Amosi 1
1
Amahanga akarondokhana naIsraeli kakhalachilwa eshiina
1Amakhuwa kaAmosi, owali owokhubaayi beTekoa, ngakano, akayalola khukaIsiraeli mundaalo tsiaUzia omuruchi waYuda, khandi mundaalo tsiaYeroboamu waYoashi, omuruchi waIsiraeli, emiyika chibili eshialo nishirashiarenga okhurenga okhukhongo okhwo ta. 2Nasunga mbu
Okhurula eSayuni OMWAMI ahoola,
okhurula eYerusalemu akukuma;
obwayilo bwabaayi bwayooma,
obutenje bwaKarameli bufululukha.
3Kano niko aka OMWAMI aboola; mbu Khulwa obunji bwobukhayi bwabaDamasiko,
shindalashiukhasia abeetsa okhubaseeral ta;
shichila bahuula abaGileadi nebihuulilo bieshibia.
4Nebutswa enzitsa okhuchuura omulilo munzu yaHazaeli,
nakwo kulasamba tsinzu tsikhulundu tsieBeniHadadi pe.
5Ndalaremania emiyinjiilo chieDamasiko,
ninzilusia owikhaale khushifumbi shiobwami mwibanda liaAweni,
nende oyo outiila indabushi yobwami eBetsiEdeni;
nabo abaSiria balaarwa nibayilwa eKiri; nilwo olwa OMWAMI aboola.
6Kano niko aka OMWAMI aboola; mbu Khulwa obunji bwobukhayi bwaGaza,
shindalashiukhasia abeetsa okhubaseera ta;
shichila baara oluyia olulamba lwabandu nibabahaana mumukhono kwaEdomu.
7Nebutswa enzitsa okhuchuura omulilo khulukoba lwaGaza,
nakwo kulasamba tsinzu tsialio tsikhulundu.
8Ndalakhalaka abamenyanga muAshidodi,
nende oyo outiila indabushi yobwami muAshikeloni.
Ndalayila omukhono kwanje okhuyinga Ekeroni,
ne kata abashitong'a khubaFilisiti balasikha;
nilwo olwa Omwami NYASAYE aboola.
9Kano niko aka OMWAMI aboola; mbu Khulwa obunji bwobukhayi bwaTiro shindalashiukhasia abeetsa okhubaseera ta;
shichila bahaana oluyia olulamba lwabandu mumukhono kwaEdomu,
nibareetsulila omuuma okwa balia ta.
10Nebutswa enzitsa okhuchuura omulilo khulukoba lwaTiro,
nakwo kulasamba tsinzu tsialio tsikhulundu.
11Kano niko aka OMWAMI aboola; mbu Khulwa obunji bwobukhayi bwaEdomu shindalashiukhasia abeetsa okhubaseera ta;
shichila yalonda omwana wabwe nolukanga, niyeebala eshisa shiosi;
oburimabwe obululu bwakhanga obushia nobushia.
12Nebutswa enzitsa okhuchuura omulilo khuTemani,
nakwo kulasamba tsinzu tsikhulundu tsieBozora.
13Kano niko aka OMWAMI aboola; mbu Khulwa obunji bwobukhayi bwabaana baAmoni,
shindalashiukhasia abeetsa okhubaseera ta;
shichila baarasia abakhasi abali tsinda netsinganga muGileadi,
kho babambusie tsinzakho tsiabwe.
14Nebutswa enzitsa okhubwana omulilo khulukoba lwaRaba nakwo kulasamba tsinzu tsialio tsikhulundu;
khunyanga yelihe kalabaho amakhu,
nomuyeka omukhongo, neimbumbuyeka.
15Omuruchi wabwe naye alaarwa natsia,
halala nabakhulundube bosi;
nilwo olwa OMWAMI aboola.
Currently Selected:
Amosi 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975