Amosi 3
3
Omulimo kwOmunabii
1Hulile likhuwa lino elia OMWAMI aboolile namufukula, inywe abaana baIsiraeli; nafukula abeinzu eyo yosi eya ndatikulusia nirusia mushialo shiaMisiri; mbu
2Ninywe mwenyene aba ndalobola mubetsinzu tsiosi etsiomushialo;
niko akachila ndalamukuuma khulwa obumayaanu bweenywe bwosi.
3Babili bakhanyala okhuchendela halala nibarafuchilisaniye ta, noho?
4Italanyi yakhahoola mumutsuru niyirali neshioluyiitsi ta?
Italanyi imbuukha yakhakhaasa mushimenyo shiayo niyiratiilile eshindu ta?
5Linyonyi liakhakwa mushikoye hasi,
aha eshireko shibula, noho?
Eshikoye shiakharekukha eshiene hasi,
nishiratiilile eshindu ta?
6Olwika lwakhoopwa mwitaala abandu nibararia ta?
Libii liakhakwila litaala narali OMWAMI oukholile ta?
7Toto mwene, Omwami NYASAYE shiakhola likhuwa liosi
harali okhubabisulila libiso tsana abasumbabe abanabii ta.
8Italanyi yihoolile;
niwina owakhabula okhuria?
Omwami NYASAYE uboolile;
niwina owakhachweYa okhurumbula?
Akeetsa okhukwila Samaria
9Khupe omulome munzu tsikhulundu tsieAshuru,
munzu tsikhulundu tsiomushialo shiaMisiri,
mbu Khung'aanile khubikulu biaSamaria,
mulole indiri ikhongo eyilimwo,
nobumiini obuli hakari wayo.
10OMWAMI aboola mbu Bakorwa okhukhola akali habwene,
abo ababiikhanga amahababa nobunuuli munzu tsiabwe tsikhulundu.
11Khulwako, kano niko aka Omwami NYASAYE aboola; mbu Abafukuli balafumbila eshialo;
balakwisia tsingobatsio tsiamaani,
ne tsinzutsio tsikhulundu tsilayaaywa.
12Kano niko aka OMWAMI aboola; mbu Shinga omwayi olwa areesia mumunwa kweitaIanyi ebilenje bibili, kata eshitonye shieshirwi, nindio abaana baIsiraeli balareesibwa; abo abeekhala khundulo weshitali eSamaria, kata khungubo tsieilaasi tsiobulili.
13Omwami NYASAYE, Nyasaye omwene mahe, aboola mbu
Hulile, rumbule nimufukula inzu yaYakobo,
14mbu khunyanga olwa enzitsa okhukuuma Isiraeli khulwa obukhayibwe,
ndalakuuma nende ebimalilo bieBeteli;
tsinzika tsieshimalilo tsilakhalakwa, nitsikwa hasi.
15Ndalakhupa tsinzu tsietsindaalo tsiomunyiri netsinzu tsietsindaalo tsiomubasu tsiombi;
tsinzu etsiang'oonelwa ameeno ketsinzofu tsilasikha,
natsio tsinzu tsingali tsilaakama; nilwo olwa OMWAMI aboola.
Currently Selected:
Amosi 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975