1 कुरुन्थी 4
4
मसी रेन खभेर इदी अगु वन
1इनाते अपे के नुवां सारी चही चि आले मसी रेन धंगोर हेकेले, अरो परमेसर रआ भेद रआ भन्डारी सोमझाःकाकु। 2अरो भन्डारी के नियां कामि मिलावेकाना, उनकु एते नुवां आसरा दोहो चही चि उनकु अपन मुवार एते सुबिन जिनिस रे भोरोसा लाइख बयुःपे। 3इञ के मीःजंग हों चिंता बनुःआं चि अपे चहे एटाः होर इञ रआ नेयाय इयाकु इञ अपन ते अपन रआ काइञ नेयाय काना। 4इञ अपन रे जहन दोस कइञ नामकाना, मुदा नियां रआ ओरोथ नुंका बङ कानाः चि इञ निरदोस। परभु गी इञ रआ नेयाय कनाय। 5इनाते परभु रआ हिजुः एते पहिल जहय रआ हों ओलोपे नेयाय कुवा, जोब परभु हिजुःआय तोब नेयाय कुवाय। इनिगी लुबाः रे उकु गानाम तहों मसकल रे दिसतारियाय अरो मोन रआ उकु गानाम हों दिसतारियाय। तोब उना घरीक परमेसर सोझ एते सुबिन होर के कामि रआ मोताबिक सहराव कुवाय। 6ए बोयहा-मिसी, नुंका ओल एकाना चि नियम ता पालन एपे नियां ते अपे के सोमझाव कथिर इञ रआ बबेत रे अरो अपुलोस रआ बबेत रे अपे के उदुःवाःपेकिनिञ ताकि अपे मिहोर रआ बबेत रे घमंड करावाते एटाः होर के ओलोपे इनकार कुवा। 7ओकोय ता अपे के अरो एटाः होर के भेद-भाव पेकानाकु? अपे ठिनुः अपन चिलिकाः हेनाःआं? तोब सुबिन्नाः मुफात रे मिलावेकाना उना गानाम हों बिन सोमझाव चिलिमेन घमंड कनापे। 8चिलि अपे सोंचाः कनापे चि जहन्नाः चही उना अपे ठिनुः हेनाःआं अपे धनगार अरो राजा हेकेपे। आले दो बङा? इञ चहाः कनिञ चि अपे सरिगी राजा हेकेपे, ताकि आले हों अपे लोः राजा बाय जोनाले। 9चिलिमेनचि इञ रआ बिचार हेनाःआं चि परमेसर अबु कुलवानकु के होरकु रे सुबिन एते हुडिञ बाय एकाःबुनाय, जे लेका उनकु लड़ाय रे हराव केते गोनोच रआ दंड एम चुकाव एकावाःकुवाय। इनालेका गी अबु हों समुचा दुनिया, सोवारागदूत अरो मनवांकु रआ सामने तमासा बाय एकानाबुन 10आले दो मसी रआ चलते मुर्खाहा हेकेले अपे दो गेयानी हेकेपे, आले दो कोमजोर गियाले अपे दो बोलगार हेनापेया, आले दो बेमाइन होर हेकेले अपे दो माइन होर हेकेपे! 11निमीः तक आले दो रेंगेच-तेतंङ गियाले, अरो मरी वनाः ओड़ेच-मोड़ेच किचरीः होरोः एकानाले। आले रु जोम कनाले, अरो तहीः कथिर हों ओड़ाः बनुःआं। 12#कु.कामि 18:3अरो अपन ती ते मेहनेत कनाले। होर आले के एगेर लेकानाकु अरो आले आसरीबाद एमा कुकानाले। जोब होर आले के सताव लेकानाकु। अरो आले उना सहाव कनाले। 13आले एगेर ओनाव केते हों, बुगिन ते गोहराव कुकानाले। दुनिया रेन होर निमीः हों आले लोः निंका गी तुछ अरो घिरना बेवहार लेकानाकु।
14इञ नुवां गानाम अपे के लजाव कथिर काइञ ओल एकाःआ। मुदा अपन दुलार होपोन मनाव केते नुवां चेतोवन एमापेकानिञ। 15चिलिमेनचि जदि मसी रआ बबेत रे दास हजार सिखाव इकु हेनाकुवा, रेहों गी अपे रिई आत्मिक आपु मिहोर गियाय, इनाते इञ, मसी ईसु रआ बुगिन खभेर अपे के ओनाव केते मसी रे अपे रिई आपु हेकेञ। 16#1 कुरु 11:1; फिलि 3:17इनाते अपे के इञ गोहराव पेकानिञ चि मसी रे इञ चिलका सेसेन कनिञ इनका गी अपे हों सेसेनपे। 17इञ इनाते तिमुथियुस के अपे ठिनुः कुल एकाःदिञ उनी परभु रे इञ रिई दुलारा बिसवास लाइख होपोन हेरेल हेकेय। ईसु मसी रे इञ रआ चइल-चलन ता अपे के ओयहर वपेयाय जेलेका इञ ता सुबिन ठिनुः, अरो सुबिन कलीसिया के सिखाव वेकाःकुञ। 18नुंका सोंचाव केते अपे रे ते आधा होर घमंडी बाय एकानाकु चि अरो इञ अपे ठिनुः अरो काइञ हिजुःआ। 19जदि परभु रआ हिछा होयुः रेदो, इञ अपे ठिनुः एनेन गी हिजुःइञ। अरो उनकु रआ गानाम ते बङा, अरो इञ उनकु घमंडिकु रआ गानाम ता बङा मुदा नुवां हों नेलिञ चि उनकु रआ सोमोर्थ चिलिकाः हेके। 20चिलिमेनचि परमेसर रआ राइज गानाम रे बङा, मुदा सोमोर्थ रे हेनाःआं। 21अपे चिलिकाः सलायापे? चिलि इञ अपे ठिनुः सोटा साप केते हिजुःइञ चहे दुलार अरो नमर मोन एते।
Currently Selected:
1 कुरुन्थी 4: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0