मरकुस 2
2
लकवा रोगी रआ बुगिन्नोः
(मती 9:1–8; लूका 5:17–26)
1चिमिन हिलोः रआ तयोम ईसु अरो कफरनहूम रे हेच्चेनाय, आर अयुमना चि उनी ओड़ाः रे मेनायां। 2इमिन रे इमिनुः होर जमा एनाकु चि दुवेर रआ हेनात रेहों ठांव का तहिकेना, अरो उनी उनकु के परमेसर रआ बचन उदुःवाकुकेनाय। 3अरो मियाः लकवा रोगी केकु चाइर होर परकोम रे रिमकेते उनी ठिनुः अगुवेदेयाकु। 4मुदा भीड़ रआ चलते उनी ठिनुः काकु अगु दड़िवादेया। ईसु जे ओड़ाः छनमिन लातार रे तहिकेनाय छनमिन ता उतुर एताकु। जे परकोम रे लकवा रोगी तहिकेनाय तोलकेते अरगु वदेयाकु। 5ईसु उनकु रआ बिसवास नेल केते लकवा रोगी के गामवादेयाय, “ए होपोन हेरेल आम रआ पाप छमाना।” 6ओन्डो चिमिनोः धरम पोथी सिखाविकु दुरुप केनाकु। उनकु अपन-अपन मोन रे सोंचाः लगावेनाकु, 7“नोय चिलिमेन नुंका गाम्मेताय? नोय दो परमेसर के निन्दा वेदेयाय! परमेसर के बागी केते अरो ओकोय पाप माफ दड़िवाःआय!” 8ईसु ता एनेन गी रावा रे सारीएताय चि उनकु अपन-अपन मोन रे नुवां लेका बिचार कनाकु, उनकु एते गामवाःकुवाय, “अपे अपन-अपन मोन रे नुवां सोंच चिलिमेन अगुइ कनापे? 9सेबा चिलिकाः हेनाःआं, लकवा दुखी के नुवां गाम चि ‘आम रआ पाप माफिना’, नुंका गाम कनिञ चि ‘बिरीत तिंगुः परकोम रिमकेते सेन जोनमी?’ 10मुदा अपे सारी केपे चि मनवा रिई होपोन तेः हेरेल केहों ओते रे पाप छमा रआ हक हेनाःआं” ईसु उनी लकवा रोगी एते गामवादेयाय, 11“इञ आम के गाम वामकानिञ हें, तिंगुःमी अपन परकोम रिमकेते अपन ओड़ाः सेन जोनमी।” 12उनी बिरिततेनाय अरो एनेन गी परकोम रिमकेते सुबिन होर रआ ताला एते नेनेल-नेनेल एते तोराया। इना रे सुबिन चकरीत एनाकु अरो परमेसर रआ बड़ाय कराव हेलावेनाकु, “आले दो नुंका केहयो काले नेल लाःआ।”
टका तासील अगु वनीः रआ होहो
(मती 9:9–13; लूका 5:27–32)
13अरो ईसु उडुङ केते गलील समुदर रआ अतोम तोराया, सुबिन होर उनी ठिनुः हेनात एनाकु ईसु उनकु के सिखाव हेलावेनाय। 14मालगुजारी कोकोयवनीः अरो एएमवानीः। सेसेन रिगी उनी हलफइ रिई होपोन लेवी के मालगुजारी ओड़ाः परकोम रे दुरुप नेलेःदेयाय, उनी एते गामवादेयाय, “इञ रआ तयोम हिजुःमी।” नियां रे मती बिरीत एनाय अरो ईसु रआ तयोम सेसेन हेलावेनाय।
15ईसु मीः सिंगी अपन चेला लोः, लेवी रआ ओड़ाः रे जोजोम कथिर दुरुप केनाय, दो सुबिन एते मालगुजारी अगु वनकु अरो पापी, ईसु अरो उनी रेन चेला लोः संघे जोजोम दुरुपेनाय। चिलिमेनचि सुबिन मालगुजारी अगु वनकु अरो गुनाहगारी होर ईसु रेन चेला बायकेनाकु, उनी रआ तयोम केनाकु। 16धरम पोथी सिखाविकु जे फरीसिकु#2:16 फरीसिकु जहुदी धरम रिई मुध एगवाकु जे मूसा रआ नियम ता बेचोट बुगिन पालन एकेनाकु। रे एते तहिकेनाकु नेल केते ईसु रेन चेला के गामवाःकुवाकु, “मालगुजारी अगु वनकु अरो पापिकु रआ गाति रे चिलिमेन जोम-नुय कनाय।” 17ईसु अयुम केते उनकु के मेताःकुवाय, “बुगिन एकु कथिर सारीदारीकु रआ दरकार बनुःआं, मुदा हासु-रुवा एकुके मेनाःआं, बुगिन एकुके कथिर बङा, इञ धरमी होर के बङा मुदा पापिकु के होहो हेच्चेकानिञ।”
उपास रआ ईसु एते कुलिएदेयाकु
(मती 9:14–17; लूका 5:33–39)
18जोहन रेन चेला अरो फरीसी उपास दोहोय केनाकु। इनकुगी हेचकेते ईसु एते नुवां कुलिएदेयाकु, “जोहन रेन चेला अरो फरीसी रेन चेला उपास दोहोय कनाकु, मुदा आमरेन चेला उपास काकु दोहोय काना?” 19ईसु उनकु के गामवाःकुवाय “चिलि अपे आसराय कनापे चि बपलाः रे बारातिकु उपास केते सिनुःआकु? बङा, जोब तक बोरबाबु तहीःकाय, उनकु काकु नुंकाया। 20मुदा उना हिलोः तेबाःआ जोब बोरबाबु उनकु एते ओचोःआय, तोब उनकु उपास दोहोयाकु।
21“नवां किचरीः रआ टिपोन मरी किचरीः रे जहय काकु टिपोन काना; बङ रेदो उना टिपोन किचरीः सुकराव कोःओ, मरी किचरीः ओड़ेच ओ:वो अरो मरंग भुगूःआ। 22नवां अंगुर रास दो मरी हारता रआ भुतकी रे जहय काकु दोहोय काना। बङ रेदो अंगुर रास हारता रआ भुतकी पाड़ाः इयाय अरो अंगुर रास आर हारता रआ भुतकी बनारगी नास वोःओ। मुदा नवां अंगुर रास नवां हारता रआ भुतकी रे पेड़ेच कनाकु।”
जिराः रआ हिलोः रिई परभु
(मती 12:1–8; लूका 6:1–5)
23 #
नियम 23:25
अरो नुंकाना चि ईसु जिराः हिलोः#2:23 जिराः हिलोः जहुदिकु हापता रआ सातवां हिलोः जिराः केनाकु। खेत होरा एते सिनुः केनाकु अरो उनी रेन चेला सेसेन-सेसेन एते गोहोंम रआ गेले टोकेच हेलावेनाकु। 24इनाते फरीसिकु ता उनी के मेताःदेयाकु, “नेलमी, नोकु जिराः हिलोः उना चिलिमेन कामिइ कनाकु, जे आले रआ नियम रे उचित बनुःआं!” 25उनी उनकु के मेताःकुवाय, “चिलि अपे नुवां केहयो कपे पोड़हावेकाना, मुदा दाऊद के दरकार होयना आर उनी अरो उनी रेन गाति रेंगेच केनाकु दो उनी चिलि लाःआय? 26#लेवी 24:9#1 समु 21:1–6 दाऊद दो अबियातार मुध जाजक#2:26 मुध जाजक जे परमेसर कथिर दान एम लाःआकु उना तेबाः हटु एताकु। रआ बेरा रे, परमेसर रआ ओड़ाः रे सेन केते दान रकाप अनाः पिठा अगुवेताय। जे के जाजककु#2:26 जाजककु भेंट रकाप वनीः के बागी केते अरो जहय केहों जोजोम रआ उचित का तहिकेना, दाऊद आचरेन गाति केहों एमाःकुवाय।” 27मुदा ईसु उनकु एते गामवाःकुवाय, “जिराः हिलोः होर के भलाय कथिर बायकाना, होर जिराः हिलोः कथिर बङ हेके। 28इना रे मनवा रिई होपोन तेः हेरेल जिराः हिलोः रिई हों परभु हेकेय।”
Currently Selected:
मरकुस 2: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
