Matsayo 13
13
Oluchelo Iwomumiitsi
(Mk. 4.1-9; Lk. 8.4-8)
1Inyanga eyo Yesu yarula munzu niyeekhala khulukuku lweinyanza. 2Emikanda emikhongo chiakhung'aana ewa yali, okhuula niyeenjila muliaro niyeekhalamwo; abomukanda niba sinjiile khulukuku. 3Nababoolela amakhuwa amanji munjelo, nasunga ari Lole, omumiitsi yarula natsia okhumiitsa; 4nolwa yali namiitsanga, imwo yindi yakwa khunjila, amanyonyi nikeetsa nikachibootsa; 5eyindi niyikwa hanyanda, niyiraba neliloba elihela ta, niyimela bwangu, shichila liloba shiliatsia hasi ta; 6nolwa omubasu kwabala, niyifululukha, niyiniala, shichila yabula emisi. 7Eyindi niyikwa habisisia; ebisisia nabio nibikhula, nibichitiya. 8Eyindi niyikwa mwiloba lilayi, niyama, eyindi eshikhumi, eyindi amakhumi kasasaba, eyindi amakhumi kataru. 9Ouli namarwi, ahulile.
Aka tsinjelo tsichoomakhwo
(Mk. 4.10-12; Lk. 8.9-10)
10Abeechibe nibeetsa, nibamureeba bari Eshichilanga nobaboolela munjelo nishiina? 11Nakalusia nababoolela mbu Inywe mwaheebwa okhumanya amabiso akobwami bwomwikulu, ne bo shibaheebwa bario ta. 12Shichila omundu yesi oulikhwo nebindu, alaheebwa ebindi, abe ninabio ebinji; ne omundu yesi oubula ninabio, kata ebia ali ninabio bilabukulwa. 13Niko akachilanga nimbaboolela munjelo; shichila bahenganga, ne shibalola ta; bahulilanga, ne shibahulila ta, kata okhutiila khushisina. 14Ne obulakusi bwaIsaya buboosiliibwe, mbu
Okhuhulila mulahulilanga, nimuramanya eshisina ta;
nokhuhenga mulahenganga nimurolala ta.
15Shichila emioyo chiabandu belihanga lino chisiluhaale,
amarwi kabwe nako keekaale,
khandi tsimoni tsiabwe batsitimbile;
baleshe okhulola netsimoni tsiabwe,
nokhuhulila namarwi kabwe,
nokhumanya eshisina nemioyo chiabwe,
nokhushiukhatla, nasi nimbahonia.
16Ne netsieikhabi tsimoni tsieenywe, okhuba tsilolanga; nende amarwi keenywe, okhuba kahulilanga. 17Okhuba emuboolela toto mbu abanabii abanji nende abandu abalunjishi abanji bali nibeekombanga okhulola ebia mulolanga inywe, nibarabilola ta; nokhuhulila aka muhulilanga inywe, nibarakahulila ta.
Yesu yeenoosia oluchelo Iwomumiitsi
(Mk. 4.13-20; Lk. 8.11-15)
18Hulile oluchelo Iwomumiitsi. 19Olwa omundu yesi ahulila likhuwa liobwami, naratiila khushisina ta, habwenaho omubii oyo yeetsa niyeetsumba eyeneyo eyali niyimiitsilwe mumwoyokwe. Eyo niyo eyamiitswa khunjila. 20Neyo eyamiitswa hanyanda, neniye ouhulila likhuwa, ne habwenaho alifuchiilila nobusangaali; 21nebutswa abulanga emisi mumwoyo; ne atsiililila eshise eshituutu butswa, ne olwa amasila kata obusandibwi biitsanga khulwa likhuwa tsana, habwenaho akalukha inyuma. 22Neyo eyamiitswa mubisisia, neniye ouhulila likhuwa, nebutswa ebiamaramba biosi ebiomushialo shino, nobukaati bwobuyinda, bitiya likhuwa; nayo niyikumbahala. 23Neyo eyamiitswa mwiloba lilayi, neniye ouhulila likhuwa, natiila khushisina; omwenoyo yaamanga toto, naleera haundi eshikhumi, haundi amakhumi kasasaba, haundi amakhumi kataru.
Libanze hakari mungano
24Nabachelela oluchelo lundi, naboola mbu Obwami obwomwikulu buchelasibwa nende omundu owamiitsa imwo indayi mumukundakwe; 25nolwa abandu bali mundoolo, omusukuwe niyeetsa namiitsa libanze hakari munganoye, niyeenyokha. 26Nebutswa olwa ingano yamela, mana niyitsomola, kho libanze nalio nililolekha. 27Abasumba bomwenengo nibeetsa nibamureeba bari Omwami, shiwamiitsa imwo indayi mumukundakwo? Ne libanze lino liarula heena? 28Naye nabasunjila mbu Omundu omusuku niye owakhola lino. Abasumba nibamureeba bari Kho wenya mbu khutsie khulikhung'aasie? 29Naye nakaana, mbu Tawe; olwa mbu nimukhung'aasia libanze, mwakheetsukhana nimwiha ingano halala ninalio. 30Leshe bikhulile biosi halala okhuula khwichesa; mana khunduukho yelichesa ndilibiila abachesi, mbu Ranjilile mukhung'aasie libanze, mulibohe tsing'anda mulisambe; ne ingano muchikhung'aasie mushiachi shianje.
Oluchelo Iwolufwa Iwelisaatsi
(Mk. 4.30-32; Lk. 13.18-19)
31Nabachelela oluchelo lundi, naboola mbu Obwami obwomwikulu bufwana shinga imoni ndala yolufwa Iwelisaatsi eya omundu yabukula nahaanya mumukundakwe; 32nayo toto neinduutu khubufwa bwosi; nebutswa olwa yikhula yiyomba emiani, niyiikhola omusaala, okwa amanyonyi akokhwikulu keetsanga nikeekhala mumasaka kakwo.
Oluchelo lwamamela
(Lk. 13.20-21)
33Nababoolela oluchelo lundi, ari Obwami obwomwikulu bufwana shinga amalela, aka omukhasi undi yabukula, natsokasia mubimwelo bitaru biobusie, okhuula bwosi olwa bwafwimba.
Shinga Yesu olwa yeekhoonyela tsinjelo
(Mk. 4.33-34)
34Amakhuwa ako kosi Yesu yababoolelanga abemikanda munjelo; nebutswa harali oluchelo shiyabasunjila likhuwa liosi ta; 35mbu mana akaboolwa mumunwa kwomunabii koosibwe, mbu
Ndalarumbushila munjelo;
ndalarumbula amakhuwa akalinji nikabiswa okhurula khumusuule.
Yesu yeenoosia akoluchelo Iwelibanze mungano
36Mana yaseebulana nabemikanda niyeenjila munzuabeechibe nibeetsa ewa yali, nibasunga bari Okhwinoosie eshisina shioluchelo Iwelibanze eliomumukunda. 37Naye nakalusia, naboola mbu Oumiitsa imwo indayi niye Omwana wOmundu; 38omukunda nikwo eshialo shiosi; imwo indayi nibo abaana bobwami; libanze nibo abaana bomumayaanu, 39ne omusuku owalmmiitsa niye Setani; lichesa nishio eshihesi shieshise shino; nabachesi nibo abamalaika. 40Kho shinga libanze olwa lihkung'sasibwa nilisambwa nomulilo, nindio kaliba kario khushihesi shieshise shino. 41Omwana wOmundu aliruma abamalaikabe, nabo balikhung'aasia ebiisichirasio biosi, nende abo abakholanga obumayaanu, nibabirusia mubwamibwe, 42nibabisukuna mumulilo okufwana shinga okwelirumti; ebweneyo khulibayo okhulila nokhulumaasia ameeno. 43Habwenaho abalunjishi baliakha shinga eliuba mubwami bwaSabwe Ouli namarwi ahulile.
Oluchelo Iwelibiikho eliabiswa
44Obwami obwomwikulu bufwana shinga libiikho eliabiswa mumukunda; elia omundu yanyoola, mana nabisa; ne khulwa okhwikhoya natsia nakulaasia ebia yali ninabio biosi amapeesa, nakula omukunda tsana.
Oluchelo Iweilulu yobukusi obunji
45Khandi, obwami obwomwikulu bufwana shinga omundu weinganga oukhaabanga tsilulu tsindayi; 46nolwa yanyoola ilulu ndala yobukusi obunji muno, yatsia nakulaasia ebia yali ninabio amapeesa, nachikula.
Oluchelo Iwolukhanda
47Khandi, obwami obwomwikulu bufwana shinga olukhanda olwafuubwa munyanza, nilukhung'aasia etsietsimbia tsiosi; 48nolwa lwali nilwitsuule, balukhwesa khulukuku; nibeekhala nibakhung'aasia tsindayi mubichinjilo, habula tsimbii batsisukuna. 49Nolwa kaliba kario khushihesi shieshise shino; abamalaika balirula nibeela ababii okhurula mubalunjishi, 50nibabasukuna mumulilo okufwana shinga okwelirumbi; ebweneyo khulibayo okhulila nokhulumaasia ameeno.
Amabiikho kebindu ebiyia nebikhulu
51Muhuliile amakhuwa kano kosi? Nibamukalusia bari Ee, khuhuliile. 52Nababoolela mbu Niko akachila buli muhandiichi oweechesiibwe amakhuwa kobwami obwomwikulu afwana shinga omundu omwenengo ourusinjia mumabiikhoke ebmdu ebiyia nende ebikhulu.
AbeNazareti bafukula Yesu
(Mk. 6.1-6; Lk. 4.16-30)
53Mana olwa Yesu yali namalile tsinjelo etsio yarulaho natsia. 54Nolwa yali niyoolile mushialo shiewabwe, yabeechesia musingaogi yabwe, okhuula olwa bahuka, nibasunga bari Uno anyooIanga heena amachesi kano, nende akamakana kano? 55Uno shiali ye omwana womubaatsi oyo? Nyinamwana shialangwa mbu Mariamu? Nende abasiani babwe, mbu Yakobo, naYusufu, naSimoni, naYuda? 56Kata bambootsonyene, shikhubeetsanga ninabo bosi? Kho uno anyoolanga heena amakhuwa kano kosi? 57Nibamusinyishila. Ne Yesu nabasunjila mbu Omunabii shiabulanga oluyali tawe, habula mushialo shiabwe, kata munzu yabwe yene. 58Ne shiyakholayo akamakana amanji ta khulwa oburasuubila bwabwe.
Currently Selected:
Matsayo 13: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
