Nahumu 3
3
1Woowe khwitookho lieshitsayi!
Liitsuulemwo obubeeyi nebioluyiitsi;
obuyaayi bubula eshihesi.
2Obuyoka bwomusharata, nobwemiyindili chiemikurutumo;
tsifarasi etsishina, namakaari akaruuma.
3Abetsifarasi bayuula,
tsinganga tsiakha, amafumo katsooha;
abeerwa nabanji,
emilambo eshituuli;
emilambo chibula okhwakama;
beesichiralanga khumilambo.
4Ako kosi kali khulwa obuheyi bwosi bwomutamba tsana,
owelikondo muno, omulosi oyo oukusia amahanga khulwa obuheyibwe,
neteimhia tsiabandu nobulosibwe.
5OMWAMI aboola mbu Lola, ekhufukula;
ndalakunula tsingubotsio okhuula mumoni;
ndalamanyia amahanga eshihechenyeshio,
nabomuburuchi bwosi, tsisonitsio.
6Ndalakhusukunila eshifwabwi nikhufwola,
nikhuraho obe eshiokhuhengwa nochaywa.
7Mana bosi abakhuhengakhwo balakhwilukha,
bari Ninewe likwisiibwe likunda; ali heena oulaliikhuula?
Nekhaabe heena abakhalilemia omwoyo?
8Iwe oshila Noamoni, noho,
elieekhala hakari wemiombe chiaNaili,
nilifumbilwa amatsi;
elia olukoba lwalio neinyanza,
nomushingachi kwalio amatsi?
9Etiopia shiali amaani kalio,
naMisiri, aharali eshihesi;
abaPuti nabaLibia bali abahabini balio.
10Nebutswa abalimwo bayilwa,
nibatsia mububohe;
abaana balio barulakwa hasi nibanyalukha khubuchaachilo bwetsinjila tsiosi;
bakhupila abandu balio aboluyali ikha;
abandu balio abakhongo babohwa neminyololo.
11Nawe wesi olameela,
nohumbutsana;
olakhaabanga obwilushilo, shichila abasuku baliho.
12Tsingobatsio tsiosi tsifwana shinga emikhuyu echilikhwo ebirongole biamakhuyu;
nichibungululwa, kakwa mumunwa kwomulii.
13Lola, abandubo abali mwiwe nabakhasi butswa;
ebilibwa bieshialoshio biikushiile abasukubo;
omulilo kusambile emiyinjiilochio.
14Taha amatsi khulwa obwikalilwi;
tinyisia tsingobatsio;
wishe mubwina,
oswale litoyi;
tiila khushilonjelo shiamatofali
. 15Ebweneyo omulilo kulakhumalilana;
olukanga lulakhwakamia;
kulakhumalilana shinga tsisiche.
Mwinjihe shinga tsisiche,
mwikhole abanji shinga obwonya.
16Mweenjiyia abeingangabo okhushila tsinyininyini etsiomwikulu.
Tsisiche tsibambula tsimbaha nitsipulukha.
17Abakhulundubo beenga shinga tsisiche,
nabahandiichibo shinga obwonya obuselasela;
etsiibakala khulukoba khushise shiobushindu,
ne olwa omubasu kubala, tsipulukha nitsihwaho,
kata abulaho oumanya ewa tsili.
18Iwe omuruchi waAshuru,
abaayibo bakona tsindoolo;
abamakurubo barenjeetsa;
abandubo basalaanile mubikulu;
abulaho oubakhung'aasia.
19Bubulaho obusilishi khubusaalilibwo;
lifumirelio nelibii muno;
bosi abahulila amakhuwako bakhukhupila amakhono;
okhuba ali heena owa eshibiishio eshiraakama ta shishili okhukwila?
Currently Selected:
Nahumu 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975