Amosi 9
9
Abulaho owihonokokha khubukhalachi bwOMWAMI
1Ndalola OMWAMI nasinjiile hashimalilo; nasunga mbu
Khupa tsingofia tsietsisiilo, eshirookoola shiosi shirenje;
otsisasaachile khumirwe chiabandu;
nabo abatong'a, ndalabeera nolukanga;
shibaleelukha kata mulala ta;
kata shibaleehonokokha namulala ta.
2Kata nibayaba okhuula eMakombe,
omukhono kwanje kulabarusiayo;
kata nibaniina okhuula mwikulu,
ndalabeesia okhurulayo.
3Kata nibeebisa khubutenje bwaKarameli,
ndalakhaaba nimbarusiakhwo;
ne kata nibandibisa hasi munyanza,
ebweneyo ndalalaka inzokha, nayo yilabaluma.
4Kata nibayilwa mubuhambe imbeli wabasuku babwe,
ebweneyo ndalalaka olukanga, nalwo lulabeera;
ndalabachoomiakhwo tsimoni khulwa amabii, amalayi ta.
5Okhuba Omwami, NYASAYE omwene mahe,
oyo outiilakhwo khushialo, nishisalulukha,
abalimwo bosi nibabeelela;
shilafwimbila elala shinga omwalo kwaNaili,
nishibombolokha, shinga omwalo kwaMisiri;
6owumbakha ebisikabie biahekulu mwikulu bwene,
nakhupila eshilamashie eshifumunde omuse khushialo;
ourumana amatsi akomunyanza,
nakatsukha khwiloba;
OMWAMI nilio eliiralie.
7OMWAMI aboola mbu Inywe abaana baIsiraeli,
shimumbeela shinga abaEtiopia?
Shindatikulusia Isiraeli nimurusia muMisiri.
NabaFilisiti okhurula eKafitori, nabaSiria okhurula eKiri?
8Lole, tsimoni tsiOmwami NYASAYE tsihenganga oburuchi buno obwonooni;
ndalabumulula buhweho mushialo;
habula mbu shindalamululila elala inzu yaYakobo ta;
nilwo olwa OMWAMI aboola.
9Okhuba lole, ndalalaka,
nireesia inzu yalsiraeli mumahanga kosi,
shinga eshichungo olwa shireesibwa;
ne kata akhabale khalala shikhalalakakha hasi ta.
10Aboonooni bosi abomubandu banje baleerwa nolukanga,
ababoola mbu Eshibii shishilakhunyoola, kata okhukhwakaanila ta.
Isiraeli shilasinjisibwa habwene khandi.
11Khunduukho eyo ndalasinjisia litili liaDaudi, eliakwa, nindikala ebibanga bialio;
ndalasinjisia amalikulukho kalio,
nindiumbakha khandi, shinga olwa liali khale;
12mbu balie omusikalo kwaEdomu,
namahanga kosi akakulishilwa khuliira lianje;
nilwo olwa OMWAMI aboola, oukholanga kano.
13OMWAMI aboola mbu Lole, tsindaalo tsiitsanga olwa omulimi alanyoola omuchesi,
naye ouswala tsinzabibu alanyoola oyo ouraaka imwo;
tsingulu tsilaroonyia idivai imilamili,
nayo yilaarilikha khubikulu biosi.
14Ndalakalusia tsikhabi tsiabandu banje Isiraeli,
nabo baloombakha mumakunda, nibamenyamwo;
balaraaka emikunda chiemitsabibu nibanywa idivai yachio,
khandi balakasia emikunda, nibalia ebirulamwo.
15Ndalabaraaka mwiloba liabwe,
kata shibalisiulwa khandi ta mwiloba liabwe elia ndabaheelesia;
nilwo olwa OMWAMI Nyasayewo aboola.
Currently Selected:
Amosi 9: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975