ᕾᖅᑲᐅᖕᒪᑦ ᓯᓔᕐᕆᓪᓗᓂᖓ, ᓮᒻᒪᖅᑎᑕᐅᑦᔪᑎᒃᓴᕐᖕᓂᒡᓗ ᐊᖅᓵᖅᐹᑎᑦ.”
36 #
ᒨᓯᓯ ᓯᕗᓪᓖᑦ 25:29-34. ᐄᓴᓗ ᐅᖃᖅᐳᖅ, “ᓱᓕᔪᒥᒃ ᔧᑯᒥᒃ#27:36 ᔧᑯ ᑖᓐᓇ ᐊᑎᖅ ᐄᑉᕉᑎᑐᑦ ᑐᑭᖃᖅᑑᔮᕐᖕᒪᑦ ᓴᒡᓗᕿᑦᓯᔪᒥᒃ ᐊᑎᖃᕋᒥ, ᒪᕐᕈᕕᒃᓗᓂ ᓯᓔᕐᕆᓕᖅᐹᖓ, ᐊᖓᔪᒃᓕᐅᓂᓐᓂᒃ ᐊᖅᓵᓚᐅᕐᖕᒪᖓ; ᐊᒻᒪ ᑕᕝᕙ ᓮᒻᒪᖅᑎᑕᐅᑦᔪᑎᒃᓴᕋᓗᐊᓐᓂᒃ ᐊᖅᓵᕆᕚᖓ.” ᐅᖃᒃᑲᓐᓂᖅᐳᕐᓗ, “ᓮᒻᒪᖅᑎᑕᐅᓂᒃᓴᒥᒃ ᐊᒥᐊᒃᑯᓯᒪᓐᖏᓚᕐᖕᒪ?”
37ᐂᓴᑭᐅᓪᓗ ᐄᓴ ᑭᐅᕚ, “ᑕᑯᒋᑦ, ᐃᓕᖕᓄᑦ ᐊᖓᔪᖅᑳᓐᖑᖅᑎᑦᓴᕇᕋᒃᑯ, ᖃᑕᓐᖑᑎᖏᓪᓗ ᐱᔨᓐᖑᖅᑎᓪᓗᒋᑦ ᑖᑦᓱᒧᖓ, ᓂᐊᖂᔭᒃᓴᓂᒃ ᕔᓂᒥᒡᓗ ᐊᒥᒐᖅᓯᔪᒃᓴᐅᖏᓐᓂᖓᓂᒃ ᓮᒻᒪᖅᑎᑦᓴᕇᖅᐸᕋ. ᐃᕐᖕᓃᒃ ᖃᓄᐃᓕᐅᒃᑲᓐᓂᕈᓐᓇᖅᐳᖓ ᐃᓕᖕᓄᑦ!”
38 #
ᐄᑉᕈᐃᓄᑦ 12:17. ᐄᓴᓗ ᐅᖃᖅᐳᖅ ᐊᑖᑕᒥᓄᑦ, “ᓮᒻᒪᖅᑎᑦᓯᔪᑎᒥᒃ ᐊᑕᐅᓯᑐᐊᒥᒃ ᐱᓯᒪᕖᑦ ᐊᑖᑖᒃ? ᓮᒻᒪᑎᒻᒥᓐᖓᑦᑕᐅᖅ, ᐊᑖᑖᒃ!” ᐄᓴᓗ ᓂᐱᖅᑯᖅᑐᓪᓗᓂ ᕿᐊᓕᖅᐳᖅ.
39 #
ᐄᑉᕈᐃᓄᑦ 11:20. ᑕᕝᕙ ᐊᑖᑕᖓᑕ ᐂᓴᑭᐅᑉ ᑭᐅᕚ,
“ᑕᑯᒋᑦ, ᓄᓇᐅᑉ ᐱᕈᑦᓯᐊᕐᖕᓇᕐᖕᓂᖓᑕ ᐅᖓᓯᒋᔮᓂ ᓄᓇᖃᕈᒫᖅᐳᑎᑦ,
ᕿᓚᖕᒥᓪᓗ ᖃᐅᓯᖅᑎᑕᐅᓂᐅᑉ ᐅᖓᓯᒋᔭᖓᓃᓪᓗᑎᑦ.
40 #
ᒨᓯᓯ ᓯᕗᓪᓖᑦ 36:8; ᐊᑕᓃᑦ ᐂᑉᐸᖏᑦ 8:20. ᓴᕕᒡᔪᐊᑦ ᐊᑐᖅᓗᒍ ᐃᓅᔪᒫᖅᐳᑎᑦ,
ᓄᑬᓪᓗ ᐱᔨᑦᓯᕈᒫᖅᐹᑦ; ᑖᑦᓱᒪᓐᖓᓪᓕ ᕿᓚᕈᑦᔮᕈᕕᑦ;
ᐊᒡᔭᖅᓯᑎᑕᐅᓃᑦ ᑖᑦᓱᒪᓐᖓᑦ ᓯᖁᒥᑦᓱᒫᖅᐳᖅ ᖁᖓᓯᕐᖕᓂᑦ.”
41ᐄᓴᐅᓪᓗ ᔧᑯ ᐆᒥᒋᓕᖅᐹ ᓮᒻᒪᖅᑎᑕᐅᓯᒪᓂᖓᓄᑦ ᐊᑖᑕᖓᑕ ᓮᒻᒪᖅᑎᓚᐅᕐᖕᒪᒍ, ᐄᓴᓗ ᓂᐱᖃᖅᓗᓂ ᐃᒻᒥᓄᑦ ᐅᖃᓕᖅᐳᖅ, “ᐊᑖᑕᒪ ᕿᒃᓵᒍᑕᐅᕕᒃᓴᖓ ᖃᒡᓕᖕᒪᑦ; ᑭᖑᕐᖓᒍᑦ ᓄᑲᕋ ᔧᑯ ᑐᖁᓛᓕᖅᐸᕋ.”
42ᐃᕐᖕᓂᖓᑕᓕ ᐊᖓᔪᒃᓯᐅᒃ ᐄᓴᐅᑉ ᐅᖃᐅᓯᖏᑦ ᐅᖃᐅᓯᐅᖕᒪᑕ ᕇᐱᑲᒧᑦ; ᐃᕐᖕᓂᓂ ᓄᑲᖅᓯᖅ ᔧᑯ ᕾᖁᕚ, ᐅᖃᐅᑎᓪᓗᒍᓗ, “ᑕᑯᒋᑦ, ᐊᖓᔪᐃᑦ ᐄᓴ ᐃᒻᒥᓂᒃ ᓮᒻᒪᐅᓯᕈᒪᕗᖅ ᑐᖁᓪᓗᓂᑎᑦ. 43ᑍᒤᒻᒪᑦ, ᐃᕐᖕᓃᒃ ᐅᖃᐅᓯᒃᑲ ᒪᓕᒃᑭᑦ, ᕿᒫᓗᑎᑦ ᐊᓂᓐᓄᐊᓕᕆᑦ ᓔᐸᓂᒧᑦ ᕼᐊᕋᓐᒥ ᓄᓇᖃᖅᑐᒧᑦ. 44ᓇᔪᑬᓐᓇᕐᖕᓂᐊᖅᐸᑦ; ᐊᖓᔪᐃᑦ ᓂᓐᖓᐅᒪᔪᓐᓃᖅᓯᐊᕆᓗᒍ, 45ᐊᖓᔪᐃᑦ ᓂᓐᖓᐅᒪᔪᓐᓃᖅᐸᑦ, ᐳᐃᒍᖅᐸᓪᓗ ᑖᑦᓱᒧᖓ ᖃᓄᐃᓕᐅᖅᓯᒪᓂᕐᖕᓂᒃ; ᐂᔭᐅᑎᑦᓱᒫᖅᐸᒋᑦ ᑕᐅᕙᓐᖓᑦ, ᓱᖕᒪᑦ ᑕᒪᑦᓯᓐᓂᒃ ᕿᒃᓵᒍᑎᖃᕆᐊᖃᖅᐳᖓ ᐅᓪᓗᒥ ᑕᕝᕙᓂᑦᓮᓐᓇᖅ?”
ᐂᓴᑭᐅᑉ ᔧᑯᒥᒃ ᑎᓕᓯᓂᖓ ᓔᐸᓂᒧᑦ
46ᕇᐱᑲᓗ ᐂᓴᑭᒧᑦ ᐅᖃᓕᖅᐳᖅ, “ᐃᓱᒫᓗᒍᑎᖃᕋᒪ ᐃᓅᓯᓐᓂ ᐊᕐᖕᓁᑦ ᕼᐃᑍᑎᒥᐅᑦ ᐱᓪᓗᒋᑦ, ᔧᑯᓕ ᓄᓕᐊᓂᖕᓂᐊᕐᖕᒥᒃᐸᑦ ᕼᐃᑍᑎᒥᐅᑦ ᐊᕐᖕᓇᖏᓐᓂᑦ ᑕᒫᓂ ᓄᓇᖃᖅᑐᓂᑦ, ᐃᓄᓯᕋ ᓱᓇᐅᔪᓐᓃᑦᓯᐊᕐᖕᓂᐊᖅᐳᖅ.”
Currently Selected:
ᒨᓯᓯ ᓯᕗᓪᓖᑦ 27: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
