Hosea 13
13
Obumululwi bwaEfuratntu bwaruntbulwa khale
1Olwa Efuraimu yaboolanga, abandu batechela;
yachinjikha muIsiraeli;
ne olwa yoonoonekha khulwa Baali, yamala nafwa.
2Bulaano bameetanga butswa okhwonoona,
nibeekasilia ebifwanani ebisalule bieifeetsa,
ebiokhwinamilwa ebikholwa namachesi kabwe,
emilimo chiabasitsa.
Baboola mbu Malile bino emisango.
Abandu okhutsunzuuna ebimoosi, ta!
3Balaba shinga amaleesi komumabwibwi,
kata shinga eliime elikhamuulukhanga khale;
shinga omukhuutsi okuyilwa neshiimbalakusi okhurula khulwanyi,
kata shinga omwosi okutuumuukha okhurula munzu.
4Nebutswa nisie OMWAMI Nyasayewo,
okhurula mundaalo etsiomushialo shiaMisiri.
Shiwamanya Nyasaye oundi yesi ta, habula isie sienyene;
abulaho omuhonia undi yesi ta.
5Nisie owakhumanya mushitsiimi,
mushialo eshiumu kararara.
6Ne olwa bali nibaayile mbeekuure,
beekurila elala, nibeechinjimisia mumwoyo;
niko akachila nibanzibilila.
7Khulwako isie endi shinga italanyi khubo;
embakoneshela khunjila shinga ingwe;
8ndalabakwakhwo shinga itubu eyifwiliilwe abaana bayo,
nimaanya emioyo chiabwe mubilifu;
ebweneyo ndalabalia shinga italanyi,
shinga isolo olwa yakhabarandula.
9Ndalakhutibia, iwe Isiraeli;
niwina ounyala okhukhuhabina?
10Omuruchiwo ali heena bulaano, mbu akhuhonie?
Kata abeemilisibo, mbu bakhuterele?
Abo aba wasungakhwo mbu Umbe omuruchi nabakhulundu?
11Ndakhuha omuruchi muburima bwanje,
khandi mubululu bwanje ndamubukuule.
12Obumayaanu bwaEfuraimu buboyilwe;
obwonoonibwe bubiishilwe.
13Obusaalili bwomukhasi oulumwa okhwibula bulamukwila;
ne nomwana oubula obuchesi;
shichila khunduukho yino shiasinjila haburulilo bwolubeleshelo ta.
14Nasi kho embahonie mumukhono kwaMakombe noho?
Embanunule muKhufwa?
Iwe Okhufwa, tsinyumbetsio tsili heena?
Iwe Makombe, obutibiibwo buli heena?
Tsimoni tsianje tsibula eshisa.
15Kata olwa yakhatendeema shinga lise,
omuyeka okurula ebukwe kuleetsa,
omuyeka kwOMWAMI, nikurula mushitsiimi.
Mana isebeleye yamatsi yilakhama,
eshitahoshie nishiuma;
kulanaabula amabiishiloke kebimanulwa biolukoosi biosi.
16Samaria aleetuukha eshikhashie;
okhuba yakholela Nyasayewe induli;
balakwisibwa nolukanga;
abaana babwe abatoro balarulakwa hasi nibatubukha;
nabo abakhasi babwe abali tsinda balaarasibwa nolukanga.
Currently Selected:
Hosea 13: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975