Abaroma 9
9
Nyasaye yalobola Isiraeli
1Emboola obwatoto muKristo, shimbeeha ta akomumwoyo kwanje nako nikarumbulana ninasi akobuloli muRoho Omutakatifu, 2mbu enzuunungwa omwoyo muno, nimba neshibeela obushia. 3Shichila ndakhanyala okhwikomba mbu isie omwene embe mushilaamo shiobubii eshingabukhasia nende Kristo khulwa abaana beefwe, aboluyia lwanje khulwa imela yomubilij 4nibo abaIsiraeli; okhukholwa abaana nokhwabwe, noluyali, netsindakano, neshihaanwa shiamalako, nobukhalabani bwaNyasaye, nende obusuubisii, biosi nebiabwe; 5abakuuka nabo nababwe, khandi khumela yomubili Kristo nowabwe, oyo ouli hekulu wabiosi, Nyasaye owitsoomibwa obushia nobushia. Amina.
6Ne shikali mbu likhuwa liaNyasaye liafuba ta. Okhuba abarula khuIsiraeli shibali bosi abalsiraeli ta; 7kata shibali bosi abaana baAburahamu shichila nabolwibulolwe, tawe; habula mbu Olwibulolwo lulikulishilwa muIsaka. 8Eshisina mbu shibali abaana beimela yomubili abali abaana baNyasaye ta; nebutswa abaana bobusuubisii nibo ababasibwa mbu nolwibulo. 9Shichila lino nelikhuwa liobusuubisii mbu Induukho niyulile shinga yino, ndiliitsa; naye Sara aliba nende omwana omusiani. 10Ne shikali ako konyene ta; habula abaana baRebeka, saabwe yali mulala, niye kuuka weefwe Isaka; 11ne abaana nibarashieebulwa ta, kata nibarashiakhola likhuwa liosi kata lilayi kata libii tawe; habula mbu tsiyemi tsiaNyasaye etsiobulobolwi tsibeho, niburali bwebikhole ta, habula bwa oyo oulanga 12Rebeka yaboolelwa ari Omukhulundu alimukhalabanila omushe. 13Shinga olwa kahandiikwa, mbu Ndamuheelile Yakobo, ne Esau ndamuchwang'ile.
14Kho khusunje khurie? Nyasaye alimwo obushiamu noho? 'A, nahatuutu ta. 15Okhuba yasunjila Musa ari Ndalabeela tsimbabasi owa embeela tsimbabasi; khandi ndalamutiililwa eshisa owa endiililwa eshisa. 16Kho shikali aka oyo owenya, kata aka oyo ounyakhana ta, habula akaNyasaye oubeelanga tsimbabasi. 17Okhuba amahandiiko kaboola khuFarao, kari Likhuwa lino nilio elichila nikhwemekha, mbu endolosilie obunyali bwanje mwiwe, khandi mbu eliira lianje lifumenje mushialo shiosi pe. 18Kho amubeelanga tsimbabasi owa achama okhubeela tsimbabasi, ne owa achama okhuhandalasia, amuhandalasinjia.
19Kho fwana witsa okhundeeba, mbu Ne mbushiina nashikhutulanga? Okhuba niwina ounyala okhukhaya aka yeenya? 20'A, tawe. Musaatsa iwe, niwe wina ouyingania Nyasaye? Eshilonjilwe shinyala okhureeba oyo owashilonga mbu Unonjile orio mbushiina? 21Kata omulonji yesi, shiali nende obunyali khwitoyi, mbu mumuhayila mulala alonga eshitonye eshindu eshiheebwa oluyali, neshitonye shindi eshindu eshibula oluyali, ta? 22Shikakhanyala okhuba kari nanwa, mbu Nyasaye, kata olwa yeenya okhulolosia oburimabwe nokhumanyisia obunyalibwe, yeefwila nende obwisimilisi obunji ebimanulwa ebikwanila oburima, ebiakasilibwa obutibi, 23mbu amanyisie obuyinda bwoluyalilwe khubimanulwa bietsimbabasi, ebia yakasilia oluyali khale? 24Nabio nifwe aba yalanga, ne khubaYahudi bonyene ta, habula khuBamahanga bosi. 25Shinga olwa yasunga muHosea, mbu
Ndalabalanga mbu abandu banje abo abaralinji abandu banje ta,
khandi mbu omuheelwa, oyo ouraheelungwa ta.
26Ne kalaba mbu habwenaho aha basunjilwa mbu Inywe shimuli abandu banje ta,
niho aha balalangwa mbu abaana baNyasaye oubeetsangaho mwoyo.
27Isaya yesi alanjisia khumakhuwa kalsiraeli, nasunga mbu Obunji bwabaana baIsiraeli kata nibuli shinga omuyeshe munyanza, ne nomusikalo butswa okulihonibwa; 28okhuba Omwami aliusia obukhalachibwe mushialo, nalimalilisia nalikhalaka. 29Khandi, shinga Isaya olwa yaboola khale, mbu
Omwami wamahe alabula okhukhuleshela olwibulo,
khane khwakhakwile shinga Sodomu, khwakhafwananiibwe shinga Gomora.
Isiraeli nende Injiili
30Kho khusunje khurie? Mbu Abamahanga, abaralondachilila obulunjishi ta, boola khubulunjishi, nibwo obulunjishi oburula mubusuubili; 31nebutswa Isiraeli, olwa balondachilila amalako kobulunjishi, shibamala boole khumalako tsana ta. 32Ne mbushiina? Shichila shibabukhaaba khunjila yobusuubili ta, habula shinga khunjila yebikhole. Beesichirala khwichina liobwisichirasii; 33shinga olwa kahandiikwa, mbu
Lole, nisie oukasiye muSayuni lichina eliisichirasia khandi olwanda lwameesiralo;
noyo oumusuubilila shialifwimbwa omurwe ta.
Currently Selected:
Abaroma 9: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
