Amosi 2
2
1Kano niko aka OMWAMI aboola; mbu Khulwa obunji bwobukhayi bwaMoabu,
shindalashiukhasia abeetsa okhubaseera ta;
shichila yasamba amakumba komuruchi waEdomu shinga ichokaa.
2Nebutswa enzitsa okhuruma omulilo khuMoabu,
nakwo kulasamba tsinzu tsikhulundu tsieKeriotsi;
mana Moabu alafwila hakari weindiri,
namakhu, namayoosi kolwika.
3Ndalakhalaka omwimilisi ouli hakari wayo,
ninzira abakhulundu bayo bosi halala ninaye;
nilwo olwa OMWAMI aboola.
4Kano niko aka OMWAMI aboola; mbu Khulwa obunji bwobukhayi bwaYuda,
shindalashiukhasia abeetsa okhubaseera ta;
shichila baloba ameebaalo kOMWAMI,
nibaralinda amalakoke ta;
akobubeeyi kabwe, aka abakuuka babwe balondakhwo,
kabashiamiye.
5Nebutswa enzitsa okhuchuura omulilo khuYuda,
nakwo kulasamba tsinzu tsikhulundu tsieYerusalemu.
Eshiina khulsiraeli
6Kano niko aka OMWAMI aboola; mbu Khulwa obunji bwobukhayi bwaIsiraeli,
shindalashiukhasia abeetsa okhubaseera ta;
shichila bakulaasia omulunjishi tsifeetsa,
nomutakha, tsingato tsibili;
7baseenela emirwe chiabamanani mulufu hasi,
nibashiamia abasandile khunjila.
Omusiani nasamwana basanganga khumukhaana mulala,
niboonoonia bario eliira lianje litakatifu.
8AbaIsiraeli beefulembinjia habuli shimalilo khungubo etsiabukulwa tsibe omusingo;
munzu yaNyasaye wabwe banyweetsanga idivai ya abo abakhalakwa ifwaini.
9Nebutswa nisie owasishia abaAmori imbeli wabwe,
abandu abarambi shinga oburambi bwemitaraakwe,
nabamaani shinga eshikhuuma;
ndoonoonie ebiamo biabwe hekulu,
nemisi chiabwe hasi.
10Khandi ndamutikulusia nimurusia mushialo shiaMisiri,
nimwimilila emiyika amakhumi kane mushitsiimi,
okhulia eshialo shiabaAmori.
11Ndabuusia abandi abokhubaana beenywe babe abanabii,
nabokhubasooliili beenywe babe abaNaziri.
Shikali kario, inywe abaana baIsiraeli?
Nilwo olwa OMWAMI aboola.
12Nebutswa mwachila abaNaziri nibanywa idivai nimukaania abanabii mbu Murarumbulakhwo ta.
13Lole, ndalamufwinyila hasi ewa muli,
shinga likaari olwa lifwinyanga, niliitsuulemwo ebinywa.
14Okhwilukha shikhulahonia owetsimbilo ta;
owamaani alanyoola amaanike nikabula obukhoonyi;
kata omululu shialanyala okhwihonia tawe.
15Oyo outiila obuyingo shialasinjila,
kata owebilenje ebiangu shialeehonokosia,
kata ouchendela khufarasi shialeehonia omwene ta;
16kata ouli oweitswoni mubalulu aleelukha khunyanga eyo nali eshihechenye;
nilwo olwa OMWAMI aboola.
Currently Selected:
Amosi 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975