लूका 15
15
आत इकु भेड़ी रआ कहनी
(मती 18:12–14)
1 #
लूका 5:29,30 सुबिन मालगुजारी अगुइकु अरो पापी ईसु ठिनुः हिजुः केनाकु, उनी रआ गानाम अयुमियाकु। 2फरीसी अरो धरम पोथी सिखाविकु कुड़कुड़ाव केते गापाम हेलावेनाकु, “नोय दो पापिकु एते मेसा कोःकाय, अरो उनकु लोः जोम नुंय कनाय।” 3तोब ईसु ता उनकु के नुवां कहनी गामवाःकुवाय,
4“अपे रे एते ओकोय हेकेय, जेकर साव भेड़ी हेनाकुवा, अरो उनकु रे एते मियाः आत ओःओय, दो निनानाबे के टोंडाङ रिगी बागी केते उनी आत इनीः के जोब तक काय नामुःकाय दंड़ायाय? 5अरो जोब नाम कोःकाय, तोब उनी बेचोट आनाद एते उनी के खंधी रे रिम केयकाय। 6अरो ओड़ाः रे हेचकेते गातिकु अरो हेनात जपाःकु के जमा केते गामवाकु कनाय, ‘इञ लोः आनाद एपे चिलिमेनचि इञ रिई आत इनीः भेड़ी के नमेः दिञ।’ 7इञ अपे एते गामवापे कनिञ चि इना लेका एते मिहोर मोन रुवाड़ वनीः पापी रआ बबेत रे हों सोवाराग रे इमिनुः गी आनाद होयुःका, जेतना चि निनानाबे नुंकान धरमिकु रआ बबेत का होयुःका जे के मोन रुवाड़ रआ दरकार बनुःआं।
आत अनाः चांदी टका रआ कहनी
8“बङ रेदो ओकोय नुंकान एरा हेकेय जेकर ठिनुः दोस गो चांदी टका हेनाःआं, अरो उना रे एते मियाः आत ओःओ, दो उनी डिबरी धराव केते अरो ओड़ाः जोः झटाव केते जोब तक का नमुः जीव लगाव केते काय दंड़ायाय? 9अरो जोब नाम कोःकाना, दो उनी आचरेन गातिकु के अरो हेनात-जपाः रेनकु के होहो केते गामवाःकुवाय इञ लोः आनाद एपे, चिलिमेनचि इञ रआ आत अनाः चांदी टका नाम्मेना। 10इञ अपे एते गामवापे कनिञ चि इना लेका एते मिहोर मोन रुवाड़ वनीः पापी रआ बबेत रे परमेसर रेन सोवारागदूतकु लोः आनाद होयुःका।”
आत वनीः होपोन हेरेल रआ कहनी
11अरो ईसु गामवाःकुवाय, “जहय मनवां रेन बार होर होपोन हेरेल तहिकेनाकिन। 12उनकिन रे एते हुडिञ इनीः ता आपु एते गामवादेयाय, ‘ए आबा सम्पति रे एते जे इञ रआ होयुःका उना इञ के एमाञमी।’ उनी ता उनकिन के अपन सम्पति हटिञ वाःकिनाय। 13बेचोट हिलोः का बिताव केना, चि हुडिञ होपोन सुबिन्नाः जमा केते संगिञ दिसुम एते तोराया, अरो ओन्डो पपाहा कामि रे आच रआ टका पोयसा उड़ावेताय। 14जोब उना सुबिन्नाः खरचा चबाएताय, दो उना दिसुम रे मरंग अकाल पोड़ाव ना, अरो उनी बेहाल एनाय। 15इनाते उनी, उना दिसुम रेन बोसिंदा रे एते मिहोर ठिनुः तोराया। उनी ता उनी के सुकरी के गोरखी कथिर कुलेःदेयाय। 16अरो उनी चहाः केनाय, चि अनाज एते जे सुकरी जोम एकेनाकु आच रआ लहिच-पेड़ेचियाय, मुदा उनी के जहय जहन्नाः काकु एमाय केना। 17जोब उनी रे होस हेच्चेना, अरो उनी सोंचाः तहिएनाय, ‘इञ रिई आपु रआ ओड़ाः रे जोजोम वनाः एते ढेर बेनहियार के मंडी नमुः काना, अरो इञ नोन्डो रेगेंच एते गोजुः कनिञ। 18इञ निमीः बिरीत केते अपन आपु ठिनुः सिनुःइञ, अरो उनी एते गाम्मीञ चि, “आबा इञ दो सोवाराग रआ खोनोस रे अरो आम रआ खोनोस रे पाप एकाःइञ। 19निमीः नुवां लाइख बनुःइञा चि आम रिई होपोन गामुःइञ, इञ के आम ता मिहोर बेनहियार रआ लेका दोहोञमी।”’ 20तोब उनी बिरीत केते आच रिई आपु ठिनुः चयल्लेताय, उनी निमीः संगिञ रिगि तहिकेनाय चि उनी रिई आपु तेः ता उनी के नेल केते सोग वदेयाय, अरो नीर अगु केते उनी एते हपाम्बुत एनाकिन, अरो जोहा रे बेचोट चुमाएदेयाय। 21होपोन हेरेल ता उनी एते गामवादेयाय, ‘आबा इञ दो सोवाराग रआ खोनोस रे, अरो आम रआ खोनोस रे पाप एकाःइञ, अरो नुवां लाइख काइञ तहिना चि आम रिई होपोन हेरेल गामुःइञ।’ 22मुदा आपु तेः ता आचरेन बन्धुवा एते गामवाःकुवाय, ‘हारदेन बुगिन एते बुगिन जिलिंग किचरीः उडुङ केते उनी के होरोःएयपे, अरो उनी रआ ती रे अंगठी, अरो बका रे खरपा होरोःएयपे, 23अरो मोटाव वनीः बछा अगु केते गेत एयपे ताकि अबु जोमेयाबुन, अरो आनाद मनाव इयाबुन। 24चिलिमेनचि इञ रिई नोय होपोन हेरेल गोच केनाय, अरो जुवेत एनाय, आत केनाय निमीः नाम एनाय।’ अरो उनकु आनाद कराव हेलावेनाकु।
25“मुदा उनी रिई मरंग होपोन हेरेल खेत रे तहिकेनाय। जोब उनी हिजुःवाते ओड़ाः रआ हेनात तेबाः एनाय, दो उनी ता गाजा-बाजा सिरिञ एनेच रआ राव अयुम एताय। 26इनाते उनी ता मिहोर धंगोर के होहो केते कुलिएदेयाय, ‘नुवां चिलिकाः होयुः काना?’ 27उनी ता उनी एते गामवादेयाय, ‘आम रिई बोयहा ओड़ाः हेच एकानाय, अरो आम रिई आपुम ता मोटाव वनीः बछा के गेत इरी वेकाःकुवाय, इनाते चि उनी के बुगिन-बुगिन नमेः एदेयाय।’ 28नुवां अयुम केते उनी खिंस एते पेड़ेच एनाय, अरो भीतरी काय सिनुः कथिर एनाय, मुदा उनी रिई आपु तेः टांड़ी हेच केते उनी के गोहराव हेलावेनाय। 29उनी ता आपु तेः के जबाब एमाःदेयाय, ‘नेल इमिन बरीस एते आम रआ गुलाम लेका सेवा-सुसार मिकानिञ, अरो केहयो हों आम रआ हुकूम काइञ टलाव, रेहों आम ता इञ के केहयो मियाः मेरोम होपोन हों कम गोच, चि इञ रेन गाति लोः आनाद मनाविञ। 30मुदा जोब आम रिई नोय होपोन हेरेल जेता आम रआ सम्पति बेलाजकामि रे खरचा चबातय, हेच्चेनाय दो उनी कथिर आम ता मोटाव वनीः बछा गेत इरी वेःकुवाम।’ 31आपु तेः उनी के गामवादेयाय, ‘होपोन आम सुबिन हिलोः इञ लोः आम, अरो जहन्नाः इञ रआ हेके उना सुबिन आम रआ गी हेके। 32मुदा निमीः आनाद कराव, अरो खुस होयुः चही चिलिमेनचि नोय आम रिई बोयहाम गोच केनाय, अरो जुवेत एनाय, आत केनाय निमीः नाम एनाय।’”
Currently Selected:
लूका 15: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
