ᒨᓯᓯ ᓯᕗᓪᓖᑦ 28
28
1ᐂᓴᑭᐅᑉ ᔧᑯ ᕾᖁᕚ ᓱᖏᖅᑐᕈᒪᓪᓗᒍ, ᐱᖁᔨᓂᕐᖕᒥᓂᒡᓗ ᐅᖃᐅᑎᕚ, “ᓄᓕᐊᓂᒃᑍᓕᒋᑦ ᑬᓇᓂᒥᐅᑦ ᐊᕐᖕᓇᖏᓐᓂᑦ. 2ᒪᑭᓕᕆᑦ, ᐊᐅᓪᓚᖅᓗᑎᑦ ᐸᑖᓐ-ᐊᕋᒻᒧᑦ, ᐱᑐᐃᓕᐅᑉ ᐊᓈᓇᕕᑦ ᐊᑖᑕᖓᑕ ᐊᖏᕐᕋᖓᓄᑦ; ᑍᑲᓐᖓᓪᓗ ᓄᓕᐊᖅᑖᖅᓗᑎᑦ, ᓔᐸᓂᐅᑉ ᐊᓈᓇᕕᑦ ᐊᓂᖓᑕ ᐸᓂᖏᑕ ᐃᓚᖓᓐᓂᒃ. 3ᒎᑎᐅᑉ ᐊᔪᒐᖃᖏᑦᑑᑉ ᓮᒻᒪᖅᑎᓐᓂᐊᖅᐹᑎᑦ ᕿᑐᕐᖓᖃᖅᑎᓪᓗᑎᓪᓗ, ᐅᓄᖅᑐᓂᒃ, ᐃᓅᒋᐊᒃᑐᕐᔪᐊᓐᖑᖁᓪᓗᓯ. 4#ᒨᓯᓯ ᓯᕗᓪᓖᑦ 17:4-8.ᑖᑦᓱᒪ ᑐᓂᓯᕕᒋᓕᑎᑦ ᑭᖑᕚᑎᓪᓗ ᐂᑉᕋᕼᐋᒻ ᓮᒻᒪᖅᑎᑕᐅᑦᔪᑎᖏᓐᓂᒃ, ᓄᓇ ᑕᒪᓐᓇ ᐱᑕᕆᓂᐊᕋᕕᐅᒃ ᓂᐅᕐᕈᐊᖑᕕᒋᔧᑦ ᒎᑎᐅᑉ ᑐᓂᓚᐅᖅᑕᖓ ᐂᑉᕋᕼᐋᒧᑦ.” 5ᐂᓴᑭᐅᑉ ᔧᑯ ᐊᐅᓪᓚᖅᑎᑉᐹ; ᐂᓪᓗᓂᓗ ᐸᑖᓐ-ᐊᕋᓐᒧᑦ ᓔᐸᓂᒧᑦ, ᐱᑐᐃᓕᐅᑉ ᐃᕐᖕᓂᖓᓄᑦ ᐊᕋᒥᐊᒥᐅᑕᕐᖕᒧᑦ, ᕇᐱᑲᐅᑉ ᐊᓂᖓᓄᑦ, ᔧᑯᑉ ᐄᓴᐅᓪᓗ ᐊᓈᓇᖓᑕ.
ᐄᓴᓗ ᓄᓕᐊᓂᒃᑲᓐᓂᖅᐳᖅ
6ᐄᓴᓗ ᖃᐅᔨᒐᒥ ᐂᓴᑭᐅᑉ ᔧᑯ ᓮᒻᒪᖅᑎᓯᒪᖕᒪᒍ ᐸᑖᓐ-ᐊᕋᒧᓪᓗ ᓄᓕᐊᖅᑖᕆᐊᖅᑐᖁᓪᓗᒍ ᑕᐅᕙᓐᖓᑦ, ᐅᖃᐅᑎᓚᐅᕐᖕᒪᒍᓗ ᓮᒻᒪᖅᑎᓐᓇᒥᐅᒃ, “ᑬᓇᓂᒥᐅᑦ ᐊᕐᖕᓇᖏᓐᓂᑦ ᓄᓕᐊᓂᒃᑍᓕᒋᑦ.” 7ᖃᐅᔨᓪᓗᓂᓗ ᔧᑯ ᓈᓚᒡᓗᓂ ᐊᑖᑕᒥᓂᒃ ᐊᓈᓇᒥᓂᒡᓗ ᐸᑖᓐ-ᐊᕋᒻᒧᐊᖅᓯᒪᓂᖓᓂᒃ. 8ᐄᓴᓗ ᑐᑭᓯᓪᓗᓂ ᐊᑖᑕᖓ ᐂᓴᑭ ᖁᕕᐊᒋᔭᖃᖏᓐᓂᖓᓂᒃ ᐊᕐᖕᓇᓂᒃ ᑬᓇᓂᒥᐅᑕᕐᖕᓂᒃ. 9ᑍᒤᒻᒪᑦ ᐄᓴ ᐃᓯᒥᐅᓪᒧᐊᖅᐳᖅ ᐂᑉᕋᕼᐋᒻ ᐃᕐᖕᓂᖓᓄᑦ, ᐸᓂᖓᓂᒡᓗ ᓄᓕᐊᓂᒡᓗᓂ, ᐊᑎᖃᖅᑐᒥᒃ ᒪᕼᐊᓚᑕᒥᒃ, ᓂᐰᐅᑎᐅᑉ ᓇᔭᖓᓂᒃ.
ᔧᑰᑉ ᓯᓐᓇᒃᑑᒪᓂᖓ ᐱᑎᓕᒥ
10ᔧᑯ ᐱᐊᕐᓯᐸᒥᑦ ᐊᐅᓪᓚᖅᐳᖅ, ᕼᐊᕋᓐ ᑐᕌᖅᓗᒍ. 11ᐃᓂᒃᓴᒧᓪᓗ ᑎᑭᓐᓇᒥ, ᑕᕝᕙᓂ ᓯᓂᒃᑕᖅᐳᖅ, ᓯᕿᓂᖅ ᓂᐱᓯᒪᓕᖅᑎᓪᓗᒍ. ᐅᔭᕋᖕᒥᒃ ᑕᒫᓐᖓᑦ ᐱᓪᓗᓂ, ᐊᑭᓯᓕᐅᑎᓪᓗᒍ ᓇᓪᓚᖅᐳᖅ ᓯᓂᒐᓱᓕᖅᓗᓂ. 12#ᔪᐊᓇᓯ 1:51.ᓯᓐᓇᒃᑐᖅᐳᕐᓗ ᑕᑯᓪᓗᓂ ᒪᔪᕋᐅᑎᓂᒃ ᓄᓇᒥᑦ, ᐃᓱᐊ ᕿᓚᖕᒧᑦ ᑎᑭᓯᒪᓪᓗᓂ; ᑕᑯᒋᓪᓗ ᒎᑎᐅᑉ ᐂᖏᓕᖏᑦ ᑕᒪᐅᓇ ᒪᔪᕋᖅᐸᒃᓗᑎᑦ ᐊᖅᑲᖅᑎᖃᑦᑕᖅᐳᑦ. 13#ᒨᓯᓯ ᓯᕗᓪᓖᑦ 13:14,15.ᐊᑕᓂᕐᓗ ᑕᑯᕚ ᓇᖏᖅᑐᖅ ᖁᓛᓂ ᐅᖃᖅᓗᓂᓗ, “ᐊᑕᓂᐅᕗᖓ, ᓯᕗᓕᖅᐱᑦ ᐂᑉᕋᕼᐋᒻ ᐂᓴᑭᐅᓪᓗ ᒎᑎᖓ; ᑐᓂᓯᕕᒋᓂᐊᕋᒃᑭᑦ ᑭᖑᕚᒃᓴᑎᓪᓗ ᑕᒪᑐᒥᖓ ᓄᓇᒥᒃ ᓇᓚᕝᕕᒋᔭᕐᖕᓂᒃ. 14#ᒨᓯᓯ ᓯᕗᓪᓖᑦ 12:3; 22:18.ᑭᖑᕚᑎᑦ ᓄᓇᒥ ᐳᔪᕋᖅᑎᑐᑦ ᐅᓄᖅᑎᒋᔪᒫᖅᐳᑦ, ᓄᓇᖁᑎᖏᓪᓗ ᐅᖓᓯᒃᑐᓄᑦ ᑎᑭᐅᒪᔪᒫᖅᐳᑦ; ᐸᐅᖓ ᐅᓄᖓᓗ ᓯᑭᓂᐅᑉ ᓄᐃᕕᐊᑕ ᓇᓛᓄᑦ ᓂᐱᕕᐊᑕᓗ ᓇᓛᓄᑦ; ᐃᕝᕕᓪᓗ ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒋᒡᔪᐊᑦ ᓄᓇᕐᔪᐊᕐᖕᒦᑦᑐᑦ ᓮᒻᒪᖅᑎᑕᐅᔪᒫᖅᐳᑦ. 15ᑕᑯᒋᓪᓗ ᐃᓚᒌᓐᓇᕐᖕᓂᐊᖅᐸᒋᑦ ᓴᐳᑎᓯᒪᓗᑎᓪᓗ ᓇᒧᑐᐃᓐᓇᖅ ᐂᒐᓗᐊᕈᕕᑦ, ᓄᓇᒧᓪᓗ ᑕᒪᑐᒧᖓ ᐅᑎᖅᑎᑦᓱᒫᕆᕙᒋᑦ; ᕿᒪᖕᓂᐊᓐᖏᓚᒋᑦ ᐅᖃᐅᓯᕆᔭᓕᒫᒃᑲ ᐃᓕᖕᓄᑦ ᐊᑐᓚᐅᖏᓐᓂᖏᓐᓂ.”
16ᔧᑯ ᐃᖅᑯᒻᒪᕋᒥ ᐅᖃᓕᖅᐳᖅ, “ᓱᓕᔪᒥᒃ ᐊᑕᓂᖅ ᒫᓃᑉᐳᖅ ᓇᔪᖅᑕᓐᓂ; ᖃᐅᔨᓐᓂᓐᖏᓚᕋᓘᓐᓃᑦ.” 17ᑲᑉᐱᐊᓱᓕᖅᓗᓂᓗ ᐅᖃᖅᐳᖅ, “ᑲᒪᓇᖅᑐᕐᔪᐊᖑᕗᖅ ᓇᔪᖅᑕᕋ ᑕᒪᓐᓇ! ᑕᒫᓂ ᒎᑎᐅᑉ ᐃᒡᓗᖓ ᓇᔫᑎᓪᓚᕆᒃᐳᖅ; ᑖᓐᓇ ᕿᓚᖕᒧᑦ ᐃᑎᖅᑕᕐᕕᐅᕗᖅ.”
18ᔧᑯ ᐅᓪᓛᕋᕐᔪᒃᑯᑦ ᒪᑭᓐᓇᒥ, ᐅᔭᕋᒃ ᐊᑭᓯᕆᔭᓂ ᐲᖅᓱᒍ ᓇᑉᐸᖅᐹ, ᖄᖓᒍᓪᓗ ᐸᐅᕐᖕᒊᑦ ᐅᖅᓱᖓᓂᒃ ᑯᕝᕕᕆᓪᓗᒍ. 19ᑖᓐᓇᓗ ᓇᔪᖅᑕᓂ ᐊᑎᖃᖅᑎᓕᖅᐹ ᐱᑎᓕᒥᒃ; ᑕᕝᕙᓂ ᓄᓇᓕᕕᓃᑦ ᑍᔭᐅᕙᓚᐅᖅᐳᑦ ᓚᔾᒥᒃ ᓯᕗᓂᖓᒍᑦ. 20ᑕᕝᕙ ᔧᑯ ᐅᖃᕕᒃᐳᖅ, ᐅᖃᖅᓗᓂ, “ᒎᑎᐅᑉ ᓇᔪᕐᖕᓂᐊᖅᐹᖓ ᓴᐳᑎᓯᒪᓗᖓᓗ ᐊᖅᑯᑎᒋᓂᐊᖅᑕᓐᓂ, ᓂᕿᒃᓴᖃᖅᑎᓪᓗᖓᓗ, ᐊᓐᓅᕋᒃᓴᖃᖅᑎᓪᓗᖓᓗ, 21ᐅᑎᕐᖕᒥᒍᒪᓗ ᖃᓄᐃᖏᓪᓗᖓ ᐊᑕᑕᒪ ᐊᖏᕐᕋᖓᓄᑦ, ᑕᕝᕙ ᐊᑕᓂᖅ ᒎᑎᒋᔪᒫᖅᐸᕋ. 22ᐅᓇ ᐅᔭᕋᒃ, ᓇᑉᐸᖅᑎᑕᕋ, ᒎᑎᐅᑉ ᐃᒡᓗᖃᕐᕕᒋᔪᒫᖅᐹ; ᑐᓂᓯᕕᒋᔪᒫᖅᐸᒋᓪᓗ ᕾᑕᓕᒫᖅᐱᑦ ᑕᓪᓕᒪᐅᔪᖏᓐᓂᒃ.”
Currently Selected:
ᒨᓯᓯ ᓯᕗᓪᓖᑦ 28: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
