Walumi 12
12
Kukala muisang'hano ya Mulungu
1Kwaivo walukolo zangu, kwavija Mulungu kana bazi kulu, nowapula kwa moyo wose, ilaveni wenyego kumsang'hanila Mulungu, muwe kama nhosa ya Mulungu mwenyego, ija imnogeza Mulungu. Vino ivo vonda msang'hane kwa kumfugamila Mulungu kwa kweli. 2Seke mwige viwotenda wanhu wa isi ino, mbali mlekeni Mulungu yawahindule gomgesa ili mtonge gamwenga, baho honda mdahe kuumanya wende wa Mulungu na kuimanya sang'hano inogile, imnogeza na yenele.
3Kwavija kwa unovu ning'higwe na Mulungu nomlongela chila munhu yeli kumwenu, seke yalonde mbuli ng'hulu kubita viilondeka, ila yagese sawa na Mulungu viyamwing'ile chila munhu kuilinga na viyotogola. 4Kama vija mulukuli lumwe luna vilungo vingi, chila chimwe china sang'hano yake. 5Hata cheye chili wengi, cha lukuli lumwe kwa kuilumba na Kilisito, na chila imwe ni chilungo cha miage. 6Ivo, Mulungu kaching'ha nhunza hakwehakwe kuilinga na unovu wa Mulungu. Yeng'higwe nhunza ya ulagusi wa Mulungu na yaisang'hanile kuilinga na kutogola kwake. 7Yeli na nhunza ya kuhunganikila wamwenga yawahunganikile, hebu nhunza ya kufunda na yafunde, 8kama nhuza ya kugela moyo wamwenga na yasang'hane ivo. Yeli na nhunza ya nying'ha yalave chiyalinacho na yasang'hane ivo kwa moyo mzelu. Mlongozi na yalongoze kwa kuiyoha, na yeng'higwe nhunza ya kuonela bazi wamwenga na yasang'hane ivo kwa ndeng'helelo.
9Wende wenu na uwebule dihile jojose. Ihileni mbuli yoyose yaubananzi, sang'haneni gaja ganogile. 10Muing'he wende wenyego kwa wenyego mweye mumtogola Kilisito, chila munhu yamwing'he ulongozi miage. 11Mgangamale muisang'hano na mgendelele kusang'hana mbuli iyo kwa moyo wose mhamsang'hanila Mndewa. 12Tumanilo jenu dimwing'heni ndeng'helelo, mfunye moyo kwa gaja madununzo na kumpula Mulungu mazua gose. 13Watazeni wanhu wayenu wamtogole Kilisito kwa vinhu viwolonda, wabokeleni nyambenyambe kwa nying'ha.
14Wapulileni ganogile ga Mulungu waja wowadununza, enaa, wapulileni ganogile ga Mulungu, na hebu sekemuwenukile. 15Deng'heleleni hamwe na waja wodeng'helela, lileni hamwe na waja wolila. 16Mkale kwakuilumba goya mweye kwa mweye. Seke muigode mweye mdaha ng'hani, mbali isang'hanileni na waja kina nzakabwa. Seke muigode mweye wa kutogoligwa ng'hani.
17Sekemlihize dihile kwa dihile. Iyoheni kusang'hana gaja wanhu wogamanya kua ganoga. 18Kama vija viidahika kwa ubanzi wenu, mkale kwa utindiwala na wanhu wose. 19Mbwiga zangu seke mlihize gehile, ila mlekeleni Mulungu mbuli iyo, kwavija Mayandiko ga Mulungu Mndewa kolonga, “Kulihiza gehile ni mbuli yangu, nie iyo nolihiza.” 20Kaidi yandikigwa, “Mhasanyi wako yahawa na nzala, mwing'he ndia, yahawa na ng'ilu, mwing'he mazi yang'we. Kwavija kwa kutenda ivo kokua kumgela chinyala ng'hani.” 21Sekeutogole uhumigwe na ubananzi, ila uhume ubananzi kwa ganogile.
Currently Selected:
Walumi 12: KBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.
