Hosea 8
8
AbaIsiraeli bakondeshelwe khukebifwanani ebia beenamilanga
1Ra olwika khumunwa,
okhuba inditsu yili ikulu weinzu yOMWAMI;
shichila boonooniye indakano yanje nibakhaya amalako kanje.
2Balananjilisia bari Nyasaye weefwe, ifwe Isiraeli khukhumanyile.
3Isiraeli wibalile akali amalayi;
abasuku balamulondachilila.
4Beemekha abaruchi,
habula khulwanje ta.
Bareeleho abakhulundu,
nasi nindamanya ta.
Bakholile ebifwanani ebiokhwinamilwa ebieifeetsa yabwe neitsahaabu yabwe,
mbu bamalilanwe.
5Esukuune eshimoosishio, iwe Samaria;
oburima bwanje bubaashilanga;
tsilaba tsindaalo tsinga okhuula olwa balaba nibasiiyiishe
6muIsiraeli?
Omwiraanyi yashikhola;
shishili Nyasaye ta;
eshimoosi shiaSamaria shilasasaakwa ebitonye ebitonye.
7Shichila baraaka omuyeka,
ne balachesa eshiimbalakusi;
emimela shichilaba nemirwe ta;
imele shiyilasieebwa obusie ta;
ne kata niyisieebwa, abasuku bakhabulia kutu.
8Isiraeli yaliibwa kutu;
kata bulaano bali mumahanga shinga eshimanulwa eshibula obukhoonyi.
9Okhuba batikuluushe nibatsia eAshuru shinga isishili inabulimo eyichenda yonyene;
Efuraimu akulile abatia bukula,
10ne kata nibabakula mumahanga,
isie ndalabakhung'aasia nonoho;
kho habwenaho balalekha okhwemekhanga abaruchi nabakhulundu nokhubatsushiilila amafura.
11Okhuba Efuraimu yeenjiyiye ebimalilo khulwa obwonooni;
toto mwene, bimukwiliile ebimalilo khulwa obwonooni.
12Ne kata nimuhandiichila amalako ebikhumila ekhumi akameebaalo kanje,
kakhaba butswa shinga eshindu eshicheni.
13Baheelanga emisango;
bamalanga emisango chieinyama nibachilia;
ne OMWAMI shiabafuchiilila ta;
bulaano aleetsulila obumayaanu bwabwe,
nabakuuma khulwa ebionoono biabwe;
balakalukha eMisiri.
14Okhuba Isiraeli wibiliile Omulonjiwe, niyoombakha tsinzu tsikhulundu,
naye Yuda winjiyiye amataala ketsingoba;
ne ndalaruma omulilo khumataalake,
nakwo kulalia tsinzu tsiako tsikhulundu.
Currently Selected:
Hosea 8: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975