मरकुस 8
8
चाइर हजार होर के खियाव
(मती 15:32–39)
1उना हिलोः जोब अरो एते मरंग भीड़ जमा एनाकु अरो उनकु ठिनुः जहन्नाः जोजोम कथिर का तहिकेना। ईसु आचरेन चेला के हेनात होहो केते उनकु के गामवाःकुवाय, 2“इञ के नोकु भीड़ रे सोग हिजुःका चिलिमेनचि नोकु पेय हिलोः एते इञ लोः हेनाकुवा अरो नोकु ठिनुः जोजोम कथिर जहन्नाः हों बनुःआं। 3जदि इञ उनकु के रेगेंच ते ओड़ाः कुलकुविञ, दो होरा रे थकाव केते लेड़ेपेटेनोःओकु, चिलिमेनचि नोकु रे ते ओकोय-ओकोय संगिञ एते हेच्चेकानाकु।”
4उनी रेन चेला जबाब एमाःदेयाकु, “नोन्डो सनसुन ठांव रे इमिनुः पिठा जहय गी कारे एते अगुयाकु चि नोकु बीयुः अकु?”
5ईसु उनकु एते कुलिवेःकुवाय, “अपे ठिनुः चिमिनोः पिठा मेनाःआं?” उनकु गाम्मेताकु, “सात गो।”
6तोब ईसु होर के ओते रे दुरुप कथिर हुकूम एमाःकुवाय। ईसु सात गो पिठा साप्पेताय अरो धेनयाबाद केते खेचाःएताय आर आचरेन चेला के एमाःकुवाय चि उनकु रआ लाहारे दोहोयाकु। चेला ता उनकु भीड़ के हटिञ वाःकुवाकु। 7उनकु ठिनुः हुडिञ हाकु हों तहिकेनाकु, ईसु धेनयाबाद केते हाकु के होर रआ लहा रे दोहो रआ हुकूम एमाःकुवाय। 8उनकु जोम केते बी एनाकु अरो चेला बनचाव खेचाः जवरा एताकु दो सात खन्ची होय्येना। 9होर चाइर हजार गन तहिकेनाकु। ईसु उनकु के बिदा वेःकुवाय। 10उनी एनेन गी आचरेन चेला लोः डोंगा रे देच केते दलमनुता पोरदेस रे तोराया।
फरीसिकु सिरमा रआ चिनहा कोकोय
(मती 16:1–4)
11 #
मती 12:38; लूका 11:16 अरो फरीसिकु हेचकेते ईसु एते रेनाटेटा गापाम हेलावेनाकु, उनी के परीछा कथिर उनी एते सोवाराग रआ जहन चिनहा कोवेःदेयाकु। 12#मती 12:39; लूका 11:29 ईसु आच रआ रावा रे दुख मोन केते गाम्मेताय, “नुवां समेय रेन होर के सच गामवापे कनिञ चि नुवां समेय रेन होर के जहन चिनहा काइञ एमापेया!”
13अरो उनकु के बागी केते डोंगा रे देच केते आना परोम तोराया।
फरीसी अरो हेरोदेस रआ कठिक सिखाव एते बनचाः
(मती 16:5–12)
14चेला पिठा इदी रिड़िञ लाःआकु अरो डोंगा रे उनकु ठिनुः मियाः पिठा तहिकेना। 15#लूका 12:1 उनी उनकु के चेताव वेःकुवाय, “नेलपे!” फरीसिकु “अरो हेरोदेस रआ पिठा मोमो वनाः जिनिस एते चेम्पोर तहीःपे।”
16उनकु अकु-अकु बिचार केते गापाम हेलावेनाकु, “अबुन ठिनुः पिठा बनुःआं, इनाते नोंय नुंका गाम कनाय।”
17नुवां सारी केते ईसु उनकु एते गामवाःकुवाय, “अपे चिलिमेन अपे-अपे रे बिचार कनापे चि आले ठिनुः पिठा बनुःआं? चिलिकाः निमीः तक कपे सारी एकाःआ अरो कपे सोमझाः काना? चिलि अपे रआ मोन केटेच एकाना? 18#जिरमि 5:21; हेज 12:2; मर 4:12 चिली मेत तहीः रेहोंगी कपे नेलकाना, अरो लुतूर मेनाःआं रेहोंगी कपे ओनाव? अरो चिलि अपे के ओयहर तपे बनुःआं, 19चि इञ जोब पांच हजार होर कथिर पांच गो पिठा खेचाः लाःइञ दो अपे गी चिमिन खन्ची पेड़ेच जवरा लाःआपे?” उनकु गी उनी एते गामवादेयाकु “बारो खन्ची।”
20“अरो चाइर हजार होर कथिर सात गो पिठा तहिकेना दो अपे पिठा खेचाः चिमिनोः खन्ची रे पेड़ेच जवरा लाःआपे?” उनकु उनी के गामवादेयाकु, “सात खन्ची।”
21ईसु उनकु के गामवाःकुवाय, “चिलि अपे निमीः तक कपे सोमझाः काना?”
बइतसयदा रे मियाः अंधरा बुगिन्नाय
22उनकु बइतसयदा रे हेच्चेनाकु; अरो होर मियाः अंधरा के ईसु ठिनुः अगुदेयाकु अरो उनी एते गोहराव एदेयाकु चि ईसु उनी के जोटेतियाय। 23उनी अंधरा रआ ती साप केते उनी के हातु एते टांड़ी इदी एदेयाय अरो उनी रआ मेत रे बेच केते मेत रे ती एते जोटेत एदेयाय, अरो उनी एते कुलिदेयाय, “चिली आम जहन्नाः नेलकानाम?”
24उनी अनते-नोनतो नेल केते गाम्मेताय, “इञ होर के नेल कुकानिञ; उनकु इञ के नेलुः कनाकु जेलेका दाड़ु सेसेनका।”
25तोब ईसु अरो उनी रआ मेत जोटेततेताय, अरो अंधरा बुगिन एते नेल्लेताय। उनी बुगिन्नाय, अरो सुबिन्नाः साफा-साफा नेनेल हेलावेनाय। 26उनी, उनी के “हातु रे ओलोम रुवाड़ा” गामकेते ओड़ाः कुलेःदेयाय।
पतरस ईसु के मसी गरहन एदेयाय
(मती 16:13–20; लूका 9:18–21)
27ईसु अरो उनी रेन चेला कयसरिया फिलिपी पोरदेस रआ हेपेनात हातु रे तोराकुवा, होरा रे ईसु आचरेन चेला एते कुलिवेःकुवाय, “होर इञ के चिलिकाः मेताञ कनाकु?” 28#मर 6:14,15; लूका 9:7,8 उनकु गी जबाब एमाःदेयाकु, “जोहन बतिसमा एएम वनीः, मुदा ओकोय-ओकोय एलियाह अरो ओकोय-ओकोय परमेसर सोझ एते नधनी वनकु रे ते जहय मिहोर परमेसर सोझ एते नधनी वनीः हेकेय गाम कनाकु।”
29 #
जोह 6:68,69 ईसु उनकु के कुलिवेःकुवाय, “अपे इञ के चिलिकाः मेताञ कनापे?” पतरस उनी के जबाब एमाःदेयाय, “आम मसी#8:29 मसी नुवां रआ ओरोथ राजा होयुः कथिर परमेसर एते सोंपाव वनीः जे होर के बनचाव वनीः हेकेम।” 30तोब उनी उनकु के चेतोवन एम केते गामवाःकुवाय चि, “इञ रआ बबेत रे नुवां जहय के ओलोपे उदुःवाकुवा।”
ईसु अपन गोजुः अरो जुवेत बिरितोः रआ बबेत उदुः
(मती 16:21–23; लूका 9:22)
31तोब उनी उनकु के सिखाव हेलावेनाय चि मनवा रिई होपोन कथिर जरुरी हेनाःआं चि उनी बेचोट दुख उठावियाय, अरो मुध होर अरो मुध जाजककु, धरम पोथी सिखाविकु उनी के तुछ सोमझाव केते गोजेयाकु, अरो पेय सिंगी रआ तयोम जुवेत बिरितताय। 32उनी नुवां गानाम उनकु के निठा रुप ते गामवाःकुवाय। इनाते पतरस उनी के एटाः रे इदिकेते डपटाव हेलावेनाय। 33मुदा उनी नेल रुवाड़ केते आचरेन चेला सोझे नेल्लेताय अरो पतरस के डपटाव केते गामवादेयाय, “ए सयतान! इञ रआ हेनात एते संगिञ वोःमी; चिलिमेनचि आम परमेसर रआ गानाम रे बङा, मुदा होरकु रआ गानाम रे मोन लगाव कनाम।”
ईसु रआ तयोम सेसेन रआ ओरोथ
(मती 16:24–28; लूका 9:23–27)
34 #
मती 10:38; लूका 14:27 अरो उनी भीड़ के आचरेन चेला लोः आच ठिनुः होहोकेते उनकु के गामवाःकुवाय, “अगर जहय इञ रआ तयनोम हिजुः चहाःअय दो, अपन-अपन तिगी इनकार एपे, अरो गोजुः तक अपन दुख रुपी कुरुस उठाव केते इञ तयनोम कोःपे। 35#मती 10:39; लूका 17:33; जोह 12:25 चिलिमेनचि जहय अपन जीव बनचाव चहाःआय, उनी उना आततियाय, मुदा जहय इञ रआ अरो बुगिन खभेर कथिर अपन रआ जीव आततियाय, उनी उना बनचावियाय। 36जदि होर सुबिन दुनिया ता नाम कियाय, अरो अपन जीव गवांव इयाय दो उनी के चिलि फयदा होयुःआ? 37होर अपन जीव रआ बदला चिलिकाः एम्माय? 38जहय नेय परमेसर के काकु मनाव आर पापी होर रआ ताला एते इञ अरो इञ रआ सिखाव एते लजाःअकु, मनवा रिई होपोन हों, जोब उनी पबितर दूतकु रआ गाति रे आच रिई आपु रआ महिमा लोः हिजुःआय, तोब उनी हों उनी एते लजाव वोःओय।”
Currently Selected:
मरकुस 8: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
