Malaki 1
1
Obuheeli bwOMWAMI khuYakobo
1Omusiiko omusitohu kwOMWAMI khuIsiraeli, mumunwa kwaMalaki.
2OMWAMI aboola mbu Ndamuheelile. Neenyu mureebanga mbu Ne okhuheelile orie? OMWAMI aboola mbu Esau shiyali omwana wabwe Yakobo? Ne ndamuheelile Yakobo, 3habula Esau ndamuchwang'ile, ningwisia ebikulubie likunda, nindeshela amabwe akomushitsiimi obulaamebwe. 4Ne kata abaEdomu nibasunga mbu Khukhupilwe hasi, ne khulakalukha nikhuumbakha mumakunda; ne khane OMWAMI omwene mahe aboola mbu Boombashe, nebutswa isie ndalalikulula; mana abandu balabalanganga mbu Olukongo olubii, khandi mbu Oluyia olwa OMWAMI asinyishila inziayo. 5Neenyu, tsimoni tsieenywe tsilalola, mana mulasunga mbu OMWAMI nomukhongo, okhuyomba olwakho lwaIsiraeli.
OMWAMI yakondeshela abakuhani
6Omwana aheelesia samwana oluyali, nomusumba omwamiwe; kho isie nimba nindi seenywe, oluyali lwanje luli heena? Kata nimba nindi omwami, okhuriibwa khwanje khuli heena? Nilwo olwa OMWAMI omwene mahe amureeba, inywe abakuhani abaleka eliira lianje. Neenyu mureebanga mbu Ne khulechile eliiralio khurie? 7Mbu nimuhaananga ebiliibwa biobukaali khushimalilo shianje. Neenyu mureebanga mbu Ne khukhukwisiye owobukaali khurie? Mbu nimupaaranga mbu imeesa yOMWAMI yinyala okhulekwa. 8Olwa muhaananga ebibofu khulwa omusango, shibuli obubii? Olwa muhaananga ebilema nebiteshele, shibuli obubii? Obiyilile ouli omukafunawo; alakhuchama? Alakhufuchiilila? Nilwo olwa OMWAMI omwene mahe areeba. 9Ne bulaano chame mwikongoye Nyasaye, akhukoosie obukoosia; bino olwa birulanga mumakhono keenywe, alafuchiilila omundu yesi khwinywe? Nilwo olwa OMWAMI omwene mahe areeba. 10Shiakhuha wabaho mwinywe omundu mulala owakheekala emiliango, mbu muleshe okhuhambia omulilo khushimalilo shianje khulwa butswa! OMWAMI omwene mahe aboola mbu Shimunjamisia ta, kata shindalafuchiilila eshihaanwa eshirula mumakhono keenywe tawe. 11Okhuba okhurula khukhufwinda khweliuba okhuula khukhuyeela khwalio, eliira lianje nelikhongo mubanamahanga; buli handu hosi amalesi kelibuuliesi kahaanilungwa khuliira lianje, nende eshihaanwa eshieleleshe; okhuba eliira lianje nelikhongo mubanamahanga; nilwo olwa OMWAMI omwene mahe aboola. 12Nebutswa inywe mulionooninjia nimuboola mbu Imeesa yOMWAMI neyobukaaii, khandi mbu ebiliibwa ebilikhwo binyala okhulekwa. 13OMWAMI omwene mahe aboola mbu Musunga mbu Kano kanjoonyiye, nimu'fuutsa. Muleeranga eshiatiilwa namahababa, nebilema, nebiteshele, mbu bibe ebihaanwa. Nasi efuchiilile bino mumakhono keenywe? Nilwo olwa OMWAMI areeba. 14Abe mushilaamo shiobubii omukaatii oyo ouli nomuruko kweshisaatsa mushiayoshie, nakwahula neshiitsubo, nebutswa amalanga namalila OMWAMI omusango kweshindu eshilema; okhuba OMWAMI omwene mahe aboola mbu Nisie omuruchi omukhongo, ne eliira lianje neliamariisia mubanamahanga.
Currently Selected:
Malaki 1: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975