Matsayo 14
14
Okhufwa khwaYohana Omubatisii
(Mk. 6.14-29; Lk. 9.7-9)
1Mundaalo etsio Herode omuruchi yahulila amakhuwa khuYesu, 2nasunjila abasumbabe ari Uno niye Yohana Omubatisii; alamuushe mubafu; niko akachila obunyali buno nibuli muye nibukholanga emilimo.
3Okhuba Herode yali niyamuhamba Yohana, namuboha namura mumbohe khulwa amakhuwa kaHerodia, mukha Filipo omusiani wabwe. 4Okhuba Yohana yali niyamuboolela ari Nomusilo, iwe okhumuteeshia. 5Nolwa Herode yali niyeenya okhumwira, yali nariitsanga emikanda, shichila balolanga mbu Yohana nomunabii. 6Ne olwa myanga yoola eyokhwitsulila okhwibulwa khwaHerode, omukhaana waHerodia yashina hakari wabwe, nasangaasia Herode. 7Habwenaho yasuubisia niyeetsuba okhumuheelesia shiosi shiosi eshia yakhamusaba. 8Naye, olwa yatsuubwa nende nyina, yasunga mbu Umbeelesie hano khushiibo omurwe kwaYohana Omubatisii. 9Omuruchi nabeelela muno khulwa ebiitsubobie khandi khulwabo aba yali ninabo khubiliibwa, nebutswa yalachilisia mbu akuheebwe; 10narumana mumbohe namurema Yohana omurwe. 11Omurwekwe nakwo kwaleerwa khushiibo nikumuheebwa omukhaana tsana; naye nakuyilila nyina. 12Abeechibe nabo nibeetsa nibabukula omulambonibamuyabila; nibatsianibamuboolela Yesu.
Yesu yaliisia abandu ebikhumila biraano
(Mk. 6.30-44; Lk. 9.10-17; Yoh. 6.1-14)
13Nolwa Yesu yahulilakhwo yarulaho neliaro, natsia yenyene aha abandu babula; nolwa abemikanda bahulilakhwo, barula mumataala nibamulondakhwo namakulu. 14Naye narula muliaro, nalola omukanda omukhongo, nabatiililwa eshisa, nahonia abalwale babwe. 15Eshialo olwa shiali nibwilile, abeechi nibeetsa ewa yali, nibasunga bari Hano neshitsiuni butswa, eshise bulaano shibirile; obaseebule abemikanda batsie mumataala beekulile ebiliibwa. 16Ne Yesu nabasunjila mbu Shibakhoyile okhutsia haundi ta; mywe mubaheelesie eshiokhulia. 17Nibamusunjila bari Hano khuli nemikatae chiraano chionyene, nende tsinyeeni tsibili. 18Naye naboola mbu Mubindeerele hano. 19Nalaka abemikanda okhwikhala hasi khubunyasi; nabukula emiksate echio chiraano netsinyeeni tsibili, nahenga mwikulu nabisabila ikhabi, nabisonyola, nakabila abeechibe emikaate, abeechi nabo nibakabila abemikanda. 20Bosi nibalia nibeekura; nibakhung'aasia ebisonye ebiali nibitong'ile nibeetsusia ebimwelo ekhumi nabibili. 21Abalia bali abasaatsa shinga ebikhumila biraano, oburabala abakhasi kata abaana tawe.
Yesu yachenda khumatsi
(Mk. 6.45-52; Yoh. 6.16-21)
22Mana yanichilisia abeechi okhwinjila muliaro bamuranjilile okhutsia injelekha, okhuula olwa alaba naseebuule emikanda. 23Olwa yali naseebuule emikanda, yatikulukha natsia mushikulu yenyene okhusaaya; nolwa eshialo shiali nibwilile, yali naliyo yenyene. 24Ne eliaro liali nilimalile okhuba hakari munyanza, nilili mumatinyu khulwa amarunda; shichila omuyeka kwali nikuhuutsanga okhurula imbeli. 25Mana mumakhubakhubwe yatsia ewa bali, nachendanga khumatsi. 26Nolwa abeechi bamulola nachendanga khumatsi ikholo niyibarimukha, nibasunga bari Neshinabandu; nibaria, nibalakaya. 27Ne habwenaho Yesu naboolana ninabo, nasunga ari Muleme emioyo! ISIE NISIE. Muraria tawe.
28Petero namukalusia, naboola mbu Omwami, noba noli iwe, umbiile enzitse ewa oli ninjenda khumatsi. 29Nasunga mbu Yitsa. Petero niyeekha okhurula muliaro, nachenda khumatsi, mbu atsie ewa Yesu yali. 30Nebutswa olwa yalola omuyeka, yatechela; ne olwa yachaaka okhwiyinikha yalakaya, ari Omwami, umbonie. 31Habwenaho Yesu nanyiila omukhono, namutiila namureeba mbu E iwe owobusuubili obutuutu, nishiina eshichilile nochaaka okhukanakania? 32Ne olwa bali nibaniinile muliaro, omuyeka nikuyeela. 33Nabo abali nibali muliaro nibamwinamila, nibaboola bari Toto mwene, niwe Omwana waNyasaye.
Yesu yahona abalwale eGenesareti
(Mk. 6.53-56)
34Kho olwa bali nibaambuushe, boola khulukuku, eGenesereti. 35Ne olwa abandu bebweneyo bamulola nibamumanya barumana mumbali etsio tsiosi etsiarondokhanaho, nibamuleerela bosi abali nibalwala; 36nibamusaayanga mbu batiilekhwo butswa khundulo weinguboye; nabo bosi abatiilakhwo, bahonanga.
Currently Selected:
Matsayo 14: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
