Yona 4
4
Obusinyishi bwaYona, nende tsimbabasi tsiaNyasaye
1Nebutswa likhuwa elo liasinyisia Yona muno, oburima nibumuhamba; 2nasaba OMWAMI, ari Ekhusaaya, OMWAMI; mbu shilili nilio elia ndasunga olwa ndali nishili mushialo shieefwe? Ne niko akachila nindetekhana okhwilukha okhutsia eTarashishi; okhuba ndamanya mbu oli Nyasaye wobukoosia, noshilaana netsimbabasi; shiotiilungwa oburima bwangu ta; wakutsa nobuheeli oburalilu, niwikalukhasia khububii. 3Kho bulaano, OMWAMI, ekhusaaya mbu umbiniekhwo obulamu bwanje; okhufwa khwakhangaasila okhushila okhuba mwoyo. 4OMWAMI namureeba mbu Kho okhola bulayi nosinyiishe orio? 5Mana Yona natula mwitookho, niyeekhala elubeka Iwebukwe Iwelitookho, niyeekasilia eshisaakati, niyeekhala hasi washio, mushiinikha, mbu alole akeetsa okhukwila litookho.
6OMWAMI Nyasaye naraho libona, nalikhusia libe ikulu waYona, libe eshiinikha khumurwekwe, okhumuhonia mumatinyuke. Kho Yona nasangaalila libona tsana muno. 7Nebutswa nibushia mutsuli OMWAMI yaraho inyende okhulia libona, nalio niliniala. 8Ne olwa eliuba liafwinda Nyasaye naraho omuyeka okuyiile pia, okurula ebukwe; omubasu nikumulia Yona khumurwe, naye nahumbutsana, nasaba mbu afwe; ari Okhufwa khwakhangaasila okhushila okhuba mwoyo. 9Nyasaye namusunjila mbu Kho okhola bulayi nosunyikha khulwa libona? Naye nakalusia mbu Ekhola bulayi okhusinyikha, kata okhuula khukhufwa. 10OMWAMI naboola mbu Otiililwa libona tsimbabasi, ne shiolinyakhar iilekhwo, kata shiolikhusiye ta; limelile mushilo shilala, nilihwaho mushilo shilala. 11Nasi shinyala okhutiililwa Ninewe tsimbabasi, litookho elo likhongo, elilimwo abandu abashila ebikhumila eshikhumi namakhumi kabili, abakorwa okhwahukhasia omukhono musaatsa nomukhono mukhasi, khandi nende emiruko eminji?
Currently Selected:
Yona 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975