Habakuku 1
1
Habakuku yalilila ebikhole ebishiamu ebirakhoyeele ta
1Omusiiko omusitohu; aka Habakuku omunabii yalola mwibisulo.
2E OMWAMI, ndalakhuhaabilanga okhuula liina,
nawe norahulilanga ta?
Ekhulanjisilia mbu Amahababa!
Ne shiohoninjia ta.
3Nishiina eshichilanga niumanyia obumayaanu, niundolosia amasila?
Obuyaayi namahababa bili imbeli wanje;
obusoolo buliho, amayingano nikabuukha.
4Kho ameebaalo katendeeye,
nabwo obukhalachi bwatoto shiburulanga ta;
okhuba ababii bafumbila abalunjishi;
niko akachila obukhalachi burulanga nibuli obushiamu.
AbaKalidayo balaleuuma Yuda
5Henje mumahanga, mulole;
huche, nimung'ang'aala.
Okhuba ekholanga omulimo mundaalo tsieenywe
okwa mwakhakhaya okhusuubila nimuboolelwa.
6Okhuba lole, embuusia abaKalidayo,
lihanga elo lilulu, liyungubafu;
balambuulanga eshialo shiosi pe okhulia ebimenyo ebirali biabwe ta.
7Nabokhuriisia nokhutechesia;
obukhalachi bwabwe neing'oono yabwe birula khubo abeene.
8Tsifarasi tsiabwe netsinyangu okhushila tsingwe,
netsimbalaba okhushila ebisuutse biobwile;
abachendela khutsio batsiililila neinjinia.
Toto, abachendela khutsifarasi tsiabwe barula ehale;
bapulukha shinga inditsu eyanguha okhulia.
9Bosi beetselanga amahababa;
mumoni mwabwe muyiile shinga omuyeka okurula ebukwe.
Bakhung'aasinjia abahambe shinga omuyeshe.
10Batseshelelanga abaruchi,
nibanyokhoosia abakhulundu.
Batseshelela buli lukoba;
babunjikha liloba nibalubukula.
11Mana beeyuula shinga omuyeka, nibabira,
aboonooni abakhola obunyali bwabwe nyasaye wabwe.
Habakuku yayingana nOMWAMI
12E OMWAMI Nyasaye wanje, Omutakatifu wanje,
shiobeetsangaho okhurula khubumeli?
Shikhulafwa ta.
E OMWAMI, wabaraho khulwa obukhalachi,
iwe Olwanda, wabaralisia khulwa obukuumi.
13Iwe ouli owetsimoni tsinzeleleshe, etsiranyala okhulola obubii,
kata ouranyala okhuhenga obumayaanu ta;
nishiina eshichila nohenganga abandu ababula obwisiikwa
noholeela tsi olwa omubii amumila omundu oumushila obulunjishi?
14Okwisinjia abandu shinga tsinyeeni etsiomunyanza,
shinga ebimoolanga hasi, ebibula omuruchi.
15Abakhwesa bosi nolulobo,
nabahamba nolukhandalwe,
nabakhung'aasia mwisela;
kho yeekhoya, natsatsahala.
16Niko akachila namalila olukhandalwe omusango,
nasambila liselalie amalesi kelibuuliesi;
shichila khulwabio omukabokwe nomunulu,
ebiliibwabie nibili ebieshiami.
17Kho alarusinjia ebiomulukhandalwe obushia nobushia,
niyeera amahanga oburakabeela tsimbabasi ta?
Currently Selected:
Habakuku 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975