Nahumu 2
2
1Omwarachi yoolile imbeliwo;
linda olukoba;
henga injila;
yiboha mushishienje;
yuma ikholo muno.
2Okhuba OMWAMI akalusia oluyali lwaYakobo,
shinga oluyali lwaIsiraeli;
okhuba abayaayi babayaaya pe,
nibafunaka tsisaka tsiabwe.
3Tsingabo tsiabalulube netsinzakhanyu;
abelihebe beefwala ebiifwalo ebiranzayi;
eshibia eshiokhumakaari shiakhanga olwa kaba nikeerecheeshe;
tsifarasi tsielihe tsirenga nitsiyungubala.
4Amakaari keeyuula khumihanda;
kabiring'ananga mubikuuri;
kalolekhanga shinga ebitseso;
keelukhanga shinga tsimbenu.
5Abaseesia
batsia nibakoyaana nibatuyana;
baanguha okhuula khulukoba;
eshiokhwiteetselamwo shirecheekhwe.
6Ebilibwa biemialo biikuulwe,
inzu yeitookho yilimwo obukoyaani.
7Omukhaye anaabuulwe, nayilwa;
abakhaana abakholibe beekhuula nibabinda shinga amahuusi,
nibeekhong'onda ebilifu.
8Ninewe liinga shinga litiba elia amatsi kalio karulanga;
balanga mbu Yema! Yema!
ne abulaho oushiukhana.
9Bukule ebiyaayo bieifeetsa;
bukule ebiyaayo bieitsahaabu;
okhuba amabiikho kabula eshihesi,
kata nende obuyinda bwebindu biolukoosi.
10Amakunda, nobukhaya, nobwonooneshi mbiebio!
Emioyo chiyengukha, amasikamo katechela;
munda mwosi muli nobusaalili,
mumoni mwosi musamuushile.
11Eshimenyo shietsitalanyi shili heena,
imbinga yetsitalanyi tsimbuukha,
ewa italanyi yinjilanga neshioluyiitsi,
ewa abaana bayo bali, nabulaho outsiriisia?
12Italanyi yirandulanga ebitonye ebihela abaana bayo,
niyimika ebioluyiitsi khulwa tsikhasi tsiayo,
niyiitsusia tsimbinga tsiayo ebioluyiitsi,
nebimenyo biayo inyama irandule.
Ninewe nilili okhwonoonilibwa elala
13OMWAMI omwene mahe aboola mbu Lola ekhufukula; ndalasamba amakaariko mumwosi, nalwo olukanga lulalia tsitalanyitsio tsimbuukha; ndalaakamia oluyiitsilwo mushialo, nomwoyo kwabarumebo shikulahuliilikha khandi ta.
Currently Selected:
Nahumu 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975