Ebikhole 11
11
Petero yakhupila abeikanisa yeYerusalemu iripoti
1Haho abarume nende abaana beefwe abali ebuYahudi bahulila shinga Abamahanga nabo olwa bali nibanyoolile likhuwa liaNyasaye. 2Ne olwa Petero yali natikuluushe niyoolile eYerusalemu, abo abali abeshishebo bayingana ninaye, 3bari Iwe weenjila mubandu abasinde, nolia ninabo.
4Nebutswa Petero yachaaka, nabamanyia amakhuwa bulayi shinga olwa kalondana, nasunga 5mbu Ndali nindi mwitaala liaYafa, nisaayanga; ne olwa ndali niyenzeelile ndalola libisulo, mbu eshichinjilo shindi nishiikha, shingana ishuka ingali, niyiisibwa okhurula mwikulu niyitiililwe emikhanda chine chiosi; nishiula aha ndali. 6Ne ninyumisiye tsimoni okhuhenga, ndashiyililisiakhwo, nindola ebilonje biamakulu kane ebieshialo, kata tsisolo, nebimoolanga, nende amanyonyi akokhwikulu. 7Khandi ndahulila omwoyo nikumboolela mbu Buukha, Petero; wire olie. 8Ne ndakalusia ndi 'A, tawe, Omwami; okhuba eshindu shiosi eshiomusilo kata eshieshifwabwi shishili okhwinjila mumunwa kwanje ta. 9Ne omwoyo okwo nikukalusia olwakhabili okhurula mwikulu, kuri Fshia Nyasaye asiiyile, orashilanga mbu neshieshifwabwi ta. 10Kano kakholekha khataru; mana biosi nibikhweswa nibikalusibwa mwikulu. 11Mana lole, nonoho abasaatsa bataru nibasinjila imbeli weinzu eya khwalimwo, nibarumilwe khwisie okhurula eKaisaria. 12Naye Roho yambiila mbu enzie ninabo, oburakhola obwahuli bwosi ta. Nabo abaana beefwe bano basasaba nikhutsia ninabo; nikhwinjila munzu yomusaatsa oyo. 13Naye nakhuboolela shinga olwa yali naluutsi malaika nasinjiile munzuye, nasunga mbu Rumana eYafa okhwenda Simoni owa lilahalie niPetero; 14omwenoyo alakhuboolela amakhuwa akalachila nohonibwa, iwe nende abeinzuyo bosi. 15Ne olwa ndali nishichaaka okhusunga, Roho Omutakatifu yabeeshela, shinga olwa yakhwishila ifwe khukhuchaaka. 16Nasi ninzitsulila amakhuwa kOmwami, shinga olwa yasunga mbu Toto mwene, Yohana yabatisinjia nende amatsi; ne inywe mwakhabatisibwe nende Roho Omutakatifu. 17Kho Nyasaye olwa yabaha eshihaanwa shilala shieneshio eshia yakhuheelesia ifwe olwa khwasuubilila Omwami Yesu Kristo, nisie wina owakhanyalile okhukaya Nyasaye?
18Nabo olwa bahulila amakhuwa ako, bahoeela, nibamuheelesia Nyasaye oluyali, bari Khane Nyasaye yaheele Abamahanga nabo obwikalukhasii mbu banyoole obulamu.
Ikanisa yeAndiokia
19Kho abo abasalaana hosi hosi khulwa obusandibwi obwabuushila khumakhuwa kaSitefano bachenda okhuula eFoinike naKipiro naAndiokia, nibaraboolela abandu bosi akelikhuwa liene ta, habula abaYahudi bonyene. 20Ne baliho abandi khubo, abaKipiro nabaKirene; nibo ababoolelakhwo kata abaYunani, olwa bali niboolile eAndiokia, nibeelwatsa akOmwami Yesu. 21Omukhono kwOmwami nikuba ninabo, abanji abasuubila nibashiukhanila Omwami.
22Amakhuwa kabwe nikoola mumarwi keikanisa eyali eYerusalemu; nabo nibaruma Baranaba okhuula eAndiokia. 23Naye olwa yali niyoolileyo, nende okhulola obukoosia bwaNyasaye, yasangaala; nabachesiyia bosi mbu barekhwo omwoyo okhuhanda khuMwami; 24okhuba yali omundu omulayi, niyeetsulamwo Roho Omutakatifu nende obusuubili; abandu abanji nibameetekha khuMwami.
25Mana narula natsia eTaruso okhukhaaba Saulo; 26ne olwa yali na nunyoolile, yamuleera eAndiokia. Mana omuyika omulamba bakhung'aananga nende ikanisa, nibeechesia abandu abanji. Ne ebweneyo eAndiokia niyo ewa abeechi baranjilila okhulangwa mbu abaKristayo.
27Haho mundaalo etsio abanabii bandi bakholomokha okhurula eYetusalemu niboola eAndiokia. 28Mulala khubo oweliiralie mbu Agabo yasinjila namanyia mubunyali bwaRoho shinga inzala ikhongo olwa yitsa okhubaho mubialo biosi; nayo yamala yibeho mundaalo tsiaKilaudio. 29Nabo abeechi, buli mundu obunyalibwe shinga olwa bwali, nibarakhwo omwoyo okhuruma ihabini khubaana babwe abamenya ebuYahudi. 30Ne bamala bakhole bario, nibachirumila abakofu mumakhono kaBaranaba nende Saulo.
Currently Selected:
Ebikhole 11: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
