Yoeli 3
3
OMWAMI yayaasia Amahanga
1Okhuba lole, mundaalo etsio, kata khushise eshio. Olwa ndalakalusia tsikhabi tsiaYuda naYerusalemu, 2ndalakhung'aasia amahanga kosi, ningakholomosia ningayila mwibanda liaYehoshafati; ne ndaleenesana ninako ebweneyo khulwa abandu banje khandi khulwa obulaame bwanje Isiraeli, okhuba babasalaasiye mumahanga, nibakabana eshialo shianje. 3Bakhupila abandu banje ikha, nibarunga omusiani khulwa omutamba, nibakulaasia omukhaana idivai nibanywa.
4Mubeele murie ninasi, inywe Tiro naSidoni netsimbali tsiosi tsiebuFilisiti? Mwenya okhurunga elia ndakhola noho? Ne nimuba nimurunga, nonoho ndalakalusia omurungo kweenywe khwinywe abeene, habwene nahnbwene. 5Okhuba mwabukula tsifeetsa tsianje netsitsahaabu tsianje, nimuyila ebindu bianje ebilayi ebiolukoosi muhekalu tsieenywe. 6Mwakusiye abaYuda nabaYerusalemu khubaYunani, mbu mubarusie batsie ehale okhurula khunzakho tsiabwe. 7Ne bulaano endi okhubayakulila habundu tsana ewa mwabakusilia, barulemwo; ne ndalakalusia omurungo kweenywe khwinywe abeene. 8Abaana beenywe abasiani nabakhaana, ndalabakusia mumakhono kabaana baYuda, nabo balabakusia khubandu baSeba, khwihanga elili ehale; okhuba OMWAMI niye ouboolile
9Rumbula likhuwa lino mumahanga; mbu Kasie lihe;
buusie abalulu;
abandu bosi belihe basite ahambi;
batikulushe.
10Mwiraanye tsimbako tsieenywe tsinganga,
nemiremelo chieenywe amafumo;
outamba amaani aboole mbu Endi omululu.
11Yanguhe, mwitse,
inywe amahanga kosi akali ahambi,
mukhung'aanile halala;
kholomosia abalulubo, OMWAMI.
12Amahanga kayakulushe,
koole khwibanda liaYehoshafati;
okhuba yaho niho aha ndaleekhala okhuyaasia amahanga kosi akali ahambi.
13Recheshe injeso, shichila emikunda chilabile,
lichesa liulile;
chende museene,
okhuba eshitiinyilo shieidivai shiitsuule;
tsineemo tsisundukhanga;
okhuba obumayaanu bwabwe nobunji.
14Emikanda nemikanda mwibanda liobukhalachi bwelikhuwa!
Okhuba induukho yOMWAMI yili ahambi mwibanda liobukhalachi bwelikhuwa.
15Eliuba nomwesi biiliime,
tsinyininyini natsio tsileshile okhwakha.
Obuhonibzui bwaYuda
16Okhurula eSayuni OMWAMI ahoola,
okhurula eYerusalemu akukuma;
likulu neshialo birenga.
Ne OMWAMI niye obwilushilo bwabandube,
nolukoba khubaana baIsiraeli.
17Kho mulamanya murio mbu isie nisie OMWAMI Nyasaye weenywe,
oumenyanga muSayuni olukuiu lwanje olutakatifu;
mana Yerusalemu lilaba litakatifu,
kata abasuku shibalabira mulio khandi ta.
18Ne khunyanga eyo ebikulu bilaroonyia idivai imilamili;
amabeele kalabira mungulu shinga amatsi;
amatsi kalaarilikha mumichela chiosi chiaYuda;
khandi isebele yilarulila munzu yOMWAMI,
niyinyisia libanda liaShitimu.
19Misiri shilakwa likunda,
Edomu shilaba eshitsiimi eshikhaya,
khulwa akamahababa akakholelwa abaana baYuda;
shichila beebeenia amabanga kababula eshikha mushialo.
20Nebutswa Yuda shilamenywamwo inziayo,
naYerusalemu, ebisoni nebisoni.
21Ndalamalila amabanga kabwe eshikwoli, nindalekhuula aboonooni butswa ta;
okhuba OMWAMI amenyanga muSayuni.
Currently Selected:
Yoeli 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975