Yona 1
1
Yona yeelukha OMWAMI
1Haho likhuwa liOMWAMI lieetsela Yona waAmitai, liri 2Rula, otsie eNinewe, litookho likhongo tsana, ochinje omunwa nolifukula; okhuba obubii bwabwe buulile imbeli wanje. 3Nebutswa Yona narula okhwilushila eTarashishi, okhurula imbeli w; natsia eYafa, nanyoola eliaro elitsia eTarashishi; kho narunga omurungo kwoluchendo, niyeenjila muliaro, mbu atsie ninabo okhuula eTarashishi, arule imbeli wOMWAMI.
4Nebutswa OMWAMI yaruma omuyeka omukhongo khunyanza, imbumbuyeka niyibaho ikhongo muno khunyanza, okhuula olwa eliaro lieenya okhufinikha. 5Mana abakholi abomuliaro nibaria, nibahaabila buli mundu omunyasayewe; nibasukuna munyanza emiandu echiali nichili muliaro, okhulianguyia. Ne Yona yali niyeeshile muliaro mukari bwene, niyeeyalisia, nakona tsindoolo. 6Kho omukhulundu weliaro namwitsila, namusunjila mbu Iwe ouli mundoolo, obeele orie? Buukha, ohaabile omunyasayewo mbu haundi omunyasayewo wakhakhupaarakhwo, khuleshe okhufwa.
7Mana nibasungana bari Chende khukhupe ikha, khumanye mbu niwina ouchila eshibii shino nishikhukwila. Kho nibakhupa ikha, ikha nayo niyimukwila Yona. 8Mana nibamureeba bari Chama okhuboolele mbu niwina ouchila eshibii shino nishikhukwila; mbu nemilimo shiina echia okholanga? Orula heena? Oli oweshialo shi? Oli owoluyia shi? 9Naye nabakalusia mbu Endi omuHeburania; eriitsanga OMWAMI, Nyasaye welikulu, owalonga inyanza neshialo eshiumu. 10Kho abandu abo nibaria muno, nibamureeba mbu Nelikhuwa shiina elia okholile lino? Okhuba abandu tsana bamanya shinga olwa yeelukha Nyasaye, shichila omwene yali nababooleele.
11Mana nibamusunjila mbu Khulakhukhola khurie, inyanza mana yikhulenjeelele? Okhuba inyanza yali niyiimeetanga butswa okhwirunda. 12Kho nababiila mbu Mumbukule, musukune munyanza; nindio inyanza yilamulenjeelela; okhuba emanyile mbu imbumbuyeka ikhongo yino yimukwiliile khulwanje. 13Nebutswa abandu tsana bafuka obutinyu okhuteema okhukalukha khulukuku; nibakhaywa; okhuba inyanza yali niyiimeetanga butswa okhwirunda, niyibakhaya. 14Khulwako nibahaabila OMWAMI bari E OMWAMI, khukhusaaya mbu khuleshe okhufwa khulwa obulamu bwomundu uno; kata olakhurakhwo amabanga komundu oubula eshikha ta; okhuba, OMWAMI, okholile aka oluutsi nikakhoyeele. 15Kho nibabukula Yona, nibamusukuna munyanza; inyanza nayo niyilekha okhwirunda. 16Mana abandu abo nibaria OMWAMI muno; nibamumalila OMWAMI omusango, nibeetsuba ebiitsubo.
17Ne OMWAMI narechekha okunyeeni okhumumila Yona; Yona naba munda yokunyeeni tsindaalo tsitaru, eshiteere neshilo.
Currently Selected:
Yona 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975