Hosea 7
7
1olwa ndakheenya okhuhonia Isiraeli,
nilwo olwa obumayaanu bwaEfuraimu bufunulwa,
nende obubii bwaSamaria;
okhuba bakholanga akobubeeyi;
omwibi ayabanga inzu niyeenjila,
ing'anda yabanyachi bayaayanga elwanyi.
2Shibayililisinjia mbu isie enzitsulilanga obubii bwabwe bwosi ta;
bulaano ebikhole biabwe bibafumbiile;
bili imbeli wetsimoni tsianje.
3Batsatsahasia omuruchi nobubii bwabwe,
nabakhulundu nobukaatii bwabwe.
4Nabaheyi bosi;
beenga shinga amayika aka omuteeshi areelemwo omulilo;
ne okhurula olwa anyooba eshinokho okhuula olwa shiba nishifwimbile,
shiakusundakhwo ta.
5Khunyanga yomuruchi weefwe abakhulundu beelwasia nokhuyiisia khweidivai;
yapataana amakhono nabakokonyi.
6Okhuba emioyo chiabwe chiyiitsanga shinga amayika komuteeshi, khulwa obukhobi bwabwe;
eshilo tulu oburima bwabwe bukona,
ne mutsuli burubukha shinga tsimemu tsiomulilo.
7Bosi bayiitsanga shinga amayika;
bamalilananga abeemilisi babwe;
abaruchi babwe bosi bakwile;
abulaho khubo ouhaabila.
8Efuraimuyeetsokamumahanga;
Efuraimu neliandasi elirashiukhasiibwe ta.
9Abasuku bamalile amaanike pe,
naye naramanya ta;
tsimbutsi tsitsokaane mwiswilie,
naye naramanya ta.
10Obwikhulumamii bwaIsiraeli bumubuula mumoni;
nebutswa shibakalushiile OMWAMI Nyasaye wabwe,
kata okhumukhaaba, mukano kosi ta.
11Khandi Efuraimu yeengana shinga lihuusi, lisilusilu elibula obuchesi;
bahaabila Misiri, nibatsia eAshuru.
12Olwa batsia ndalaala olurimba lwanje khubo;
ndalabeesia hasi shinga amanyonyi akomwikulu;
ndalabakuuma khulwa ebikhole biabwe ebibii.
13Woowe khubo! Okhuba batiimatiima nibarulakhwo.
Obutibi khubo! Okhuba bakhayile.
Enzenyile okhubanunula,
nebutswa baniiikhanga.
14Shibahaabiile mumwoyo ta,
ne bakhupa tsimbungu nibali khubitali;
beesalaka khulwa imele neidivai,
nibakholela induli.
15Kata olwa ndabachesiyia nimeetela amakhono kabwe amaani,
bashikasinjia amabii khwisie.
16BakalushilaBaali;
beengana shinga obuyingo obushiamu;
abakhulundu babwe balakwisibwa nolukanga,
khulwa injinia yetsinimi tsiabwe;
ne niko aka balatsesheelelwa mushialo shiaMisiri.
Currently Selected:
Hosea 7: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975