Luug 2
2
Gubudug gwa Yees
(Maday 1:18-25)
1Mu daaŋ lun, todol Sezal Ogiste#2:1 Oguste: gagal todol gu Lom mu mamvul magumool ye giva gutwaal gubudug gwa Yees Kilisid ande mu mavul guum ebiwaan gungoy gubudug gwa Y.K. galeed nswa mu gudaaŋ baad abooz ba gifud bagal gu nsin luyaal la Loom. 2Gwagal mbal ya teeg baad mu gusonogos mazin mabaa, mu daaŋ Kilinyus gagal guvelnel gu Sili. 3Baad abooz baweneeg mu gugisonogos, goonz muud gu bul bwande bu gisin. 4Yozef se, gadoog gu Nazaled mu maan ma Galiley, gaween gu Beteleyem, mbanz ya mfum Davil mu maan ma Yudeya, mumbad gagal muud wu gigaand gya Davil. 5Gaween mu gusonogos zin ande ndoy ande Maliy. Maliy gagal ande zuum. 6Daaŋ lu bagal gu Beteleyem, giluum gigubud gyaluuŋ. 7Gabud mwaan bagal, mwaan ande wa teeg. Gamulim a tal milel. Gamusi mu giligil, mumbad gihan loo gyagal mu nzo yi banzenz.
Gapuuŋ gamonog gul bangungul
8Mu gizyuŋ gin, gwagal ande bangungul , babidaag gu nseg mu bilaaŋ, mu gugeb bibug bi mameem mabaa. 9Gapuuŋ gamos ga Mfum gabamonogeen, keemb ya Mfum yibazyeed, boom bubagam. 10Gapuuŋ gabalees ndaa : «Loo guwug boom, yakaguludwaleen musam wa piim, wuwaa baad abooz gyees: 11mu piib yi , gu mbaanz a Davil, balubudeen Muhulus. Nde gileen Mfum, Kilisid. 12Dal giliim gilumuyabane agi: buludele mwaan andeen bamuliim atal milel, bamusi mu giligil.»
13Mumbal imos, ndooŋ yi dupuuŋ dwaduug gu Yul, bavugaan ande gapuuŋ gateeg, bagumus Nzaam ndaa:
14«Lugum gul Nzaam mukab lu bihan bya nga lig Yul ,
ibun ngeemb atal a maan gul baad bagazologo#2:14 Mu gubalaman mu bison byambaan, ngeemb atal a maan, gugeb gwa piim la baad.!»
Bangungul baween gu Beteleyem
15Daaŋdupuuŋ dwafudug gu tal, bangungul bawagaan baa ye baa ndaa: «Tweneen gu Beteleyem, mumbad gudal paan yimasalam gun, pil yakaduyabas Mfum.» 16Baween nswaal, badeel Maliy ande Yozef, ibun mwaan wabidi mu giligil. 17Daaŋ lubadeel mwaan, bayabas baad paan yibadeleen gapuuŋ mumbad a mwaan. 18Baad abooz ban bawug paan yade bangungul, bayidig#2:18 Bayidig: mugubalman mu bison byambaan, guyuul ande gyees.. 19Gaanz gul Maliy, gamiswegaag gu mudim ande gumiyindil daaŋ alooz. 20Gungoy, bangungul bafudug. Mu nzil, bawa gagumusaag Nzaam ande gumuyimeen mumbad a maamb amooz ma bawug ande ma badeel; pil yibalees gapuuŋ.
Bawe mwaan zin Yees
21Gungoy biluum ginaan, daaŋ lu gugyeles mwaan mukand laluuŋ, bawe mwaan zin Yees, zin laleed gapuuŋ gutwaal ngwaan gaseen zum#2:21 Dal Lev 12.3; Lug1.31..
Basongos Yees mu nzo Nzaam
22Daaŋ biluum bya baa bigugigenz bya luuŋ, labeen pil yi basonog mu mansig ma Mose#2:22 Dal Lev 12. 3,6., Yozef ande Maliy badwaal Yees mu nzo Nzaam gu Yelusalem mumbad gu musongos gul Mfum, 23mumbad mutind wu basonog mu nsig ya Mfum ndaa: «Mwaan awooz wa bagal wu mabudug wateeg, gagal wa Mfum#2:23 Dal Gud 13.2,12..» 24Ibun mumbad gudambag magab, nga bwalomoog nsig ya Mfum, bafed guleed: «Mayemb mool dolo mahuund mool ma mapomb#2:24 Dal Lev 12.8..»
25Mu daaŋ lun, gu Yelusalem, gwagal ande muud mos, zin lande Simiyoon. Gagal muud wa piim, gazidisaag Nzaam ande guzig muud wahulus Isalel. Muhuuŋ Agelel gagal ande nde 26ibun Muhuuŋ Agelel gamuyabas ndaa loo wafwa dii lwadeel Mesiya, wun wadum Mfum. 27Ibun Muhuuŋ gamudwaal gu nzo Nzaam, mu daaŋ lalun Yozef ande Maliy badwaal mwaan Yees mumbad gulungus maamb man malomaag nsig, 28Simiyoon gaseen mwaan atal myoog myande, gafudul madond gul Nzaam ndaa:
29«Mfum, daaŋ lu wa lungusu lusiil lanze,
boomono gisad gyanze gafi mu ngeemb.
30Pamb lo mebeen yadeel gu miis Muhulus wun wu maduug gul nze,
31Muhulus wun wumayilig mumbad a baad abooz:
32nseem mumbad gungeŋes ban bago gal Bayuda
ibun lagal lugum la Isalel, baad banze#2:32 Gufwanas Yez 42:6; 49:6; 52:10..»
Gubiigil gwa Simiyoon
33Gidaa Yees ande ngwaan bayidig#2:33 bayidig: gubalaman gwambaan bayuul ande gyees. mu maamb mansunaag Simiyoon mumbad ande. 34Simiyoon gabasagaman, galees Maliy, ngwa Yees ndaa: «Yaab piim ndaa mwaan wu, Nzaam gamudum mumbad gubwiis ande gunyaman baad bavul gu Isalel. Gagal giliim gya gadwaal gipag gul baad, 35ibun manuuŋ maswegem mu midim mya baad bavul bu mayabanaan. Ha gul nze, pas yagal nga lungaŋ laka guwiŋin mu mudim.»
36Gwagal se ande munsuun paan wu mukaad mos wu babilaag Ana, mwaan mukaad a Penwel, mu gigaand gi Asel. Gagal waduul mbud. Gaziiŋ mvul nsambwaal ande mulim wugagweel mu gimbeel, 37gungoy gasaal mufiil, ibun loo gasala gweel dii lu galungus mamvul maguum ginaan ande mawaan. Daaŋ alooz loo gadugaag mu nzo Nzaam, gaanz gasalaneeg Nzaam piib ande mooz: mu gudun gulya mumbad gusaam ande mu bisaam. 38Ndese gawiy gag mu daaŋ lalun, gayandag gugumus Nzaam. Gawagal paan ya mwaan gul baad abooz bazigaag ndaa Nzaam gahulus Yelusalem.
Gufudug gu Nazaled
39Gungoy gumanas min amyooz nga bwalomoog nsig ya Mfum, Yozef ande Maliy bafudug ande Yees gu Galiley, gu mbaanz ya baa Nazaled. 40Mwaan gagulaag ande guwiy bwiid; gayuul ande ngaaŋ, mambod ma Nzaam magal atal ande.
Yees mukab la nzo Nzaam
41Goonz mvul, bibud bya Yees baweneeg gu Yelusalem mumbad guda kiinz Pag. 42Daaŋ Yees galungus mvul guumeyool, ba mudwalaag gu kiinz nga bwagal gigalal gya baa#2:42 Dala Gud 12:1-27; Gul 16:1-8.. 43Ibun de ndaa kiinz yawi, bafudugaag, gaanz Yees gasaal gu Yelusalem, ibun bibud byande loo bayabaag ndaa mwaan asaala. 44Bayabaneeg ndaa Yees wawene ande bandug ba baa. Basalaag giluum gyamviimb mu gudambal. Bayandag gwamusag mukab lu bapaaŋ ande bandug ba baa, 45gaanz loo bamudeel. Bafudug gu Yelusalem mu gwamugaam. 46Gungoy biluum bidad, bamudeel mukab la nzo Nzaam, wabwensene akab a kab lu balooŋ ba nsig. Gabawugulaag ande gu bawuful byuuf. 47Baad abooz ban bamuwugaag, bayidig mumbad a nduuŋ yande ande pil yi gafudulaag mamvud. 48Daaŋ bibud byande bamudeel, bayidig ngol. Ngwaan gamulees ndaa: «Mwaan ame, kii masaleen abu? Gidaag ande me dumagal mu kyeen mu gwagusag.» 49Yees gabafuduleen ndaa: «Kii lawakameen? Loo layaab ndaa yafed gusal gisad gya Daad ame#2:49 yafed gugal mu nzo ya Daad ame: gubalaman mu bison byambaan, yafed gusal bisal bya Daad ame.?» 50Gaanz gidaan ande ngwaan loo bayaab miga wagalaag.
51Ibun Yees gafudug ande baa gu Nazaled. Yees galemvegeeg gul bibud byande. Ngwaan gasyaag mu mudim paan ayooz yaligaag. 52Yees gagulaag mu lud ande mu ngaaŋ. Gagal wapiim gutwaal a Nzaam ande gul baad#2:52 Gufwanas 1 Sam 2:26; Big 3:4. .
Currently Selected:
Luug 2: noq
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible
