जोहन 12

ईसु रआ बाका रे सो सुनूम ओजोः

(मती 26:6–13; मरकुस 14:3–9)

1पसका पोरोब रआ छो रोज पहिल ईसु बयतनियाह हातु रे हेच्‍चेनाय ओन्डो लाजर तहिकेनय, जेके ईसु ता गोच वनीः रे एते जुवेत लेदेयाय। 2होरकु ता ओन्डो ईसु कथिर मियाः भोज खियाव कथिर तेयार एताकु, मरथा सेवा कुकनकेनाय अरो ईसु लोः जोजोम वनकु रे एते लाजर हों तहिकेनय, 3#लूका 7:37,38मरियम ता तीन साव पचिस गरम असली जटामांसी एते बाय वनाः बेचोट किमती वनाः सो सुनूम अगु केते ईसु रआ बका रे ओजोः एताय अरो उप एते ईसु रआ बका जोत एताय। अरो सोः सुनूम एते ओड़ाः महमहाव पेड़ेच एना। 4उना रे ईसु रिई मिहोर चेला जहुदा इसकोरोती, जे ईसु के सासप इरी वनीः तहिकेनाय, उनी ता गाम्‍मेताय, 5“नुवां सोः सुनूम ता तीन साव चांदी रआ टका#12:5 चांदी रआ टका मियाः चांदी टका, मीः हिलोः रआ हाजरी रआ बराबोइर हेनाःआं। एते अखरीञ केते गोनोंङ तेः का बरबायाद केते रेंगेच-रबंङकु के एएम बुगिन तहिकेना।” 6उनी ता इनाते काय गाम लाःआय चि उनी के रेंगेच-रबंङकु रआ चिंता तहिकेना, मुदा इनाते चि उनी कुमरु तहिकेनाय। उनी खजांचि तहीः केनाय अरो उना रे दोहोय केनाकु, उना आधा आच कथिर उकु जोन केनाय। 7ईसु ता मेताःदेयाय, “नोय के बागी कयपे। इञ के तोपाञाकु रआ तेयारी रआ हिलोः कथिर दोहो इरीवायपे। 8#नियम 15:11रेंगेच-रबंङकु दो बराबोइर अपे लोः तहीः कनाकु, मुदा इञ दो अपे लोः सोबदिन काइञ तहिना।”

लाजर के गोगोच रआ उपाय

9बेचोट एते जहुदिकु के पाता होय्येना चि ईसु ओन्डोःआय, उनकु ईसु रआ चलते बङा, मुदा उनी लाजर केहों नेनेल हेच केनाकु, जेके ईसु ता गोच वनीः रे एते जुवेत लेदेयाय। 10इनाते मुध जाजककु ता लाजर के केहों गोगोच रआ उपाय एताकु, 11चिलिमेनचि इनी रआ चलते बेचोट एते जहुदिकु उनकु एते जुदाः केनाकु अरो ईसु रे बिसवास कराव हेलावेनाकु।

जरुसलेम रे ईसु रआ बोलोः

(मती 21:1–11; मरकुस 11:1–11; लूका 19:28–40)

12हिजुः हिलोः पोरोब कथिर हेच वन बेचोट भीड़ के पाता होय्येना चि ईसु जरुसलेम हिजुः कनाय। 13#सिरिञ 118:25,26इनाते उनकु खिजुर रआ डइर#12:13 खिजुर रआ डइर खिजुर रआ डइर जरुसलेम रे जहुदिकु कथिर बिजय अरो जित रआ चिनहा हेके, लेयकेते उनी के सोवागत कथिर हेच्‍चेनाकु अरो नुवां नारा लगाव एताकु होसान्‍ना! धेनयाआय, उनी राजा जे परभु रआ लुतूम एते हिजुः कनाय। इसराइल रिई राजा। 14जोब ईसु ता गधी रिई गधा होपोन नमेःदेयाय अरो उनी रे खोदोः एनाय जे लेका धरम पोथी रे ओल एकाना

15 # जक 9:9 “ए सियोन रेन होपोन एरा

ओलोपे बोरोया,

नेलेयपे, अपे रिई राजा गधा होपोन रे देच केते हिजुः कनाय।”

16ईसु रेन चेला नुवां गानाम पहिल काकु सोमझावकेना, मुदा ईसु ता जुवेत बिरीत केते सोवाराग तोराया, तोब उनकु के ओयहर हेच्‍चेना चि नुवां उनी रआ बबेत रे ओल केना अरो होरकु ता उनी लोः इनका गी कराव एताकु। 17जोब ईसु ता लाजर के मरघाटी एते टांड़ी होहो केते गोच वनकु रे एते जुवेत लेदेयय, उना घरीक जे होर उनी लोः तहिकेनाकु, उनकु उना घटना रआ गोवाही एएम चित तहिएनाकु, 18इनाते बेचोट एते होर ईसु के सोवागत कराव कथिर हेच केनाकु, उनकु ता ओनाव लाःआकु चि ईसु ता नुवां चिनहा-चकरीत कामि देखाव लाःआय। 19नुवां सुबिन नेल केते फरीसिकु ता मिहोर एटाः होर के गामवादेयाकु, अपे रआ दो मियाः हों चलती बनुःआं। नेलपे, सुबिन दुनिया रेन होर उनी रआ तयोम सेसेन कनाकु।

जूनानिकु ईसु के दंड़ाय कनाकु

20जे होर पोरोब रआ मोका रे आराधना कथिर हेच केनाकु, उनकु रे आधा जूनानी तहिकेनाकु, 21उनकु ता फिलिपुस ठिनुः हेच केनाकु, अरो गोहराव एदेयाकु, “हुजूर! आले ईसु एते भेपेट ओः चहाः कनाले।” फिलिप्पुस गलील पोरदेस रआ बइतसयदा हातु रिई बोसिंदा तहिकेनाय। 22उनी ता सेन केते अन्धरियास के नुवां उदुःवादेयाय, अरो अन्धरियास अरो फिलिपुस ता सेन केते, ईसु के नुवां रआ खभेर एमाःदेयाकिन 23ईसु ता उनकिन के मेताःकिनाय, “उना समेय हेच्‍चेना, जोब मनवा रिई होपोन हेरेल के मरंग महिमा होयुःआ। 24इञ, अपे के सच गाम वपेकानिञ, जोब तक गोहोम रआ मियाः दाना ओते रे उयुः केते का गोजुःकाना, तोब तक एकला गी तहीः काना, मुदा उना गोच कोःकाना दो बेचोट फोल एमुः कनाय। 25#मती 10:39; 16:25; मर 8:35; लूका 9:24; 17:33जे अपन जीव एते दुलार कनाय, उनी, उना नठाव वियाय अरो जे नुवां दुनिया रे अपन जीव एते बाइर कनाय, उनी, उना का मुडूः जीवन कथिर जोतोन एते दोहोय कनाय। 26जदि इञ के जहय सुसार कथिर वोःकन रेदोकु, उनकु, इञ रआ अनुसरन एकाकु। जे ठिनुः इञ हेनाञा, एंडेगी इञ रेन धंगोर हों तहिनाकु। जे इञ के सुसार इञाय, इञ रिई आपुञ उनी के माइन इयाय।

कुरुस रे गोजुः रआ इसारा

27“निमीः, इञ रआ जीव बेयाकुल वोःकाना, इञ चिलिकाः गामदाड़िवाःइञ, ‘आबा! नियां घरीक रआ संकट एते इञ के बनचाव वेञमी?’ मुदा इञ नियां घरीक कथिर गिचो हेच एकानिञ। 28आबा! अपन लुतूम रआ महिमा एमुःमी।” इमिन रिगी सोवाराग एते राव ओनावेना, “इञ उना रे महिमा एम एकाःइञ अरो इञ उना रे महिमायिञ।” 29नुवां राव ओनाव केते गाम्‍मेताकु, “रिम्बील हदुरेताय।” आधा होर ता गाम्‍मेताकु, “मिहोर सोवारागदूत ता ईसु के जहन्‍नाः गामवादेयाय।” 30ईसु ता जबाब एमाःकुवाय, “नुवां राव इञ कथिर बङ कानाः, बलकी अपे के देंगा कथिर हेच एकाना। 31नेबरीक नुवां दुनिया रआ नेयाय वोः काना। नेबरीक नुवां दुनिया रेन होर रे सासन कराव वनीः सयतान के परमेसर उडुङ इयाय। 32अरो इञ के जोब ओते एते चेतान रे रकापिञाकु रेदो सुबिन के अपन सोझ ओर कुञ।” 33नुंका गाम केते ईसु ता नुवां उदुःएताय चि उनी रआ गोनोच करा लेका एते होयुःआ।

34 # सिरिञ 110:4; जसा 9:7; हेज 37:25; दानि 7:14 होर ता ईसु के जबाब एमाःदेयाकु, “नियम आले के नुवां सिख एमा लेकानाय चि मसी सोबदिन तहिनोःओय। अरो आम नुवां चिलिकाः गाम कनाम चि मनवा रिई होपोन हेरेल के निचित गी चेतान उठाव हेनाःआं? उनी मनवा रिई होपोन हेरेल ओकोय हेकेय?” 35इना रे ईसु ता उनकु के मेताःकुवय, “जोब तक अपे ठिनुः मसकल हेनाःआं, लहा सेसेन चित तहीःपे। कहीं नुंका ओलो होयुःका चि लुबाः अपे के घेराव पेयय, जे लुबाः रे सेन कनाय उनी काय सारीइकाना चि उनी कारे सिनुः कनाय, 36जोब तक अपे ठिनुः मसकल हेनाःआं मसकल रे बिसवास एपे, जेकर एते अपे मसकल रिई होपोन बायुःपे।”

जहुदिकु रआ अबिसवास

ईसु नुंका गाम केते दहांग एनाय। 37अरो ईसु ता उनकु सामने इमिनुः चिनहा-चकरीत कामि देखाव एकाःआय, रेहों उनकु ता उना रे काकु बिसवास लाःआ। 38#जसा 53:1नुवां जरुरेत तहिकेना चि जसायाह परमेसर सोझ एते नधनी वनीः रआ बचन पुराव वोःका,

परभु! ओकोय ता आले रआ खभेर रे बिसवास एकाःआकु?

ओकोय रे परभु रआ सोमोर्थ दिसतार एकाःआय?

39उनकु काकु बिसवास दड़िवाता चिलिमेनचि जसायाह रआ अरो मियाः एटाः बचन नुवां लेकाःआ,

40 # जसा 6:10 उनी उनकु रआ मेत अंधरा कताय

अरो उनकु रआ मोन केटेच कताय।

कहीं नुंका ओलो होयुःका चि उनकु मेत एते नेल्‍लाकु

अरो मोन एते सोमझाव कोःओकु

अरो रुवाड़ हिजुःआकु

अरो इञ उनकु के बुगी कुविञ।

41जसायाह ता नुवां इनाते गाम्‍मेताय चि उनी ता, उनी रआ महिमा नेल लाःआय। उनी ता, उनी रआ बबेत रे परमेसर सोझ एते गापाम एनाय। 42रेहोंगी नेताकु रे एते बेचोट ईसु रे बिसवास एताकु। मुदा उनकु फरीसिकु रआ बोरोय एते ईसु के दिसतार रुप एते काकु मनाव वेय केना नुंका ओलो होयुःका चि बिनती ओड़ाः एते उडुङ कुवाकु, 43चिलिमेनचि मनवांकु रआ मइन, उनकु के परमेसर रआ मइन एते ढेर बेढ़ियां अटकारेना।

ईसु रआ बचन एते दुनिया रआ नेयाय

44ईसु ता जोड़ राव एते गामवाःकुवय, “जे इञ रे बिसवास कनाकु, उनकु इञ रे बङा, मुदा जे इञ के कुल एकाःदेञाय, उनी रे बिसवास कनाकु। 45अरो जे इञ के नेलेञ कनाय, उनी, उनी के नेलेय कनाय, जे इञ के कुल एकाःदेञाय। 46इञ मसकल बाय केते दुनिया रे हेच एकानिञ, जेकर एते, जे इञ रे बिसवास कनाय, उनी लुबाः रे काय तहीःआय। 47जदि जहय इञ रआ गानाम ओनाव केते उना रे काय सेन्‍नाय रेदो इञ उनी के दोसी काइञ ठहराव वेयकाना, चिलिमेनचि इञ दुनिया के नेयाय कराव कथिर बङा, मुदा इञ दुनिया रेन होर के उद्धार एएम कथिर हेच एकानिञ। 48जे इञ के इनकारेञ कनाय अरो इञ रआ सिख काय मनाः कनाय, उनकु के दोसी ठहराव वनीः दो मिहोर हेनाया, मुदा जे बचन इञ ता गाम्‍मीतिञ, इनागी मुडूः हिलोः उनी के दोसी ठहराव करावियाय। 49इञ अपन सोझ एते जहन्‍नाः काइञ गाम एकाःआ। आपुञ ता जे इञ के कुल एकाःदेञाय, इञ के हुकूम एम एकावादेञाय चि इञ के चिलिकाः गानाम अरो चिलिकाः नधनी हेनाःआं। 50इञ सारीइ कनिञ चि उनी रआ हुकूम का मुडूः जीवन हेके। इनाते इञ जहन्‍नाः गाम कनिञ, उना इनका गी गाम कनिञ जे लेका आपुञ इञ के गाम एकावादेञाय।”

Currently Selected:

जोहन 12: BIY

Highlight

Copy

Compare