Hosea 12
12
1Efuraimu yaayanga omuyeka;
alondanga omuyeka kwebukwe eshiteere tulu;
yeenjiyinjia obubeeyi namahababa.
Bapataananga amakhono nabaAshuru;
amafura nikayilwa eMisiri.
2OMWAMI ali neshifunaane nende Yuda;
alakuuma Yakobo tsinjilatsie shinga olwa tsili;
ebikholebie shinga olwa bili, nolwa alamukalusilia.
3Nashili munda, yatiila omwana wabwe eshisisilo;
ne nali omusaatsa, yalwana nende Nyasaye;
4yalwana nende malaika namuhula;
yalila, namusaaya mbu amukoosie;
yaakaana nende Nyasaye eBeteli,
ne ebweneyo Nyasaye yasungana ninaye;
5neniye OMWAMI, Nyasaye wamahe;
OMWAMI nilio eliiralie.
6Kho mwikalukhasie, khulwa obukhoonyi bwaNyasaye weenywe;
handenje khubuheeli oburalilu nobukhalachi bwahabwene;
mumenye nimulindiililanga Nyasaye weenywe.
7Nomukhala, owa ebiitenjelesio biobukaatii bili mumukhonokwe,
achamanga obumiini.
8Efuraimu aboola mbu Mbula, eyindihaale;
ndinyooleele obuyinda;
nebutswa obuyindabwe bwosi shibunyala okhuhela eshikha eshia ali ninashio ta.
9Nebutswa nisie OMWAMI Nyasayewo,
okhurula mundaalo tsiomushialo shiaMisiri.
Ndalamumenyia mumaheema khandi,
shinga mundaalo tsieinduukho yomulukha.
10Ndasungana nabanabii;
nisie oweenjiyia amabisulo,
ninjela tsinjelo muminwa chiabanabii.
11Obumayaanu buli muGileadi;
aka bakholile namakhaya butswa.
MuGiligali bamalanga emisango chietsing'ombe;
ne ebmmalilo biabwe bilakwa ebituuli biamachina mumikunda emilime.
12Yakobo yeelushila khushibala shiaAramu;
ebweneyo Isiraeli yakhalabanila okhukhwa omukhasi;
khulwa omukhasi yaayanga ebiayo.
13OMWAMI yarusia Isiraeli muMisiri nomukhono kwomunabii,
khandi yalindwa nomunabii.
14Efuraimu wakholile obusinyisii obululu muno;
niko akachila Omwamiwe alalekha eshiina shiamabanga shitong'e khuye,
khandi obukondeshi bwaEfuraimu, OMWAMIwe alamukalusilia.
Currently Selected:
Hosea 12: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975