रोमि 10
10
1ए बिसवासी बोयहा-मिसी, इञ रआ हिरदय रआ हिछा हेनाःआं अरो इञ परमेसर एते इसराइलिकु कथिर पराथनाय कनिञ चि उनकु रआ उद्धार होयुःका। 2चिलिमेनचि इञ गोवाही एमाकुकानिञ चि परमेसर कथिर उनकु रे उत्साह हेनाःआं। मुदा उना गेयान रआ मोताबिक बङा। 3चिलिमेनचि उनकु उना धरमिकता ता काकु सारीइ केना जे परमेसर एते नमुःकाना अरो उनकु अपन धरमिकता रआ एसथापित कराव रे लगाल तहीः कनाकु, इनाते उनकु परमेसर रआ धरमिकता रआ अधिन रे काकु होय्येना। 4चिलिमेनचि मसी ता मूसा रआ नियम पुराव एताय ताकि सुबिन होर जे बिसवास कनाकु, परमेसर कथिर धरमी ठहराः काकु।
उद्धार सुबिन कथिर
5 #
लेवी 18:5
मूसा ता नियम एते हेच वनाः धरमिकता रआ बबेत रे ओल एकाःआय चि “जे उनी रआ हुकूम पालन इयाकु, उनकु, उना एते गी जुवेत तहिनाकु।” 6#नियम 30:12–14 मुदा जे धरमिकता बिसवास एते हेनाःआं, उना रआ बबेत रे पबितर पोथी नुवां गाम कनाय, “अपे अपन मोन रे नुवां ओलोपे गाम्मा चि, सोवाराग ओकोय सिनुःआय?” मनेकि मसी के लतार अगु कथिर। 7चाहे “ओकोय अधोलोक रे अरगु नोःओय?” मनेकि मसी के गोच वनकु रे ते चेतान अगु कथिर। 8मुदा उना चिलिकाः गाम कनाय? “बचन अपे ठिनुः हेनाःआं, उना अपे रआ मोचा रे अरो अपे रआ हिरदय रे हेनाःआं।” नुवां बिसवास रआ उना बचन हेके जे अबुन परचार कनाबुन। 9चिलिमेनचि जदि अपे अपन मोचा एते गाम कनापे चि “ईसु गी परभु हेकेय”, अरो हिरदय एते बिसवास कनापे चि परमेसर ता उनी के गोच वनकु रे ते जुवेत एदेयाय, रेदो अपे के उद्धार नामुःआं। 10चिलिमेनचि हिरदय एते बिसवास कराव रे मनवां धरमी बयुः कनाकु अरो मोचा एते अंगीकार कराव रे उनकु के उद्धार नामुः काना। 11#जसा 28:16 चिलिमेनचि पबितर पोथी गाम कनाय, “जहय उनी रे बिसवास कनाकु, उनकु काकु लजाव वोःओ।” 12इनाते जहुदिकु अरो गइर-जहुदिकु रे जहन भेद बनुःआं, सुबिन रिई परभु मिहोर गियाय। उनी उनकु सुबिन कथिर मरंग हिरदय वनीः हेकेय, जे उनी रआ लुतूम अगुइ कनाकु, उनकु के भोरपुर एमाकुकानाय। 13#जोवे 2:32 चिलिमेनचि जे गी परभु रआ लुतूम अगुयाकु, उनकु उद्धार नाम्माकु।
14मुदा जदि होरकु के उनी पर रे बिसवास बनुःआं, रेदो उनकु उनी के चिलका एते गोहरावियाकु? जदि उनकु उनी रआ बबेत रे काकु ओनाव एकाःआ रेदो उनी पर रे चिलका एते बिसवासियाकु? जदि जहय काकु परचार एकाः रेदो उनकु उनी रआ बबेत रे चिलका ते ओनाव दड़िवाःआकु? 15#जसा 52:7 अरो जदि उनकु के जहय काकु कुलकु रेदो उनकु चिलका एते परचार दड़िवाःआकु? पबितर पोथी रे ओल्लेकाना, “बुगिन खभेर उदुः इकु रआ बका बेचोट सुन्दर मेनाःआं!” 16#जसा 53:1 मुदा सुबिन होर बुगिन खभेर ता काकु गरहन लाःआ। चिलिमेनचि जसायाह आगमजानी गाम कनाय, “ए परभु, आले रआ खभेर ता ओकोय बिसवास एताय?” 17इनाते बिसवास ओनाव रे अरो ओनाव मसी रआ बचन एते होयुःकाना।
18 #
सिरिञ 19:4
मुदा इञ गाम कनिञ, “चिलि उनकु काकु ओनाव?” हें, उनकु ता ओनाव एकाःआकु,
चिलिमेनचि उनकु रआ राव पुरा दुनिया रे फयलावेना
अरो उनकु रआ बचन दुनिया रआ अखरी सीमा तक तेबाः एना।
19 #
नियम 32:21
इञ कुलि पेकानिञ, “चिलि इसराइली उना खभेर ता काकु सोमझाव?”
“पहिल मूसा गाम कनाय, इञ उनकु एते जे जहुदिकु बङ, अपे जहुदिकु रे इरसा उपनेजिञ
इञ मुर्खाहा जाइतकु एते अपे के खिंस एम इरीपिञ।”
20 #
जसा 65:1
अरो बेचोट डिढ़ केते जसायाह गाम कनाय,
“इञ के उनकु ता नामएदेञाकु जे इञ के काकु दंड़ाञ केना।
इञ उनकु कथिर दिसतारिनिञ जे इञ के काकु कुलिञ केना।”
21 #
जसा 65:2
मुदा परमेसर ता इसराइलिकु रआ बबेत रे गाम एकाःआय,
“इञ दिन भोइर हुकूम का मनाः वनकु अरो अपन बिरोधी होरकु रआ लहा ती पसराव दोहोइतिञ।”
Currently Selected:
रोमि 10: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
