2 Abakorinzo 6
6
1Muye. Ne olwa khukholanga ninaye halala fwesi khumusaaya mbu muleshe okhubukula obukoosia bwaNyasaye khulwa butswa ta; 2okhuba yasunga ari
Khushise shiokhukoosia ndakhuhulila,
khandi khunyanga yobuhonia ndakhuhabina;
lole, bulaano buno neshise shiene shiobukoosia.
Khandi lole, bulaano buno neinyanga yobuhonia.
3Kho khuraba eshiisichirasio ta, mbu obukhalabani bweefwe buleshe okhubuuluulilwa; 4ne mukosi khwilolosia abeene shinga olwa khuli abakhalabani baNyasaye, mubwisimilisii obunji, mubusandibwi, mukamaraba, mumatinyu; 5mumakhupache, mukhubohwa, mundiri, mubunyakhani, mukhubameeso, mukhuhonga inzala; 6mubweleleshe, mubumanyi, mubwifwili, mushisa, muRoho Omutakatifu, mubuheeli obubula obubatsa; 7mwikhuwa liobwatoto, nomubunyali bwaNyasaye; khulwa ebimanulwa biobulunjishi khumukhono musaatsa nende khumukhono mukhasi; 8kata nikhupaakwa, kata nikhuchaywa; mufuma imbii nende mufuma indayi; shinga abakaatii, khane nikhuli abatoto; 9shinga abaramanyikha ta, khane nikhufumanga mushialo; shinga abafwitsanga, khane lole, khuli mwoyo; shinga abakuumwa, khane nikhureerwa ta; 10shinga abeshibeela, khane nikhwikhoyanga tsindaalo tsiosi; shinga abamanani, khane nikhuyindihasinjia abanji; shinga ababula ebindu, khane ebindu biosi nebieefwe.
11E inywe abaKorinzo, khumubooleele kosi katong'ane; emioyo chieefwe chikaliihe. 12Shimutiyiishe mwifwe ta, ne okhutiyikha khuli mumioyo chieenywe abeene. 13Lekha emuboolelekhwo shinga abaana banje; mbu mungalusilie elihela lirio, neenyu mukhukaliyilie echieenywe.
Ifwe khuli Ihekalu yaNyasaye oubeetsangaho mwoyo
14Murabohelwa mwikokolo halala nende ababula obusuubili olwa muraleng'aana ninabo tawe okhuba obulunjishi bunyala burie okhuwinjana nende obumayaanu? Kata obulafu bunyala burie okhusanjilana nende eshiilima? 15Kata Kristo anyala arie okhufuchilisania nende Beliari? Kata omusuubili anyala arie okhukabana nende oubula obusuubili? 16Kata ihekalu yaNyasaye yinyala yirie okhuhulilisania nende ebifwanani ebiinamilungwa? Okhuba ifwe khuli ihekalu yaNyasaye oubeetsangaho mwoyo; shinga Nyasaye olwa yasunga, mbu Ndalamenyanga mubo, ninjendela hakari mubo; ne ndalaba Nyasaye wabwe, nabo balaba abandu banje. 17Niko akachila Omwami nasunga mbu
Murule hakari wabwe, nimwiyahula,
nimuratiilakhwo khushindu shiosi shiomusilo ta;
nasi ndalamwinjisia,
18ne ndalaba khwinywe Seenywe,
neenyu mulaba khwisie abaana banje abasiani nende abakhaana.
Currently Selected:
2 Abakorinzo 6: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975