Yona 3
3
Obwikalukhasii bwaNinewe
1Likhuwa liOMWAMI nilimwitsila Yona olwakhabili, liri 2Rula otsie eNinewe, litookho likhongo tsana, oliilwatsile omwilwatso okwa ekhulaka. 3Kho Yona narula, natsia eNinewe, shinga OMWAMI olwa yasunga. Ne Ninewe liali litookho likhongo muno; obubambalifu bwalio bwahela oluchendo lwetsindaalo tsitaru. 4Yona nachaaka okhwinjila mwitookho, natsia oluchendo Iweshiteere eshilamba; nachinga omunwa, nasunga mbu Tsishili tsindaalo amakhumi kane, mana Ninewe lilakwisibwa. 5Nabo abandu baNinewe nibasuubila Nyasaye; nibakhupa omulome kwokhuhonga inzala, nibeefwala tsingubo tsiamakunia, okhurula khubakhongo okhuula khubatuutu.
6Amakhuwa nikoola ewomuruchi waNinewe; naye nabuukha narula khushifumbishie shioburuchi, niyeefwalula eshiifwaloshie, niyeefwala ingubo yelikunia, niyeekhala mwikoshe. 7Nakhupa omulome, nakutswania muNinewe khulwa lilako liomuruchi nabamakurube; mbu Omundu yesi aleshe kata okhutsanzama khushindu shiosi; kata omuruko, okwomwituuli kata okwomubiayokata okhulia, kata okhunywa amatsi ta; 8ne beefuunishe tsingubo tsiamakunia, abandu nemiruko, nibamuhaabila Nyasaye muno; toto, bashiukhane barule buli mundu khunjilaye imbii, nokhurula khumahababa akali mumakhono kabwe. 9Ali heena ounyala okhumanya akOMWAMI, naba niyeetsa okhushiukhana niyeekalukhasia, nashiukhana okhulekha oburimabwe obululu, khuleshe okhufwa?
10Nyasaye nalola ebikhole biabwe, shinga olwa bashiukhana okhurula khunjila yabwe imbii; Nyasaye yiyeekalukhasia khububii obwa yali nasunjile mbu yakhabakholela; ne shiyakhola ta.
Currently Selected:
Yona 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975