Nahumu 1
1
Oburima bwOMWAMI obumalanga eshikwoli
1Omusiiko omusitohu khuNinewe. Eshitabu shielibisulo liaNahumu omuElikoshi.
2OMWAMI niye Nyasaye weimbalikha, oumaIanga eshikwoli;
OMWAMI amalanga eshikwoli, niyeetsuulemwo oburima;
OMWAMI amalanga eshikwoli khubafukulibe,
nabiishilanga abasukube oburima.
3OMWAMI shiabeetsanga omwangu okhutiilwa oburima ta, ne nomukhongo mubunyali;
shialachweya okhumurakhwo eshiina omundu ouli neshikha ta.
OMWAMI ali nende injilaye mushiimbalakusi nomumbumbuyeka;
amaleesi niko olufu Iwebilenjebie.
4Akondeshela inyanza nachikhamia;
yoominjia emialo chiosi;
Bashani naKarameli biotosheelela,
obutendeemu bwaLebanoni buniala.
5Tsingulu tsirenga imbeliwe, ebikulu nibisalulukha;
eshialo shifumamibwa imbeliwe,
mbu eshialo shieene nabosi abamenyangamwo.
6Ali heena owakhasinjila imbeli wobusinyishibwe?
Ali heena owakheema mubululu bwoburimabwe?
Obululubwe busundulwa shinga omulilo;
yaarasinjia tsinyanda.
7OMWAMI nomulayi;
nolukoba khunyanga yamatinyu;
yamanya abo abamwisiikanga.
8Alaakamilia elala abafukulibe shinga omwalo okuyemba,
nabalonda abasukube batsie mushiilima.
9Namakhuwa shiina aka mukulukunza okhufukula OMWAMI?
Alakaakamilia elala;
obusakanii shibulabuukha olwakhabili ta;
10balamalilanwa shinga eshitsakha shiamahwa,
kata shinga olububa oluumu.
11Aliho owarula mwinywe oukulukunza amabii khuMWAMI,
ouchesiyinjia akobumayaanu.
12Kano niko aka OMWAMI aboola; mbu
Kata nibaba abamaani, khandi abanji,
balakhalakwa nibahwaho.
Kata olwa ndakhusandia,
shindalakhusandia khandi ta.
13Ne bulaano ndalafunaka likokololie likhurulekhwo,
nikhalaka ebibohelobio katu.
14OMWAMI walachilisiye amakhuwa khukoko,
mbu Eliiralio shililahuliilikha khandi ta;
okhurula munzu tsiabanyasaye beenywe ndalakhalaka
ebifwanani ebibaatse nebifwanani ebisalule biombi.
Ndalayaba ing'aniyo, shichila wafuba iwe.
Akokhukwa khwaNinewe
15Lole, mbiebio, khubikulu,
ebilenje bia oyo ouleera amakhuwa amalayi,
outswaninjia akomulembe!
Kholanga amasaboko, iwe Yuda;
yusinjia ebiitsubobio;
okhuba omubii tsana shialabira mwiwe khandi ta;
yaakamilibwa elala.
Currently Selected:
Nahumu 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975